lalu jadav

  • କିଡନୀ ଟ୍ରାନ୍ସପ୍ଲାଣ୍ଟ ପାଇଁ ସିଙ୍ଗାପୁରରେ ଲାଲୁ

    ନୂଆଦିଲ୍ଲୀ: ଆରଜେଡି ନେତା ଲାଲୁ ପ୍ରସାଦ ଯାଦବ କିଡନୀ ଟ୍ରାନ୍ସପ୍ଲାଣ୍ଟ କରାଇବାକୁ ସିଙ୍ଗାପୁରରେ ପହଞ୍ଚି ଯାଇଛି। ଲାଲୁ ସେଠାରେ ପହଞ୍ଚିବା ପରେ ତାଙ୍କ ଝିଅ ରୋହିଣୀ ଆଚାର୍ଯ୍ୟ ତାଙ୍କୁ ସ୍ବାଗତ କରିବା ସହ ଇମୋସନାଲ ଟ୍ବିଟ କରିଛନ୍ତି।

    ରୋହିଣୀ ଟ୍ବିଟ କରି ଲେଖିଛନ୍ତି, ଖୁସିର ପ୍ରତ୍ୟେକ କ୍ଷଣ ନିକଟରେ ଥାଏ, ଯେତେବେଳେ ପିତାଙ୍କ ଛାୟୀ ସାଙ୍ଗରେ ଥାଏ। ସମସ୍ତ ଖରାପସ୍ଥିତି ସହ ଲଢିବାକୁ ଆମକୁ ସେ ଶିଖାଇଛନ୍ତି, ଗରିବ, ବଞ୍ଚିତ, ଶୋଷିତ ସମାଜକୁ ଯିଏ ଅଧିକାର ଦେଇଛନ୍ତି।

    ୭୪ ବର୍ଷୀୟ ଲାଲୁ ଏକାଧିକ ସ୍ବାସ୍ଥ୍ୟ ସମସ୍ୟା ଦେଇ ଗତିକରୁଥିବା ବେଳେ ତାଙ୍କ ଦୁଇଟି ଯାକ କିଡନୀ ଖରାପ ହୋଇଯାଇଥିବାରୁ ତାଙ୍କ ଝିଅ ତାଙ୍କୁ କିଡନୀ ଦାନ କରିବାକୁ ଯାଉଛନ୍ତି। ତେଣୁ କିଡନୀ ଟ୍ରାନ୍ସପ୍ଲାଣ୍ଟ ପାଇଁ ଲାଲୁ ସିଙ୍ଗାପୁରରେ ଶନିବାର ପହଞ୍ଚିଥିଲେ। ସିଙ୍ଗାପୁର ଏୟାର ପୋର୍ଟରେ ଲାଲୁଙ୍କୁ ହ୍ବିଲଚେୟାରରେ ଦେଖିବାକୁ ମିଳିଥିଲା। ତାଙ୍କ ସହ ତାଙ୍କ ବଡ ଝିଅ ମିଶା ଭାରତୀ ମଧ୍ୟ ଅଛନ୍ତି।

    ଚଳିତ ମାସ ପ୍ରାରମ୍ଭରେ ରୋହିଣୀ ନିଜ ପିତାଙ୍କୁ ତାଙ୍କ କିଡନୀ ଦାନ କରିବାର ନିଷ୍ପତ୍ତି ନେଇଥିଲେ। ସେତେବେଳେ ସେ ଟ୍ବିଟ କରି କହିଥିଲେ କି, ମାଂସର ଏକ ଛୋଟ ଖଣ୍ଡ ଯାହାକୁ ମୁଁ ମୋ ପାପାଙ୍କୁ ଦେବାକୁ ଚାହୁଁଛି। ପାପାଙ୍କ ପାଇଁ ମୁଁ କିଛି ବି କରିପାରେ। ଆପଣମାନେ ପ୍ରାର୍ଥନା କରନ୍ତୁ କି, ସବୁକିଛି ଭଲରେ ଭଲରେ ହୋଇଯାଉ ଓ ପାପା ପୁଣି ଆପଣମାନଙ୍କ ପାଇଁ ସ୍ବର ଉଠାନ୍ତୁ।   

  • ୨୦୨୪ ନିର୍ବାଚନରେ ମୋଦି ହେବେ ଗାଦିଚ୍ୟୁତ: ଲାଲୁ

    ନୂଆଦିଲ୍ଲୀ: କେନ୍ଦ୍ର ଗୃହମନ୍ତ୍ରୀ ଅମିତ ଶାହା ବିହାର ଗସ୍ତରେ ଥିବା ଅବସରରେ ବିହାରର ମହାଗଠବନ୍ଧନ ସରକାର ଏବଂ ଲାଲୁ ଯାଦବଙ୍କୁ କଡା ଟାର୍ଗେଟ କରୁଛନ୍ତି । ଏହା ପରେ ଆରଜେଡି ସୁପ୍ରିମୋ ଲାଲୁ ଯାଦବ ମୁହଁ ଖୋଲିଛନ୍ତି। ଲାଲୁ କହିଛନ୍ତି, ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ସହ ସେ ଖୁବ ଶୀଘ୍ର ସୋନିଆ ଗାନ୍ଧୀଙ୍କୁ ଭେଟିବେ। ଲାଲୁ ଯାଦବ ଆହୁରି କହିଛନ୍ତି ଯେ ତାଙ୍କ ସରକାର ବିହାରରୁ ସଫା ହୋଇଯାଇଥିବାରୁ ଅମିତ ଶାହା ମନଦୁଃଖରେ ଅଛନ୍ତି।୨୦୨୪ ରେ ମଧ୍ୟ ସମାନ ଘଟଣା ଘଟିବ। ସେଥିପାଇଁ ସେ ସବୁଆଡେ ଦୌଡୁଛନ୍ତି।

    ବିହାରରେ ଲାଲୁଙ୍କ ଜଙ୍ଗଲ ରାଜ ସମ୍ପର୍କରେ ଲାଲୁ କହିଛନ୍ତି, ଯେତେବେଳେ ବିଜେପି ଗୁଜୁରାଟରେ ଥିଲା, ସେଠାରେ ବି ଜଙ୍ଗଲ ରାଜ୍ ଚାଲିଥିଲା। ୨୦୨୪ରେ ହେବାକୁ ଥିବା ନିର୍ବାଚନରେ ଆମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କ୍ଷମତାରୁ ହଟାଇଦେବୁ।

    ଉଲ୍ଲେଖ ଯୋଗ୍ୟ, ଗତକାଲି ଶାହା ବିହାରରେ ଏକ ରାଲିରେ ଲାଲୁ ଯାଦବଙ୍କ ସମ୍ପର୍କରେ ଏକ ବୟାନ ଦେଇଥିଲେ। ଶାହା କହିଥିଲେ ଯେ ବିଜେପି ସହ ବିଶ୍ୱାସଘାତକତା କରି ନୀତିଶ ନିଜ ସ୍ୱାର୍ଥ ପାଇଁ ଲାଲୁଙ୍କ କୋଳରେ ବସିଛନ୍ତି। ଏହା ସହିତ ସେ ଏହା ମଧ୍ୟ କହିଥିଲେ ଯେ ତାଙ୍କର ବିହାର ଗସ୍ତ ଯୋଗୁଁ ଲାଲୁ-ନୀତୀଶଙ୍କ ପେଟରେ ଯନ୍ତ୍ରଣା ହେଉଛି | ଏହି ସମୟରେ ଅମିତ ଶାହା ବିହାରର ଆଇନ ଶୃଙ୍ଖଳା ପରିସ୍ଥିତି ଉପରେ ମଧ୍ୟ ପ୍ରଶ୍ନ ଉଠାଇଥିଲେ।

  • ଚିକିତ୍ସା ପାଇଁ ଲାଲୁ ଗଲେ ଦିଲ୍ଲୀ

    ପାଟନା: ବୁଧବାର ଏୟାର ଆମ୍ବୁଲାନ୍ସରେ ଆରଜେଡି ମୁଖ୍ୟ ଲାଲୁ ଯାଦବଙ୍କୁ ଦିଲ୍ଲୀ ଏମ୍ସକୁ ସ୍ଥାନାନ୍ତର କରାଯାଇଛି। ମଙ୍ଗଳବାର ସେ ସିଡିରୁ ପଡିଯିବାରୁ ତାଙ୍କ କାନ୍ଧ ଓ ହାତରେ ଆଘାତ ଲାଗିଥିଲା। ତେଣୁ ଡାକ୍ତର ତାଙ୍କୁ ଘରେ ଦୁଇ ମାସ ବିଶ୍ରାମ ନେବାକୁ ପରାମର୍ଶ ଦେଇଥିଲେ। କିନ୍ତୁ ତାଙ୍କର ବିଭିନ୍ନ ସ୍ବାସ୍ଥ୍ୟଗତ ସମସ୍ୟା ମଧ୍ୟ ରହିଛି। ତେଣୁ ତାଙ୍କୁ ଦିଲ୍ଲୀ ଏମ୍ସ ସ୍ଥାନାନ୍ତର କରିବାକୁ ତାଙ୍କ ଡାକ୍ତରମାନେ ପରାମର୍ଶ ଦେଇଥିଲେ। ଲାଲୁଙ୍କୁ ଏୟାର ଆମ୍ବୁଲାନ୍ସରେ ଦିଲ୍ଲୀ ନିଆଯାଇଥିବା ବେଳେ ତାଙ୍କ ପତ୍ନୀ ରାବଡି ଦେବୀ, ପୁଅ ତେଜସ୍ବି ଯାଦବ, ବୋହୁ ରାଜଶ୍ରୀ ମଧ୍ୟ ଦିଲ୍ଲୀ ଅଭିମୁଖେ ଯାତ୍ରା କରିଛନ୍ତି। ତେବେ ତାଙ୍କ ସ୍ବାସ୍ଥ୍ୟାବସ୍ଥା ସ୍ଥିର ରହିଛି । ଉତ୍ତମ ଚିକିତ୍ସା ପାଇଁ ତାଙ୍କୁ ଦିଲ୍ଲୀ ସ୍ଥାନାନ୍ତର କରାଯାଇଥିବା ତେଜସ୍ବୀ କହିଛନ୍ତି।

Back to top button