manish sisodia

  • ମାର୍ଚ୍ଚ ୨୫ରେ ସିସୋଦିଆଙ୍କ ଜାମିନ ଆବେଦନ ଶୁଣାଣି

    ନୂଆଦିଲ୍ଲୀ: ଦିଲ୍ଲୀ: ଅବକାରୀ ନୀତି ମାମଲାରେ ମନୀଷ ସିସୋଦିଆଙ୍କ ଜାମିନ ଶୁଣାଣି ମାର୍ଚ୍ଚ ୨୫କୁ ଘୁଞ୍ଚି ଯାଇଛି। ସେପଟେ ଆଜି ଶୁଣାଣି କାଳରେ କୋର୍ଟ ଇଡିକୁ ନୋଟିସ କରିଛନ୍ତି। ମଙ୍ଗଳବାର ଦିଲ୍ଲୀ କୋର୍ଟରେ ସିସୋଦିଆ ଜଣାଇଥିଲେ କି, ତାଙ୍କ ପତ୍ନୀ ଅସୁସ୍ଥ, ଘରେ ତାଙ୍କ ଯତ୍ନ ନେବାକୁ ଆଉ କେହି ନାହିଁ। ସେହିପରି ତାଙ୍କ ଓକିଲ କହିଥିଲେ କି, ସିସୋଦିଆଙ୍କ ପତ୍ନୀ ଅସୁସ୍ଥ ଥିବା ବେଳେ ପୁଅ ବିଦେଶରେ ପଢୁଛନ୍ତି।

    ତେବେ ସିସୋଦିଆଙ୍କ ଜାମିନ ଆବେଦନକୁ ସିବିଆଇ ବିରୋଧ କରୁଛି। ସଂସ୍ଥା ପକ୍ଷରୁ କୁହାଯାଇଛି କି, ସିସୋଦିଆ ଦିଲ୍ଲୀ ସରକାରରେ ଏକ ଉଚ୍ଚ ପଦରେ ଅବସ୍ଥାପିତ ଥିବାରୁ ସେ ମାମଲାରେ ତଥ୍ୟ ପ୍ରମାଣ ନଷ୍ଟ କରିପାରିବେ।

    କିନ୍ତୁ ସିସୋଦିଆ କହିଥିଲେ। ସେ ତଦନ୍ତକାରୀ ସଂସ୍ଥାକୁ ସହଯୋଗ କରୁଛନ୍ତି। ମାମଲାରେ ସଂସ୍ଥା ତାଙ୍କ ଘର ସମେତ ବିଭିନ୍ନ ସ୍ଥାନରେ ରେଡ କରିଛି, ତାଙ୍କର ବିଦ୍ୟୁତ ଉପକରଣ ଜବତ କରିଛି, କିନ୍ତୁ କୌଣସିଠାରେ ତାଙ୍କ ବିରୋଧରେ କୌଣସି ପ୍ରମାଣ ମିଳିନାହିଁ। ମୁଁ ଜଣେ ଜନ ସେବକ, କିନ୍ତୁ ଏହି ମାମଲାରେ ଆଉ ଦୁଇ ଜଣଙ୍କ ସମ୍ପୃକ୍ତି ନେଇ ଅଭିଯୋଗ ହୋଇଥିବା ବେଳେ ସେମାନଙ୍କୁ ଗିରଫ କରାଯାଇନାହିଁ। ସେହିପରି ସିସୋଦିଆଙ୍କ ଓକିଲ କୋର୍ଟଙ୍କୁ ଜଣାଇଛନ୍ତି କି, ସିବିଆଇ ହାଜତରେ ରଖି ପଚରାଉଚରା ପାଇଁ କିଛି ବାକି ନାହଁ। ସେ ବିଦେଶକୁ ଖସି ଯାଉ ନାହାନ୍ତି। ଏଥିସହ ଓକିଲ ଜଣାଇଥିଲେ କି, ତାଙ୍କ ବିରୋଧରେ କୌଣସି ଦସ୍ତାବିଜ ପ୍ରମାଣ ମଧ୍ୟ ସଂସ୍ଥା ସଂଗ୍ରହ କରିପାରି ନାହିଁ।

    ଏହାକୁ ନେଇ ସିବିଆଇ କୋର୍ଟଙ୍କୁ ଜଣାଇଥିଲା କି, ଯଦିଓ ସିସୋଦିଆ ବିଦେଶକୁ ଖସି ଯାଉନାହାନ୍ତି, କିନ୍ତୁ ସେ ସାକ୍ଷୀଙ୍କୁ ପ୍ରଭାବିତ କରିବାର ସମ୍ଭାବନା ରହିଛି। ସେ ଯାଞ୍ଚକୁ ମଧ୍ୟ ପ୍ରଭାବିତ କରି ପାରନ୍ତି। ସିସୋଦିଆଙ୍କ ଅଧୀନରେ ୧୮ ବିଭାଗ ରହିଛି।  ସମସ୍ତ ତଥ୍ୟ ପ୍ରମାଣ ତାଙ୍କ ପାଖରେ ଅଛି। ସେ ମାମଲାରେ ବହୁ ଦସ୍ତାବିଜ ନଷ୍ଟ କରିଦେବା ସହ ବ୍ୟବହାର କରୁଥିବା ଏକାଧିକ ଫୋନ ନଷ୍ଟ କରିଦେଇଛନ୍ତି।

  • ଏପ୍ରିଲ ୩ ଯାଏ ନ୍ୟାୟିକ ହାଜତରେ ରହିବେ ସିସୋଦିଆ

    ନୂଆଦିଲ୍ଲୀ: ଥମୁନି ଦିଲ୍ଲୀ ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ଅଡୁଆ। ସୋମବାର ଦିନ ଦିଲ୍ଲୀର ରାଉଜ ଆଭେନ୍ୟୁ କୋର୍ଟ ମନୀଷଙ୍କ ନ୍ୟାୟିକ ହାଜତ ମିଆଦକୁ ୧୪ ଦିନ ପାଇଁ ବଢାଇ ଦେଇଛନ୍ତି। ଦିଲ୍ଲୀ ଅବକାରୀ ନୀତିକୁ ନେଇ ତାଙ୍କୁ ଗିରଫ କରାଯାଇଥିଲା। ବର୍ତ୍ତମାନ ସେ ଇଡି ହାଜତରେ ଥିବା ବେଳେ ଆଜି ତାଙ୍କୁ ଭର୍ଚୁଆଲ ମୋଡରେ କୋର୍ଟରେ ହାଜର କରାଯାଇଥିଲା।

    ସ୍ବତନ୍ତ୍ର ବିଚାରପତି ଏମ କେ ନାଗପାଳଙ୍କ ନିକଟରେ ଇଡି ସିସୋଦିଆଙ୍କୁ ଭର୍ଚୁଆଲ ମୋଡରେ କୋର୍ଟଙ୍କ ସମ୍ମୁଖରେ ଉପସ୍ଥିତ କରିଥିଲା। କୋର୍ଟ ସିସୋଦିଆଙ୍କୁ ୩ ଏପ୍ରିଲ ୨୦୨୩ ପର୍ଯ୍ୟନ୍ତ ନ୍ୟାୟକ ହାଜତକୁ ପଠାଇଦେଇଛନ୍ତି।  ସେ ଆସନ୍ତା ୨୨ ତାରିଖ ପର୍ଯ୍ୟନ୍ତ ଇଡି ହାଜତରେ ରହିବେ। ସେପଟେ ତାଙ୍କ ଜାମିନ ଆବେଦନ ଉପରେ ମର୍ଚ୍ଚ ୨୧ରେ ହେବ ଶୁଣାଣି।

    ସିସୋଦିଆ ଟ୍ରାଏଲ କୋର୍ଟରେ ତାଙ୍କ ଜାମିନ ଆବେଦନ ଦାୟର କରି ଏଥିରେ କହିଛନ୍ତି କି, ପୂର୍ବରୁ ହିଁ ସବୁ କିଛି ତାଙ୍କ ନିକଟରୁ ନିଆଯାଇସାରିଛି। ଏବେ ତାଙ୍କୁ ହାଜତରେ ରଖିଲେ କୌଣସି ଫଳ ମିଳିବ ନାହିଁ। ଏଥିସହ ସିସୋଦିଆ କୋର୍ଟଙ୍କୁ ଜଣାଇଥିଲେ କି, ଯେତେବେଳେ ସିବିଆଇ ତାଙ୍କୁ ଡକାଇଥିଲା ସେ ଯାଞ୍ଚରେ ସାମିଲ ହୋଇଥିଲେ। ଏହି ମାମଲାରେ ଅନ୍ୟ ଯେଉଁମାନେ ଗିରଫ ହୋଇଥିଲେ, ସେମାନଙ୍କୁ ଜାମିନ ମିଳି ସାରିଛି। ଆହୁରି କହିଥିଲେ କି, ଦିଲ୍ଲୀର ଉପମୁଖ୍ୟମନ୍ତ୍ରୀ ପଦ ଏକ ଗୁରୁତ୍ବପୂର୍ଣ୍ଣ ସମ୍ବିଧାନିକ ପଦ ଓ ଏହାର ଜଡ ସମାଜର ଗଭୀରତା ପର୍ଯ୍ୟନ୍ତ ଲମ୍ବିଛି।

  • ସିସୋଦିଆଙ୍କ ଅଧିକ ରିମାଣ୍ଡ ଚାହିଁଲା ଇଡି

    ନୂଆଦିଲ୍ଲୀ: ଆପ ନେତା ମନୀଷ ସିସୋଦିଆଙ୍କ ଇଡି ହାଜତ ଅବଧି ଆଜି ଶେଷ ହୋଇଥିବା ବେଳେ ପୁଣି ୫ ଦିନିଆ ରିମାଣ୍ଡରେ ନେଇଛି। ଇଡି ସିସୋଦିଆଙ୍କୁ କୋର୍ଟରେ ହାଜର କରି ଆହୁରି ୭ ଦିନ ରିମାଣ୍ଡରେ ନେବାକୁ ଅପିଲ କରିଥିଲା। ଦିଲ୍ଲୀ ଅବକାରୀ ନୀତି ମାମଲାରେ ଇଡି ମନୀଷଙ୍କୁ ୭ ଦିନିଆ ରିମାଣ୍ଡ ନେଇ ତଦନ୍ତ କରିଥିବା ବେଳେ ଆଜି ରିମାଣ୍ଡ ଅବଧି ଶେଷ ହୋଇଛି।

    ଦିଲ୍ଲୀ ଅବକାରୀ ନୀତି ମାମଲାରେ ଗିରଫ ହୋଇଥିବା ଦିଲ୍ଲୀର ପୂର୍ବତନ ମନ୍ତ୍ରୀ ମନୀଷ ସିସୋଦିଆଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ଆଜି କୋର୍ଟରେ ହାଜର କରି ରିମାଣ୍ଡ ଅବଧି ବୃଦ୍ଧି କରିବାକୁ ଅପିଲ କରିଛି। କୋର୍ଟଙ୍କ ଇଡି ଜଣାଇଛି କି, ସିସୋଦିଆ ତାଙ୍କ ଫୋନକୁ ନଷ୍ଟ କରିଦେଇଛନ୍ତି। ଆଉ ଥରେ ତାଙ୍କ ଜେରାର ଆବଶ୍ୟକତା ରହିଛି। ଏବେ ଇମେଲରୁ ମିଳିଥିବା ଡାଟା, ତାଙ୍କ ମୋବାଇଲର ପରୀକ୍ଷା କରାଯାଉଛି। ଆହୁରି ଅନେକ ଗୁରୁତ୍ବପୂର୍ଣ୍ଣ ଦିଗ ଉପରେ ଜେରା କରିବାର ଆବଶ୍ୟକତା ରହିଛି। ତେଣୁ ଅଧିକ ରିମାଣ୍ଡର ଆବଶ୍ୟକତା ରହିଛି।

    ସେପଟେ ସିସୋଦିଆଙ୍କ ଓକିଲ କହିଛନ୍ତି କି, ସିବିଆଇ ଏଫଆଇଆରର କିଛି ଦିନ ଭିତରେ ଅଗଷ୍ଟ ୨୦୨୨ରେ ଇସିଆଇଆର ଦାଖଲ କରିଥିଲା। କମ୍ପ୍ୟୁଟର ଜବତ କରି ତାର ଯାଞ୍ଚ କରିଛି। ଏବେ ଦ୍ବିତୀୟ ଏଜେନ୍ସି ସମାନ କାର୍ଯ୍ୟକୁ ଦୋହରାଉଛି। ଇଡି ଓ ସିବିଆଇ କଣ ପ୍ରକ୍ସି ଏଜେନ୍ସି ଭାବେ କାର୍ଯ୍ୟ ତୁଲାଉଛି? ଇଡି ଏବେ ଦିନେଶ ଅରୋରାଙ୍କ ସହ ସିସୋଦିଆଙ୍କ ମୁହାଁମୁହିଁ ଜେରା କଥା କହୁଛି। ଦିନେଶ ୧୫ ମାର୍ଚ୍ଚରେ ଇଡି ଅଫିସରେ ଥିଲେ, କାହିଁ ସେହିଦନ ଉଭୟଙ୍କୁ ଜେରା କରାଯାଇ ନ ଥିଲା ବୋଲି ପ୍ରଶ୍ନ କରିଛନ୍ତି ସିସୋଦିଆଙ୍କ ଓକିଲ।

    କୋର୍ଟରେ ଆଜି ସିସୋଦିଆ ମଧ୍ୟ କହିଛନ୍ତି। ଦୈନିକ ଅଧଘଣ୍ଟାରୁ ଘଣ୍ଟାଏ ଜେରା ହେଉଛି। ଗତକାଲି କେବଳ କିଛି ଅଧିକ ସମୟ ଜେରା ହୋଇଥିଲା।

  • ସିସୋଦିଆଙ୍କୁ ୭ ଦିନ ରିମାଣ୍ଡରେ ନେବ ଇଡି

    ନୂଆଦିଲ୍ଲୀ: ଦିଲ୍ଲୀ ଅବକାରୀ ନୀତି ଘୋଟାଲାରେ ସିବିଆଇ ଦ୍ବାରା ଗିରଫ ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କୁ ୭ ଦିନିଆ ରିମାଣ୍ଡରେ ନେବ ପ୍ରବର୍ତ୍ତନ ନିର୍ଦ୍ଦେଶାଳୟ। ରାଉଜ ଏଭେନ୍ୟୁ କୋର୍ଟରେ ସିସୋଦିଆଙ୍କୁ ୧୦ ଦିନ ଦିନିଆ ରିମାଣ୍ଡ ପାଇଁ ଇଡିର ଅପିଲ ଉପରେ ଶୁଣାଣି କରି ୭ ଦିନ ରିମାଣ୍ଡ ମଞ୍ଜୁର କରିଛନ୍ତି କୋର୍ଟ। ସେପଟେ ଜାମିନ ଆବେଦନ ଉପରେ ଆଜି  ମିଳିଲାନି ଆଶ୍ବସ୍ତି। ୨୧ ତାରିଖ ପର୍ଯ୍ୟନ୍ତ ଶୁଣାଣି ଘୁଞ୍ଚାଇଲେ କୋର୍ଟ।

    ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କୁ ୭ ଦିନ ରିମାଣ୍ଡରେ ନେବ ଇଡି।  ଦିଲ୍ଲୀର ରାଉଜ ଏଭେନ୍ୟୁ କୋର୍ଟରେ ଇଡି ଶୁକ୍ରବାର ଦିନ ସିସୋଦିଆଙ୍କୁ ୧୦ ଦିନ ରିମାଣ୍ଡରେ ନେବାକୁ କରିଥିଲା ଅପିଲ। ଦିଲ୍ଲୀ ଅବକାରୀ ଘୋଟାଲାକୁ ନେଇ ସିବିଆଇ ଗିରଫ କରିଥିଲା। ତେବେ କୋର୍ଟରେ ଇଡି ପକ୍ଷରୁ କୁହାଯାଇଥିଲା କି, ମଦ ନୀତିକୁ ନେଇ ନିଆଯାଇଥିବା ନିଷ୍ପତ୍ତି ଗ୍ରୁପ ଅଫ ମିନିଷ୍ଟରଙ୍କର ଥିବା କୁହାଯାଇଥିବା ବେଳେ କିନ୍ତୁ ଏସମ୍ପର୍କରେ କେବଳ ଜଣେ ବ୍ୟକ୍ତି ଅବଗତ ଥିଲେ। ଇଡି କୋର୍ଟରେ ନିଜ ଦଲିଲ ଉପସ୍ଥାପନ ପୂର୍ବକ ସିଣ୍ଡିକେଟର ବିଜୟ ନାୟର ନେତୃତ୍ବ ନେଇଥିଲେ। ବିଜୟ ନାୟରଙ୍କ ସହ କବିତାଙ୍କର ସାକ୍ଷାତ ହୋଇଥିଲା ଓ ଏଥିସମ୍ବନ୍ଧରେ ଇଡି କବିତା ଓ ବିଜୟଙ୍କ ୱାଟ୍‌ସଆପ ଚାଟର ସ୍କ୍ରିନସଟ ଉପସ୍ଥାପନ କରିଥିଲା କୋର୍ଟରେ। କୋର୍ଟରେ ପ୍ରବର୍ତ୍ତନ ନିର୍ଦ୍ଦେଶଳୟ ପକ୍ଷରୁ ଆଡଭୋକେଟ ଜୋହେବ ହୁସୈନ ଉପସ୍ଥିତ ଥିଲେ। ସେପଟେ ମନିଷ ସିସୋଦିଆଙ୍କ ଓକିଲ ଦୟାନ କୃଷ୍ଣନ କହିଥିଲେ କି, ଅବକାରୀ ନୀତିକୁ ଅନୈତିକ କୁହାଯାଉଛି। କିନ୍ତୁ ଏହା ଏକ ନିର୍ବାଚିତ ସରକାରୀ କଳର କାର୍ଯ୍ୟଥିଲା। ଏହା ସରକାର, ଅଧିକାରୀ, ଫାଇନାନ୍ସ ଓ ଲ ସେକ୍ରେଟାରୀ ହୋଇ ଉପରାଜ୍ୟପାଳଙ୍କ ନିକଟକୁ ଯାଇଥିଲା। ଏଲଜି  ଅର୍ଥାତ୍ କେନ୍ଦ୍ର ସରକାର। ଏଲଜି ଏସମ୍ପର୍କରେ ତିନିଟି କଥା କହିଥିଲେ କିନ୍ତୁ ପ୍ରଫିଟ ମାର୍ଜିନ ବା ଏଲିଜିବିଲିଟି ସମ୍ବନ୍ଧିତ କିଛି କହି ନ ଥିଲେ।

    ସେହିପରି ସିସୋଦିଆଙ୍କ ଦ୍ବିତୀୟ ଓକିଲ କହିଥିଲେ କି, ସମ୍ପ୍ରତି ଏହା ଫେସନ ହୋଇଗଲାଣି କି, ଯାଞ୍ଚ ଏଜେନ୍ସ ନିଜ ଅଧିକାର ଭାବି ଲୋକଙ୍କୁ ଗିରଫ କରୁଛି। ତେଣୁ ଏପରି ମାମଲାରେ କୋର୍ଟଙ୍କୁ କଠୋରତା ଆପଣାଇବା ଆବଶ୍ୟକ।

    ଦିଲ୍ଲୀ ଅପକାରୀ ନୀତି ମାମଲାରେ ଗତ ଫେବୃଆରୀ ୨୬ରେ ସିବିଆଇ ସିସୋଦିଆଙ୍କୁ ଗିରଫ କରିଥିଲା। ସିବିଆଇ ୭ ଦିନ ପଚରା ଉଚରା କରିବା ପରେ ତାଙ୍କୁ କୋର୍ଟରେ ଉପସ୍ଥିତ କରାଇଥିଲା ଓ କୋର୍ଟ ସିସୋଦିଆଙ୍କୁ ୨୦ ମାର୍ଚ୍ଚ ଯାଏ ତିହାଡ ଜେଲକୁ ପଠାଇଦେଇଥିଲେ। ସେପଟେ ଜାମିନ ପାଇଁ ସିସୋଦିଆଙ୍କ  ଜାମିନ ଆବେଦନ ଉପରେ ଶୁଣାଣି ୨୧ ମାର୍ଚ୍ଚ ପର୍ଯ୍ୟନ୍ତ ସ୍ଥଗିତ ରଖାଯାଇଛି। କେଜରିୱାଲା ସରକାର ଦ୍ବାରା ଦିଲ୍ଲୀରେ ଅଣାଯାଇଥିବା ମଦ ନୀତିରେ ବ୍ୟବସାୟୀଙ୍କୁ ଲାଭ ଯୋଗାଇ ଦେବାକୁ ସ୍ବତନ୍ତ୍ର ନୀତି ଆପଣା ଯାଇଥିବା ଅଭିଯୋଗ କରି ସିସୋଦିଆଙ୍କୁ ଗିରଫ କରାଯାଇଛି। ସେପଟେ ଗିରଫଦାରୀ ପରେ ସିସୋଦିଆ ନିଜ ପଦରୁ ଦେଇଛନ୍ତି ଇସ୍ତଫା।

  • ସର୍ବୋଚ୍ଚ ନ୍ୟାୟାଳୟରୁ ସିସୋଦିଆ ନିରାଶ

    ନୂଆଦିଲ୍ଲୀ: ଦିଲ୍ଲୀର ଡେପୁଟି ମନୀଷ ସିସୋଦିଆଙ୍କ ଗିରଫଦାରୀ ଓ ସିବିଆଇ ଯାଞ୍ଚ ପ୍ରଣାଳୀକୁ ନେଇ ସୁପ୍ରିମ କୋର୍ଟ ଯାଇଥିବା ବେଳେ ସୁପ୍ରିମକୋର୍ଟରୁ ମିଳିଛି ନିରାଶା।  ଚିଫ ଜଷ୍ଟିସ ଡି ୱାଇ ଚନ୍ଦ୍ରଚୂଡ କହିଛନ୍ତି କି ଏହା ବିନୋଦ ଦୁଆ ମାମଲାଠାରୁ ଭିନ୍ନ ଦୁର୍ନୀତି ନିବାରଣ ଆକ୍ଟ ଅନ୍ତର୍ଗତ ମାମଲା।  ତେଣୁ ଏହି ମାମଲାରେ ସର୍ବୋଚ୍ଚ ନ୍ୟାୟାଳୟ ଶୁଣାଣି କରି ପାରିବେ ନାହିଁ। ତେଣୁ ହାଇକୋର୍ଟ ଯିବାକୁ କୋର୍ଟ ପରାମର୍ଶ ଦେଇଛନ୍ତି।

    ସିସୋଦିଆଙ୍କ ପକ୍ଷରୁ ଓକିଲ ଅଭିଷେକ ମନୁ ସିଙ୍ଘବି ଯାଚିକା ଦାୟର ପୂର୍ବକ ଏହାର ତ୍ବରିତ୍ ଶୁଣାଣି ପାଇଁ ଦାବି କରିଥିଲେ। ସେପଟେ ମୁଖ୍ୟ ବିଚାରପତି ଜଷ୍ଟିସ ଡି ୱାଇ ଚନ୍ଦ୍ରଚୂଡ ଓକିଲଙ୍କ କଥା ଶୁଣାବା ପରେ ଏହି ମାମଲାରେ ହାଇକୋର୍ଟ ନ ଯାଇ କାହିଁ ସିଧା ସୁପ୍ରିମକୋର୍ଟକୁ ଆସିଛନ୍ତି ପଚାରିବାରୁ ସିଙ୍ଘବି ବିନୋଦ ଦୁଆ ମାମଲାରେ ସୁପ୍ରିମ କୋର୍ଟଙ୍କ ନିଷ୍ପତ୍ତିକୁ ଉଲ୍ଲେଖ କରିଥିଲେ। ଏହାକୁ ନେଇ ଆଜି ଅପରାହ୍ନ ୩.୫୦ରେ ଏହି ମାମଲା କରିବାକୁ ସିଜେଆଇ କହିଥିଲେ।

    ମନୀଷଙ୍କ ଗିରଫଦାରୀକୁ ନେଇ ସେ କହିଛନ୍ତି, ସିବିଆଇ ଯାଞ୍ଚରେ ସମସ୍ତ ପ୍ରକାରର ସହଯୋଗ ସତ୍ତ୍ବେ ତାଙ୍କୁ କାହିଁ ଗିରଫ କରାଯାଇଛି। ସୂଚନା ଯୋଗ୍ୟ, ରବିବାର ଦିନ ସିସୋଦିଆ ସିବିଆଇ ସମନ ମୁତାବକ ଜେରା ପାଇଁ ସିବିଆଇ ଅଫିସରେ ପହଞ୍ଚିଥିଲେ। ଦୀର୍ଘ ୮ ଘଣ୍ଟା ଧରି ସିବିଆଇ ଗୁଡେଇ ତୁଡେଇ ସିସୋଦିଆଙ୍କ ପ୍ରଶ୍ନ କରିବା ପରେ ରାତିରେ ତାଙ୍କୁ ଗିରଫ କରି ନେଇଥିଲା। ଏନେଇ ସିବିଆଇ ପକ୍ଷରୁ କୁହାଯାଇଥିଲା କି, ସିସୋଦିଆଙ୍କୁ ପଚରା ଯାଉଥିବା ପ୍ରଶ୍ନର ସେ ଉତ୍ତର ଦେଇ ନ ଥିଲେ। ଏହା ବ୍ୟତୀତ, ନୂଆ ମଦ ନୀତି ଆଣିଥିଲେ ମଧ୍ୟ ଏନେଇ କୌଣସି ରେକର୍ଡ ବା ଫାଇଲ ମିଳି ପାରି ନାହିଁ।

  • ଗିରଫଦାରୀ ବିରୋଧରେ ସର୍ବୋଚ୍ଚ ନ୍ୟାୟାଳୟ ଗଲେ ସିସୋଦିଆ

    ନୂଆଦିଲ୍ଲୀ: ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ଗିରଫଦାରୀ ବିରୋଧରେ ସୁପ୍ରିମ କୋର୍ଟରେ ଚ୍ୟାଲେଞ୍ଜ। ଦିଲ୍ଲୀ ମଦ କେଳେଙ୍କାରୀକୁ ନେଇ ସିସୋଦିଆଙ୍କୁ ସିବିଆଇ ଗିରଫ କରିଥିବା ବେଳେ ଏହା ବିରୋଧରେ ଓ ସିବିଆଇର ଯାଞ୍ଚ ପ୍ରକ୍ରିୟାକୁ ସର୍ବୋଚ୍ଚ କୋର୍ଟରେ ଚ୍ୟାଲେଞ୍ଜ କରିଛନ୍ତି ସିସୋଦିଆ। ସିସୋଦିଆଙ୍କ ପକ୍ଷରୁ ଓକିଲ ଅଭିଷେକ ମନୁ ସିଙ୍ଘବି ଯାଚିକା ଦାୟର ପୂର୍ବକ ଏହାର ତ୍ବରିତ୍ ଶୁଣାଣି ପାଇଁ ଦାବି କରିଛନ୍ତି। ସେପଟେ ମୁଖ୍ୟ ବିଚାରପତି ଜଷ୍ଟିସ ଡି ୱାଇ ଚନ୍ଦ୍ରଚୂଡ ଓକିଲଙ୍କ କଥା ଶୁଣାବା ପରେ ଏହି ମାମଲାରେ ହାଇକୋର୍ଟ ନ ଯାଇ କାହିଁ ସିଧା ସୁପ୍ରିମକୋର୍ଟକୁ ଆସିଛନ୍ତି ପଚାରିବାରୁ ସିଙ୍ଘବି ବିନୋଦ ଦୁଆ ମାମଲାରେ ସୁପ୍ରିମ କୋର୍ଟଙ୍କ ନିଷ୍ପତ୍ତିକୁ ଉଲ୍ଲେଖ କରିଛନ୍ତି। ଏହାକୁ ନେଇ ଆଜି ଅପରାହ୍ନ ୩.୫୦ରେ ଏହି ମାମଲା କରିବାକୁ ସିଜେଆଇ କହିଛନ୍ତି।

    ମନୀଷଙ୍କ ଗିରଫଦାରୀକୁ ନେଇ ସେ କହିଛନ୍ତି, ସିବିଆଇ ଯାଞ୍ଚରେ ସମସ୍ତ ପ୍ରକାରର ସହଯୋଗ ସତ୍ତ୍ବେ ତାଙ୍କୁ କାହିଁ ଗିରଫ କରାଯାଇଛି। ସୂଚନା ଯୋଗ୍ୟ, ରବିବାର ଦିନ ସିସୋଦିଆ ସିବିଆଇ ସମନ ମୁତାବକ ଜେରା ପାଇଁ ସିବିଆଇ ଅଫିସରେ ପହଞ୍ଚିଥିଲେ। ଦୀର୍ଘ ୮ ଘଣ୍ଟା ଧରି ସିବିଆଇ ଗୁଡେଇ ତୁଡେଇ ସିସୋଦିଆଙ୍କ ପ୍ରଶ୍ନ କରିବା ପରେ ରାତିରେ ତାଙ୍କୁ ଗିରଫ କରି ନେଇଥିଲା। ଏନେଇ ସିବିଆଇ ପକ୍ଷରୁ କୁହାଯାଇଥିଲା କି, ସିସୋଦିଆଙ୍କୁ ପଚରା ଯାଉଥିବା ପ୍ରଶ୍ନର ସେ ଉତ୍ତର ଦେଇ ନ ଥିଲେ। ଏହା ବ୍ୟତୀତ, ନୂଆ ମଦ ନୀତି ଆଣିଥିଲେ ମଧ୍ୟ ଏନେଇ କୌଣସି ରେକର୍ଡ ବା ଫାଇଲ ମିଳି ପାରି ନାହିଁ।

    ସେହିପରି ନୂଆ ମଦ ନୀତିକୁ ନେଇ ହୋଇଥିବା ଡ୍ରାପ୍ଟ ବାହାରୁ ହୋଇ ହ୍ବାଟ୍ସ ଆପ ଜରିଆରେ ଆସିଥିଲା। ଏନେଇ ଜଣେ ପୂର୍ବତନ ଅଧିକାରୀଙ୍କୁ ଜେରା କରାଯାଇ ତଥ୍ୟ ସିବିଆଇ ସଂଗ୍ରହ କରିଥିଲା। ସେହିପରି ଗତ ବର୍ଷ ସିସୋଦିଆଙ୍କ ଏକ ଡିଜିଟାଲ ଡିଭାଇସ ସିବିଆଇ ସିଜ କରିଥିଲେ ମଧ୍ୟ ସେଥିରେ ସମସ୍ତ ତଥ୍ୟ ଡିଲିଟ ହୋଇଛି, ଯାହାକୁ ରିକଭର କରିବାକୁ ସିବିଆଇ ଫରେନ୍ସିକ ଟିମ ଚେଷ୍ଟା ଚଳାଇଛି।

    ମାମଲାରେ ସୋମବାର ବିଶେଷ ଅଦାଲତ ପାଞ୍ଚ ଦିନ ପାଇଁ  ସିବିଆଇ କଷ୍ଟୋଡିକୁ ସିସୋଦିଆଙ୍କୁ ପଠାଇ ଦେଇଛି। 

  • ସିସୋଦିଆଙ୍କ ବିରୋଧରେ ମକଦମା ଚଳାଇବାକୁ ସିବିଆଇକୁ ଗ୍ରୀନ ସିଗନାଲ

    () ଦିଲ୍ଲୀ ଉପ-ମୁଖ୍ୟମନ୍ତ୍ରୀ ମନିଷ ସିସୋଦିଆଙ୍କ ବିରୋଧରେ ମକଦମା ଚଲାଇବାକୁ ସିବିଆଇକୁ ଗ୍ରୀନ୍ ସିଗନାଲ। କେନ୍ଦ୍ର ଗୃହ ମନ୍ତ୍ରାଳୟ ଦ୍ବାରା ଗଠିତ ଫିଡବ୍ୟାକ୍ ୟୁନିଟ ରାଜନୈତିକ ଗୁଇନ୍ଦି ରିପୋର୍ଟ ଏକତ୍ର କରିବା ମାମଲାରେ ତଦନ୍ତ ଚଳାଇବାକୁ ମଞ୍ଜୁରୀ ପ୍ରଦାନ କରିଛନ୍ତି । ଦିଲ୍ଲୀ ଉପ-ରାଜ୍ୟପାଳଙ୍କ ପ୍ରଧାନ ସଚିବକୁ ଦିଆଯାଇଥିବା ଚିଠି ଭ୍ରଷ୍ଟାଚାର ନିରୋଧିକ ଅଧନିୟମ ୧୯୮୮ ଧାରା ୧୭ ଅନୁଯାୟୀ ମଞ୍ଜୁରୀ ଦିଆଯାଇଛି। ଗୋଟେପଟେ ମଦ ଦୁର୍ନୀତି ଅନ୍ୟପଟେ ବିପକ୍ଷ ଦଳ ବିରୋଧରେ ଗୁପ୍ତଚର କାର୍ଯ୍ୟକଳାପ ଅଭିଯୋଗ ନେଇ ସିସୋଦିଆଙ୍କ ବିରୁଦ୍ଧ ଚାଲିବ ସିବିଆଇ ତଦନ୍ତ। ଯାହାକୁ ନେଇ ଦିଲ୍ଲୀ ରାଜନୀତି ସରଗରମ ହୋଇଛି।

    ଅଡୁଆରେ ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ। ସିସୋଦିଆଙ୍କ ବିରୋଧରେ ଚାଲିବ ସିବିଆଇ ତଦନ୍ତ। ବିପକ୍ଷ ଦଳ ବିରୋଧରେ ଗୁପ୍ତଚର କାର୍ଯ୍ୟକଳାପ ଅଭିଯୋଗ ପ୍ରସଙ୍ଗ। ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ବିରୋଧରେ ତଦନ୍ତ ଆରମ୍ଭ କରିବା ଲାଗି ସିବିଆଇକୁ କେନ୍ଦ୍ରର ନିର୍ଦ୍ଦେଶ। ଦିଲ୍ଲୀ ମଦ ଦୁର୍ନୀତି ମାମଲାରେ ଛନ୍ଦି ହୋଇଥିବା ସିସୋଦିଆଙ୍କ ବିରୋଧରେ କେନ୍ଦ୍ରର ଏହି ନିର୍ଦ୍ଦେଶ ଅଡୁଆ ସୃଷ୍ଟି କରିଛି। ବିରୋଧୀଙ୍କ ଉପରେ ସେ ଗୁଇନ୍ଦାଗିରି କରୁଥିବା ଅଭିଯୋଗ ହୋଇଥିଲା। ଏହାର ସିବିଆଇ ତଦନ୍ତ ପାଇଁ ଆଜି କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରଣାଳୟ ଅନୁମତି ଦେଇଛି। ସିସୋଦିଆଙ୍କ ନାଁରେ ଏବେ ଦିଲ୍ଲୀର ତଥାକଥିତ ଅବକାରୀ ନୀତି ଦୁର୍ନୀତି ମାମଲାରେ ସିବିଆଇ ଓ ଇଡି ତଦନ୍ତ କରୁଛନ୍ତି। ଏପରି କି ତାଙ୍କୁ ସିବିଆଇ ହାଜର ହେବାକୁ ନୋଟିସ ମଧ୍ୟ କରିଛି। ଏହା ତଦନ୍ତ ଚାଲୁଥିବା ବେଳେ ସିସୋଦିଆ ଏବେ ଗୁଇନ୍ଦାଗିରି ମାମଲାରେ ଫସିଛନ୍ତି।

    ଏବେ ଗୃହ ମନ୍ତ୍ରଣାଳୟ ତରଫରୁ ଫିଡବ୍ୟାକ୍ ୟୁନିଟ ସହାୟତାରେ ଗୁଇନ୍ଦାଗିରି କରିବା ମାମଲାରେ ସିବିଆଇ ତଦନ୍ତକୁ ଅନୁମତି ଦେଇଛନ୍ତି। ସିବିଆଇ ତରଫରୁ କିଛିଦିନ ପୂର୍ବେ ଫିଡବ୍ୟାକ୍ ୟୁନିଟ ମାଧ୍ୟମରେ ଗୁଇନ୍ଦା ଗିରି କରିବା ମାମଲାରେ ଦିଲ୍ଲୀ ଉପ ମୁଖ୍ୟମନ୍ତ୍ରୀଙ୍କ ଓ ଅନ୍ୟ ଅଧିକାରୀଙ୍କ ବିରୋଧରେ ମାମଲା ରୁଜୁ କରିବାକୁ କେନ୍ଦ୍ର ଗୃହମନ୍ତ୍ରଣାଳୟକୁ ଅନୁମତି ମାଗିଥିଲା। ଉପ ରାଜ୍ୟପାଳଙ୍କ ସୁପାରିଶ ଓ କେନ୍ଦ୍ର ଗୃହମନ୍ତ୍ରଣାଳୟର ନିର୍ଦ୍ଦେଶ ପରେ ଏବେ ମନୀଷ ସିସୋଦିଆ ଓ ଅନ୍ୟ କର୍ମଚାରୀଙ୍କ ବିରୋଧରେ ସିବିଆଇ ତଦନ୍ତ କରାଯିବ। ସିବିଆଇ ତଦନ୍ତର ଅନୁମତି ପରେ ସିସୋଦିଆ କହିଛନ୍ତି, ନିଜର ପ୍ରତିଦ୍ୱନ୍ଦ୍ୱୀଙ୍କ ଉପରେ ମିଛ କେସ୍‌ କରିବା ଗୋଟିଏ ଦୁର୍ବଳ ଓ ଭୟଭୀତ ବ୍ୟକ୍ତିର ଲକ୍ଷଣ। ଆମ ଆଦମୀ ପାର୍ଟି ଆଗକୁ ଯେତିକି ଯେତିକି ବଢ଼ିବ, ତା’ ଉପରେ ଆହୁରି ଅନେକ କେସ୍‌ ହେବ। ଦେଶରେ ଆମ୍ ଆଦମୀ ପାର୍ଟିର କାୟା ବିସ୍ତାର ହେଉଥିବାରୁ ବିରୋଧୀ ଏହା ହଜମ କରିପାରୁନାହାନ୍ତି ବୋଲି ସିସୋଦିଆ କହିଛନ୍ତି।

    ସିବିଆଇ ଅଧିକାରୀଙ୍କ କହିବା ଅନୁଯାୟୀ, ଗତ ୨୦୧୫ରେ ସିସୋଦିଆ ଭିଜିଲାନ୍ସ ବିଭାଗର ଦାୟିତ୍ୱରେ ଥିଲେ। ତେବେ ସେହି ସମୟରେ ଗଠିତ ଫିଡବ୍ୟାକ ୟୁନିଟ ଜରିଆରେ ବିଭିନ୍ନ ମନ୍ତ୍ରାଳୟ, ବିରୋଧୀ ଦଳ, ସଂଗଠନ ଓ ବ୍ୟକ୍ତିବିଶେଷଙ୍କ ବିରୋଧରେ ଗୁଇନ୍ଦାଗିରି କରିଥିବା ନେଇ ଅଭିଯୋଗ ହୋଇଥିଲା। ଏଫବିୟୁକୁ ସିକ୍ରେଟ ସର୍ଭିସ ଫଣ୍ଡ ଜରିଆରେ ବେଆଇନ ତଥା ବେହିସାବ ଅର୍ଥ ପ୍ରଦାନ କରାଯାଇଥିଲା ବୋଲି ଅଭିଯୋଗ ହୋଇଥିଲା। ପ୍ରାରମ୍ଭିକ ଯାଞ୍ଚରେ ଭ୍ରଷ୍ଟାଚାର ଉପରେ ଅଙ୍କୁଶ ଲଗାଇବାକୁ ଦିଲ୍ଲୀ ସରକାରଙ୍କ ଦ୍ୱାରା ସ୍ଥାପିତ ଏଫବିୟୁ ନିଜ କାମ କରିବା ବଦଳରେ ରାଜନୈତିକ ଗୁଇନ୍ଦା ତଥ୍ୟ ଏକତ୍ରୀତ କରୁଥିଲା। ଯାହାକୁ ନେଇ ଏଜେନ୍ସି ମନିଷ ସିସୋଦିଆଙ୍କ ବିରୋଧରେ ମାମଲା ଦାୟର କରିବାକୁ ସୁପାରିସ୍ କରିଥିଲା।

    ଦିଲ୍ଲୀ ସରକାରଙ୍କ ଅଧୀନରେ ଆସୁଥିବା ବିଭିନ୍ନ ବିଭାଗ, ସଂସ୍ଥାର କାର୍ଯ୍ୟ ଉପରେ ପ୍ରାରମ୍ଭିକ ତଥ୍ୟ ସଂଗ୍ରହ ଏକତ୍ର କରିବା ପାଇଁ ୨୦୧୫ରେ ଏଫବିୟୁ ସ୍ଥାପନା ପ୍ରସ୍ତାବ ଦିଆଯାଇଥିଲା। ଏଥିପାଇଁ ଏକ କୋଟି ଟଙ୍କା ବ୍ୟୟ ବରାଦ ହୋଇଥିଲା। ୨୦୧୬ରେ ଏଜେନ୍ସି ଏହା ଉପରେ କାମ ଆରମ୍ଭ କରିଦେଇଥିଲା। ଏଜେନ୍ସି ଭ୍ରଷ୍ଟାଚାର ଉପରେ ରୋକ୍ ଲଗାଇବା ବଦଳରେ ଗୁଇନ୍ଦା ତଥ୍ୟ ସଂଗ୍ରହ କରିବାରେ ଲାଗିପଡିଥିଲା। ସିବିଆଇର ଅଭିଯୋଗ ଅନୁଯାୟୀ, ଦିଲ୍ଲୀ ମୁଖ୍ୟମନ୍ତ୍ରୀ ଅରିବନ୍ଦ କେଜ୍ରିଓ୍ବାଲ ୨୦୧୫ରେ କ୍ୟାବିନେଟ୍ ବୈଠକରେ ଏଭଳି କୌଣସି ଏଜେଣ୍ଡା ନୋଟ୍ ପାରିତ କରିନଥିଲେ। ସେହିପରି ଏଫବିୟୁ ନିଯୁକ୍ତିରେ ଉପ-ରାଜ୍ୟପାଳଙ୍କ ମଞ୍ଜୁରୀ ମଧ୍ୟ ନିଆଯାଇନଥିବା ସିବିଆଇ ଅଧିକାରୀ ଦାବି କରିଛନ୍ତି। ସିବିଆଇର ଏକ ରିପୋର୍ଟ ଆଧାରରେ ଦିଲ୍ଲୀ ଲେଫଟନାଣ୍ଟ ଗଭର୍ଣ୍ଣର ଭି.କେ. ସକ୍ସେନା ସିସୋଦିଆଙ୍କ ବିରୋଧରେ କାର୍ଯ୍ୟାନୁଷ୍ଠାନ ଲାଗି କେନ୍ଦ୍ର ଗୃହ ମନ୍ତ୍ରାଳୟ ଜରିଆରେ ରାଷ୍ଟ୍ରପତିଙ୍କ ନିକଟରେ ସୁପାରିସ କରିଥିଲେ।

    ସେପଟେ ଅବକାରୀ ଦୁର୍ନୀତି ମାମଲାରେ ମନୀଷ ସିସୋଦିଆଙ୍କ ନାମରେ ସିବିଆଇରେ ଯାଞ୍ଚ ଚାଲିଛି। ଏନେଇ ସିବିଆଇ ତରଫରୁ ସିସୋଦିଆଙ୍କ ବାସଭବନ ଓ ବ୍ୟାଙ୍କ ଲକର ଉପରେ ଚଢାଉ କରାଯାଇଥିଲା। ଏହି ମାମଲାରେ ସିବିଆଇରେ ହାଜର ହେବାକୁ ସିସୋଦିଆଙ୍କୁ ନୋଟିସ କରାଯାଇଛି। ୨୬ ଫେବୃୟାରୀରେ ପଚରାଉଚରା ପାଇଁ ପହଞ୍ଚିବାକୁ ସିବିଆଇ ସିସୋଦିଆଙ୍କୁ ନୋଟିସ୍ କରିଛନ୍ତି। ଏହାପୂର୍ବରୁ ସିବିଆଇ ରବିବାର ମନୀଷ ସିସୋଡିଆଙ୍କୁ ଡକାଇଥିଲା। ଏହି ସମୟରେ ସିସୋଡିଆ ବଜେଟ ଚୂଡ଼ାନ୍ତ କରିବାକୁ ଅଧିକ ସମୟ ଦେବାକୁ ସିବିଆଇକୁ ଅନୁରୋଧ କରିଥିଲେ। ତେବେ ସିବିଆଇ ତାଙ୍କ ଅନୁରୋଧକୁ ଗ୍ରହଣ କରି ପଚରାଉଚରା ପାଇଁ ପୁଣି ସମନ ଜାରି କରିଛି।

  • ସିସୋଦିଆଙ୍କ ବିରୋଧରେ ସିବିଆଇ ତଦନ୍ତକୁ ଏଲଜିଙ୍କ ଅନୁମତି

    ନୂଆଦିଲ୍ଲୀ: ଦିଲ୍ଲୀ ଏଲଜି ବିନୟ ସକ୍ସେନା ସିବିଆଇକୁ ଉପମୁଖ୍ୟମନ୍ତ୍ରୀ ମନିଷ ସିସୋଦିଆଙ୍କ ବିରୋଧରେ ଭ୍ରଷ୍ଟାଚାର ନିବାରଣ ଅଧିନିୟମ ଅନ୍ତର୍ଗତ ମାମଲା ଦାୟର କରିବାକୁ ଅନୁମତି ଦେଇଛନ୍ତି। ସିସୋଦିଆଙ୍କ ସହ ଆଇଏଏସ ଅଧିକାରୀଙ୍କ ସମେତ ୬ ଜଣଙ୍କ ବିରୋଧରେ କେଶ ଦାୟର ହେବ। ସେପଟେ ଦିଲ୍ଲୀ ଆପ ସରକାର ବିଜେପି ଉପରେ ଗୁଇନ୍ଦାଗିରି ଅଭିଯୋଗ ଆଣିଛି।

    ଅଭିଯୋଗ ଅନୁଯାୟୀ, ଆପ ସରକାର ୨୦୧୫ରେ ଗାଦିକୁ ଆସିବା ପରେ ଭିଜିଲାନ୍ସକୁ ଲଗାଇ ଏକ ଫିଡବ୍ୟାକ ୟୁନିଟି କରାଯାଇଥିଲା। ଯାହାକୁ ରାଜନୈତିକ ବିରୋଧୀଙ୍କ ଗୁଇନ୍ଦାଗିରି ପାଇଁ ବ୍ୟବହାର କରାଯାଉଥିଲା। ଏଲଜି ଅଫିସର ଅଧିକାରୀଙ୍କ ମୁତାବକ ସିବିଆଇ ପ୍ରାରମ୍ଭିକ ଯାଞ୍ଚରୁ ଏହା ସାମ୍ନାକୁ ଆସିଛି କି, ଫିଡବ୍ୟାକ ୟୁନିଟକୁ ନେତାଙ୍କ ଗୁଇନ୍ଦାଗିରି କରିବାକୁ ବ୍ୟବହାର କରାଯାଉଥିଲା।

    ଏହି ମାମଲାରେ ଦିଲ୍ଲୀ ବିଜେପି ଆଜି ପ୍ରଦର୍ଶନ କରି ଛନ୍ତି ନେତାଙ ହାତରେ ଦୂରବିକ୍ଷଣ ନେଇ ଆଇଟିଓରୁ ଦିଲ୍ଲୀ ସଚିବାଳୟ ଯାଏଁ ପ୍ରଦର୍ଶନ କରିଛନ୍ତି। ଏଥିରେ ଦିଲ୍ଲୀ ବିଜେପିର କାର୍ଯ୍ୟକାରୀ ଅଧ୍ୟକ୍ଷ ବୀରେନ୍ଦ୍ର ସଦେବ ଓ ବିଧାନସଭାରେ ନେତା ବିପକ୍ଷ ରାମବୀର ସିଂହ ବିଧୁଡି ସାମିଲ ହୋଇଛନ୍ତି।

    ବିଜେପି କହିଛନ୍ତି ଫିଡବ୍ୟାକ ୟୁନିଟ ଗଠନ କାଳରେ ଏକ କୋଟି ଟଙ୍କା ଦିଆଯାଇଥିଲା ଓ ଏହାର ନାମ ସିକ୍ରେଟ ସର୍ଭିସ ଫଣ୍ଡ ରଖାଯାଇଥିଲା। ଏଫବିୟୁର ମୁଖ୍ୟ ମଧ୍ୟ ପାରାମିଲିଟାରୀ ଫୋର୍ସରୁ ଅବସରା ନେଇଥିବା ଅଧିକାରୀଙ୍କୁ କରାଯାଇଥିଲା। ଏବେ ବିଜେପି ଆପ ଫିଡବ୍ୟାକ ୟୁନିଟ ପାଇଁ ଖର୍ଚ୍ଚ କରିଥିବା ଅର୍ଥ ସିସୋଦିଆଙ୍କଠାରୁ କରିବାକୁ ଦାବି କରିଛି।

     ଏଲଜି ଏହା ଉପରେ ପ୍ରଶ୍ନ କରିଛନ୍ତି କି, ୨୦୧୫ ସେପ୍ଟେମ୍ବରକୁ ହୋଇଥିବା ଫିଡବ୍ୟାକ ୟୁନିଟ ତିଆରି ପ୍ରସ୍ତାବ ବିଧାନସଭାରେ ମୁଖ୍ୟମନ୍ତ୍ରୀ ନିଜେ ରଖିଥିଲେ ମଧ୍ୟ ଏହା ଉପରେ କୌଣସି କ୍ୟାବିନେଟ ନୋଟ ଦିଆଯାଇନଥିଲା। ଲାଗୁଛି, ଏହାକୁ ଏକ ଘରୋଇ ଗୁପ୍ତଚର ସଂସ୍ଥା ଅନ୍ତର୍ଗତ କରାଯାଇଥିଲା। ଫେବଆରୀ ୨୦୧୬ରେ ଏଫବିୟୁ କାମ କରିବା ଆରମ୍ଭ କରିଥିଲା। ସେତେବେଳେ ଏହା ୧୭ ଜଣ କାମ କରୁଥିଲେ

  • ଏଲଜି ଶିକ୍ଷକଙ୍କ ଅପମାନ କରିଛନ୍ତି

    ନୂଆଦିଲ୍ଲୀ: ଶିକ୍ଷା ବିଭାଗ ଉପରେ ଏଲଜିଙ୍କ ଅଭିଯୋଗ ମିଥ୍ୟା। ଦିଲ୍ଲୀ ଉପମୁଖ୍ୟମନ୍ତ୍ରୀ ମନିଷ ସିସୋଦିଆ ଏଲଜି ଭି କେ ସକ୍ସେନାଙ୍କୁ ଚିଠି ଲେଖି ଜବାବ ଦେଇଛନ୍ତି।  ସିସୋଦିଆ କହିଛନ୍ତି, ଦିଲ୍ଲୀ ସରକାରର ସ୍କୁଲ ସମ୍ପର୍କରେ ମିଛ କହି ଏଲଜି ଶିକ୍ଷକଙ୍କ ଅପମାନ କରିଛନ୍ତି। ଦିଲ୍ଲୀ ସ୍କୁଲରେ ଛାତ୍ରଛାତ୍ରୀଙ୍କ ସଂଖ୍ୟା ୧୪.୫ ଲକ୍ଷରୁ ୧୮ ଲକ୍ଷକୁ ବୃଦ୍ଧି ପାଇଛି। ତେଣୁ ଏଲଜି ଉଭୟ ଶିକ୍ଷକ ଓ ଛାତ୍ରଛାତ୍ରୀଙ୍କ ଉଦ୍ୟମର ଅପମାନ ନ କରନ୍ତୁ।

    ଏଲଜି ସରକାରୀ ସ୍କୁଲରେ ପିଲାଙ୍କ ସଂଖ୍ୟା, ଡିଡିଏ ପ୍ଲାଣ୍ଟସ, ଶ୍ରେଣୀଗୃହ ନିର୍ମାଣ, ଫଳାଫଳକୁ ନେଇ ମିଥ୍ୟା କହୁଛନ୍ତି। ଗେଷ୍ଟ ଟିଚରଙ୍କୁ ଘୋଷ୍ଟ ଟିଚର କହି ଏଲଜି ଶିକ୍ଷକଙ୍କ ଅପମାନ କରିଛନ୍ତି। ସମ୍ବିଧାନରେ ଏଲଜିଙ୍କ କାମ ଆଇନ ବ୍ୟବସ୍ଥାକୁ ଠିକ କରିବା। ତେଣୁ ସେ ଆଇନ ବ୍ୟବସ୍ଥାକୁ ସଜାଡି ଆମକୁ ଶିକ୍ଷା ବ୍ୟବସ୍ଥାରେ ସୁଧାର ଆଣିବାକୁ ଦିଅନ୍ତୁ ବୋଲି କହିଛନ୍ତି ସିସୋଦିଆ।

    କାଲି ଏଲଜି ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଙ୍କୁ ଯେଉଁ ଚିଠି ଲେଖିଥିଲେ ସେଥିରେ ଉଲ୍ଲେଖ କରିଥିଲେ କି, ଶିକ୍ଷା ବ୍ୟବସ୍ଥା ସମ୍ପର୍କରେ ଯେଉଁ ଦାବି ସରକାର କରୁଛି ତାହା ମିଛ ଓ ପୂର୍ବ ତୁଳନାରେ ଛାତ୍ରଛାତ୍ରୀଙ୍କ ଉପସ୍ଥାନ ହ୍ରାସ ପାଇଛି ତଥା ନାମଲେଖାରେ ମଧ୍ୟ ବ୍ୟାପକ ହ୍ରାସ ଆସିଛି।

    ସେପଟେ, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ କାଲି ଉପରାଜ୍ୟପାଳ ଭି କେ ସକ୍ସେନାଙ୍କୁ ଚିଠି ଲେଖି ୨୧ ଜାନୁଆରୀ ଅପରାହ୍ନ ଏକଟାରେ ବିଧାୟକମାନଙ୍କ ସହ ବୈଠକ ପରେ ମଧ୍ୟାହ୍ନ ଭୋଜନରେ ତାଙ୍କୁ ଭେଟିବାକୁ ଇଛା ପ୍ରକାଶ କରିଥିବା ଏଲଜି ଅଫିସ ତରଫରୁ ଏହି ସାକ୍ଷାତକାରକୁ ମନା କରାଯାଇଥିବା ସିଏମ ଅଫିସ ସୂତ୍ରରୁ ସୂଚନା ମିଳିଛି ।

    ସୂଚନାଯୋଗ୍ୟ, ୧୬ ଜାନୁଆରୀରେ ବିଧାନସଭାରୁ ଏଲଜି ଅଫିସ ପର୍ଯ୍ୟନ୍ତ ପ୍ରଦର୍ଶନ କରି  ଏଲଜିଙ୍କୁ ବିଧାୟକମାନେ ଭେଟିବାକୁ ଚାହିଁଥିଲେ। କିନ୍ତୁ  ସମସ୍ତ ବିଧାୟକମାନଙ୍କୁ ମିଳିବାକୁ ମନା କରିଦେଇଥିଲେ ଏଲଜି।  ଏସମ୍ପର୍କରେ ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ଏଲଜି କହିଥିଲେ କି, ବିନା କୌଣସି ପୂର୍ବ ସୂଚୀରେ ହଠାତ୍ ସମସ୍ତ ବିଧାୟକଙ୍କ ସହ ମିଳିବା ସମ୍ଭବ ନ ଥିଲା। ଏହାର ଉତ୍ତରରେ ମୁଖ୍ୟମନ୍ତ୍ରୀ ଶନିବାର ଦିନ ମଧ୍ୟାହ୍ନ ଭୋଜନ କାଳରେ ଏଲଜିଙ୍କୁ  ଭେଟିବାକୁ ଅନୁମତି ମାଗିଥିଲେ।

  • ଦିଲ୍ଲୀର ମଦ ନୀତି ବେଷ୍ଟ ପଲିସି: ସିସୋଦିଆ

    ନୂଆଦିଲ୍ଲୀ:  ମନିଶ ସିସୋଦିଆଙ୍କ ଘରେ ସିବିଆଇ ରେଡ ନେଇ ମିଡିଆ ଆଗରେ ମୁହଁ ଖୋଲିଲେ ସିସୋଦିଆ। କେନ୍ଦ୍ର ସରକାରକୁ ଅରବିନ୍ଦ କେଜରିୱାଲଙ୍କ ଲୋକପ୍ରିୟତା ଅସହ୍ୟ ହେଉଛି। ସେ ଦିଲ୍ଲୀର ମଦ ନୀତିକୁ ଦେଶର ସବୁଠାରୁ ଭଲ ପଲିସି କହିବା ସହ ଆହୁରି କହିଛନ୍ତି କି, ଆଗାମୀ ଦୁଇ ତିନି ଦିନରେ ମୋତେ ମଧ୍ୟ ଗିରଫ କରିଦିଆଯିବ।

    ଦିଲ୍ଲୀର ଉପମୁଖ୍ୟମନ୍ତ୍ରୀ ମନିଷ ସିସୋଦିଆ ଶନିବାର ସାମ୍ବାଦିକ ସମ୍ମିଳନୀ କରି କହିଛନ୍ତି କି, ଯେଉଁ ମଦ ନୀତିକୁ ନେଇ ବିବାଦ ଠିଆ କରାଯାଇଛି, ତାହା ଦେଶର ବେଷ୍ଟ ପଲିସି। ଦିଲ୍ଲୀ ସରକାର ତଥା ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ଲୋକପ୍ରିୟତା କେନ୍ଦ୍ରସରକାରକୁ ଅସହ୍ୟ ହୋଇଛି। ତେଣୁ ବିଭିନ୍ନ ଆଳ ଦେଖାଇ ଦିଲ୍ଲୀ ସରକାରର ମନ୍ତ୍ରୀଙ୍କ ବିରୋଧରେ କେନ୍ଦ୍ରୀୟ ଯାଞ୍ଚ ଏଜେନ୍ସିକୁ ଅସ୍ତ୍ରକରି ବ୍ୟବହାର କରାଯାଉଛି।

    ଆମେ ଦିଲ୍ଲୀର ମଦ ନୀତିକୁ ବିଶ୍ବାସନିୟତା ସହ ଲାଗୁ କରିଛୁ। କିନ୍ତୁ ଏହାକୁ ବିଫଳ କରିବାକୁ ଏଲଜି ହସ୍ତକ୍ଷେପ କରି ବଦଳାଇ ଦେଲେ। ଯଦି ଏଲଜି ଦିଲ୍ଲୀ ସରକାରର ନୀତିକୁ ବଦଳାଇ ନ ଥାନ୍ତେ ତେବେ ପ୍ରତିବର୍ଷ ୧୦ ହଜାର କୋଟି ଟଙ୍କାର ଲାଭ ହୋଇଥାନ୍ତା। ୟ

    ଏଥିସହ ସିସୋଦିଆ ଦିଲ୍ଲୀର ମଦ ନୀତିକୁ ମଦ୍ୟ ଉଚ୍ଚ କୋଟିର କହିଛନ୍ତି। ଏହାକୁ ଜାତୀୟସ୍ତରରେ ମଧ୍ୟ ପ୍ରଶଂସା କରାଯାଉଛି। ଦିଲ୍ଲୀସରକାର ନୀତିକୁ ବିଫଳ କରିବାକୁ ଷଡଯନ୍ତ୍ର କରାଯାଉଛି ଓ ବଦନାମ କରିବାକୁ ବିଭିନ୍ନ ମିଛ ମାମଲାରେ ଦିଲ୍ଲୀସରକାର ମନ୍ତ୍ରୀମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉଛି।

    ତେବେ ମୁଁ ଯାଞ୍ଚରେ ସହଯୋଗ କରୁଛି ଓ ଆଗକୁ ମଧ୍ୟ ସହଯୋଗ କରିବି ବୋଲି କହିଛନ୍ତି ମନିଶ।  

Back to top button