kiren rijiju

  • ବାଧ୍ୟକରାଗଲେ ପ୍ରତିକ୍ରିୟା ଦେବା ଜରୁରି ହୋଇଥାଏ: ରିଜିଜୁ

    ନୂଆଦିଲ୍ଲୀ: ବିଚାରପତି ନିଯୁକ୍ତି ଓ ପଦୋନ୍ନତିକୁ ନେଇ କେନ୍ଦ୍ର ଓ ସୁପ୍ରିମକୋର୍ଟ ମଧ୍ୟରେ ବିବାଦ ଥମିବାର ନାମ ନେଉ ନାହିଁ । ସୁପ୍ରିମକୋର୍ଟଙ୍କ ଦ୍ବାରା ବିଚାରପତି  ପଦୋନ୍ନତିକୁ ନେଇ କେନ୍ଦ୍ର ସହ ବାର୍ତ୍ତାଳାପର କିଛି ଅଂଶ ସାର୍ବଜନୀନ କରିବାକୁ ନେଇ ଆଇନ ମନ୍ତ୍ରୀ କିରନ ରିଜିଜୁ ପୁଣି ଚିନ୍ତାବ୍ୟକ୍ତ କରିଛନ୍ତି।

    କଲେଜିୟମ ସୁପାରିସ ଉପରେ କେନ୍ଦ୍ରର ଆପତ୍ତି କାହିଁକି ରହିଛି ବୋଲି ହୋଇଥିବା ଏକ ପ୍ରଶ୍ନର ଉତ୍ତରରେ ରିଜିଜୁ କହିଛନ୍ତି କି, ପାରଦର୍ଶିତାର ମୂଲ୍ୟାୟନ ଭିନ୍ନ ଭିନ୍ନ ରହିଛି। ଏମିତି କି, ମାମଲା ଅଛି, ଯାହାକୁ ରାଷ୍ଟ୍ରହିତ ପାଇଁ ଗୁପ୍ତ ରଖାଯିବା ଆବଶ୍ୟକ ଓ କିଛିକୁ ଲୁଚାଯିବା ଅନୁଚିତ ହୋଇଥାଏ।

    ଏଥିସହ ସୁପ୍ରିମକୋର୍ଟ ଦ୍ବାରା ସାର୍ବଜନୀନ ହୋଇଥିବା ରିପୋର୍ଟ ସୁରକ୍ଷା ଏଜିନ୍ସିଗୁଡିକ ପାଇଁ ବିପଦ ସୃଷ୍ଟି କରିଛି। କାରଣ ବିଚାରପତି ନିଯୁକ୍ତି ଓ ପଦୋନ୍ନତି ପୂର୍ବରୁ କେନ୍ଦ୍ର ଗୁଇନ୍ଦା ସଂସ୍ଥାର ରିପୋର୍ଟ ଅନୁଶୀଳନ କରିଥାଏ। ରିପୋର୍ଟ ଲିକ ସେହି ସଂସ୍ଥାର କାର୍ଯ୍ୟ ଦକ୍ଷତାକୁ ପ୍ରଭାବିତ କରିବ।

    ଆଇନମନ୍ତ୍ରୀ ଆହୁରି କହିଛନ୍ତି କି, ଯେବେ ବି ମୋତେ କହିବାକୁ ହେବ ଆଇନ ମନ୍ତ୍ରୀ ରୂପେ କହିବି। ଆମେ ଆମ ପ୍ରଧାନମନ୍ତ୍ରୀଙ୍କ ବିଚାରଧାରା ଓ ନିର୍ଦ୍ଦେଶ ମୁତାବକ କାମ କରିଥାଉ।  ତେବେ ସେସବୁକୁ ଏଠାରେ କୁହାଯାଇ ପାରିବ ନାହିଁ। ତେବେ ଆଗକୁ ସେ କହିଛନ୍ତି କି, ବିଚାରପତି ନିଯୁକ୍ତି ପ୍ରକ୍ରିୟା ଉପରେ ଚର୍ଚ୍ଚା କରିପାରିବେ ନାହିଁ, କାରଣ ଏହା ଏକ ସମ୍ବେଦନଶୀଳ ମୁଦ୍ଦା। ତେବେ ସରକାର ବହୁ ବିଚାର ବିମର୍ଶ ପରେ ନିର୍ଣ୍ଣୟ ନେଇଥାଏ ଓ ନୀତିର ପାଳନ କରିଥାଏ।

    ତେବେ ଏହି ମାମଲାଗୁଡିକୁ ନାହିଁ ସରକାର ପକ୍ଷରୁ ନାହିଁ ନ୍ୟାୟପାଳିକା ପକ୍ଷରୁ ସାର୍ବଜନୀନ କରାଯିବା ଉଚିତ। ତେବେ ନ୍ୟାୟପାଳିକାର କ୍ଷମତା ହ୍ରାସ ସମ୍ପର୍କରେ ସେ କହିଛନ୍ତି କି, ଏପରି କରିବାକୁ କେବେ ଚେଷ୍ଟା କରି ନାହାନ୍ତି। ହେଲେ ଯେତେବେଳେ ସୁପ୍ରିମକୋର୍ଟ ପ୍ରଧାନମନ୍ତ୍ରୀ ମୋଦିଙ୍କ ସାଢେ ଆଠ ବର୍ଷ ଶାସନର ଗୋଟିଏ ଉଦାହରଣ ଦେବାକୁ କହି ଲୋକଙ୍କ ଭିତରେ ସରକାର ସମ୍ବନ୍ଧରେ ଭୁଲ ସନ୍ଦେଶ ଦେବାକୁ ଚେଷ୍ଟା କରାଗଲା ତା ଉପରେ ପ୍ରତିକ୍ରିୟା ଦେବାକୁ ବାଧ୍ୟ ହୋଇଥିଲି। ନ୍ୟାୟପାଳିକା ସମ୍ବନ୍ଧରେ ଯେଉଁ ବୟାନ ଦେଇଛି, ସେସବୁ କେବଳ ପ୍ରତିକ୍ରିୟା ଥିଲା। ଯେତେବେଳେ ସର୍ବୋଚ୍ଚ ନ୍ୟାୟାଳୟଙ୍କ ଖଣ୍ଡପୀଠ କହୁଛନ୍ତି, ସରକାର ଫାଇଲଗୁଡିକ ଉପରେ ବସି ରହିଛି, ସେତେବେଳେ ମୋତେ ତାର ଉତ୍ତର ରଖିବା ଜରୁରି ହୋଇଛି। ଆମେ ଫାଇଲ ଉପରେ ବସିନାହୁଁ, କେବଳ ଆବଶ୍ୟକତା ଅନୁଯାୟୀ ପ୍ରକ୍ରିୟାର ପାଳନ କରୁଛୁ। ତେଣୁ  କୋର୍ଟ ଏମିତି କିଛି ନ କରନ୍ତୁ, ଯାହା ଲୋକଙ୍କ ଭିତରୁ ଭ୍ରମ ସୃଷ୍ଟି କରିବ ବୋଲି କହିଛନ୍ତି ରିଜିଜୁ।

  • ରିଜିଜୁଙ୍‌କ ବୟାନ ଉପରେ ସିବଲଙ୍କ ପ୍ରତିକ୍ରିୟା

    ନୂଆଦିଲ୍ଲୀ: କେନ୍ଦ୍ର ଆଇନ ମନ୍ତ୍ରୀ କିରନ ରିଜିଜୁଙ୍କ ଉପରେ ବର୍ଷିଛନ୍ତି ରାଜ୍ୟସଭା ସାଂସଦ କପିଲ ସିବଲ।  ସୋମବାର ରିଜିଜୁ କହିଥିଲେ କି, ସୋମବାରକୁ ନିଜ ବୟାନରେ କହିଥିଲେ କି, ନ୍ୟାୟପାଳିକାର କ୍ଷମତା ହ୍ରାସ କରିବା ଦିଗରେ କୌଣସି ପଦକ୍ଷେପ ଉଠାଇ ନାହିଁ। ରିଜିଜୁଙ୍କ ଏପରି ବୟାନ ପରେ ମଙ୍ଗଳବାର କପିଲ ସିବଲ ଟ୍ବିଟ କରି କହିଛନ୍ତି, ଆପଣଙ୍କ ବିବାଦିତ ବୟାନ ନ୍ୟାୟପାଳିକାକୁ ମଜବୁତ କରିବାକୁ ଥିଲା!

    କିରନ ରିଜିଜୁ ସୋମବାର ଦିଲ୍ଲୀର ତିଷ ହଜାରୀ କୋର୍ଟରେ ଗଣତନ୍ତ୍ର ଦିବସ ଅବସରରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ କହିଥିଲେ କି, ମୋଦି ସରକାର ନ୍ୟାୟପାଳିକାର ଶକ୍ତି ହ୍ରାସ କରିବାକୁ କୌଣସି ପଦକ୍ଷେପ ନେଇନାହିଁ। ନ୍ୟାୟପାଳିକା ଓ ସରକାରର ବିଚାରଧାରାରେ ଅନ୍ତର ଥାଇପାରେ, କିନ୍ତୁ ଏହାର ଅର୍ଥ ନୁହେଁ କି, ଆମେ ପରସ୍ପର ଉପରେ ଆକ୍ରମଣ କରୁଛୁ ବା ଆମ ଭିତରେ ମହାଭାରତ ଚାଲିଛି।

    ଆଇନ ମନ୍ତ୍ରୀଙ୍କ ବୟାନ ଉପରେ ପ୍ରତିକ୍ରିୟାଶୀଳ ହୋଇ ରାଜ୍ୟସଭା ସାଂସଦ ଓ ବରିଷ୍ଠ ଓକିଲ କପିଲ ସିବଲ ଟ୍ବିଟ କରି ସରକାର ଉପରେ ଆକ୍ରମଣ କରିଛନ୍ତି। ଟ୍ବିଟରେ ସିବଲ ଲେଖିଛନ୍ତି, ରିଜିଜୁଙ୍କ ଆଉ ଏକ ନିଆରା ବୟାନ- ମୋଦି ସରକାର ନ୍ୟାୟପାଳିକାର କ୍ଷମତା ହ୍ରାସ କରିବାକୁ କିଛି କରି ନାହିଁ… ତେବେ ଆପଣଙ୍କ ଏପରି ବୟାନ ନ୍ୟାୟପାଳିକାକୁ ଆହୁରି ମଜବୁତ କରିବାକୁ ଥିଲା। ଆପଣଙ୍କୁ ଏମିତି ଲାଗୁଥିବ, ହେଲେ ଆମ ଓକିଲଙ୍କୁ ଏମିତି ଲାଗୁନାହିଁ।

    କଲେଜିୟମ ସିଷ୍ଟମକୁ ନେଇ କେନ୍ଦ୍ର ଓ ନ୍ୟାୟପାଳିକା ମଧ୍ୟରେ ଲଗାତର ବୟାନବାଜି ଜାରି ରହିଛି। ସରକାର କଲେଜିୟମ ସିଷ୍ଟମରେ ପରିବର୍ତ୍ତନ ଆଣିବାକୁ ଦାବି କରୁଥିବା ବେଳେ ସୁପ୍ରିମକୋର୍ଟ  କଲେଜିୟମ ବ୍ୟବସ୍ଥାକୁ ବଳବତ୍ତର ରଖିବା ସପକ୍ଷରେ ରହିଛି। ଆଇନ ମନ୍ତ୍ରୀ ସବୁଠାରୁ ଅଧିକ ବୟାନବାଜି କରୁଛନ୍ତି ନ୍ୟାୟପାଳିକା ଉପରେ। ନିକଟରେ ଆଇନ ମନ୍ତ୍ରୀ କିରନ ରିଜିଜୁ ନ୍ୟାୟପାଳିକା ଉପରେ ଆକ୍ରମଣ କରି କହିଥିଲେ କି, ଜନତା ନ୍ୟାୟାଧୀଶମାନଙ୍କ ଚୟନ କରୁ ନାହିଁ। ତେଣୁ ସେ ନ୍ୟାୟାଧୀଶକୁ ବଦଳାଇ ପାରିବ ନାହିଁ, ଯେମିତି କରନ୍ତି ସରକାର କ୍ଷେତ୍ରରେ। ହେଲେ ଜନତା ନ୍ୟାୟାଧୀଶଙ୍କୁ ଦେଖୁଛି। ଜନତା ସେମାନଙ୍କ ନିଷ୍ପତ୍ତି, କାମ କରିବା ଶୈଳୀ ଓ ନ୍ୟାୟ ଦେବା ପ୍ରଣାଳୀ ଉପରେ ତୀକ୍ଷ୍ନ ନଜର ରଖିଛି ବୋଲି ରିଜିଜୁ କହିଥିଲେ।  

  • ଦେଶରେ ୭୩୩ ଫାଷ୍ଟଟ୍ରାକ କୋର୍ଟ କାର୍ଯ୍ୟ କରୁଛି

    ନୂଆଦିଲ୍ଲୀ: କେନ୍ଦ୍ର ଆଇନ ମନ୍ତ୍ରୀ କିରନ ରିଜିଜୁ ଗୁରୁବାର କହିଛନ୍ତି କି, ଦେଶର ୨୮ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ୪୩୧ ପକ୍ସୋ କୋର୍ଟ ସହ ମୋଟ ୭୩୩ ଫାଷ୍ଟ ଟ୍ରାକ୍ କୋର୍ଟ କାର୍ଯ୍ୟ କରୁଛନ୍ତି। ଏହି ସବୁ କୋର୍ଟ ସ୍ଥାପନ ହେବା ପରଠାରୁ ମୋଟ ୧,୨୪,୦୦୦ ମାମଲାର ସମାଧାନ କରାଯାଇଥିବା ବେଳେ ୧,୯୩,୮୧୪ ମାମଲା ଲମ୍ବିତ ରହିଛି। ଚଳିତ ବର୍ଷ ଅକ୍ଟୋବର ୩୧ ସୁଦ୍ଧା ହସ୍ତଗତ ରିପୋର୍ଟ ଆଧାରରେ ମନ୍ତ୍ରୀ ତଥ୍ୟ ଉପସ୍ଥାପନ କରିଛନ୍ତି।

    ରାଜ୍ୟସଭାରେ ଗୁରୁବାର ଦିନ ଏକ ଲିଖିତ ପ୍ରଶ୍ନର ଉତ୍ତରରେ ମନ୍ତ୍ରୀ କହିଛନ୍ତି, ଫାଷ୍ଟଟ୍ରାକ କୋର୍ଟ ସ୍ଥାପନା ରାଜ୍ୟର ଅଧିକାର ଓ ଆବଶ୍ୟକତା ଅନ୍ତର୍ଭୁକ୍ତ।  ହାଇକୋର୍ଟଙ୍କ ସହ ବିଚାର ବିମର୍ଷ ପରେ ନିଜ ସମ୍ବଳ ବିନିମୟରେ ରାଜ୍ୟ ଏହି ସବୁ କୋର୍ଟ ସ୍ଥାପନ କରୁଛନ୍ତି।

    ହାଇକୋଟଙ୍‌କ ଦ୍ବାରା ପ୍ରଦତ୍ତ ତଥ୍ୟ ଅନୁଯାୟୀ ଦେଶରେ ୨୦୧୭ ପରେ ୨୪୨ ଅଧିକ ଫାଷ୍ଟ ଟ୍ରାକ୍ କୋର୍ଟ ସ୍ଥାପନ ପରେ ସେହି ବର୍ଷ ଡିସେମ୍ବର ୩୧ ବେଳକୁ ଏହି ସଂଖ୍ୟା ୫୯୬କୁ ବୃଦ୍ଧି ହୋଇଥିଲା, ଯାହା ୨୦୨୨ ଅକ୍ଟୋବର ୩୧ ପର୍ଯ୍ୟନ୍ତ ୮୩୮ରେ ପହଞ୍ଚିଛି। ୨୦୧୯ ଜୁଲାଇରେ ସୁପ୍ରିମକୋର୍ଟଙ୍କ ନିର୍ଦ୍ଦେଶ କ୍ରମେ  କେନ୍ଦ୍ର ସରକାର ଦେଶରେ  ଦୁଷ୍କର୍ମ ଓ ପକ୍ସୋ ଆକ୍ଟ ସମ୍ବନ୍ଧିତ ମାମଲା ଗୁଡିକର ତ୍ବରିତ ଶୁଣାଣି ଓ ସମାଧାନ କରିବାକୁ ୨୦୧୦ ଅକ୍ଟୋବରରୁ ଦେଶର ୩୧ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ୧୦୨୩ ଫାଷ୍ଟ ଟ୍ରାକ୍ କୋର୍ଟ ସ୍ଥାପନ କରିବାକୁ କେନ୍ଦ୍ରୀୟ ପ୍ରାୟୋଜିତ ଯୋଜନା ଅନ୍ତର୍ଗତ ଆରମ୍ଭ କରିଥିଲା। ଯେଉଁଥିରେ ୩୮୯ଟି ପକ୍ସୋ କୋର୍ଟ ମଧ୍ୟ ରହିଛି।  

    ପ୍ରାରମ୍ଭିକ ଅବସ୍ଥାରେ, ଏହି ଯୋଜନାକୁ ଏକ ବର୍ଷ ପାଇଁ କାର୍ଯ୍ୟକାରୀ କରାଯାଇଥିଲା ବେଳେ ପରବର୍ତ୍ତୀ ସମୟରେ ଏହାକୁ ୨୦୨୩ ମାର୍ଚ୍ଚ ୩୧ ପର୍ଯ୍ୟନ୍ତ ଜାରି ରଖାଯାଇଛି। ହାଇକୋର୍ଟଙ୍କ ରିପୋର୍ଟ ଅନୁଯାୟୀ ୪୧୩ଟି ପକ୍ସୋ କୋର୍ଟ ସହ ମୋଟ ୭୩୩ଟି ଫାଷ୍ଟଟ୍ରାକ କୋର୍ଟ କାର୍ଯ୍ୟକରୁଛି ୨୮ଟି ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ।

Back to top button