jharkhand

  • ନିଜକୁ ବଞ୍ଚାଇବାକୁ ସୋରେନଙ୍କ ରକ୍ଷାତ୍ମକ ପଦକ୍ଷେପ

    ରାଞ୍ଚି: ଝାରଖଣ୍ଡରେ ରାଜନୈତିକ ସଂକଟ ମଧ୍ୟରେ ମୁଖ୍ୟମନ୍ତ୍ରୀ ହେମନ୍ତ ସୋରେନ ନିଜ ବିଧାୟକଙ୍କୁ ନେଇ ଛତିଶଗଡ ସ୍ଥାନାନ୍ତର କରୁଛନ୍ତି। ମୁଖ୍ୟମନ୍ତ୍ରୀ ବିଧାୟକମାନଙ୍କୁ ବୈଠକ ପାଇଁ ଡାକି ସେଠାରୁ ବସରେ ଛତିଶଗଡ ପଠାଉଥିବା ଅନୁମାନ କରାଯାଉଛି।

    ଏହାରି ଭିତରେ ସୋରେନ ନିଜ ବିଧାୟକମାନଙ୍କୁ ନେଇ ତିନୋଟି ବୈଠକ ଡକାଇ ସାରିଲେଣି। ଆଜି ବୈଠକ ପରେ ସମସ୍ତ ବିଧାୟକଙ୍କୁ ଦୁଇଟି ବସରେ ଭରି କେଉଁ ଏକ ସୁରକ୍ଷିତ ସ୍ଥାନକୁ ପଠାଉଥିବା ଦେଖିବାକୁ ମିଳିଛି। ତେବେ ଛତିଗଡ ପଠାଯାଉଛି ବା ଏମିତି କୌଣସି ରାଜ୍ୟକୁ ପଠା ଯାଉଛି ଯେଉଁଠି ଏନଡିଏ ସରକାର ନୁହେଁ ୟୁପିଏ ଶାସନାଧୀନ ଥିବ।

     ବିଜେପିର ମିଶନ ଲୋଟସରେ ଭୟଭୀତ ଝାରଖଣ୍ଡ ମୁଖ୍ୟମନ୍ତ୍ରୀ। ଦିଲ୍ଲୀରେ ବିଧାୟକଙ୍କ ନିଖୋଜ ପରେ ସତର୍କ ରହିଛନ୍ତି ସୋରେନ। ନିଜ ବିଧାୟକଙ୍କ ଅପହରଣ ଭୟରେ ନିଜ ନାହଁ ସୋରେନଙ୍କୁ। ଗୋଟିଏ ପଟେ ଖଣି ଓ ମନି ଲଣ୍ଡରିଂ ମାମଲାରେ ବିଜେପି ତାଙ୍କୁ ଛନ୍ଦିବାକୁ ଆପ୍ରାଣ ଚେଷ୍ଟା କରୁଛି। ଅନ୍ୟପଟେ ବିଜେପିର ମିଶନ ଲୋଟସ।

    ମନିଲଣ୍ଡରିଂ ଓ ଖଣି ଘୋଟାଲାରେ ଝାରଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ଫସିଛନ୍ତି। ତାଙ୍କୁ ଅଯୋଗ୍ୟ ଘୋଷିତ କରିବାକୁ ନିର୍ବାଚନ କମିଶନର ରାଜ୍ୟପାଳଙ୍କୁ ଅନୁରୋଧ କରିଛନ୍ତି। ତେଣୁ ନିଜ ବିଧାୟକଙ୍କୁ ବିଜେପି ନଜରରୁ ରକ୍ଷା କରିବାକୁ ସୋରେନ ଚଳାଇଛନ୍ତି ଆପ୍ରାଣ ଉଦ୍ୟମ। କାରଣ ଯଦି ବିରୋଧୀ ଫ୍ଲୋର ଟେଷ୍ଟ ସ୍ଥିତି କରନ୍ତି ତେବେ ନିଜ ବିଧାୟକ ନିଜ ଅକ୍ତିଆରରେ ଥିଲେ ହୁଏତ ସେ ବଞ୍ଚାଇପାରିବେ ନିଜ ସରକାର।

    ପୂର୍ବରୁ କର୍ଣ୍ଣାଟକରୁ ଆରମ୍ଭ କରି ମଧ୍ୟପ୍ରଦେଶ, ମହାରାଷ୍ଟ୍ର, ଗୋଆ ଆଦି ରାଜ୍ୟରେ ସମାନ ଉପାୟରେ ବିଜେପି ସରକାରୀ ଦଳର ବିଧାୟକଙ୍କୁ ନିଜ ଅକ୍ତିଆରକୁ ନେଇ ସେମାନଙ୍କୁ ଟଙ୍କା ଓ ପଦବୀର ପ୍ରଲୋଭନ ଦେଖାଇ ହେଉ ବା ଦୁର୍ନୀତିର ଭୟ ଦେଖାଇ ସରକାର ବିରୋଧରେ ଠିଆହେବାକୁ ବାଧ୍ୟ କରିଛି। ବିଜେପିର ଏହି ଯୋଡ ତୋଡ ନୀତି ସହ ପରିଚିତ ସୋରେନ ବେଳ ଥାଉ ଥାଉ ନିଜ ସୁରକ୍ଷା ପାଇଁ ନେଇଛନ୍ତି ଆଗୁଆ ପଦକ୍ଷେପ।

    ଏହାକୁ ନେଇ ସୋରେନ ଏକ ଟ୍ବିଟ କରି କହିଛନ୍ତି, ଆମେ ଆଦିବାସୀ ଲୋକ। ଆମ ପୂର୍ବଜ ବହୁ ପୂର୍ବରୁ ଆମ ମନରୁ ଡର ଭୟ ଦୂର କରିଦେଇଥିଲେ।  ଆମ ଆଦିବାସୀଙ୍କ ଡିଏନଏରେ ଡର ଭୟ ପାଇଁ କୌଣସି ଜାଗା ନାହିଁ। ସେ ଆହୁରି କହିଛନ୍ତି, ଲୋକତାନ୍ତ୍ରିକ ଉପାୟରେ ନିର୍ବାଚିତ ହୋଇଥିବା ସରକାରକୁ ଅସ୍ଥିର କରିବାକୁ ସୈତାନ ଶକ୍ତି ଚେଷ୍ଟା କରୁଛି। କିନ୍ତୁ ସେ ନିଜ ଶେଷ ବୁନ୍ଦା ରକ୍ତ ପର୍ଯ୍ୟନ୍ତ ଲଢେଇ ଜାରି ରଖିବେ।  

    କଂଗ୍ରେସ ମଧ୍ୟ ହର୍ସ ଟ୍ରେଡିଂରୁ ନିଜକୁ ରକ୍ଷା କରିବାକୁ ତିନି ଜଣ ବିଧାୟକଙ୍କୁ ନିଲମ୍ବିତ କରିଦେଇଥିଲା।  ଏହି ବିଧାୟକମାନଙ୍କୁ ସେପ୍ଟେମ୍ବର ୧ ମଧ୍ୟରେ ରିପୋର୍ଟ ଦେବାକୁ କୁହାଯାଇଛି। ଯଦି ଏମାନେ ଫ୍ଲୋର ଟେଷ୍ଟ ଗଠବନ୍ଧନ ସପକ୍ଷରେ ଭୋଟ ନ ଦିଅନ୍ତି ତ ସେମାନଙ୍କ ବିଧାୟକ ପଦ ରଦ୍ଦ କରାଯିବ। ଆଜି ସଂଧ୍ୟାରେ ମଧ୍ୟ କଂଗ୍ରେସ ନିଜ ବିଧାୟକମାନଙ୍କୁ ନେଇ ବୈଠକ ଡକାଇଛି।

  • ପ୍ରେମ ପ୍ରତ୍ୟାକ୍ଷାନରେ ଯୁବକଙ୍କ ଉନ୍ମତ୍ତକାଣ୍ଡ

    ରାଞ୍ଚି: ଏକତରଫା ପ୍ରେମର କରୁଣ ପରିଣତି। ଯୁବତୀଙ୍କ ପ୍ରେମ ପ୍ରତ୍ୟାକ୍ଷାନରେ ପ୍ରତିଶୋଧପରାୟଣ ଯୁବକ ଭିଆଇଛି ବର୍ବରକାଣ୍ଡ। ଯୁବତୀଙ୍କ ଦେହରେ ପେଟ୍ରୋଲ ପକାଇ ନିଆଁ ଲଗାଇଦେଇଛି ଉନ୍ମତ୍ତ ପ୍ରେମିକ। ନିଆଁରେ ପୋଡ଼ି ହୋଇ ପୀଡ଼ିତା ସଂକଟାପନ୍ନ ସ୍ଥିତିରେ ହସ୍ପିଟାଲରେ ମରଣ ସହ ଯୁଝୁଛି । ଝାଡ଼ଖଣ୍ଡର ଡୁମକାରେ ଥିବା ଜରଓ୍ୱାଡିହି ମହଲ୍ଲାରେ ଏଭଳି ଅଘଟଣ ଘଟିଛି।

    ଘର ଝରକା ପାଖରେ ଯୁବତୀ ଜଣକ ଶୋଇଥିଲା ବେଳେ ପେଟ୍ରୋଲ ପକାଇ ନିଆଁ ଲଗାଇଦେଇଛି ଉନ୍ମତ୍ତ ଯୁବକ ଶାହାରୁଖ। ନିଆଁରେ ଛଟପଟ ପୀଡ଼ିତାର ଚିତ୍କାର ଶୁଣି ପରିବାର ଲୋକଙ୍କ ନିଦ ଭାଙ୍ଗିଥିଲା। ତୁରନ୍ତ ସେମାନେ ଫୁଲୋ ଝାନୋ ମେଡିକାଲ କଲେଜ ହସ୍ପିଟାଲକୁ ନେଇଥିଲେ। ପ୍ରାଥମିକ ଚିକିତ୍ସା ପରେ ସ୍ୱାସ୍ଥ୍ୟବସ୍ଥା ଗମ୍ଭୀର ହେବାରୁ ଉନ୍ନତମାନର ଚିକିତ୍ସା ଲାଗି ରେଫର କରିଦିଆଯାଇଛି। ତେବେ ଅଭିଯୁକ୍ତ ଶାହାରୁଖକୁ ପୁଲିସ ତୁରନ୍ତ ଗିରଫ କରିଛି।

    ଘଟଣାରୁ ଜଣାପଡ଼ିଛି କି, ଝିଅଟିକୁ ଏକତରଫା ଭଲ ପାଉଥିଲା ଶାହାରୁଖ। ଯୁବତୀ ଜଣକ କିନ୍ତୁ ତା ସହ କଥାବାର୍ତ୍ତା କରିବାକୁ ପସନ୍ଦ କରୁନଥିଲା। ଏହା ପରେ ରାସ୍ତାଘାଟରେ ଯୁବତୀ ଜଣକୁ ହଇରାଣ ହରକତ କରିବାକୁ ଲାଗିଥିଲା ଅଭିଯୁକ୍ତ ଶାହାରୁଖ। ଫୋନ୍ କରି ବି ତା ସହ ଫ୍ରେଣ୍ଡସିପ୍ କରିବାକୁ ଚାପ ପକାଉଥିଲା। କିନ୍ତୁ ଏଥିରେ ରାଜି ହୋଇନଥିଲେ ଯୁବତୀ ଜଣକ। ମଙ୍ଗଳବାର ଯୁବତୀ ଜଣକ ରାତିରେ ଘର ଝରକା ପାଖରେ ଶୋଇଥିଲା। ସକାଳୁ ଅଭିଯୁକ୍ତ ଶାହାରୁଖ ଝରକା ଦେଇ ଯୁବତୀ ଉପରକୁ ପେଟ୍ରୋଲ ଛାଟି ନିଆଁ ଲଗାଇଦେଇଥିଲା। ନିଆଁ ଲଗାଇବା ପରେ ଫେରାର୍ ହୋଇଯାଇଥିଲା।

    ପୁଲିସର କହିବା କଥା, ଏହା ଏକତରଫା ପ୍ରେମ ଥିଲା। ଯୁବତୀ ଜଣକ ଶାହାରୁଖ କଥାରେ ରାଜି ନ ହେବାରୁ ଏଭଳି ଉନ୍ମତ୍ତକାଣ୍ଡ ଭିଆଇଛି। ଜାଳି ଜୀବନରେ ମାରିଦେବାକୁ ପଣ କରିଥିଲା ଯୁବକ ଜଣକ। ଅଭିଯୁକ୍ତକୁ ଗିରଫ କରାଯାଇଛି। ଆଗକୁ ବି ଆବଶ୍ୟକୀୟ ଆକ୍ସନ ନିଆଯିବ ବୋଲି ପୁଲିସ ପକ୍ଷରୁ ସୂଚନା ରହିଛି।

    ପ୍ରେମଲତା ବାରିକ ଓ ପ୍ରଦୀପ ନାୟକଙ୍କ ରିପୋର୍ଟ

  • ଝାଡଖଣ୍ଡକୁ ମିଳିଲା 16,800 କୋଟିର ଉପହାର

    ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଝାରଖଣ୍ଡର ଦେଓଗର ଗସ୍ତରେ ଯାଇ 16,800 କୋଟି ଟଙ୍କାରୁ ଅଧିକ ମୂଲ୍ୟର ବିକାଶମୂଳକ ପ୍ରକଳ୍ପ ଉନ୍ମୋଚନ କରିବାସହ ଦେଓଗର ବିମାନବନ୍ଦରର ଉଦଘାଟନ କରିଛନ୍ତି । ଏହାପୂର୍ବରୁ ମେ 25, 2018 ରେ ପ୍ରଧାନମନ୍ତ୍ରୀ ମୋଦୀ ବିମାନବନ୍ଦରର ମୂଳଦୁଆ ପକାଇଥିଲେ। ଦେଓଗର ବିମାନବନ୍ଦର ହେଉଛି ଝାରଖଣ୍ଡର ଦ୍ୱିତୀୟ ଅନ୍ତର୍ଜାତୀୟ ବିମାନବନ୍ଦର | ଏହା ଝାରଖଣ୍ଡର ରାଜଧାନୀ ରାଞ୍ଚି ପରେ ଏହା ଦ୍ୱିତୀୟ ବିମାନବନ୍ଦର ପାଲଟିଛି।

    ଏହି ଅବସରରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି, ‘ମୁଁ 4 ବର୍ଷ ପୂର୍ବେ ଦେଓଗର ବିମାନବନ୍ଦରର ଭିତ୍ତି ପ୍ରସ୍ତର ସ୍ଥାପନ କରିବାର ସୁଯୋଗ ପାଇଲି। କରୋନାର ଅସୁବିଧା ସତ୍ୱେ ଏହା ଉପରେ କାର୍ଯ୍ୟ ଶୀଘ୍ର କରାଯାଇଥିଲା ଏବଂ ଆଜି ଝାରଖଣ୍ଡ ଆଉ ଏକ ବିମାନବନ୍ଦର ମିଳୁଛି | ପ୍ରତିବର୍ଷ ପ୍ରାୟ 5 ଲକ୍ଷ ଯାତ୍ରୀ ଦେଓଗର ବିମାନ ବନ୍ଦରରୁ ଯାଇପାରିବେ। ଏକ ରିପୋର୍ଟ ଅନୁଯାୟୀ, 2014 ପୂର୍ବରୁ ଭାରତରେ କେବଳ 74 ବିମାନବନ୍ଦର ଥିଲା ବୋଲି କୁହାଯାଉଛି। ଏଥି ସହିତ, ବିଜେପିର ସରକାର ପରେ ଏପ୍ରିଲ 2022 ସୁଦ୍ଧା ଭାରତରେ ବିମାନବନ୍ଦର ସଂଖ୍ୟା 140 କୁ ବୃଦ୍ଧି ପାଇଛି।

    • ଅଭିଷେକ ପୁରୋହିତଙ୍କ ରିପୋର୍ଟ
  • ଇଡି କବଜାରେ ଝାରଖଣ୍ଡ ମୁଖ୍ୟମନ୍ତ୍ରୀଙ୍କ ସହଯୋଗୀ

    ଇଡି କବଜାରେ ଝାରଖଣ୍ଡ ମୁଖ୍ୟମନ୍ତ୍ରୀଙ୍କ ସହଯୋଗୀ ପଙ୍କଜ ମିଶ୍ର। ମନି ଲଣ୍ଡରିଂ ମାମଲାରେ ଇିଡି ପକ୍ଷରୁ ପଙ୍କଜଙ୍କ ଘରେ ଚଢାଉ କରାଯାଇଥିଲା। ଝାରଖଣ୍ଡର ସାହିବଗଞ୍ଜ ଜିଲ୍ଲା ଏବଂ ବରହେଟ, ରାଜମହଲ ସହରର ପାଖାପାଖି ୧୮ଟି ସ୍ଥାନରେ ଏହି ଚଢାଉ ହୋଇଥିଲା। ପଙ୍କଜ ମିଶ୍ରଙ୍କ ବ୍ୟତୀତ ତାଙ୍କର ସମ୍ପର୍କୀୟ ମିର୍ଜାଚୋକି ସ୍ଥିତ ବ୍ୟବସାୟୀ ରାଜୁ, ପାତ୍ରୃ ସିଂ ଏବଂ ଟ୍ୱୁଙ୍କିଲ ଭାଗବତଙ୍କ ଘରେ ମଧ୍ୟ ଉଡି ପକ୍ଷରୁ ଚଢାଉ କରାଯାଇଛି। ବିଜେପି ଦ୍ୱାରା ବାରମ୍ୱାର ଅଭିଯୋଗ ହୋଇଥିଲା ଯେ, ପଙ୍କଜ ମିଶ୍ର ସନ୍ଥାଲରେ ପଥର ଖଣିର ସମସ୍ତ ବ୍ୟବସାୟ ପରିଚାଳନା କରୁଛନ୍ତି। ଏହା ବ୍ୟତୀତ ଇଡି ବାରହାରାଠାରେ କୃଷ୍ଣ ସାହାଙ୍କ ସମେତ ତିନିଜଣ ପଥର ବ୍ୟବସାୟୀଙ୍କ ଘରେ ଚଢାଉ କରିଛି।  ଚଢାଉ ବେଳେ ଅଧିକାରୀମାନେ ନଗଦ 5 କୋଟି ଟଙ୍କା ଜବତ କରିଥିବା ଜଣାପଡିଛି। ଅନ୍ୟପଟେ ଇଡି ପକ୍ଷରୁ ଅଧିକ ତଦନ୍ତ ଜାରି ରହିଛି।

    ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ

  • ଥମୁନାହିଁ ନୁପୁର ଭୂକମ୍ପ…ଝାରଖଣ୍ଡ ରେ କାଲି ହିଂସା ଆଜି 144 ଧାରା l

    ଥମୁନାହିଁ ନୁପୁର ଭୂକମ୍ପ । ଝାରଖଣ୍ଡ ରେ କାଲି ହିଂସା ଆଜି 144 ଧାରା l ନିଲମ୍ବିତ ବିଜେପି ନେତା ନୁପୁର ଶର୍ମାଙ୍କ ଇସଲାମ ଧର୍ମ ବିରୋଧ ରେ ଦେଇଥିବା ବିବାଦୀୟ ମନ୍ତବ୍ୟକୁ ନେଇ ରାଞ୍ଚିରେ ହିଂସାତ୍ମକ ରୂପ ନେଇଛି। କାଲି ଯାନବାହନ ଅଚଳ କରି ଭଙ୍ଗାରୁଜା କରାଯାଇଥିବାବେଳେ ପଥର ଫିଙ୍ଗିବା ଘଟଣା ଘଟିଥିଲା। ଆଜି ରାଞ୍ଚିର 12 ଟି ଅଞ୍ଚଳରେ 144 ଧାରା ଲଗାଇବା ସହିତ ସୁରକ୍ଷା ବାହିନୀ ନିୟୋଜିତ ହୋଇଛନ୍ତି l ଗତକାଲିର ବିରୋଧ ଏବଂ ହିଂସାରେ ପ୍ରଭାବିତ ହୋଇଥିବା ମନ୍ଦିର ଏବଂ ନିକଟସ୍ଥ ଅଞ୍ଚଳରେ ଆସନ୍ତାକାଲି ସକାଳ ପର୍ଯ୍ୟନ୍ତ ଜିଲ୍ଲା ପ୍ରଶାସନ ଇଣ୍ଟରନେଟ ସେବାକୁ ମଧ୍ୟ ସ୍ଥଗିତ ରଖିଛି l

    କେବଳ ଝାରଖଣ୍ଡ ନୁହଁ ଦେଶର ଅନ୍ୟ ସ୍ଥାନରେ ମଧ୍ୟ ଦେଖିବାକୁ ମିଳିଛି ଅସନ୍ତୋଷ l ଅଜାନ ପାଠ ପରେ ଦିଲ୍ଲୀର ଜାମା ମସଜିଦରେ ବିରୋଧ ପ୍ରଦର୍ଶନ କରିଥିଲେ ଲୋକ l ବିରୋଧ ପାଇଁ ମସଜିଦ୍ ପକ୍ଷରୁ କୌଣସି ଆହ୍ୱାନ ଦିଆଯାଇନାହିଁ ଏବଂ ଗତକାଲି ଯେତେବେଳେ ଲୋକମାନେ ବିରୋଧ କରିବାକୁ ଯୋଜନା କରୁଥିଲେ ଆମେ ସ୍ପଷ୍ଟ ଭାବରେ ସେମାନଙ୍କୁ ମନାକରିଥିଲୁ ବୋଲି ଜାମା ମସଜିଦର ଶାହୀ ଇମାମ କହିଛନ୍ତି। ବର୍ତ୍ତମାନ ପରିସ୍ଥିତି ନିୟନ୍ତ୍ରଣରେ ଅଛି ଏବଂ ସେଠାରୁ ଲୋକଙ୍କୁ ହଟାଇ ଦିଆଯାଇଛି ବୋଲି ଦିଲ୍ଲୀ ପୋଲିସ ପକ୍ଷରୁ ସୂଚନା ଦିଆଯାଇଥିଲା

    • ଅଭିଷେକ ପୁରୋହିତଙ୍କ ରିପୋର୍ଟ
Back to top button