JOB

  • ଶୋଇବାର ଦକ୍ଷତା ଦେଖି ମିଳିବ ଚାକିରି

    ଆପଣ ଶୋଇବାକୁ ଭଲପାଆନ୍ତି କି ? ଆସିଛି ଏହି ଏକ ଭଲ ଖବର l ଶୋଇବାକୁ କିଏ ବା ଭଲ ନ ପାଏ । ଅଧିକାଂଶ ସମୟ ଶୋଇକରି ବିତାଇବାକୁ ଚାହୁଁଥିବା ଲୋକଙ୍କ ଲାଗି ଏହି ଖବର । ଆମେରିକାର ଏକ ମାଟ୍ରେସ୍‌ କଂପାନି ସେଭଳି ଲୋକଙ୍କୁ ଚାକିରି ଦେବାକୁ ଘୋଷଣା କରିଛି । ସେଥିପାଇଁ ଆବେଦନ କରିବାର ଅନ୍ତିମ ତାରିଖ ଥିଲା ଅଗଷ୍ଟ ୧୧ । ନ୍ୟୁୟର୍କଭିତ୍ତିକ କଂପାନି କାସ୍‌ପର ଏଭଳି ଲୋକଙ୍କୁ ନିଯୁକ୍ତି ଦେବାକୁ ଚାହୁଁଛି ଯେଉଁମାନଙ୍କ ନିକଟରେ ଯେକୌଣସି ପରିସ୍ଥିତିରେ ବି ଶୋଇବାର ଦକ୍ଷତା ଥିବ। କାସ୍‌ପରର ଷ୍ଟୋର ଏବଂ ସାରା ବିଶ୍ୱର ଯେକୌଣସି ବିଚିତ୍ର ସ୍ଥାନରେ ସେମାନେ ବିନା ବାଧାରେ ଶୋଇପାରୁଥିବେ।

    ଏହା ପୂର୍ବରୁ କାନାଡାର ଏକ କ୍ୟାଣ୍ଡି କଂପାନି ସମାନ ପ୍ରକାରର ଅଫର୍‌ ଘୋଷଣା କରିଥିଲା । କଂପାନି ତା’ର କ୍ୟାଣ୍ଡି ଚାଖିବାକୁ ଜଣେ ଚିଫ୍‌ କ୍ୟାଣ୍ଡି ଅଫିସର ଖୋଜୁଥିବାବେଳେ ସେଥିଲାଗି ଆବେଦନ କରିବାର ଅନ୍ତିମ ତାରିଖ ଅଗଷ୍ଟ ୩୧ ରହିଛି । କାସ୍‌ପରର ଷ୍ଟୋର ଏବଂ ସାରା ବିଶ୍ୱର ଯେକୌଣସି ବିଚିତ୍ର ସ୍ଥାନରେ ସେମାନେ ବିନା ବାଧାରେ ଶୋଇପାରୁଥିବେ । ଶୋଉନଥିବା ସମୟରେ ସଂପୃକ୍ତ ବ୍ୟକ୍ତିଙ୍କୁ ନିଜର ଅନୁଭୂତି ସଂପର୍କରେ ଟିକଟକ୍‌ ଷ୍ଟାଇଲରେ କଣ୍ଟେଣ୍ଟ ପ୍ରସ୍ତୁତ କରି କାସ୍‌ପର ସୋସିଆଲ ମିଡିଆ ଚ୍ୟାନେଲରେ ସେୟାର କରିବାକୁ ହେବ। ସେମାନେ କର୍ମସ୍ଥଳରେ ପାଇଜାମା ପିନ୍ଧିପାରିବେ । ଦରମା ବ୍ୟତୀତ ସେମାନଙ୍କୁ ମାଗଣାରେ କଂପାନିର ଉତ୍ପାଦ ମିଳିବ । ସେମାନେ ଚାହିଁଲେ ଏହାକୁ ପାର୍ଟ ଟାଇମ୍‌ ଭାବେ ମଧ୍ୟ କରିପାରିବେ । ଏଥିପାଇଁ ଇଚ୍ଛୁକ ବ୍ୟକ୍ତି ନିଜର ଆବେଦନ ସହିତ ଟିକଟକ୍‌ରେ ଶୋଇବାର ଦକ୍ଷତାକୁ ଦେଖାଇପାରିବେ।

    ଅଭିଷେକ ପୁରୋହିତଙ୍କ ରିପୋର୍ଟ

  • ମା’ ପୁଅ ହେବେ ଅଫିସର…ଏକାସାଙ୍ଗରେ ପାସ କଲେ ପବ୍ଲିକ ସର୍ଭିସ୍ କମିଶନ ପରୀକ୍ଷା

    ମା ପୁଅ ଏକାସାଙ୍ଗରେ ଅଫିସର। ଏକକାଳୀନ ପାସ କଲେ ପବ୍ଲିକ ସର୍ଭିସ୍ କମିଶନ ପରୀକ୍ଷା । କଥାଟା ଶୁଣିଲେ ଆଶ୍ଚର୍ଯ୍ୟ ଲାଗୁଛି ନାଁ। ହଁ ଆମେ କହୁଛୁ କେରଳ ମଲ୍ଲପୁରମର ଜଣେ ୪୨ ବର୍ଷୀୟା ମହିଳା ବିନ୍ଦୁ ଏବଂ ୨୪ ବର୍ଷିୟ ତାଙ୍କ ପୁଅ ବିବେକଙ୍କ କଥା। ଏହି ମାଆ ପୁଅ ଦୁଇ ଜଣ ଏକା ସାଙ୍ଗରେ ରାଜ୍ୟ ଲୋକସେବା ଆୟୋଗ ପରୀକ୍ଷାରେ ସଫଳତା ପାଇଛନ୍ତି। ଏହି ମାଆ ପୁଅ ଏବେ ସବୁଠି ଚର୍ଚ୍ଚାର ବିଷୟ ପାଲଟିଛନ୍ତି। ଦୁହେଁ ଏକା ସାଙ୍ଗରେ କୋଚିଂ ନେଉଥିବା ବେଳେ ଶିକ୍ଷକଙ୍କଠାରୁ ସମସ୍ତ ପ୍ରକାର ସହଯୋଗ ସାଙ୍ଗକୁ ପ୍ରେରଣା ଯୋଗଇଛି ବୋଲି କହିଛନ୍ତି ବିବେକ ।

    କୁହାଯାଏ ଇଛା ଶକ୍ତି ହିଁ ସଫଳତାର ଚାବିକାଠି। ଆଉ ଏହା ସାଙ୍ଗକୁ ଗୁରୁଜନ ଲୋକଙ୍କ ଆର୍ଶୀବାଦ ସହ ପରିବାରଲୋକଙ୍କ ସହଯୋଗ ସମ୍ପୂର୍ଣ୍ଣ ରୂପେ ଦରକାର ହୋଇଥାଏ। ଆଜିର ଦୁନିଆରେ ବାପାମାଆଙ୍କ ସହ ପୁଅ ଝିଅ ସାଙ୍ଗ ହୋଇ ଚଳୁଛନ୍ତି। ସୁଖ ଦୁଃଖ ବାଣ୍ଟିବା ସହ ସମସ୍ତ ସୁବିଧା ଅସୁବିଧା ଜଣାଇଥାନ୍ତି ପୁଅଝିଅ। କେରଳର ଏହି ମାଆପୁଅ ଦୁଇ ଜଣ ଏକାଠି ପାଠ ପଢି କୋଚିଂ ନେଉଥିବା ବେଳେ କେବେ ଭାବିନଥିଲେ ପରୀକ୍ଷାରେ କୃତକାର୍ଯ୍ୟ ହେବେ। ବିବେକ ଯେତେବେଳେ ଦଶମରେ ପଢୁଥିଲେ ସେତେବେଳେ ସେ ତାଙ୍କ ମାଆଙ୍କୁ ଲୋକସେବା ଆୟୋଗ ପରୀକ୍ଷା ଦେବାକୁ କହୁଥିଲେ।

    ହେଲେ ବିନ୍ଦୁ ଅଙ୍ଗନବାଡିରେ କାମ କରୁଥିବା ବେଳେ ନିଜ ପାଠପଢା ପାଇଁ ଖୁବ କମ ସମୟ ପାଉଥିଲେ ପଢିବାକୁ। ସେପଟେ ପୁଅଠାରୁ ପ୍ରେରଣା ପାଇଁ ବିନ୍ଦୁ ନିଜକୁ ସମ୍ପୂର୍ଣ୍ଣ ଭାବେ ପ୍ରସ୍ତୁତି ଆରମ୍ଭ କରିଦେଇଥିଲେ। ଏହି ପରୀକ୍ଷା ପାଇଁ ମାଆ, ପୁଅ କୋଚିଂ ଯିବାକୁ ଆରମ୍ଭ କରିଦେଇଥିଲେ। ସେହିପରି ବିନ୍ଦୁଙ୍କର ୯୨ ରାଙ୍କ ରହିଥିବା ବେଳେ ପୁଅର ରାଙ୍କ ୩୮ ରହିଥିବା ଜଣାପଡିଛି।

    • ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ
  • ଇଂଜିନିୟର କରୁଛନ୍ତି ଜୋତା ସିଲେଇ…

    ପେଟ ପୋଷ ନାହିଁ ଦୋଷ । ଯେତେବେଳେ ଜଣଙ୍କ ପେଟ ପୋଡିଯାଉଥିବା ସେତେବେଳେ ସେ କିଛି ଦେଖେନାହିଁ । ମାନ ସମ୍ମାନ ଇଜ୍ଜତ କିଛି ମାନେ ରଖେନା । କାରଣ ପେଟ ପାଇଁ ନାଟ । ପେଟ ଚାଖଣ୍ଡେ ପାଇଁ ଛୋଟ ରୁ ବଡ ସମସ୍ତେ କାମ କରୁଛନ୍ତି ତଫାତ କେବେଳ ଏତିକି କିଏ କମ ଦରମା ପାଉଛି ତ ଆଉ କିଏ ଅଧିକ । କିନ୍ତୁ ଖଟୁଛନ୍ତି ସମସ୍ତେ ।ଉଦ୍ଦେଶ୍ୟ ଗୋଟିଏ ରୋଜଗାର କରିବା । କେନ୍ଦ୍ର ସରକାର କହିଥିଲେ ବର୍ଷକୁ ୨ କୋଟି ଚାକିରି ଦିଆଯିବ । ପ୍ରଥମ ପାଞ୍ଚ ବର୍ଷ ଶାସନ ଭାର ପୁର୍ଣ କରିବା ପରେ ଦିତ୍ବୟ ପାଳିତ ତୃତୀୟ ବର୍ଷ ରେ ପହଞ୍ଚିଲାଣି । ନିଯୁକ୍ତି କେତେ ପାଇଛନ୍ତି ଏ ନେଇ କୌଣସି ସଠିକ ତଥ୍ୟ ପ୍ରଦାନ କରାଯାଇନାହିଁ । ଶିକ୍ଷାଗତ ଯୋଗ୍ୟତା ଗ୍ରାଜୁଏଟ ଇଂଜିନିୟର କିନ୍ତୁ ପେଟ ପାଟଣା ପାଇଁ ଜୋତା ସିଲେଇ କରୁଛନ୍ତି ।

    ବଞ୍ଚିବା ପାଇଁ ଇଜନିୟର ଙ୍କ ପାଖରେ ଜୋତା ସିଲେଇ ଛଡା କୌଣସି ବିକଳ୍ପ ନଥିଲା । ତାମିଲନାଡୁର ଶିବଗାଙ୍ଗ ଜିଲ୍ଲାର ଇଂଜିନିୟର କାର୍ତ୍ତିକ । ସିଭିଲ ଇଂଜିନିୟର ପାଠ ସରିବା ପରେ ତାଙ୍କୁ ଚାକିର ଅଫର ମିଳିଲା । ଯାହା ଅପର ଆସିଲା ତାହା ଅପେକ୍ଷା ଚାକିରି ନକରି ଜୋତା ସିଲେଇ କୁ ଅଧିକ ପସନ୍ଦ କଲେ କାର୍ତ୍ତିକ । ମାସକୁ ୪ ରୁ ୫ ହଜାର ଟଙ୍କା ଜଣେ ଗ୍ରାଜୁଏଟ ଇଂଜିନିୟର ଦରମା ପାଇବ ତାହା ଅପେକ୍ଷା ବେକାର ରହିବା ଭଲ । ସାମ୍ପ୍ରତିକ ପରିସ୍ଥିତି ରେ ବଜାର ଦରଦାମ ଯାହା ୪ ରୁ ୫ ହଜାର ଟଙ୍କାରେ ଚଳିବା ଅସମ୍ଭବ ଗୋଟିଏ ପ୍ରକାର । ଶେଷରେ ତାଙ୍କ ବାପାଙ୍କର ଜୋତା ସିଲେଇ ଦୋକାନ ଥିଲା । ଏହି ଦୋକାନରେ ସେ କାର୍ଯ୍ୟ ଆରମ୍ଭ କରିଥିଲେ । ସେ କହିଛନ୍ତି ସରକାର ଯଦି ତାଙ୍କୁ ଚାକିର ପ୍ରାଦନ କରନ୍ତି ତେବେ ତାଙ୍କ ପାଇଁ ଏହା ବଡ ସାହାର୍ଯ୍ୟ ହେବ ।

    ସୋସିଆଲ ମିଡିଆରେ ଏହି ନିଜ୍ୟୁସେୟାର ହେବା ପରେ ବିଭିନ୍ନ ମତ ପ୍ରକାଶ ପାଇଲା ।ଆମ ଦେଶରେ ଜଣେ ଇଂଜିନିୟର ଙ୍କ ଦରମା ଜଣେ ମୁଲିଆ ଠାରୁ ମଧ୍ୟ୍ୟ ୫ ଗୁଣା କମ୍ । ଜଣେ ଶ୍ରମିକ ର ସର୍ବନିମ୍ନ ମଜୁରୀ ୫ ଶହ ଟଙ୍କା ଅର୍ଥାତ୍ ମାସକୁ ୧୫ ହଜାର ଟଙ୍କା କିନ୍ତୁ ଇଂଜିନିୟର ପାଠ ପଢିଲେ ନା ମିଳୁଛି ରୋଜଗାର ନା ମିଳୁଛି ସମ୍ମାନ । କେହି କହିଛନ୍ତି ସରକାର ପ୍ରାଇଭେଟ ସେକ୍ଟର ରେ ସାଲାରୀ ର ସଂସ୍କାର ଆଣିବା ଦରକାର । କାରଣ ଜଣେ ସରକାର ଙ୍କ ଚତୁର୍ଥ ଶ୍ରେଣୀ କର୍ମଚାରୀ ଯାହା ଦରମା ପାଉଛି ପ୍ରାଇଭେଟ ସେକ୍ଟରରେ ଉଚ୍ଚ ପଦବୀରେ ଥିବା ଲୋକ ଦରମା ତା ଠାରୁ ମଧ୍ୟ୍ୟ କମ୍ ।

    ସେଥିପାଇଁ ଘରୋଇ ଚାକିର ପାଇଁ ସରକାର ନିର୍ଦ୍ଦିଷ୍ଟ ନୀତି ନୀୟମ ଦରମାରେ ସଂସ୍କାର ଆଣିବା ଆବଶ୍ୟକ । ଆଉ କେତକ ସ୍ଥାନରେ ଇଂଜିନିୟର ମାନେ ୧୫ ରୁ ୨୦ ହଜାର ଦରମା ପାଇଁ ଦିନତମାମ କାର୍ଯ୍ୟ କରୁଛନ୍ତି । ଏହା ଆମର ଶିକ୍ଷା ବ୍ୟବସ୍ଥା ଓ ସରକାର ଙ୍କ ପ୍ରତି ସମାଲୋଚନା ନୁହେଁ କି । ଜଣେ ଟୁଇଟର ୟୁଜର କେନ୍ଦ୍ର ମନ୍ତ୍ରୀ ନୀତନ ଗଡକରୀ ଙ୍କୁ ଟ୍ୟାଗ କରିଛନ୍ତି । ସେ ଲେଖିଛନ୍ତି ଜଣେ ଇଂଜିନିୟର କିଭଳି ଚାକିର ଆବଶ୍ୟକ କରୁଛି । ଏ ଘଟଣା ପ୍ରଚାର ହେବା ପରେ ରାଜ୍ୟ ସରକାର ହୁଅନ୍ତୁ କେନ୍ଦ୍ର ସରକାର ଉଭୟ ଦୃଷ୍ଟି ଦେବେ ବୋଲି ଆଶା କରାଯାଉଛି ।

    • ସ୍ମରଜିତ୍ ଆର୍ଯ୍ୟ ଙ୍କ ରିପୋର୍ଟ
Back to top button