LUMEX RESOURCES

  • LUMEX FRAUD: RAJEEV DASH AND SONIA TRIPATHY (ଅସଲିକୁ ନେଇ ନକଲିର ଖେଳ)

    24/04/2023

    () ସବୁ ତ ଜାଲି। ସଂସ୍ଥା ବି ଜାଲି। ସଂସ୍ଥା ଖୋଲିଥିବା ବ୍ୟକ୍ତିବିଶେଷଙ୍କ କାରନାମା ବି ଜାଲିଆତି ଉପରେ ଗଢ଼ା ଥିଲା। ତା ହେଲେ ସଂସ୍ଥାର ଆୟବ୍ୟୟର ହିସାବ ଆସିବ କେଉଁଠୁ। ଏ କଥା ଆମେ କହୁନୁ। ଖୋଦ୍ ରାଜୀବ ଦାସ ନିୟୋଜିତ କରିଥିବା ଅଡିଟର ଏହାକୁ ସ୍ୱୀକାର କରିଛନ୍ତି। ଯେତେବେଳେ କୋର୍ଟ ଅଫିସର ଲୁମେକ୍ସ କମ୍ପାନୀର ବାଲାନ୍ସ ସିଟ୍ ଓ ବୁକ୍ସ ଅଫ ଆକାଉଣ୍ଟସ ଅଡିଟ ରିପୋର୍ଟ ମାଗିଲେ, ନିଜର କେମିତି ଅସହାୟତା ଦେଖାଇଥିଲେ ଅଡିଟର ।

    ଲୁମେକ୍ସ ସଂସ୍ଥାର ଜାଲିଆତିର ଗୋଟିଏ ପରେ ଗୋଟିଏ ପ୍ରମାଣ ଏବେ ସାମ୍ନାକୁ ଆସିବାରେ ଲାଗିଛି। ରାଜୀବ ଦାସ, ସୋନିଆ ତ୍ରିପାଠୀ ସେମାନଙ୍କ ସହଯୋଗୀଙ୍କ ଜାଲିଆତିର କାରନାମାର ଆଉ ଏକ ଲେଖାଯୋଖା ଦସ୍ତାବିଜ୍ ଏବେ ହାତରେ ଲାଗିଛି ଏମିତିରେ ତ ପୂର୍ବରୁ ଜିଓକେମ୍, ଜିନ୍ଦଲ, ଆଦିତ୍ୟ ବିର୍ଲା ଭଳି ଅନେକ ସଂସ୍ଥା ସହ ମିଛ ବ୍ୟବସାୟିକ କାରବାରର ଗୁମର ଖୋଲିସାରିଛି। ବିଜେଡି ନେତ୍ରୀ ଲୋପାମୁଦ୍ରା ବକ୍ସିପାତ୍ରଙ୍କ ଦସ୍ତଖତକୁ ଜାଲି କରି କମ୍ପାନୀକୁ ଆରଓସିରେ ପଞ୍ଜୀକରଣ ହେଉ ଅବା ଲୁମେକ୍ସ କମ୍ପାନୀର ଗତିବିଧି ପରଖି ଗଲା ବେଳକୁ କମ୍ପାନୀର ଚେୟାର ଟେବୁଲ୍ ବି ନଥିଲା ବୋଲି କୋର୍ଟ ଅଫିସରଙ୍କ ବୟାନ ଏ ସବୁ ଦିଗ ରାଜୀବଙ୍କ ଠକାମୀର ଗୋଟିଏ ଗୋଟିଏ ଜ୍ୱଳନ୍ତ ନଜିର। ଆଉ ଆଜି ଏଥିରେ ଯୋଡ଼ି ହୋଇଛି ଆଉ ଏକ ପ୍ରମାଣ। ଲୁମେକ୍ସ ସଂସ୍ଥା ପୁରା ଜାଲି ଥିଲା ବୋଲି ଏହାକୁ ପରୋକ୍ଷରେ ମାନିଛନ୍ତି ରାଜୀବ ଯାହାଙ୍କୁ ସଂସ୍ଥାର ଅଡିଟ୍ ଦାୟିତ୍ୱ ନ୍ୟସ୍ତ କରିଥିଲେ, ସେ ଅଧିକାରୀ କୋର୍ଟ ଅଫିସର ସୁରେଶ ପଟ୍ଟନାୟକଙ୍କୁ ଲେଖିଥିବା ଏହି ଚିଠି ହିଁ ଏହାର ପ୍ରମାଣ ଦେଉଛି। ଅକ୍ଟୋବର ୧୩, ୨୦୨୧ ଲୁମେକ୍ସ ସଂସ୍ଥା ନିୟୋଜିତ କରିଥିବା ଅଡିଟର ତଥା ଚାଟାର୍ଡ ଆକାଉଣ୍ଟାଣ୍ଟ ରଶ୍ମୀରଞ୍ଜନ ମିଶ୍ରଙ୍କୁ କୋର୍ଟ ଅଫିସର ଏହି ତାରିଖରେ ମାଗିଥିଲେ ସଂସ୍ଥାର ଅଡିଟ୍ ହୋଇଥିବା ବାଲାନ୍ସ ସିଟ୍ ବୁକ୍ସ ଅଫ ଆକାଉଣ୍ଟସର ବିସ୍ତୃତ ବିବରଣୀ କାରଣ ସେତେବେଳକୁ କୋର୍ଟ ଅଫିସର ନିଜର ଫରେନସିକ ଅଡିଟରେ ପାଇସାରିଥିଲେ ଯେ, ଲୁମେକ୍ସ ସଂସ୍ଥାରେ ସେତେବେଳକୁ ତାଲା ଠୁଙ୍କି ରାଜୀବ ସହଯୋଗୀ ପାର୍ ହୋଇସାରିଲେଣି। ଏପରିକି ଡିଏଲଏଫ ସାଇବର ସିଟିରେ ଖୋଲିଥିବା ଲୁମେକ୍ସ ସଂସ୍ଥାରେ ଚେୟାର ଟେବୁଲ୍ ବି ପାଇନଥିଲେ ସୁରେଶ ପଟ୍ଟନାୟକ। ଆଉ କମ୍ପାନୀର ଏଭଳି ଗତିବିଧି ଦେଖି କୋର୍ଟ ଅଫିସର ବି ଆଶ୍ଚର୍ଯ୍ୟ ହୋଇଯାଇଥିଲେ। ଯେତେବେଳେ ଜାଣିଥିଲେ ଯେ, ଅନେକ କମ୍ପାନୀ ସହ ନେଣଦେଣ କେବଳ କାଗଜପତ୍ରରେ ହୋଇଛି କିନ୍ତୁ ଅସଲରେ ନିବେଶକଙ୍କ ଟଙ୍କାକୁ ନିଜ ନିଜ ଭିତରେ ଭାଗ ବଣ୍ଟୁଆରା କରି ଖାଇଯାଇଛନ୍ତି ନିର୍ଦେଶକମଣ୍ଡଳୀ ସବୁ ଫ୍ରଡ୍ ବୋଲି କେବଳ ଆଶଙ୍କା କରିନଥିଲେ। ରିପୋର୍ଟ ବି ଦେଇଥିଲେ ଯେ, କମ୍ପାନୀ ଆଉ ନାହିଁ। ସବୁ ଜାଲି। ସେଥିଲାଗି କମ୍ପାନୀର ଅଡିଟରଙ୍କୁ ଆୟବ୍ୟୟ ହିସାବ ମାଗିଥିଲେ। ଯାହା ଆଇନଗତ କିନ୍ତୁ ମାଗିବାର ୫ଟା ଦିନ ପରେ ଯେଉଁ ଉତ୍ତର ଆସିଲା, ତାହା ସମସ୍ତଙ୍କୁ ତାଜୁବ୍ କରିଦେଇଥିଲାଅକ୍ଟୋବର ୧୮, ୨୦୨୧  ଲୁମେକ୍ସ ସଂସ୍ଥା ନିୟୋଜିତ କରିଥିବା ଚାଟାର୍ଡ ଆକାଉଣ୍ଟାଣ୍ଟ ରଶ୍ମୀରଞ୍ଜନ ମିଶ୍ର ଯେଉଁ ଉତ୍ତର ଫେରାଇଥିଲେ। ଆଉ ନିଜର ଅସହାୟତା ଦେଖାଇଥିଲେ, ତାହା ରାଜୀବଙ୍କ ଠକାମୀର ବଡ଼ ପ୍ରମାଣ ଦେଇଥିଲା। ରଶ୍ମୀ କହିଥିଲେ ଯେ, ଲୁମେକ୍ସ ସଂସ୍ଥାର ବୋର୍ଡ ଅଫ ଡାଇରେକ୍ଟର୍ସ ମିଟିଂର ରିଜୋଲୁସନ ଅନୁସାରେ ତାଙ୍କ ଫାର୍ମକୁ ଅଗଷ୍ଟ ୨୦,୨୦୧୯ରେ ପ୍ରଥମ ସାମ୍ୱିଧାନିକ ଅଡିଟର ଭାବେ ନିୟୋଜିତ କରାଯାଇଥିଲା ବାର୍ଷିକ ସାଧାରଣ ପରିଷଦ ବୈଠକରେ ସେୟାର ହୋଲଡରଙ୍କ ସହ ପ୍ରଥମ ବୈଠକ ନ ସରିବା ଯାଏ ଜୁଲାଇ ୨୨, ୨୦୧୯ରୁ ମାର୍ଚ୍ଚ ୩୧, ୨୦୨୦ ଯାଏ ଏହି ଫାର୍ମ କାମ କରିବ କିନ୍ତୁ ରଶ୍ମୀରଞ୍ଜନ ମିଶ୍ରଙ୍କ ଚାଟାର୍ଡ ଆକାଉଣ୍ଟ ଫାର୍ମକୁ ସିନା ନିୟୋଜିତ କରିଦେଲା ଲୁମେକ୍ସ। ହେଲେ ଏହା ପରଠୁ ସଂପୃକ୍ତ ଚାଟାର୍ଡ ଆକାଉଣ୍ଟ ଫାର୍ମକୁ କୌଣସି ଆକାଉଣ୍ଟ ସମ୍ୱନ୍ଧୀୟ କାଗଜପତ୍ର ଦେଲେନି ରାଜୀବ ସହଯୋଗୀ କେବଳ କାଗଜପତ୍ରରେ ନିୟୋଜିତ କରିଦିଆଗଲା। କିନ୍ତୁ ଯେଉଁ ଉଦ୍ଦେଶ୍ୟରେ ନିଯୁକ୍ତ କରାଗଲା, ସେ ଅବଧି ଭିତରେ କାମ ଦିଆଗଲାନି ଦେଇଥାଆନ୍ତା ବି କେମିତି କମ୍ପାନୀ ସବୁ ଜାଲି ନେଣଦେଣ ସବୁ ନିଜ ନିଜ ଭିତରେ। ଯେଉଁ କମ୍ପାନୀ ନାଁରେ ନେଣଦେଣ ଦେଖାଇଥିଲେ, ସେ ସବୁ କମ୍ପାନୀ ସହ ଲୁମେକ୍ସ ସଂସ୍ଥାର କେବେ ବି ବ୍ୟବସାୟିକ କାରବାର ହୋଇନଥିଲା ତା ହେଲେ ନେଣଦେଣର ହିସାବ ଦେଖାଇବେ କେଉଁଠି ସେଥିଲାଗି କୋର୍ଟ ଅଫିସରଙ୍କୁ ଲେଖିଥିବା ଚିଠିରେ ଚାଟାର୍ଡ ଆକାଉଣ୍ଟାଣ୍ଟ ରଶ୍ମୀରଞ୍ଜନ ମିଶ୍ର ନିଜର ଅସହାୟତାକୁ ଦର୍ଶାଇଛନ୍ତି। ସେଥିଲାଗି କମ୍ପାନୀର ଅଡିଟ୍ ହୋଇଥିବା ବାଲାନ୍ସ ସିଟ୍ ଆକାଉଣ୍ଟସ ବାବଦରେ କୌଣସି ତଥ୍ୟ ଦେବା ସମ୍ଭବ ନୁହେଁ ବୋଲି ହାତ ଟେକିଦେଇଥିଲେ ରଶ୍ମୀରଞ୍ଜନ ସେଥିଲାଗି ତ କୋର୍ଟ ଅଫିସର ପ୍ରମୋଟରଙ୍କ ବିରୁଦ୍ଧରେ ଆକ୍ସନ ନେବାକୁ ରିପୋର୍ଟରେ ଉଲ୍ଲେଖ କରିଥିଲେ। କୋର୍ଟଙ୍କ ନିର୍ଦେଶ ସତ୍ତ୍ୱେ ରାଜୀବ କୌଣସି ନଥିପତ୍ର ଦାଖଲ କରିନଥିଲେ କି କୋର୍ଟ ଅଫିସରଙ୍କୁ ସହଯୋଗ କରିନଥିଲେ ଫରେନସିକ୍ ଅଡିଟରୁ ବି ସବୁ ଜାଲି ବୋଲି ପରେ ଜଣାପଡ଼ିଥିଲା।

    ସେପଟେ ଏତଲା ଦେବାର ୧୭ ମାସ ବିତିଗଲାଣି। କମିଶନରେଟ ପୁଲିସଠୁ ତଦନ୍ତ ଭାର ଇଓଡବ୍ଲୁକୁ ଯାଇ ବି ମାସେ ହୋଇଗଲାଣି ହେଲେ ଅଭିଯୁକ୍ତଙ୍କୁ ଠାବ କରିବା, ସେମାନଙ୍କ ବିରୁଦ୍ଧରେ ଆଇନଗତ ଆକ୍ସନ ନେବାରେ ଆଖିଦୃଶିଆ ପଦକ୍ଷେପ ନାହିଁ ଆକାଉଣ୍ଟ ଅଚଳ, ଅଭିଯୁକ୍ତଙ୍କ ଠିକଣାରେ ଛାପା ମାରିବା ଏସବୁ ଦିଗକୁ ତଦନ୍ତକାରୀ ସଂସ୍ଥା କେତେଦୂର ଆଗେଇନେଲାଣି, ତାକୁ ନେଇ ସବୁ ଅନ୍ଧାରରେ। ଅଭିଯୁକ୍ତଙ୍କ ଲାଗି ପୁଲିସ ଅଡ଼ୁଆ ନା ସହାୟକ ସାଜୁଛି, ଏ ଘଟଣାକୁ ନେଇ ସନ୍ଦେହ ବଢ଼ୁଛି।

    ଲୁମେକ୍ସ ଜୁଲାଇ ୧୯ରେ ଗଠନ ହୋଇଥିଲା। ଡିସେମ୍ୱର ୧୯ରେ ବନ୍ଦ ହୋଇଗଲା। ମାତ୍ର ୬ ମାସ ଭିତରେ କମ୍ପାନୀ ଛିଡ଼ା କରି ଅନେକଙ୍କୁ ଚୂନ ଲଗାଇଥିବା ରାଜୀବ ତାଙ୍କର ସହଯୋଗୀଙ୍କ କାରନାମା ବାବଦରେ ତଦନ୍ତ କରିବାକୁ କମିଶନରେଟ ପୁଲିସ କେମିତି ଟାଳଟୁଳ ନୀତି ଆପଣାଇଥିଲା, ତାହା ଅତୀତ। ଆଉ ଇଓଡବ୍ଲୁ ଭଳି ଦକ୍ଷ ତଦନ୍ତକାରୀ ସଂସ୍ଥା ସେମିତି କିଛି ଫଣ୍ଡା ଆପଣାଉନି ତ। ସାଧାରଣରେ ଏମିତି ସନ୍ଦେହରୁ ଉର୍ଦ୍ଧ୍ୱରେ ରହି ଇଓଡବ୍ଲୁ ତଦନ୍ତରେ ନିଜର ସ୍ୱଛତା ବିଶ୍ୱସନୀୟତା ଅବିଳମ୍ୱେ ଦେଖାଇବ ବୋଲି ନିବେଶକାରୀ ଆଶାବାଦୀ।

    ବ୍ୟୁରୋ ରିପୋର୍ଟ ନକ୍ଷତ୍ର ନ୍ୟୁଜ୍..

  • LUMEX RESOURCES FRAUD POLITICS (କୁଆଡ଼େ ଗଲେ ଠକ ଦମ୍ପତ୍ତି)

    22/03/2023

    () ଲୁମେକ୍ସ ସଂସ୍ଥାର ମହାଠକାମୀକୁ ନେଇ ବିଧାନସଭାରେ ପ୍ରସଙ୍ଗ ଉଠିବା ପରେ ଏବେ ଏହାକୁ ନେଇ ହାଟରେ ବାଟରେ ସବୁଠି ଚର୍ଚ୍ଚା। ଅଭିଯୁକ୍ତ ଦମ୍ପତ୍ତି ରାଜୀବ ଦାସ ଓ ସୋନିଆ ତ୍ରିପାଠୀଙ୍କୁ ବାନ୍ଧିବାକୁ ପୁଲିସର ହାତ ଯାଉନି କାହିଁକି। ହାଇକୋର୍ଟଙ୍କ ନିର୍ଦେଶକୁ ଅନୁପାଳନ କରିବାକୁ କାହିଁକି ପଛାଉଛି ପୁଲିସ। ଗୃହ ଭିତରେ ଏହାକୁ ନେଇ ବିରୋଧୀଙ୍କ ଯେତିକି ଉଦବେଗ, ଗୃହ ବାହାରେ ବି ପୁଲିସର ପାରିଲାପଣିଆକୁ ନେଇ ସେତିକି ପ୍ରଶ୍ନ। ଆଉ ଶାସକ ଦଳର ଦମ୍ଭୋକ୍ତି, ଆଇନ ଅଛି। ଆକ୍ସନ ନିଶ୍ଚିତ।

    ଗୃହ ବିଭାଗର ଖର୍ଚ୍ଚଦାବି ଆଲୋଚନା ବେଳେ ମୁଖ୍ୟମନ୍ତ୍ରୀ କିଛି ଏଭଳି ଢଙ୍ଗରେ ଉତ୍ତର ରଖିଥିଲେ। ରାଜ୍ୟରେ ଆଇନଶୃଙ୍ଖଳା ସ୍ଥିତି ସବଳ ଥିବାରୁ ଓଡ଼ିଶା ଆଜି ଆଗରେ। ଆଇନଶୃଙ୍ଖଳା ଠିକ୍ ନଥିଲେ ପୁଞ୍ଜିନିବେଶ ହୁଅନ୍ତାନି। ପୁଲିସ ବ୍ୟବସ୍ଥାରେ ସ୍ୱଛତା ଓ ଗୁଣାତ୍ମକ ସେବା ଆଣିବାକୁ ଲୋକଙ୍କ ମତାମତ ନିଆଯାଉଛି। ଲୋକ ଭଲ ବୋଲି ଫିଡବ୍ୟାକ୍ ଦେଉଛନ୍ତି। ପୁଲିସ ପ୍ରତି ଲୋକଙ୍କ ବିଶ୍ୱସନୀୟତା ଯେତେ ବୃଦ୍ଧି ପାଇବ, ତାହା ହିଁ ମୁଖ୍ୟମନ୍ତ୍ରୀଙ୍କ ଏହି ଦମ୍ଭୋକ୍ତି ପଛର ବଡ଼ ଆଧାର। ହେଲେ ଲୁମେକ୍ସ ଓ ବ୍ରାଇଟ ହୋମ୍ସ ଡେକର ସଂସ୍ଥା ନାଁରେ ଲୋକଙ୍କୁ କୋଟି କୋଟି ଟଙ୍କାର ଚୂନ ଲଗାଇଥିବା ଅଭିଯୁକ୍ତ ଦମ୍ପତ୍ତି ରାଜୀବ ଦାସ ଓ ସୋନିଆ ତ୍ରିପାଠୀଙ୍କ କ୍ଷେତ୍ରରେ ପୁଲିସର ସ୍ଥାଣୁତା କେଉଁଠି ନା କେଉଁଠି ମୁଖ୍ୟମନ୍ତ୍ରୀଙ୍କ କଥାକୁ ଗୌଣ କରିଦେଉନି ତ। ମାନ୍ୟବର ଉଚ୍ଚ ନ୍ୟାୟାଳୟଙ୍କ ନିର୍ଦେଶକୁ ଅନୁପାଳନ କରିପାରୁନି ପୁଲିସ। ନିଶାରାଣୀଙ୍କୁ ନ୍ୟାୟ ଦେଇପାରୁନି ପୁଲିସ। ବିଧାନସଭାରେ ବିରୋଧୀ ଏହି ମହାଠକେଇ ବାବଦରେ ସ୍ୱର ଉଠାଇଲା ବେଳକୁ ଅଫିସର ଗ୍ୟାଲେରୀରେ ଥିବା ପୁଲିସର ଉଚ୍ଚପଦସ୍ଥ ଅଧିକାରୀଙ୍କ କାନରେ ବି ଏ କଥା ବାଜିଛି। କମିଶନରେଟ ପୁଲିସର ଅତିରିକ୍ତ ସିପି ଉମାଶଙ୍କର ଦାସଙ୍କ ସମ୍ପର୍କୀୟ ହେତୁ ଅଭିଯୁକ୍ତ ବନ୍ଧା ହେଉନି ବୋଲି ଅଭିଯୋଗକାରିଣୀଙ୍କ ଅଭିଯୋଗରେ ସତ୍ୟତା ଥିଲେ, ସାଙ୍ଘାତିକ। ସେପଟେ ଗୃହ ବାହାରେ ବି କଂଗ୍ରେସ ରାଜୀବ ଦାସଙ୍କ ଏଭଳି କାରନାମାକୁ ନେଇ ସରକାରଙ୍କୁ ପ୍ରଶ୍ନବାଣ କରିଛି। ଏହି ମାମଲାରେ ବରିଷ୍ଠ ଆଇପିଏସଙ୍କ ସମ୍ପର୍କୀୟ ବୋଲି ଜାଣିଶୁଣି ଘଣ୍ଟ ଘୋଡ଼ାଉଛନ୍ତି ସରକାର। କିଏ ଅଭିଯୁକ୍ତଙ୍କୁ ସୁରକ୍ଷା ଦେଉଛି, ଜଳଜଳ କରି ଦିଶୁଛି।

    ସେପଟେ ଆଇନରୁ ଉର୍ଦ୍ଧ୍ୱରେ କେହି ନୁହଁନ୍ତି। ଯେତେ ପ୍ରଭାବଶାଳୀର ସମ୍ପର୍କୀୟ ହୋଇଥାଆନ୍ତୁ ନାଁ କାହିଁକି, ଦୋଷୀଙ୍କୁ ମୁଖ୍ୟମନ୍ତ୍ରୀ କେବେ ବରଦାସ୍ତ କରନ୍ତିନି। ଦୋଷୀ ଦଣ୍ଡ ପାଇବ ବୋଲି ଦମ୍ଭ ଦେଖାଇଛି ଶାସକ ଦଳ ନେତା ଧୃବ ସାହୁ

    ସ୍ୱଛତା ଓ ନିର୍ମଳ ଭାବମୂର୍ତ୍ତି ହେଉଛି ମୁଖ୍ୟମନ୍ତ୍ରୀଙ୍କ ସଫଳତାର ମୁଖ୍ୟ ଚାବିକାଠି। ଲୋକଙ୍କ ବିଶ୍ୱାସ ଓ ଆସ୍ଥା କ୍ରମାଗତ ତାଙ୍କ ପ୍ରତି ବଢ଼ିଚାଲିଥିବା କଥା ବି ସତ। କିନ୍ତୁ ସେହି ଚାବିକାଠିକୁ କିଛି ପୁଲିସ ଅଧିକାରୀ ମଳିନ କରିବାକୁ ଚେଷ୍ଟା କରୁନାହାନ୍ତି ତ। ନ୍ୟାୟ ଓ ସେବା ପାଇଁ ଶୃଙ୍ଖଳା ଓ ସଂସ୍କାର ଉପରେ ଗୁରୁତ୍ୱ ଦେଉଥିବା ମୁଖ୍ୟମନ୍ତ୍ରୀଙ୍କ ପଛରେ କେହି ଏମିତି କିଛି ଫନ୍ଦି କରୁଛନ୍ତି କି। ଯାହା ଦ୍ୱାରା ନିବେଶକ ନିଶାରାଣୀ ଅବା ପ୍ରଜ୍ଞାପ୍ରକାଶ ଆଜି ନ୍ୟାୟ ଲାଗି ବାର ଦୁଆର ହେବାକୁ ପଡ଼ିବା ସାର ହେଉଛି।

    ବ୍ୟୁରୋ ରିପୋର୍ଟ ନକ୍ଷତ୍ର ନ୍ୟୁଜ୍..।

  • LUMEX RESOURCES LOOT(ଲୁମେକ୍ସ ମହାଠକେଇ ମାମଲା)

    25/03/2023

    () ଲୁମେକ୍ସ ମହାଠକେଇର ଚେର ବହୁ ଗଭୀର। ଅଭିଯୁକ୍ତ ଏ ଯାଏ ପୁଲିସର ବଳୟକୁ ଆସିପାରିଲାନି। ତା ହେଲେ ତଦନ୍ତ କାହାକୁ ନେଇ ଆଗେଇଛି। ଅଭିଯୋଗକାରୀଙ୍କ ଅଭିଯୋଗ ଓ ଆର୍ଥିକ ନେଣଦେଣର ହିସାବ ତ ସର୍ବସମ୍ମୁଖରେ। ତଦନ୍ତ କେଉଁଠି ତା ହେଲେ ଅଟକିଛି। ସେ ସବୁ ଏଜେନ୍ସି କିଏ। ଯିଏ ସବୁ ପ୍ରକାର ତଦନ୍ତକୁ ନିରୀକ୍ଷଣ କରୁଛି। ଏମିତି ତମାମ ପ୍ରଶ୍ନ ଭୁବନେଶ୍ୱର ଡିସିପିଙ୍କ ଉତ୍ତର ପରେ ବି ଘୁରିବୁଲୁଛି ସାଧାରଣରେ।

    ଲୁମେକ୍ସ ମହାଠକେଇ ମାମଲାରେ ପୁଲିସ ମାମଲା ରୁଜୁ କରିବାକୁ ନିଜ ଆଡ଼ୁ ଆଗ ଆଗ୍ରହ ଦେଖାଇଥିଲା କିତଦନ୍ତ ସେହି ଅନୁସାରେ ଆଗେଇନେବାକୁ ଆଗଭର ହୋଇଥିଲା କି ଏ ସବୁ ପ୍ରଶ୍ନର ଉତ୍ତର ହେଉଛି ବୋଧହୁଏ ନାଁ। କାରଣ ଅଦାଲତଙ୍କ ହସ୍ତକ୍ଷେପ ଲୋଡ଼ିବା ପରେ ହିଁ ଅଭିଯୋଗକାରୀଙ୍କ ଏତଲା ରୁଜୁ କଲା ପୁଲିସ। ଅଦାଲତଙ୍କ ଭୟରେ ତଦନ୍ତକୁ ବି ଆଗେଇଥିଲା। ପୁଣି ଅଚାନକ ଶୀଥିଳ ପଡ଼ିଯାଇଥିଲା। ସେପଟେ ଯେଉଁ ସବୁ ସଂସ୍ଥା ସହ କାରବାର କରୁଥିବାର ମିଛ ଜାଲି ଦସ୍ତାବିଜ୍ ଦେଖାଇଥିଲା ଲୁମେକ୍ସ ସଂସ୍ଥା। ସେଥିରୁ ଜିଓଚେମ୍ ଜିନ୍ଦଲ ଭଳି ସଂସ୍ଥା ବି ରାଜୀବ ଦାସଙ୍କ ନାଁରେ ଏତଲା ଦେଇଥିଲେସେ ଏତଲା ଉପରେ କଅଣ ପଦକ୍ଷେପ ନେଇଛି ପୁଲିସ ଏ ସବୁ ସଂସ୍ଥାକୁ ଡାକି କେତେଥର ପଚରାଉଚୁରା କଲାଣି। ତଦନ୍ତ କଲା ବେଳେ ସବୁ ଦିଗକୁ ପୁଲିସ ଦେଖେ। କହିବା କରିବାରେ ଆକାଶ ପାତାଳ ତଫାତ୍କିନ୍ତୁ ଯେଉଁ ଦିଗରେ ମାଡ଼ିଲେ, ତଦନ୍ତର ମୋଡ଼ ଠିକ୍ ଚାଲିଛି ବୋଲି ସାଧାରଣରେ ହୃଦବୋଧ ହୁଏସେ ଦିଗକୁ ଛୁଇଁଲାଣି କି ପୁଲିସ କୋଟି କୋଟି ଟଙ୍କାର ଆର୍ଥିକ ନେଣଦେଣ ନଗଦରେ ହୋଇନି। ସବୁ ଅନଲାଇନରେ ହୋଇଛି। ଏଠି ଅଭିଯୋଗକାରୀଙ୍କୁ ନୋଟିସ କରିବା, ତାଙ୍କଠୁ ତଥ୍ୟ ପ୍ରମାଣ ସଂଗ୍ରହ କରିବା ଭଳି କାମକୁ ପୁଲିସ ସାରିଦେଇଛି ବୋଲି ଭୁବନେଶ୍ୱର ଡିସିପି କହିଛନ୍ତି। ଏତଲା ଦେବାର ୧୭ ମାସ ଭିତରେ ପୁଲିସ କଅଣ କରୁଥିଲା। ଅଭିଯୁକ୍ତ କେଉଁଠିସେମାନେ ଫେରାର୍ ନା ପୁଲିସକୁ ତଦନ୍ତରେ ସହଯୋଗ କରୁଛନ୍ତିମାମଲାର ଷ୍ଟାଟସ କଅଣଅଭିଯୋଗକାରିଣୀ କେବେ ତାଙ୍କର ଅର୍ଥ ଫେରିପାଇବେଅଭିଯୁକ୍ତ ଧରା ହେଲା ଯାଏ, ସବୁ ଦିଗକୁ ପୁଲିସ କେମିତି ଉନ୍ମୋଚନ କରିବ ବୋଲି କହିଛନ୍ତି ବରିଷ୍ଠ ଆଇନଜୀବି ଚିତ୍ତରଞ୍ଜନ ମହାନ୍ତି ।

    ବଡ଼କଥା ହେଲା, ଏତଲା ରୁଜୁ ହେବା ଦିନଠୁ ପୁଲିସର ଛାନଭିନ୍ କେଉଁ ଦିଗକୁ ନେଇ ଆଗେଇଥିଲା। ଅଭିଯୁକ୍ତଙ୍କ ଆଗୁଆ ଜାମିନ୍ ଦୁଇ ଦୁଇ ଥର ଖାରଜ ହେବା ପରେ ବି ପୁଲିସର ଦାୟିତ୍ୱ କଅଣ ଥିଲା। ଆଗୁଆ ଜାମିନ ଖାରଜ ହେବାର ଅର୍ଥ ମାମଲାରେ ପ୍ରାଥମିକ ଭିତ୍ତିରେ  ଅଭିଯୁକ୍ତଙ୍କ ବିରୁଦ୍ଧରେ ସେମିତି ଠୋସ୍ ଓ ବଳିଷ୍ଠ ତଥ୍ୟପ୍ରମାଣ ଥିବ। ଅଭିଯୋଗକାରିଣୀଙ୍କୁ ଡାକି, ତାଙ୍କଠୁ ତଥ୍ୟପ୍ରମାଣ ନେବାରେ ଏହାରି ଭିତରେ ପ୍ରାୟ ବର୍ଷେ ବିତିଗଲାଣି। କାରଣ ଅଦାଲତଙ୍କ ନିର୍ଦେଶରେ ଏହାକୁ କେବଳ ଅନୁପାଳନ କରିଥିଲା ପୁଲିସ। ଅଦାଲତ ୧୭ ମାସ ପୂର୍ବେ ଅଭିଯୁକ୍ତଙ୍କଠୁ ବି ପ୍ରମାଣ ସଂଗ୍ରହ ଲାଗି ନିର୍ଦ୍ଦେଶ ଦେଇଥିଲେ। ସେ ବାବଦରେ ପୁଲିସ କଅଣ କରିଛି। ସର୍ବୋପରି ପୁଲିସ ପାରଦର୍ଶିତା ସହ ତଦନ୍ତ କରୁଛି ତ। ଏମିତି ପ୍ରଶ୍ନ ବି ସାଧାରଣରେ ମନକୁ ଆସୁଛି।

    ବେଶ୍ ପ୍ରଫେସନାଲ ଢଙ୍ଗରେ ତଦନ୍ତ କରିବାରେ କମିଶନରେଟ ପୁଲିସର ଦକ୍ଷତା ରହିଛି। ହେଲେ ନ୍ୟାୟ ଦେବାରେ ଅହେତୁକ ବିଳମ୍ୱ କେଉଁଠି ନା କେଉଁଠି ଅଭିଯୋଗକାରୀଙ୍କୁ ନିରାଶା ଭିତରକୁ ଠେଲି ଦେଉଛି। ତାଙ୍କ ମନରେ ନାନା ଭୟ ଓ ସନ୍ଦେହଜାତ ହେବା ସ୍ୱାଭାବିକ କଥା। ଆଉ ଏହାକୁ ଦୂର କରି କମିଶନରେଟ ପୁଲିସ ଉପରେ ଆସ୍ଥା ଓ ବିଶ୍ୱାସ ସଞ୍ଚାର କରିବା ବି ଅନ୍ୟତମ ଗୁରୁ ଦାୟିତ୍ୱ କହିଲେ ଭୁଲ ହେବନି।

    ବ୍ୟୁରୋ ରିପୋର୍ଟ ନକ୍ଷତ୍ର ନ୍ୟୁଜ୍

  • LUMEX RESOURCE EOW ACTION (ଠକଙ୍କୁ ଧରିବ ଇଓଡବ୍ଲୁ)

    29/03/2023

    () ଲୁମେକ୍ସ ଲୁଟ୍ ମାମଲାକୁ ଘାଣ୍ଟିବ ଇଓଡବ୍ଲୁ। ରାଜୀବ ଦାସ ଓ ସୋନିଆ ତ୍ରିପାଠୀଙ୍କ ସମେତ ୫ ଜଣଙ୍କ ଅଭଯୁକ୍ତଙ୍କ ନାଁରେ ଇଓଡବ୍ଲୁ ମାମଲା ରୁଜୁ କରିଛି। ସବୁ ଦିଗକୁ ତଦନ୍ତ ହେବ। ତଦନ୍ତକୁ ନିଜେ ଅନୁଧ୍ୟାନ କରିବେ ଅରୁଣ ବୋଥ୍ରା। ମୁଖ୍ୟମନ୍ତ୍ରୀଙ୍କୁ ବି ଏ ସନ୍ଦର୍ଭରେ ଚିଠି ଲେଖିଛନ୍ତି ବାହିନୀପତି। ଆଉ ଫାଇଭ-ଟି ଉପକ୍ରମ ଆଧାରରେ ତଦନ୍ତରେ ସ୍ୱଛତା ବଜାୟ ରଖିବାକୁ ଆରମ୍ଭ ହୋଇଛି ପଦକ୍ଷେପ।

    ଲୁମେକ୍ସ ମହାଠକେଇ ମାମଲାରେ ଦୁର୍ନୀତି ଓ ଜାତିଆତିର ଚେର ବେଶ୍ ଗଭୀର। ଏଭଳି ଠକେଇକୁ ନେଇ ଓଡ଼ିଶା ଉଠୁଛି ପଡ଼ୁଛି। କାରଣ କମିଶନରେଟ ପୁଲିସର ପାରିଲାପଣିଆ ପଦାରେ ପଡ଼ିବା ଆଉ ବିଧାନସଭାରେ ତୁମ୍ୱିତୋଫାନ ପରେ ଇଓଡବ୍ଲୁ ଏହି ମାମଲାକୁ ହାତକୁ ନେବା ପରେ ଏହାର ଗୁରୁତ୍ୱ ଅଧିକ ବଢ଼ିଯାଇଛି। କୋଟି କୋଟି ଟଙ୍କାର ଠକେଇ ଅଭିଯୁକ୍ତଙ୍କ ଦେହରେ କାହିଁକି କମିଶନରେଟ ପୁଲିସ ହାତ ମାରିପାରୁନି, ତାକୁ ନେଇ ଗୋଟିଏ ପଟେ ସନ୍ଦେହର ବଳୟ ଛିଡ଼ା ହୋଇଛି। ତ ସେପଟେ ମୁଖ୍ୟମନ୍ତ୍ରୀଙ୍କ ନିର୍ଦେଶ ପରେ କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରା ଏହି ମାମଲାକୁ ଇଓଡବ୍ଲୁକୁ ତଦନ୍ତ ଲାଗି ଦେଇଛନ୍ତି। ଅଭିଯୋଗପତ୍ରରୁ ଜଣାପଡ଼ିଛି, ସିଙ୍ଗାପୁରରେ ବ୍ଲେସବକ୍ ଇଣ୍ଟରନାସନାଲ କମ୍ପାନୀ ସେମାନଙ୍କର ଅଛି କହି ଅଭିଯୁକ୍ତମାନେ ନିଶାରାଣୀ ଓ ତାଙ୍କ ସ୍ୱାମୀ ପ୍ରଜ୍ଞାପ୍ରକାଶ ନାୟକଙ୍କୁ ଭୁଆଁ ବୁଲାଇଥିଲେ। ଏ କମ୍ପାନୀରେ ସେମାନେ ନିର୍ଦେଶକ ଅଛନ୍ତି ବୋଲି କହି ବିଭିନ୍ନ ଜାଲି ଦସ୍ତାବିଜ୍ ଦେଖାଇଥିଲେ। ସିଙ୍ଗାପୁରରେ ଥିବା ଏହି କମ୍ପାନୀ ସେମାନଙ୍କର ସମସ୍ତ ଆନ୍ତର୍ଜାତୀୟ ବେପାରର ବୁଝାସୁଝା କରୁଛି ବୋଲି ବିଶ୍ୱାସ ଜନ୍ମାଇ ଆରମ୍ଭ କରିଥିଲେ କାରସାଦି। ଆଉ ନିଶାରାଣୀ ଓ ପ୍ରଜ୍ଞାଙ୍କଠୁ ଟଙ୍କା ନେଇଥିଲେ। ଡିଏଲଏଫ ସାଇବର ସିଟିରେ ଯେଉଁ ଘର ଲୁମେକ୍ସ କମ୍ପାନୀ ନାଁରେ ଭଡ଼ା ସୂତ୍ରରେ ନେଇଥିଲେ, ସେ ଘର ଥିଲା ବିଜେଡି ନେତ୍ରୀ ଲୋପାମୁଦ୍ରା ବକ୍ସିପାତ୍ରଙ୍କର। ଲୋପାମୁଦ୍ରାଙ୍କୁ ବି ଛାଡ଼ିନାହାନ୍ତି ଅଭିଯୁକ୍ତ। କୁଆଡ଼େ ଲୋପାମୁଦ୍ରାଙ୍କର ଦସ୍ତଖତକୁ ଜାଲି କରି ଆରଓସିରେ କମ୍ପାନୀ ପଞ୍ଜୀକରଣ କରିବାକୁ ସକ୍ଷମ ହୋଇଥିଲେ ବୋଲି କୁହାଯାଉଛି। ଏଭଳି ସ୍ଥିତିରେ ଅଭିଯୁକ୍ତ ରାଜୀବ ଦାସ, ସୋନିଆ ତ୍ରିପାଠୀ, ଉଷାରାଣୀ ପାଣିଗ୍ରାହୀ, ହିମାଂଶୁ ପାଣିଗ୍ରାହୀ ଓ ବିମଳ ପାଢ଼ୀଙ୍କ ଉପରେ ଆଇନଗତ ଆକ୍ସନ ଓ ସେମାନଙ୍କଠୁ ଟଙ୍କା ଫେରସ୍ତ ନେଇ ଦୀର୍ଘ ଦିନ ହେଲା ଧାଉଁଛନ୍ତି ନିଶାରାଣୀ ଓ ପ୍ରଜ୍ଞା। ହେଲେ କୋର୍ଟଙ୍କ ନିର୍ଦେଶ ପରେ ବି କମିଶନରେଟ ପୁଲିସର ଶୀଥିଳତା ଓ ତଦନ୍ତରେ ଅହେତୁକ ବିଳମ୍ୱ ସାଙ୍ଗକୁ କେବଳ ଅଭିଯୋଗକାରୀଙ୍କ ଚାରିପଟେ ତଦନ୍ତ ବୁଲୁଛି ବୋଲି ସନ୍ଦେହ ହେଉଥିଲା। ଏହାକୁ ନେଇ ବିଧାନସଭାରେ ସରକାରଙ୍କଠୁ ଉତ୍ତର ଲୋଡ଼ିଥିଲେ ବିରୋଧୀ। ଠକକୁ ଗିରଫ ଓ ନିବେଶକାରୀକୁ ନ୍ୟାୟ ଦେବା ସକାଶେ ଅନବରତ ପ୍ରୟାସ କରି ବିଧାନସଭାରେ ସ୍ୱର ଉଠାଇଥିଲେ ବାହିନୀପତି। ବାହିନୀପତିଙ୍କୁ ସମର୍ଥନ କରି ବିଜେପି ବି ସମସ୍ୱରରେ ଜବାବ ମାଗିଥିଲା ସରକାରଙ୍କୁ। ଆଉ କମିଶନରେଟ ପୁଲିସ ଏଭଳି ମାମଲାରେ ଅପରାଧିକ ଦିଗକୁ ଉନ୍ମୋଚନ କରିବାରେ ବିଳମ୍ୱ କରୁଥିବା କଥା ମୁଖ୍ୟମନ୍ତ୍ରୀଙ୍କ ଦପ୍ତର ବି ହୃଦବୋଧ କରିଛି। ସେଥିଲାଗି ତ ମାମଲା ଏବେ ଇଓଡବ୍ଲୁ ହାତକୁ ନେବା ପରେ ତଦନ୍ତ ତ୍ୱରିତ ହେବ ବୋଲି ଆଶା କରାଯାଉଛି। ମୁଖ୍ୟମନ୍ତ୍ରୀଙ୍କୁ ଚିଠି ବି ଲେଖିଛନ୍ତି ବାହିନୀପତି।

    ସେପଟେ ଇଓଡବ୍ଲୁ ମାମଲା ହାତକୁ ନେବା ପରେ ତଦନ୍ତ ତ୍ୱରିତ ହେବ ବୋଲି ଆଶା ରହିଛି। ଅଭିଯୁକ୍ତଙ୍କ ସମ୍ପର୍କୀୟ ଅତିରିକ୍ତ ସିପି ଉମାଶଙ୍କର ଦାସ ହୋଇଥିବା ହେତୁ ତଦନ୍ତ ଆଗଉନି କହି ଅଭିଯୋଗକାରିଣୀ ମୁଖ୍ୟମନ୍ତ୍ରୀ, ଫାଇଭ-ଟି ସଚିବ, ଗୃହ ସଚିବ ଓ ଡିଜିଙ୍କୁ ଚିଠି ଲେଖିଥିଲେ। ଆଉ ତଦନ୍ତରେ ସ୍ୱଛତା ବଜାୟ ରଖିବା ସହ ତ୍ୱରିତ ନ୍ୟାୟ ଦେବାକୁ ଶେଷରେ ମୁଖ୍ୟମନ୍ତ୍ରୀଙ୍କ ନିର୍ଦେଶ କ୍ରମେ ଫାଇଭ-ଟି ସଚିବ ଓ ଏଡିଜି କ୍ରାଇମବ୍ରାଞ୍ଚ ଅରୁଣ ବୋଥ୍ରା ଉଦ୍ୟମ ଆରମ୍ଭ କରିସାରିଛନ୍ତି। ଅରୁଣ ବୋଥ୍ରାଙ୍କ ଭଳି ଦକ୍ଷ ଅଫିସର ବି ଏହି ମାମଲାରେ ତଦନ୍ତରୁ ସବୁ ଦିଗକୁ ନିଜେ ଅନୁଧ୍ୟାନ କରିବେ ବୋଲି କହିଛନ୍ତି।  ଏଣିକି ନ୍ୟାୟ ଲାଗି ନିଶାରାଣୀ ଓ ପ୍ରଜ୍ଞାଙ୍କୁ ଅଧିକ ସମୟ ଅପେକ୍ଷା କରିବାକୁ ପଡ଼ିବନି ବୋଲି ସବୁଠି ଚର୍ଚ୍ଚା।

    ଦେଖିବାର କଥା, ଅଭିଯୁକ୍ତ କେବେ ବନ୍ଧା ହେବେ। ଏତେ ବଡ଼ ଧରଣର ଆର୍ଥିକ ନେଣଦେଣର ସବୁ ପ୍ରମାଣ ହାତା ପାହାନ୍ତାରେ। ଦୁର୍ନୀତିର ଚେରକୁ ଧରିବ ଇଓଡବ୍ଲୁ।

    ବ୍ୟୁରୋ ରିପୋର୍ଟ ନକ୍ଷତ୍ର ନ୍ୟୁଜ

  • LUMEX RESOURCE FRAUD(ନିବେଶକଙ୍କ ଭରସା ଭାଙ୍ଗିବନି ତ ଇଓଡବ୍ଲୁ )

    21/04/2023

    () ଲୁମେକ୍ସ ମହାଠକେଇ ମାମଲାରେ କେତେଦୂର ଗଲାଣି ତଦନ୍ତ। ଇଓଡବ୍ଲୁ ଏ ଯାଏ ଅଭିଯୁକ୍ତଙ୍କ ପାଖରେ ପହଞ୍ଚିସାରିଛି ନା ପହଞ୍ଚିବାକୁ ଏ ଯାଏ ବାଟ ପାଉନି। କାରଣ କମିଶନରେଟ ପୁଲିସଠୁ ଇଓଡବ୍ଲୁ ତଦନ୍ତ ଭାର ନେଇକି ମାସେ ବିତିଗଲାଣି। କିନ୍ତୁ ଅଭିଯୁକ୍ତଙ୍କ ବାବଦରେ କୌଣସି ସୂଚନା ନାହିଁ। ନିବେଶକାରୀ କେଉଁ ଭରସାରେ ନ୍ୟାୟ ପାଇବେ ବୋଲି ଆଶା ରଖିବେ। ଏମିତି ତମାମ ପ୍ରଶ୍ନଜାଲରେ ଆପେ ଆପେ ଛନ୍ଦି ହୋଇଗଲାଣି ଇଓଡବ୍ଲୁ। ଲୁମେକ୍ସ ମହାଠକେଇ ମାମଲାରେ କମିଶନରେଟ ପୁଲିସର ପାରିଲାପଣିଆକୁ ନେଇ ପ୍ରଶ୍ନ ଉଠିବା ପରେ ଏହାର ତଦନ୍ତ ଭାର ଇଓଡବ୍ଲୁକୁ ଦେଇଥିଲେ ମୁଖ୍ୟମନ୍ତ୍ରୀ। ବଡ଼ କଥା ହେଲା, କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରା ଏହାର ନିଜେ ଅନୁଧ୍ୟାନ କରିବେ ବୋଲି ବିଧିବଦ୍ଧ ବିଜ୍ଞପ୍ତି ବି ପ୍ରକାଶ ପାଇଥିଲା। ହେଲେ ଇଓଡବ୍ଲୁର ଆକ୍ସନ ଏ ଯାଏ ଆଖିଦୃଶିଆ ହୋଇପାରିଲାନି। ୧୭ ମାସ ହେଲା ତଦନ୍ତ ନାଁରେ ନିବେଶକ ନିଶାରାଣୀଙ୍କୁ ଭୂଆଁ ବୁଲାଉଥିବା କମିଶନରେଟ ପୁଲିସର ଶିଥିଳତା ପଛରେ ଅନେକ କାରଣ କୁହାଗଲା। ଅତିରିକ୍ତ ସିପି ଉମାଶଙ୍କର ଦାସ ଅଭିଯୁକ୍ତ ରାଜୀବ ଦାସଙ୍କ ସମ୍ପର୍କୀୟ ହେତୁ ତଦନ୍ତ ଆଗଉନି ବୋଲି ନିଶାରାଣୀ ମୁଖ୍ୟମନ୍ତ୍ରୀ, ଫାଇଭ-ଟି ସଚିବ, ଗୃହ ସଚିବ ଓ ଡିଜିଙ୍କ ଦୃଷ୍ଟି ଆକର୍ଷଣ କରିଥିଲେ। ବିଧାନସଭାରେ ବିରୋଧୀ ଏହାକୁ ନେଇ ସ୍ୱର ଉଠାଇଥିଲେ। ଉମାଶଙ୍କରଙ୍କୁ ବଦଳି, ୧୭ ମାସ ହେଲା ତଦନ୍ତରେ ଅବହେଳା କରିଥିବା ଅଧିକାରୀଙ୍କ ବିରୁଦ୍ଧରେ ଦୃଢ଼ ଆକ୍ସନ ପାଇଁ ବି ବାହିନୀପତି ଚିଠି ଲେଖିଥିଲେ ମୁଖ୍ୟମନ୍ତ୍ରୀଙ୍କୁ। ଏ ସବୁ ପରେ ଇଓଡବ୍ଲୁ ତଦନ୍ତଭାର ହାତକୁ ନେବା ପରେ ଆଶା ଥିଲା ନିବେଶକାରୀ ତ୍ୱରିତ ନ୍ୟାୟ ପାଇବେ। ହେଲେ ସମୟ ଗଡ଼ୁଛି ସିନା। ନା ତଦନ୍ତ ଆଗଉଛି ନା ଅଭିଯୁକ୍ତଙ୍କ ପାଖରେ ପହଞ୍ଚିପାରିଲା ଏ ଯାଏ ଇଓଡବ୍ଲୁ। ଏହାରି ଭିତରେ ଲୁମେକ୍ସ ସହ ଜିଓକେମ୍, ଜିନ୍ଦଲ, ଆଦିତ୍ୟ ବିର୍ଲା ଭଳି ଅନେକ ସଂସ୍ଥା ସହ ବ୍ୟବସାୟିକ କାରବାରର ମିଛ ଓ ଜାଲି ଦସ୍ତାବିଜ୍ ସହ ପ୍ରମାଣ ସାମ୍ନାକୁ ଆସିସାରିଛି। ଡିଏଲଏଫ ସାଇବର ସିଟିରେ ଥିବା ବିଜେଡି ନେତ୍ରୀ ଲୋପାମୁଦ୍ରା ବକ୍ସିପାତ୍ରଙ୍କ ଯେଉଁ ଘରେ ଭଡ଼ା ନେଇ ଲୁମେକ୍ସ ସଂସ୍ଥା ଖୋଲିଥିଲା, ଲୋପାମୁଦ୍ରାଙ୍କ ଦସ୍ତଖତକୁ ଜାଲି କରି ରାଜୀବ ଓ ତାଙ୍କ ସହଯୋଗୀଆରଓସିରେ କମ୍ପାନୀ ପଞ୍ଜୀକରଣ କରିଥିବାର ଗୁମର ବି ଖୋଲିସାରିଲାଣି। କୋର୍ଟ ଅଫିସରଙ୍କ ଫରେନସିକ ଅଡିଟରେ ବି ଏହାର ସ୍ୱୀକାରୋକ୍ତି ଜଳଜଳ କରି ଦିଶୁଛି। ହେଲେ ଇଓଡବ୍ଲୁ ଏ ସବୁ ଦିଗ ପ୍ରତି କାହିଁକି ଆଖି ବୁଜିଦେଉଛି ବୋଲି ଆରୋପ ଆସିଛି। ବାହିନୀପତି କହିଛନ୍ତି, ତଦନ୍ତରେ ଅବହେଳା କରିଥିବା ସମସ୍ତ ଅଧିକାରୀଙ୍କୁ ତଦନ୍ତ ପରିସରଭୁକ୍ତ କରିବା ଜରୁରୀ। ଇଓଡବ୍ଲୁ ତଦନ୍ତ ଭାର ନେବା ପରଠୁ ବି ସେମିତି କୌଣସି ଆଖିଦୃଶିଆ ଆକ୍ସନ ହୋଇନି। ଅତିରିକ୍ତ ସିପି ଉମାଶଙ୍କର ଦାସଙ୍କର ଏ ଯାଏ ବଦଳି ହେଲାନି। ନା ରେଡ୍ ହେଉଛି। ନା ସିଜ୍ ହେଉଛି। ନା ଆକାଉଣ୍ଟକୁ ଅଚଳ କରାହେଉଛି। ହାଇକୋର୍ଟଙ୍କ ନିର୍ଦେଶକୁ କମିଶନରେଟ ପୁଲିସ ଅନୁପାଳନ କରିନଥିଲା ବୋଲି ଆରୋପ ଆସିଥିଲା।  ଆଗୁଆ ଜାମିନ ଦୁଇ ଦୁଇ ଥର ଖାରଜ ହୋଇସାରିଛି। ବିଜେପି ବିଧାୟକ ନାଉରୀ ନାୟକ କହିଛନ୍ତି, ପୁଲିସ ସେମାନଙ୍କୁ ଫେରାର ବୋଲି ଦର୍ଶାଇ ନିଜର କାମ ସାରିଦେଇଥିଲା। କିନ୍ତୁ ଅଭିଯୁକ୍ତଙ୍କ ପାଖରେ ପହଞ୍ଚିବାକୁ କୌଣସି କସରତ କରିନଥିଲା କମିଶନରେଟ ପୁଲିସ। ଇଓଡବ୍ଲୁ ବି ତଦନ୍ତଭାର ନେଇକି ମାସେ ହେଲାଣି। ଯାହା ତ୍ୱରିତ ଆକ୍ସନ ହେବ ବୋଲି ଆଶା କରାଯାଉଥିଲା, ତାହାର କାଣିଚାଏ ବି ଦେଖାଯାଉନି। ଲାଗୁଛି ଯେମିତି ତଦନ୍ତକାରୀ ସଂସ୍ଥା ଧୃତରାଷ୍ଟ୍ର ସାଜିଛି। ଆଉ ଶାସକ ଦଳ ବିଧାୟକ ଧୃବ ସାହୁ କହୁଛନ୍ତି, ଆଇନ ଉପରେ ଭରସା ରଖନ୍ତୁ। ନିଶ୍ଚୟ ଇଓଡବ୍ଲୁ ଠୋସ୍ ନିଷ୍କର୍ସରେ ପହଞ୍ଚିବ ଓ ଅଭିଯୁକ୍ତ ବନ୍ଧା ହେବେ। କିନ୍ତୁ ବରିଷ୍ଠ ଆଇନଜୀବିଙ୍କ ମତରେ, ଯେତେ ବିଳମ୍ୱ ହେଉଛି, ପ୍ରମାଣ ନଷ୍ଟ କରିବାକୁ ଅଭିଯୁକ୍ତ ସମୟ ପାଉଛି। ଏ ସବୁ ଆକଳନ ଭିତରେ ଇଓଡବ୍ଲୁ ଭଳି ଦକ୍ଷ ତଦନ୍ତକାରୀ ସଂସ୍ଥା ଓ ଏହାର ଦକ୍ଷ ଅଫିସର ବୋଥ୍ରା ଓ ତାଙ୍କ ଟିମ୍ ପ୍ରତି ଭରସା ତୁଟୁଛି କି। ତା ନହେଲେ ମାସେ ହେଲା ଏହି ମହାଠକେଇ ମାମଲାରେ ଏ ଯାଏ ଆଖିଦୃଶିଆ କାର୍ଯ୍ୟାନୁଷ୍ଠାନ ନ ଆସିବା ପଛରେ କାରଣ କଅଣ ବୋଲି ସବୁଠି ଚର୍ଚ୍ଚା। କମିଶନରେଟ ପୁଲିସ ଭଳି ନିବେଶକଙ୍କ ଭରସା ଭାଙ୍ଗିବନି ତ ଇଓଡବ୍ଲୁ ବୋଲି ଚର୍ଚ୍ଚା ଆରମ୍ଭ ହୋଇଛି।

    ଭୁବନେଶ୍ୱରରୁ ନବକିଶୋର ସାହୁ ଓ ପ୍ରଦୀପ ନାୟକଙ୍କ ରିପୋର୍ଟ, ନକ୍ଷତ୍ର ନ୍ୟୁଜ୍..।

  • LUMEX RESOURCE EOW( ଲୁମେକ୍ସ ଲୁଟ ଉପରେ ନକ୍ଷତ୍ର ନ୍ୟୁଜର ପ୍ରଭାବ)

    () ନକ୍ଷତ୍ର ନ୍ୟୁଜର ପ୍ରଭାବ। ଲୁମେକ୍ସ ଲୁଟ୍ ପ୍ରସଙ୍ଗରେ କ୍ରମାଗତ ଖବର ପ୍ରସାରଣ ପରେ ଶେଷରେ ଏହି ବଡ଼ ଧରଣର ଆର୍ଥିକ ହେରଫେର ମାମଲାକୁ ଇଡି ହାତକୁ ନେଇଛି। କମିଶନରେଟ ପୁଲିସର ବିଫଳତା ପଦାରେ ପଡ଼ିବା ଦେଖି ଅଭିଯୋଗକାରୀଙ୍କୁ ତ୍ୱରିତ ନ୍ୟାୟ ଦେବା ସକାଶେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ତତ୍ପର ହୋଇଉଠିଛି। ମୁଖ୍ୟମନ୍ତ୍ରୀଙ୍କ ନିର୍ଦେଶ କ୍ରମେ ଠକ ଦମ୍ପତ୍ତି ରାଜୀବ ଦାସ ଓ ସୋନିଆ ତ୍ରିପାଠୀଙ୍କ ନାଁରେ ମାମଲା ରୁଜୁ କରି ଏବେ ଏମାନଙ୍କୁ ଖୋଜୁଛି ଇଓଡବ୍ଲୁ। ହେଲେ ତଦନ୍ତ ପ୍ରକ୍ରିୟା ଆଗେଇବାକୁ ଆବଶ୍ୟକ ତଥ୍ୟ କମିଶନରେଟ ପୁଲିସଠୁ ଯୋଗାଡ଼ କରିବାକୁ ଯାହା କିଛି ସମୟ ଲାଗିବ। ସେପଟେ ବିଳମ୍ୱରେ ହେଲେ ବି ଇଓଡବ୍ଲୁ ମାମଲା ହାତକୁ ନେଇଥିବାରୁ ନିବେଶକାରୀ ନ୍ୟାୟ ପାଇବେ ବୋଲି ଆଶା ଜାଗି ଉଠିଛି।

    ନକ୍ଷତ୍ର ନ୍ୟୁଜର ମହାପ୍ରଭାବ। ବିଳମ୍ୱରେ ହେଲେ ବି ଇଓଡବ୍ଲୁର ଚେତା ପଶିଲା। ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ହସ୍ତକ୍ଷେପ କଲା। ଅଭିଯୋଗକାରିଙ୍କୁ ନ୍ୟାୟ ଦେବା ସକାଶେ ଇଓଡବ୍ଲୁକୁ ନିର୍ଦେଶ ଆସିଲା। କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରା ଶେଷରେ ଲୁମେକ୍ସ ମହାଠକେଇର ମାଷ୍ଟରମାଇଣ୍ଡ ରାଜୀବ ଦାସ ଓ ସୋନିଆ ତ୍ରିପାଠୀଙ୍କୁ ଧରିବାକୁ ନିର୍ଦେଶ ଦେଇଛନ୍ତି। ଠକ ଦମ୍ପତ୍ତିଙ୍କ ନାଁରେ ମାମଲା ରୁଜୁ କରିବାକୁ ନିର୍ଦେଶ ଦେଇଛନ୍ତି।

    ଲୁମେକ୍ସ ରିସୋର୍ସ ସଂସ୍ଥା ନାଁରେ ସାଢ଼େ ୫ କୋଟି। ବ୍ରାଇଟ ହୋମ୍ସ ଡେକର ସଂସ୍ଥା ନାଁରେ ୫ କୋଟି। ଉଭୟ ସଂସ୍ଥାରେ ନିବେଶକାରୀ ନିଶାରାଣୀ ମହାପାତ୍ର ଓ ପ୍ରଜ୍ଞା ପ୍ରକାଶ ନାୟକଙ୍କଠୁ ଚୂନ ଲଗାଇଥିବା ଠକ ଦମ୍ପତ୍ତିଙ୍କ ମହାଠକେଇକୁ ନେଇ ନକ୍ଷତ୍ର ନ୍ୟୁଜର ଘନ ଘନ ପ୍ରସାରଣ ପରେ ଏହାକୁ ନେଇ ବିଧାନସଭାରେ ବିରୋଧୀ ସ୍ୱର ଉତ୍ତୋଳନ କରିଥିଲେ। କାହିଁକି କମିଶନରେଟ ପୁଲିସ ମାମଲାକୁ ଚାପି ବସିଛି। କୋର୍ଟଙ୍କ ନିର୍ଦେଶକୁ ଅନୁପାଳନ କରିବାକୁ ପଛାଉଛି। ଏହି ମାମଲାକୁ ଅଧିକ ଜଟିଳ କରିଦେଇଥିଲା ଯେତେବେଳେ ଅଭିଯୋଗକାରିଣୀ ମୁଖ୍ୟମନ୍ତ୍ରୀଙ୍କୁ ପଠାଇଥିବା ଅଭିଯୋଗପତ୍ରରେ ଅଭିଯୁକ୍ତଙ୍କ ସମ୍ପର୍କୀୟ ଅତିରିକ୍ତ ସିପି ଉମାଶଙ୍କର ଦାସଙ୍କ ନାଁ ଉଲ୍ଲେଖ କରିଥିଲେ। ଆଉ ପ୍ରାୟ ୧୦ କୋଟି ଟଙ୍କା ଠକେଇ ହୋଇଥିଲେ ସୁଦ୍ଧା କାହିଁକି ଇଓଡବ୍ଲୁ ଏହାକୁ ହାତକୁ ନେଉନି ବୋଲି ବିଧାନସଭାରେ ବିରୋଧୀ ସରକାରଙ୍କୁ ଉତ୍ତର ମାଗିଥିଲେ। ଆଉ ଶେଷରେ ଇଓଡବ୍ଲୁ ଏହି ମାମଲା ହାତକୁ ନେଇଛି। ତେବେ ତଦନ୍ତ ଲାଗି କମିଶନରେଟ ପୁଲିସଠୁ ଆବଶ୍ୟକୀୟ ନଥିପତ୍ର ଯୋଗାଡ଼ କରିବ ଇଓଡବ୍ଲୁ। ତଦନ୍ତର ଅଗ୍ରଗତିକୁ ତର୍ଜମା କରି ଆଗେଇବ ବୋଲି ଇଓଡବ୍ଲୁ ଏସପି ଦିଲ୍ଲୀପ ତ୍ରିପାଠୀ ସୂଚନା ଦେଇଛନ୍ତି। ସେପଟେ ବିରୋଧୀ ଦଳ କହିଛନ୍ତି, ଏମିତିରେ ବହୁ ବିଳମ୍ୱ ହେଲାଣି। ଏଣିକି ତ୍ୱରିତ ନ୍ୟାୟ ଦେଇ ନିବେଶକାରୀଙ୍କୁ ଆଶ୍ୱସ୍ତ କରିବା କଥା ପୁଲିସ। ଶାସକ ଦଳ କହୁଛି, ଧୈର୍ଯ୍ୟ ଧରନ୍ତୁ। ନିଶ୍ଚିତ ଆକ୍ସନ।

    ସେପଟେ ବରିଷ୍ଠ ଆଇନଜୀବିଙ୍କ ମତରେ, କମିଶନରେଟ ପୁଲିସ କୋର୍ଟଙ୍କ ନିର୍ଦେଶକୁ ଠିକଣା ଢଙ୍ଗରେ ଅନୁପାଳନ କରିପାରିଲାନି ଏ କଥା ଏକରକମ ସ୍ପଷ୍ଟ। କୋଟି କୋଟି ଟଙ୍କା ଠକେଇ ହୋଇଥିଲେ ସୁଦ୍ଧା ଏହାକୁ କାହିଁକି ଇଓଡବ୍ଲୁକୁ ହସ୍ତାନ୍ତର କରିନଥିଲା। ଦୀର୍ଘ ଦିନ ଧରି ଫାଇଲରେ ତଦନ୍ତ ଚାଲିଥିଲା ନା ବାସ୍ତବରେ ଗ୍ରାଉଣ୍ଡରେ, ତାକୁ ନେଇ ସ୍ପଷ୍ଟତା ଆସୁନଥିଲା। ଏବେ ଇଓଡବ୍ଲୁ ହାତକୁ ନେବା ପରେ ତଦନ୍ତର ମୋଡ଼ କୁଆଡ଼କୁ ମୁହାଁଉଛି, ଦେଖିବାର କଥା। ଅବସରପ୍ରାପ୍ତ ପୁଲିସ ଅଧିକାରୀଙ୍କ ମତରେ, ପୁଲିସ ପାରଦର୍ଶିତାର ସହ ଏଭଳି ପରିସ୍ଥିତିରେ ତଦନ୍ତକୁ ଅଗ୍ରାଧିକାର ଦେଇ ଆଗେଇଯିବା କଥା।

    ବଡ଼ ଧରଣର ଆର୍ଥିକ ଠକେଇ। ସବୁ ନେଣଦେଣ ଅନଲାଇନରେ। ଖୋଲା ପୃଷ୍ଠା ଭଳି ଏହି ଠକେଇ ଜଳଜଳ କରି ଦିଶୁଛି। ଏବେ ଇଓଡବ୍ଲୁ ଏହି ମାମଲାକୁ ହାତକୁ ନେବା ପରେ ନିବେଶକାରୀ ତ୍ୱରିତ ନ୍ୟାୟ ପାଇବେ ବୋଲି ପୁଣି ଆଶା ସଞ୍ଚାର ହୋଇଛି।

    ବ୍ୟୁରୋ ରିପୋର୍ଟ ନକ୍ଷତ୍ର ନ୍ୟୁଜ

  • LUMEX RESOURCES FRAUD SERIES (ଲୁମେକ୍ସ ଜାଲିଆତିର ବଡ ନେଟୱର୍କ)

    05/04/2023

    () କେବଳ ଫ୍ରଡ୍। ଫ୍ରଡ ଉପରେ ଛିଡ଼ାହୋଇଥିଲା ଲୁମେକ୍ସ ସଂସ୍ଥା ଆଉ ଫ୍ରଡ୍ କରି ଲୋକଙ୍କୁ ଚୂନ ଲଗାଇବା ଥିଲା ମୂଳ କାରସାଦି ଏହାର ନିର୍ଦେଶକମଣ୍ଡଳୀର। ରାଜୀବ ଦାସ ଓ ତାଙ୍କ ସହଯୋଗୀଙ୍କ କାରନାମା କେବେଠୁ ପଦାରେ ପଡ଼ିଲାଣି। କେବଳ ନିଶାରାଣୀ ଓ ପ୍ରଜ୍ଞାପ୍ରକାଶଙ୍କୁ ଠକି ନାହାନ୍ତି। ଜାଲି ଦସ୍ତାବିଜ ଦେଖାଇ ଜିଓଚେମ୍, ଜିନ୍ଦଲ ଭଳି ସଂସ୍ଥା ସହ କାରବାର କରୁଥିବା ଜାଲିଆତିର ଗୁମର ବି ଫିଟିସାରିଛି। ଅନେକ ବ୍ୟାଙ୍କକୁ ବି ଚୂନ ଲଗାଇଛନ୍ତି। ସେଥିଲାଗି ଏହି ମହାଠକେଇ ମାମଲା ଇଓଡବ୍ଲୁ ହାତକୁ ନେବା ପରେ ତ୍ୱରିତ ତଦନ୍ତ କରି ନିବେଶକଙ୍କୁ ନ୍ୟାୟ ଦେବା ଜରୁରୀ ହୋଇପଡ଼ିଛି।

    ସବୁ ତଥ୍ୟ ସାମ୍ନାରେ ସବୁ ପ୍ରମାଣ ଆଗରେ ଲୁମେକ୍ସ ମହାଠକେଇ ମାମଲାର ମାଷ୍ଟରମାଇଣ୍ଡ ରାଜୀବ ଦାସ, ପତ୍ନୀ ସୋନିଆ ତ୍ରିପାଠୀ ଓ ତାଙ୍କ ସହଯୋଗୀଙ୍କ କାରନାମା ଏବେ ଖୋଲା ବହି ଭଳି। ଡିଏଲଏଫ ସାଇବର ସିଟିରେ ଲୁମେକ୍ସ ସଂସ୍ଥା ଖୋଲି ଜିନ୍ଦଲ, ଜିଓକେମ୍ ଭଳି ସଂସ୍ଥା ସହ କାରବାର, ଚାଇନାକୁ କ୍ରୋମ୍ ରପ୍ତାନୀ କରୁଥିବାର ଜାଲି ଦସ୍ତାବିଜ ଦେଖାଇ ନିଶାରାଣୀଙ୍କ ଭଳି ନିବେଶକଙ୍କୁ ଠକିଥିଲେ। ଆଉ ଏ ସବୁର ପ୍ରମାଣ ଦେଖନ୍ତୁ। ଜିନ୍ଦଲ ସ୍ପଷ୍ଟ କରିସାରିଛି, ଏଭଳି କୌଣସି ସଂସ୍ଥା ସହ ତାଙ୍କର କୌଣସି ବ୍ୟବସାୟିକ କାରବାର ହୋଇନି। ସବୁ ଫ୍ରଡ୍ ଆଇନଗତ ପଦକ୍ଷେପ ନେବାକୁ ଆଗଭର ହୋଇଛି। ଜିଓଚେମ ସହ ବି ଲୁମେକ୍ସ ସଂସ୍ଥାର କୌଣସି ବ୍ୟବସାୟିକ ଲେନଦେନ ନାହିଁ। ଏ କଥାକୁ କେବଳ ମାନିନି ଜିଓଚେମ୍। ଥାନାରେ ବି ଏ ନେଇ ବିଧିବଦ୍ଧ ଏତଲା ରୁଜୁ କରିସାରିଛି। ଆଉ ଏନେଇ ଥାନାରେ ପ୍ରମାଣ ମଧ୍ୟ ଦେଇଛି ଜିଓଚେମ୍ । ଏବେ ରାଜୀବ ସୋନିଆ ତ୍ରିପାଠୀ କେଉଁଠି, ତାକୁ ଖୋଜୁଛି ଇଓଡବ୍ଲୁ ଦକ୍ଷ ଅଫିସର ଅରୁଣ ବୋଥ୍ରା ମାମଲାକୁ ନିଜେ ଅନୁଧ୍ୟାନ କରୁଛନ୍ତି। ଲୁମେକ୍ସ ସଂସ୍ଥାର ଅନ୍ୟତମ ନିର୍ଦେଶକ ବିମଳ ପାଢ଼ୀ ବି କେଉଁଠି, ବ୍ୟାଙ୍କ ଖୋଜୁଛି କାରଣ ଆଇଡିଏଫସି ବ୍ୟାଙ୍କରୁ କ୍ରେଡିଟ କାର୍ଡ ଆଧାରରେ ଟଙ୍କା ନେଇ ଏବେ ଧରାଛୁଆଁ ଦେଉନାହାନ୍ତି ବିମଳ। ବ୍ୟାଙ୍କ ବି ଏବେ ବିମଳଙ୍କ ବିରୁଦ୍ଧରେ ଆଇନଗତ ପଦକ୍ଷେପ ନେବାକୁ ପ୍ରସ୍ତୁତ ହେଲାଣି। କେବଳ ଆଇଏଫଡିସି ନୁହେଁ, ଅନ୍ୟ ବ୍ୟାଙ୍କଗୁଡ଼ିକରୁ ବି ଟଙ୍କା ନେଇ ନା ମୋବାଇଲ ଉଠାଉଛନ୍ତି ବିମଳ ନା ତାଙ୍କର ଖୋଜଖବର ଅଛି ଏନେଇ ଖବର ଦେଇଛନ୍ତି ଆଇଡିଓଫସି ବ୍ୟାଙ୍କ ଫିଲ୍ଡି ଅଫିସର ଜ୍ୟୋତିରଞ୍ଜନ ମହାନ୍ତି ।

    ଲୁମେକ୍ସ ସଂସ୍ଥା କେମିତି ବଡ଼ ଜାଲିଆତିର ନେଟଓ୍ୱର୍କ ଥିଲା, ଏହା ତାହାର ପ୍ରମାଣ ଦେଉଛି। ସଂସ୍ଥାର ଗତିବିଧି ଉପରେ ତଦନ୍ତ ସହ ରିପୋର୍ଟ ଦାଖଲ କରିବାକୁ ନିଯୁକ୍ତ କୋର୍ଟ ଅଫିସରଙ୍କ ରିପୋର୍ଟ ହିଁ କହୁଛି, ଏହି କମ୍ପାନୀ ସମ୍ପୂର୍ଣ୍ଣ ଫେକ୍ ନିର୍ଦେଶକମଣ୍ଡଳୀ ଜାଲି ଦସ୍ତାବିଜ୍ ବଳରେ ସଂସ୍ଥାକୁ ଛିଡ଼ା କରିଥିଲେ। ଆଉ ନିବେଶକଙ୍କ ଟଙ୍କାକୁ  ରାଜୀବ ଓ ତାଙ୍କର ସହଯୋଗୀ ନିର୍ଦେଶକମାନେ ନିଜ ନିଜ ଭିତରେ ଭାଗ ବଣ୍ଟୁଆରା କରି ଖାଉଥିଲେ। ବ୍ୟବସାୟ ନାଁରେ ନିବେଶକ ନିଶାରାଣୀଙ୍କଠୁ ନେଉଥିବା ଟଙ୍କା କେମିତି ଚାଇନାକୁ କ୍ରୋମ ରପ୍ତାନୀ କାରବାରରେ ଲାଗିଛି, ସେ ସମ୍ପର୍କିତ ମିଛ ବିଲ୍ ଓ ଦସ୍ତାବିଜ୍ ଦେଖାଇ ଭୂଆଁ ବୁଲାଉଥିଲେ। ସେଥିଲାଗି ତ କୋର୍ଟ ଅଫିସର ଫରେନସିକ ଅଡିଟ ପରେ ମାନିଛନ୍ତି, ଲୁମେକ୍ସ ଏକ ଭୂତ କମ୍ପାନୀ ସେ ତଦନ୍ତ କଲା ବେଳେ ସଂସ୍ଥାରେ ତାଲା ଝୁଲୁଥିଲା। ଏପରିକି ଚେୟାର ଟେବୁଲ୍‌ ବି ନଥିଲା। ଏପରିକି ରାଜୀବ ଓ ତାଙ୍କ ସହଯୋଗୀ ଫେରାର୍ ବେଳେ ନିଜ ସାଙ୍ଗରେ କମ୍ପାନୀ ଡକ୍ୟୁମେଣ୍ଟ ଓ ହାର୍ଡଡିସ୍କ ବି ନେଇଯାଇଛନ୍ତି। ଏନେଇ ସୂଚନା ଦେଇଛନ୍ତି କୋର୍ଟ ଅଫିସର ସୁରେଶ ପଟ୍ଟନାୟକ ।

    ବିଜେଡି ନେତ୍ରୀ ଲୋପାମୁଦ୍ରା ବକ୍ସିପାତ୍ରଙ୍କର ଡିଏଲଏଫ ସାଇବର ସିଟିରେ ଥିବା ଏକ ଘରେ ଲୁମେକ୍ସ ସଂସ୍ଥା ଖୋଲିଥିଲେ ରାଜୀବ ଓ ସୋନିଆ। ସେଠି ବି ଲୋପାମୁଦ୍ରାଙ୍କ ଦସ୍ତଖତକୁ ଜାଲି କରି ଆରଓସିରେ କମ୍ପାନୀ ପଞ୍ଜୀକୃତ କରିବାକୁ ପଛାଇନଥିଲେ ଏହି ଠକ ଦମ୍ପତ୍ତି। ଲୋପାମୁଦ୍ରା ବି ଅଭିଯୋଗ କରିଛନ୍ତି। ଏଭଳି ଠକେଇରେ ପୁରା ନିର୍ଦେଶକମଣ୍ଡଳୀ ସାମିଲ ଅଛନ୍ତି। କାରଣ ବୋର୍ଡ ରିଜ୍ୟୋଲୁସନରେ ସମସ୍ତ ୫ ନିର୍ଦେଶକଙ୍କ ଦସ୍ତଖତ ରହିଛି। ଏବେ ଦେଖିବାର କଥା, ସବୁ ଠକାମୀର ବଳିଷ୍ଠ ପ୍ରମାଣ ତଥ୍ୟ ସମସ୍ତଙ୍କ ଆଗରେ ଇଓଡବ୍ଲୁ ଏହାକୁ ହାତକୁ ନେବା ପରେ କେତେଶୀଘ୍ର ତଦନ୍ତ କରି ନିବେଶକଙ୍କୁ ନ୍ୟାୟ ଦେଉଛି ଦେଖିବାର କଥା।

    ବ୍ୟୁରୋ ରିପୋର୍ଟ, ନକ୍ଷତ୍ର ନ୍ୟୁଜ୍

  • LUMEX RESOURCE FRAUDULENTS (ନିବେଶକଙ୍କୁ ଜାଲି ଦସ୍ତାବିଜ୍ ବଳରେ ଲୁଟ୍)

    11/04/2023

    ()ନିବେଶ ଆସିବ। ଓଡ଼ିଶା ସମୃଦ୍ଧଶାଳୀ ହେବ। ଏ ଦିଗରେ ମୁଖ୍ୟମନ୍ତ୍ରୀ ନିରନ୍ତର ଉଦ୍ୟମ ଜାରି ରଖିଛନ୍ତି। ହେଲେ ଓଡ଼ିଶାରେ ନିବେଶକ ସୁରକ୍ଷିତ ତ। ଅନେକ ସଂସ୍ଥା ଯେଭଳି ଛତୁ ଫୁଟିଲା ଭଳି କମ୍ପାନୀ ଖୋଲି ନିବେଶକଙ୍କୁ ଜାଲି ଦସ୍ତାବିଜ୍ ବଳରେ ଲୁଟ୍ କରି ଚାଲିଛନ୍ତି। ଏହାକୁ ନେଇ ଅଭିଯୋଗ କଲେ ବି ବ୍ୟବସ୍ଥା ତ୍ୱରିତ ନ୍ୟାୟ ଦେବାରେ ବିଫଳ ହେଉଛି। ଲୁମେକ୍ସ ଲୁଟ୍‌ର ଫର୍ଦ୍ଦ ଯେତେ ଖୋଲିଲେ ବି କିଛି ଏମିତି ଗନ୍ଧ ବାରି ହେଉଛି। ରାଜୀବ ଦାସଙ୍କ କାରନାମାକୁ ନେଇ ମାମଲା କମିଶନରେଟ ପୁଲିସ, ଇଓଡବ୍ଲୁରେ ସୀମିତ ରହିନି। ଆଗରୁ ସିବିଆଇ ବି ଚିଟଫଣ୍ଡ କେଳେଙ୍କାରୀରେ ଘଣ୍ଟାଚକଟା କରିସାରିଛି।

    ସବୁ ନକଲି। ଠିକଣା ମିଳୁନି। ଯେଉଁ ଠିକଣା କମ୍ପାନୀ ଖୋଲିଲା ବେଳକୁ ଦିଆଯାଇଥିଲା, ସେ ସବୁ ଭୁଲ୍। ଲୁମେକ୍ସ ସଂସ୍ଥାର ମାଷ୍ଟରମାଇଣ୍ଡ ରାଜୀବ ଦାସଙ୍କ କାରସାଦିର ଚିଠା ଏତେ ଲମ୍ୱା ଯେ, ସରୁନି। ଲୁମେକ୍ସ ସଂସ୍ଥା ଖୋଲି ନିବେଶକଙ୍କୁ ଚୂନ ଲଗାଇଲା ବେଳଠୁ ହିଁ ସବୁ ଫ୍ରଡ୍ କାଗଜପତ୍ର ପ୍ରସ୍ତୁତ କରିସାରିଥିଲେ ରାଜୀବ। ଆଉ ଆରଓସିରେ ପଞ୍ଜୀକରଣ ବେଳେ ତ ଘର ଭଡ଼ା ଦେଇଥିବା ବିଜେଡି ନେତ୍ରୀ ଲୋପାମୁଦ୍ରା ବକ୍ସିପାତ୍ରଙ୍କ ଦସ୍ତଖତକୁ ବି ଜାଲି କରିବାକୁ ପଛାଇନଥିଲେ। ଯେଉଁ ସବୁ ସଂସ୍ଥା ସହ କାରବାର କରୁଥିବାର କହୁଥିଲେ, ସେମାନଙ୍କର ନଜରରେ ନେଣଦେଣ, ଚୁକ୍ତିକୁ ନେଇ ଦସ୍ତାବିଜ୍ ଦେଖାଇବା ପରେ ସବୁ ମାନିଲେଣି, ରାଜୀବ ଓ ଲୁମେକ୍ସ ଉଭୟ ଫ୍ରଡ୍। ଆଇନଗତ ଆକ୍ସନ ପାଇଁ ବି ପ୍ରସ୍ତୁତ ହେଲେଣି। ଜିଓକେମ୍, ଜିନ୍ଦଲରୁ ନେଇ ଆଦିତ୍ୟ ବିର୍ଲା ଯାଏ ବହୁ ବଡ଼ ବଡ଼ କମ୍ପାନୀ ସହ ରାଜୀବଙ୍କର ବ୍ୟବସାୟିକ ନେଣଦେଣର ମିଛ ଏବେ ପଦାରେ। ତେବେ ରାଜୀବ ଖୋଲିଥିବା କମ୍ପାନୀର ଗତିବିଧି ପରଖିବାକୁ ନିୟୋଜିତ କୋର୍ଟ ଅଫିସର ଦର୍ଶାଇଥିଲେ ଯେ, ଅନେକ କମ୍ପାନୀ ସହ ଲୁମେକ୍ସର ନେଣଦେଣ ସନ୍ଦେହଜନକ ଓ ସବୁ ଫ୍ରଡ୍। କୋର୍ଟ ଅଫିସର ଫରେନସିକ୍ ଅଡିଟ୍ କରି ସମ୍ଭାବ୍ୟ ଠକାମୀର ଶୀକାର ହୋଇଥିବା କମ୍ପାନୀ ଗୁଡ଼ିକ ଥିଲା, ଶ୍ରୀ ଅଟୋମୋଟିଭସ୍, ମାର୍କ ଇନଫ୍ରା ଓ ପିଜେ ଇଣ୍ଟରନାସନାଲ। ଆଉ ପିଜେ ମିନେରାଲ୍ସ ଇଣ୍ଟରନାସନାଲ ପ୍ରାଇଭେଟ୍ ଲିମିଟେଡ୍ ସଂସ୍ଥାର ଅଫିସ ଠିକଣା କହୁଛି, ବରମୁଣ୍ଡାର ହାଉସିଂବୋର୍ଡ କଲୋନୀର ଏଚଆଇଜି-୧୨। ଆମ ପ୍ରତିନିଧି ଗଲା ବେଳକୁ ଏଠି ସେମିତି କିଛି ଅଫିସ୍ ହିଁ ନାହିଁ। ଯେମିତି କାନନବିହାରରେ ଥିବା ରେଭାଟଜ ଗ୍ଲୋବାଲ୍ ଅଫିସ। ସେଠି ବି ଅଫିସ୍‌ର ଚିହ୍ନବର୍ଣ୍ଣ ନଥିଲା। ଇଏ ତ ଗଲା ରାଜୀବ ବିଛାଇଥିବା ଜାଲି ନେଟଓ୍ୱର୍କ ଓ ଜାଲିଆତିର ସାମ୍ରାଜ୍ୟ। ଏବେ ନଜର ପକାଇବା ରାଜୀବଙ୍କ ବିରୁଦ୍ଧରେ ମାମଲା କେବଳ କମିଶନରେଟ ପୁଲିସ ଓ ଇଓଡବ୍ଲୁରେ ଅଛି ନା ଆଉ କେଉଁଠି। ଏ ଦସ୍ତାବିଜ୍ ଉପରେ ନଜର ପକାନ୍ତୁ। ରାଜୀବ ଚିଟ୍‌ଫଣ୍ଡ କେଳେଙ୍କାରୀରେ ବି ଥିଲେ। ୨୦୧୭ର ମାମଲା। ସ୍ୱସ୍ତିକ ଇଣ୍ଡିଆ ମଲଟି ପରପୋଜ୍ ଚିଟଫଣ୍ଡ ମାମଲାରେ ସିବିଆଇ ରାଜୀବଙ୍କୁ ଜେରା ବି କରିଛି। ୪୧ (ଏ) ନୋଟିସ ଆଧାରରେ ଅଭିଯୁକ୍ତ ଦର୍ଶାଇ ତାଙ୍କଠୁ ନଥିପତ୍ର ଜବତ କରିଥିଲା ସିବିଆଇ। କେବଳ ଏତିକି ନୁହେଁ। ରାଜୀବ ଆୟକର ବିଭାଗର ସ୍କାନରରେ। ବଡ଼ କଥା ହେଲା, ରାଜୀବ ଏ ସଂକ୍ରାନ୍ତରେ ନକଲ ମାଗିବାରୁ ସିବିଆଇର ତଦନ୍ତକାରୀ ଅଧିକାରୀ ଦେବାକୁ ସଫା ସଫା ମନା କରିଦେଇଥିଲେ। ବିନା ଅଦାଲତଙ୍କ ନିର୍ଦେଶରେ ଏହାକୁ ଦେଇପାରିବିନି ବୋଲି ସ୍ପଷ୍ଟ କରିଦେଇଥିଲେ ତଦନ୍ତକାରୀ ଅଧିକାରୀ। ୨୦୨୦ରେ ରାଜୀବ ସତ୍ୟପାଠ ଜରିଆରେ ଏହା ଦର୍ଶାଇଥିଲେ।.. ମୁଖ୍ୟମନ୍ତ୍ରୀଙ୍କ ନିର୍ମଳ ଭାବମୂର୍ତ୍ତି। ଓଡ଼ିଶାକୁ ନିବେଶ ଆସୁ ବୋଲି ଅହରହ ଉଦ୍ୟମ ଜାରି ରଖିଛନ୍ତି। ନିବେଶ ଆସିଲେ ଓଡ଼ିଶା ସମୃଦ୍ଧଶାଳୀ ହେବ। କିନ୍ତୁ ଅନେକ ଜାଲି କମ୍ପାନୀ ବହୁ ବଡ଼ ବଡ଼ ସଂସ୍ଥା ସହ ବ୍ୟବସାୟିକ କାରବାର କରୁଥିବାର ମିଛ କହି, ଜାଲି ଦସ୍ତାବିଜ୍ ଦେଖାଇ ନିବେଶକଙ୍କୁ ଲୁଟ୍ ରେ ମାତିଛନ୍ତି। ଯଦି ଏମାନଙ୍କ ସ୍ୱାର୍ଥ ସୁରକ୍ଷିତ ହେବନି, ତେବେ ମୁଖ୍ୟମନ୍ତ୍ରୀଙ୍କ ବଡ଼ ଭିଜନ ପ୍ରତି ଏଭଳି ଠକେଇ ବଡ଼ ପ୍ରତିବନ୍ଧକ ସାଜିବନି କି। ସେଥିଲାଗି ତ ବ୍ୟବସ୍ଥାକୁ ଗତିଶୀଳ କରିବା ଜରୁରୀ ହୋଇପଡ଼ିଛି। ସେଥିଲାଗି ତ ରାଜୀବଙ୍କ ସମ୍ପର୍କୀୟ କୁହାଯାଉଥିବା ଅତିରିକ୍ତ ସିପି ଉମାଶଙ୍କର ଦାସଙ୍କ ସମେତ ହାଇକୋର୍ଟଙ୍କ ନିର୍ଦେଶ ସତ୍ତ୍ୱେ ତଦନ୍ତରେ ଅବହେଳା କରିଥିବା ତଦନ୍ତକାରୀ ଅଧିକାରୀଙ୍କୁ ବଦଳି ଲାଗି ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଥିଲେ ତାରାପ୍ରସାଦ ବାହିନୀପତି। ଅଭିଯୁକ୍ତଙ୍କୁ ଗିରଫ ସହ ନିବେଶକଙ୍କୁ ନ୍ୟାୟ ଦେବାକୁ ଦାବି କରିଥିଲେ। ନିବେଶକଙ୍କ ସ୍ୱାର୍ଥ ସୁରକ୍ଷା ଦିଗରେ ତୃଣମୂଳସ୍ତରରୁ ତଦନ୍ତ ଏଜେନ୍ସି ସକ୍ରିୟ ହେବା ଜରୁରୀ। ଠକଙ୍କୁ ଗିରଫ କରିବା ତ ଦୂରର କଥା। ସେମାନଙ୍କ ସମ୍ପତ୍ତି ଜବତ କରିବା, ବ୍ୟାଙ୍କ ଆକାଉଣ୍ଟ ଅଚଳ କରିବା ଭଳି ପଦକ୍ଷେପ ନିଆଯାଉନଥିବାରୁ ଅଭିଯୁକ୍ତ ବେଫିକର। ଆଉ ଅଭିଯୋଗକାରୀ ନିରାଶ। ଯାହାକି ବିଡ଼ମ୍ୱନା।

    ବ୍ୟୁରୋ ରିପୋର୍ଟ ନକ୍ଷତ୍ର ନ୍ୟୁଜ୍

Back to top button