MUMBAI

  • ୨୨ ମହଲାରେ ନିଆଁ

    ମୁମ୍ବାଇ: ମହାରାଷ୍ଟ୍ରର ରାଜଧାନୀ ମୁମ୍ବାଇର ମଲାଡ ଅନ୍ତର୍ଗତ ଜନକଲ୍ୟାଣ ନଗରର ଏକ କୋଠାରେ ଅଗ୍ନିକାଣ୍ଡ। ଆଜି କୋଠାରେ ନିଆଁ ଲାଗିବା ପରେ ଘଟଣାସ୍ଥଳରେ ୫ଟି ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି।

    ସୂଚନା ମୁତାବକ, ଶନିବାର ସକାଳ ପ୍ରାୟ ୧୧ଟାରେ ମଲାଡରେ ଥିବା ୨୨ ମହଲା ବିଶିଷ୍ଟ କୋଠାରେ ନିଆଁ ଲାଗିଯାଇଥିଲା।  ତେବେ ଏହି ଘଟଣାରେ କେହି ହତାହତ ହୋଇଥିବାର ସୂଚନା ନାହିଁ। ଜନକଲ୍ୟାଣ ନଗରସ୍ଥିତ ମରିନା ଏନକ୍ଲେଭର ତୃତୀୟ ମହଲାରେ ସ୍ଥିତ ଏକ ଫ୍ଲାଟରେ ପ୍ରଥମେ ନିଆଁ ଲାଗିଯାଇଥିଲା। ଦେଖୁଦେଖୁ ନିଆଁ ପୁରା ଫ୍ଲୋରକୁ ବ୍ୟାପିଯାଇଥିଲା।

    ତେବେ ସୂଚନା ପାଇଁ ୫ଟି ଦମକଳବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି ୧୫ ମିନିଟରେ। କିପରି ନିଆଁ ଲାଗିଲା ତାହାର କାରଣ ଜଣାପଡିନଥିଲା ବେଳେ ପୁଲିସ ମାମଲାର ତଦନ୍ତ କରୁଛି।

  • ଅଭିନେତା କେଆରକେ ଗିରଫ

    ମୁମ୍ବାଇ: ମଙ୍ଗଳବାର ସକାଳୁ ଅଭିନେତା କମଲ ଆର ଖାନ ବା କେଆରକେଙ୍କୁ ମଲାଦ ପୁଲିସ ଗିରଫ କରିଛି। ୨୦୨୦ର ଏକ ସୋସିଆଲ ମିଡିଆ ପୋଷ୍ଟକୁ ନେଇ ତାଙ୍କ ବିରୋଧରେ ହୋଇଥିବା ଏଫଆଇଆର ଆଧାରରେ ତାଙ୍କୁ ଗିରଫ କରାଯାଇଛି।

    ୨୦୨୦ ଏପ୍ରିଲ ୩୦ରେ ଯୁବ ସେନା ନେତା ରାହୁଲ କାନାଲଙ୍କ ଫକ୍ଷରୁ କେଆରକେଙ୍କ ବିରୋଧରେ ଏଫଆଇଆର ହୋଇଥିଲେ। ଏଫଆଇଆରରେ ଉଲ୍ଲେଖ ଥିଲା କି, କେଆରକେ ସ୍ବର୍ଗତ ଇର୍ଫାନ ଖାନ ଓ ରିଷି କପୁରଙ୍କ ଉପରେ ବିବାଦୀୟ ଘୃଣାସୃଷ୍ଟିକାରୀ ପୋଷ୍ଟ କରିଥିଲେ।

    କେଆରକେ ବଲିଉଡକୁ ଦେଶଦ୍ରୋହୀ ନାମକ ଫିଲ୍ମ ମାଧ୍ୟମରେ ବଲିଉଡକୁ ଏଣ୍ଟ୍ରି କରିଥିଲେ। ଯେତେବେଳେ ସାରା ବିଶ୍ବ ମହାମାରୀ ଦେଇ ଗତିକରୁଥିଲା ସେ ସୋସିଆଲ ମିଡିଆ ମାଧ୍ୟମରେ ଅମାନବୀୟ ପୋଷ୍ଟ ମାଧ୍ୟମରେ ଘୃଣା ସୃଷ୍ଟି କରିଥିବା ଅଭିଯୋଗ ହୋଇଥିଲା। ସେ ସ୍ବର୍ଗତ ରିଷି କପୁର ଓ ଇର୍ଫାନ ଖାନଙ୍କ ଉପରେ ଘୃଣ୍ୟ କମେଣ୍ଟ ଦେଉଥିବା ଅଭିଯୋଗକାରୀ କହିଥିଲେ।

    ଅଭିଯୋଗକାରୀ କହିଥିଲେ କି, ଏହି ଲୋକ ନିଶ୍ଚିତ ରୂପେ ଆମ ଦେଶର ନୁହଁନ୍ତି। ତେଣୁ ପ୍ରଧାନମନ୍ତ୍ରୀଙ୍କୁ ଅନୁରୋଧ କରୁଛି ଏହି ବ୍ୟକ୍ତି ବିରୋଧରେ ଆଇପିସିର ଧାରା ୫୦୫, ୫୦୪, ୫୦୧, ୧୮୮, ୧୧୭, ୧୨୧ ଓ ୧୫୩ଏରେ ମାମଲା ରୁଜୁ କରିବାକୁ ଅନୁରୋଧ କରିଥିଲେ।

    ମଙ୍ଗଳବାର ସକାଳୁ ସେ ମୁମ୍ବାଇ ବିମାନ ବନ୍ଦରରେ ଅବତରଣ କରିବା ମାତ୍ରେ ତାଙ୍କୁ ପୁଲିସ ଗିରଫ କରିଛି।

  • ମୁମ୍ବାଇରୁ ୨ ଡ୍ରଗ୍ସ ପ୍ୟାଡଲର ଗିରଫ

    ମୁମ୍ବାଇ: ଗୁରୁବାର ଦିନ ମୁମ୍ବାଇ ପୁଲିସର ଆଣ୍ଟି ନାର୍କୋଟିକ୍ସ ୟୁନିଟ  ଦୁଇ ଜଣ ନାଇଜେରୀୟ ଡ୍ରଗ୍ସ ପେଡଲରଙ୍କୁ ଗିରଫ କରିଛି।  ସେମାନଙ୍କ ନିକଟରୁ ନାର୍କୋଟିକ ଟିମ ୧ କେଜି ଏମଡି ଡ୍ରଗ ଜବତ କରିଛି, ଯାହାର ମୂଲ୍ୟ ୨ କୋଟି ୮୦ ଲକ୍ଷ ଟଙ୍କା ହେବ।

    ଏମାନଙ୍କ ବିରୋଧରେ ମାମଲା ଦାୟର କରାଯାଇ ହାଜତକୁ ନିଆଯିବା ସହ ମାମଲାର ଯାଞ୍ଚ ଜାରି ରହିଛି। ମୁମ୍ବାଇର ପାନଭେଲ ହାଇୱେରୁ ଏମାନଙ୍କୁ ଗିରଫ କରାଯାଇଛି। ପଚରା ଉଚରାରୁ ପୁଲିସକୁ ଜଣାପଡିଛି କି, ଏକ ଗ୍ରୁପ ମୁମ୍ବାଇକୁ ଆସିଥିଲେ ଡ୍ରଗ୍ସ ବ୍ୟାପାର କରିବାକୁ ବୋଲି ଅଧିକାରିକ ସୂତ୍ରରୁ ପ୍ରକାଶ।

    ଏପ୍ରିଲରେ ମଧ୍ୟ ଦୁଇ ଜଣ ନାଇଜିରୀୟ ଡଗ୍ ପ୍ୟାଡଲରଙ୍କୁ ଗିରଫ କରାଯାଇଥିଲା ମୁମ୍ବାଇର ମାଲାଡ ଅଞ୍ଚଳରୁ। ସେହି ଡଗ୍ସର ମୂଲ୍ୟ ୧ କୋଟି ଥିଲା।

  • ହୋଟେଲରେ ବୋମା ଆତଙ୍କ,  ଅଜ୍ଞାତ  ବ୍ୟକ୍ତିଙ୍କ ନାମରେ ଏଫଆଇଆର

    ମୁମ୍ବାଇ: ମୁମ୍ବାଇର ଏକ ଜଣାଶୁଣା ହୋଟେଲକୁ ଅଜ୍ଞାତ ଲୋକଙ୍କଠାରୁ ହୋଟେଲରେ ବୋମା ଥିବା ନେଇ ଫୋନ ମିଳିଥିଲା। ସୋମବାର ସଂଧ୍ୟାରେ ବ୍ୟକ୍ତି ହୋଟେଲକୁ ଫୋନ କରି ହୋଟେଲର ୪ଟି ସ୍ଥାନରେ ବୋମା ରଖାଯାଇଥିବା କୁହାଯାଇଥିବା ତଥା ବୋମା ଡିଫ୍ୟୁଜ କରିବାକୁ ୫ କୋଟି ଟଙ୍କା ଦାବି କରିଥିବା ସୂଚନା ଦେଇଛି ମୁମ୍ବାଇ ପୁଲିସ।

    ଧମକପୂର୍ଣ୍ଣ କଲ ମିଳିବା ପରେ ହୋଟେଲ କର୍ତ୍ତୃପକ୍ଷ ସଙ୍ଗେ ସଙ୍ଗେ ପୁଲିସକୁ ସୂଚନା ଦେଇଥିଲେ। ପୁଲିସ ପକ୍ଷରୁ ବହୁ ଖୋଜ ଖବର ପରେ କିଛି ମିଳିନଥିଲା। ଏହା ଏକ ମିଛ କଲ ଜଣାପଡିବାରୁ ପୁଲିସ ଅଜ୍ଞାତ ବ୍ୟକ୍ତିଙ୍କ ବିରୋଧରେ ମାମଲା ଦାୟର କରିଛି।

    ଗତ ମାସରେ ମଧ୍ୟ ହକ୍ସ କଲ ମିଳିଥିଲା, ଯେଉଁଥିରେ କୁହାଯାଇଥିଲା କି ଅମ୍ବେରନାଥ ରେଳ ଷ୍ଟେସନରେ ଜଣେ ବ୍ୟକ୍ତି ବୋମା ନେଇ ଯାଉଥିବା କୁହାଯାଇଥିଲା। ଏହି ଘଟଣାରେ ପୁଲିସ ପରେ ୨ ଜଣଙ୍କୁ ଗିରଫ କରିଥିଲା।  

  • ଆରପାରିରେ ଭେଟରାନ ବ୍ୟବସାୟୀ ରାକେଶ ଝୁନଝୁନୱାଲା

    ମଲ୍ଟି ବିଲିୟନେୟାର ତଥା ପୁଞ୍ଜିପତି ଓ ଷ୍ଟକ୍ ନିବେଶକ ରାକେଶ ଝୁନଝୁନୱାଲାଙ୍କ ୬୨ବର୍ଷ ବୟସରେ ପରଲୋକ। ଆଜି ସକାଳେ ୬: ୪୫ ରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। କିଡନୀ ରୋଗ ସମେତ ସେ ଏକାଧିକ ସ୍ୱାସ୍ଥ୍ୟ ସମସ୍ୟା ରୋଗରେ ପୀଡିତ ଥିଲେ। ଝୁନଝୁନୱାଲାଙ୍କୁ ଦୁଇ ବା ତିନି ସପ୍ତାହ ପୂର୍ବରୁ ହସ୍ପିଟାଲରୁ ଡିର୍ସାଜ କରାଯାଇଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କେନ୍ଦ୍ରମନ୍ତ୍ରୀ ଅମିତ ଶାହାଙ୍କ ସମେତ ବିଭିନ୍ନ ଦଳର ରାଜନୈତିକ ନେତା ତଥା ବହୁ ବରିଷ୍ଠ ବ୍ୟକ୍ତିମାନେ ଭେଟରାନ ବ୍ୟବସାୟୀଙ୍କ ଦେହାନ୍ତରେ ଶୋକ ପ୍ରକାଶ କରିଛନ୍ତି। ପୁଞ୍ଜିପତି ବ୍ୟବସାୟୀ ରାକେଶଙ୍କୁ ଭାରତର ୱାରେନ୍ ବଫେଟ୍ କୁହାଯାଏ।

    ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ

  • ଅଗଷ୍ଟ ୮ରେ ହେବ ଶିବସେନା ଶୁଣାଣି

    ମୁମ୍ବାଇ: ଶିବସେନା ଉପରେ ହକ ଜାହିର କରିବାକୁ ନେଇ ଉଠିଥିବା ସଂକଟ ଉପରେ ସୁପ୍ରିମ କୋର୍ଟରେ ମାମଲା ଥିବା ବେଳେ କିନ୍ତୁ ଶୁଣାଣିକୁ ସୋମବାର ପର୍ଯ୍ୟନ୍ତ ଘୁଞ୍ଚାଇ ଦେଇଛନ୍ତି କୋର୍ଟ। ସୋମବାର ଦିନ ସୁପ୍ରିମକୋର୍ଟଙ୍କ ତିନି ଜଣିଆ ଖଣ୍ଡପୀଠ, ମାମଲାର ଶୁଣାଣି ୫ ଜଣିଆ ଖଣ୍ଡପୀଠ ଦ୍ୱାରା ହେବ କି ନାହିଁ ତା ଉପରେ ବିଚାର ହେବ। ତେବେ ତିନି ଜଣିଆ ଖଣ୍ଡପୀଠ ନିର୍ବାଚନ କମିଶନଙ୍କ ଓକିଲଙ୍କୁ କହିଛନ୍ତି କି, ଦୁଇ ପକ୍ଷକୁ ନିର୍ବାଚନ ଆୟୋଗରେ ସତ୍ୟପାଠ ଦେବାର ତାରିଖ ଅଗଷ୍ଟ ୮ ରହିଛି। ଯଦି କୌଣସି ପକ୍ଷ ସମୟ ମାଗନ୍ତି ତେବେ ଆୟୋଗ ଏହା ଉପରେ ବିଚାର କରନ୍ତି। ଏହା ବ୍ୟତୀତ ନିର୍ବାଚନ କମିଶନଙ୍କୁ ଏକନାଥଙ୍କ ଦ୍ୱାରା ଶିବସେନାର ମାଲିକାନା ପାଇଁ ହୋଇଥିବା ଦାବି ଉପରେ କୌଣସି କାର୍ଯ୍ୟାନୁଷ୍ଠାନ ନ କରିବାକୁ ମୌଖିକ ଭାବେ ନିର୍ଦ୍ଦେଶ ଦେଇଛନ୍ତି। ଏଥିସହ ଉଦ୍ଧବଙ୍କ କେଶ ସୁପ୍ରିମକୋର୍ଟରେ ପଡିଥିବାରୁ ଏହା ଉପରେ ମଧ୍ୟ ସ୍ଥଗିତା ଦେଇପାରନ୍ତି ବୋଲି କହିଛନ୍ତି।

  • ଭାଙ୍ଗିଦିୟ ୪୮ ଉଚ୍ଚ ଅଟାଳିକା : ବମ୍ବେ ହାଇକୋର୍ଟ

    ମୁମ୍ବାଇ: ୪୮ ଉଚ୍ଚ ଅଟାଳିକା ଭାଙ୍ଗିବାକୁ ବମ୍ବେ ହାଇକୋର୍ଟଙ୍କ ନିର୍ଦ୍ଦେଶ l ବିମାନ ବନ୍ଦର ନିକଟରେ ଥିବା ୪୮ ସୁଉଚ୍ଚ ଅଟାଳିକାକୁ ଭାଙ୍ଗିବାକୁ ସୁବୁର୍ବନ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି ବମ୍ବେ ହାଇକୋର୍ଟ। ବିମାନ ବନ୍ଦର ନିକଟରେ ଉଚ୍ଚତା ନିୟମକୁ ପାଳନ ନ କରି ନିର୍ମାଣ ହୋଇଥିବା କୋଠାକୁ ଭାଙ୍ଗିବାକୁ ବମ୍ବେ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଡିଜିସିଏଙ୍କ ନିର୍ଦ୍ଦେଶ ପରେ ପରେ ହାଇକୋର୍ଟଙ୍କ ନିର୍ଦ୍ଦେଶ ଶୁକ୍ରବାର ଆସିଛି। ମୁମ୍ବାଇ ବିମାନବନ୍ଦର ନିକଟରେ ଗଢିଉଠୁଥିବା ସୁଉଚ୍ଚ ଅଟ୍ଟାଳିକା ପାଇଁ ବିମାନ ଚଳାଚଳରେ ବାଧା ସୃଷ୍ଟି ହେବା ସହ ଦୁର୍ଘଟଣା ଆଶଙ୍କା ବୃଦ୍ଧିପାଇଛି।

    ଏହାକୁ ଦୃଷ୍ଟିରେ ରଖି ଜନୈକ ଓକିଲ ଜଶବନ୍ତ ସେନୋଙ୍କ ଦ୍ବାରା ହାଇକୋର୍ଟରେ ଏକ ପିଆଇଏଲ ଦାଖଲ ହୋଇଥିଲା। ଏହାର ଶୁଣାଣି କରି ହାଇକୋର୍ଟ ମୋଟ ୪୮ ସୁଉଚ୍ଚ କୋଠାକୁ ଭାଙ୍ଗିବାକୁ ନିର୍ଦ୍ଦେଶ ଦେଇଛନ୍ତି। ସମସ୍ତ ୪୮ କୋଠା ଉଚ୍ଚତା ନିୟମକୁ ଉଲ୍ଲଙ୍ଘନ କରି ନିର୍ମାଣ ହୋଇଛି। ତେଣୁ ନିୟମ ବହିର୍ଭୁତ ସମସ୍ତ ମହଲାକୁ ଭାଙ୍ଗିବାକୁ ହାଇକୋର୍ଟ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି।

    • ଶିଳା ରାୟଙ୍କ ରିପୋର୍ଟ
  • ପୁର୍ବତନ ପୋଲିସ କମିସନରଙ୍କୁ ଗରିଫ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ

    ଏନଏସଇ କର୍ମଚାରୀଙ୍କ ଫୋନ ଟ୍ୟାପିଙ୍ଗ ମାମାଲାରେ ମୁମ୍ଭାଇ ପୁର୍ବତନ ପୋଲିସ କମିସନର ସଞ୍ଜୟ ପାଣ୍ଡେଙ୍କୁ ଗରିଫ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ମାମଲାରେ କିଛି ଦିନ ହେବ ଇଡି ଓ ସିବିଆଇ ତାଙ୍କୁ ପଚରା ଉଚାରା କରୁଥିଲା । ଏବେ ତାଙ୍କୁ ଗରିଫ କରାଯାଇଛି । ସୁଚନା ଅନୁସାରେ ୨୦୧୩ ରୁ ୨୦୧୬ ପର୍ଯ୍ୟନ୍ତ ଚିତ୍ରା ରାମକୃଷ୍ନ ନ୍ୟାସନାଲ ଷ୍ଟକ ଏକ୍ସଚେଞ୍ଚ୍(ଏନଏସଇ) ରେ ପରିଚାଳନା ନିର୍ଦ୍ଦେଶକ ଥିଲେ । ସେ ସମୟରେ ସଞ୍ଜୟ ପାଣ୍ଡେ ‘ଆଇସେକ’ ନାମକ ଏକ ପ୍ରାଇଭେଟ କମ୍ପାନୀ ଜରିଆରେ ଏନଏସଇ କର୍ମଚାରୀ ଙ୍କ ଫୋନ ଟ୍ୟାପିଙ୍ଗ କରିଥିଲେ । ଚିତ୍ରା ରାମକୃଶ୍ନ ଙ୍କ କଥାରେ ଫୋନ ଟ୍ୟାପିଙ୍ଗ କରିଥିବା ଅଭିଯୋଗ ହୋଇଥିଲା । ଇଡି ଘଟଣା ସମ୍ପକରେ ଜାଣିବା ପରେ ଗୃହ ମନ୍ତ୍ରଣାଳୟ ଠାରୁ ତଦନ୍ତ ଅନୁମତି ଆଣିଥିଲା । ସିବିଆଇ ମଧ୍ୟ୍ୟ ମାମଲା ତଦନ୍ତ କରୁଥିଲା । କିଛି ଦିନ ପୁର୍ବରୁ ରାମକୃଷ୍ନଙ୍କୁ ମଧ୍ୟ୍ୟ ଗିରଫ କରାଯାଇଥିଲା ।

    ସୁତ୍ରରୁ ମିଳିଥିବା ଖବର ଅନୁଯାୟୀ ସଞ୍ଜୟ ପାଣ୍ଡେଙ୍କ କମ୍ପାନୀକୁ ଟ୍ୟାପିଙ୍ଗ ପାଇଁ ୪.୪୫ କୋଟି ଟଙ୍କା ମିଳିଥିଲା ।ସଞ୍ଜୟ ପାଣ୍ଡେ ମୁମ୍ଭାଇ କମିସନର ହେବା ପୁର୍ବରୁ ମହାରାଷ୍ଟ୍ର ରାଜ୍ୟ ସୁରକ୍ଷା ନିଗମର ପ୍ରବନ୍ଧ ନିର୍ଦ୍ଦେଶକ ପଦ ସମ୍ଭାଳିଥିଲେ । ଏପ୍ରିଲ ୨୦୨୧ ରେ ଉଦ୍ଧବ ଠାକକରେ ସରକାର ତାଙ୍କୁ ଡିଜିପି ପଦର ଦାୟିତ୍ବ ଦେଇଥିଲେ । ଅବଶ୍ୟ ଆଇପିଏସ ରଜନୀଶ ସେଠଙ୍କୁ ମହାରାଷ୍ଟ୍ରର ଡିଜିପି ନିଯୁକ୍ତ କରାଯିବା ପରେ ତାଙ୍କ ଠାରୁ ଦାୟିତ୍ବ ପ୍ରତ୍ୟାହାର କରାଯାଇଥିଲା । ୧୯୮୬ ବ୍ୟାଚର ଆଇପିଏସ ଅଧିକାରୀ ମୁମ୍ଭାଇ ପୋଲିସର ୭୬ ତମ ପୋଲିସ କମିସନର ଥିଲେ । ସେ ଗତ ଜୁନ ୩୦ ରେ ଅବସର ନେଇଥିଲେ ।

    • ସ୍ମରଜିତ୍ ଆର୍ଯ୍ୟଙ୍କ ରିପୋର୍ଟ
  • ଦିନେ ଗୀତକୁ ଘୃଣା କରୁଥିଲେ, ପ୍ରଖ୍ୟାତ ଗାୟକ ଭୂପିନ୍ଦର ସିଂହ

    ମୁମ୍ବାଇ: ପରଲୋକରେ ପ୍ରଖ୍ୟାତ ଗାୟକ ଭୁପିନ୍ଦର ସିଂହ। ମୁମ୍ୱାଇ ଅନ୍ଧେରୀ ସ୍ଥିତ  କ୍ରିଟିକେୟାର ହସ୍ପିଟାଲରେ ତାଙ୍କର ଦେହାନ୍ତ ଘଟିଛି । ମୃତ୍ୟୁ ବେଳକୁ ତାଙ୍କୁ ୮୨ ବର୍ଷ ବୟସ ହୋଇଥିଲା। କ୍ୟାନ୍ସର ପୀଡିତ ଭୁପିନ୍ଦର କୋଭିଡରେ ସଂକ୍ରମିତ ହେବା ପରେ ୧୦ ଦିନ ହେବ ସେ ହସ୍ପିଟାଲରେ ଭର୍ତ୍ତି ହୋଇଥିଲେ। ଆଜି ତାଙ୍କର ଶେଷକୃତ୍ୟ ହେବ। ପଞ୍ଜାବର ଅମ୍ରିତସରଠାରେ ଭୂପିନ୍ଦରଙ୍କର ଜନ୍ମ ହୋଇଥିଲା। ପ୍ରଥମେ ଅଲ ଇଣ୍ଡିଆ ରେଡିଓରେ ସେ ଗାୟକ ଭାବେ କ୍ୟାରିୟର ଆରମ୍ଭ କରିଥିଲେ। ଦିଲ୍ଲୀ ଦୂରଦର୍ଶନରେ ବି ସେ  କାମ କରିଥିଲେ। ଜଣାଶୁଣା ଗଜଲ ଗାୟକ ତଥା ପ୍ଲେବ୍ୟାକ ସିଙ୍ଗର ଭାବରେ ପରିଚିତ ଥିଲେ ଭୁପିନ୍ଦର ସିଂ। ଭୁପିନ୍ଦର ୭୦ ଏବଂ ୮୦ ଦଶକରେ ହିନ୍ଦୀ ଫିଲ୍ମ ଇଣ୍ଡଷ୍ଟ୍ରିରେ ଅନେକ ହିଟ୍ ଗୀତ ଦେଇଥିଲେ। ଯାହାକି ଆଜି ପର୍ଯ୍ୟନ୍ତ ଲୋକଙ୍କ ପାଟିରେ ରହିଛି। ତାଙ୍କର ଅନେକ ଫ୍ୟାନ ଫଲୋଇଙ୍ଗ ମଧ୍ୟ ରହିଛନ୍ତି।

    ଫେବୃଆରୀ ୬,୧୯୪୦ ମସିହାରେ ଅମୃତସରରେ ଜନ୍ମଗ୍ରହଣ କରିଥିଲେ ଭୁପିନ୍ଦର ସିଂ। ତେବେ ତାଙ୍କର ଜୀବନ ବହୁ ସମସ୍ୟା ଦେଇ ଗତି କରିଥିଲା। ଭୁପିନ୍ଦର ସିଂଙ୍କୁ  ପ୍ରଥମେ ସଙ୍ଗିତ ପ୍ରତି ଘୃଣା ଭାବ ଆସିଥିଲା। ସେ ଅଲ୍ ଇଣ୍ଡି ରେଡିଓରେ ଅଭିନୟ କରି ନିଜର କ୍ୟାରିୟର ଆରମ୍ଭ କରିଥିଲେ। ତେବେ ଗୀତକୁ ଘୃଣା କରୁଥିବା ଭୁପିନ୍ଦର କିପରି ଦେଶର ମହାନ ଗଜଲ ଗାୟକ ହୋଇଥିଲେ ଚାଲନ୍ତୁ ଜାଣିବା।

    ପ୍ରଥମେ ତାଙ୍କ ସଙ୍ଗୀତ ପ୍ରତି ଥିବା ଘୃଣା କାହାଣୀ ବିଷୟରେ ଆଲୋଚନା କରିବା। ଭୁପିନ୍ଦର ସିଂଙ୍କ ସଙ୍ଗୀତ ଗୁରୁ ଥିଲେ ତାଙ୍କ ବାପା ପ୍ରଫେସର ନାଥ ସିଂ। ତାଙ୍କ ବାପା ନିଜେ ଜଣେ ଉତ୍କୃଷ୍ଟ ସଂଗୀତଜ୍ଞ ଥିଲେ। ସେ ତାଙ୍କ ବାପାଙ୍କଠାରୁ ସଙ୍ଗୀତ ଶିକ୍ଷା କରୁଥିବା ବେଳେ ତାଙ୍କ ବାପାଙ୍କର ଅନୁଶାସନ ଥିଲା କଠୋର। ତାଙ୍କ ବାପାଙ୍କର ଏହି କଠୋର ଅନୁଶାସନ ହେତୁ ଭୁପିନ୍ଦର ସଙ୍ଗୀତକୁ ଚିଡିବାରେ ଲାଗିଲେ। କିନ୍ତୁ ସମୟ ଗଡିବା ସହିତ ସଙ୍ଗୀତ ପ୍ରତି ତାଙ୍କର ଇଚ୍ଛା ବଢିବାକୁ ଲାଗିଲା। ଏବଂ ତାଙ୍କ ଭିତରେ ସଙ୍ଗତକୁ ନେଇ ପ୍ରେମ ଜାଗ୍ରତ ହୋଇଥିଲା। ଏହାପରେ ସେ ଦେଶର ପ୍ରସିଦ୍ଧ ଗଜଲ ଗାୟକନାମରେ ପରିଚୟ ସୃଷ୍ଟି କରିଥିଲେ।

    ଭୁପେନ୍ଦ୍ରର ସିଂଙ୍କ ଗାଇଥିବା ଗୀତଗୁଡିକ ଲୋକମାନଙ୍କ କାନକୁ ଆନନ୍ଦ ଦେଇଥାଏ। ‘ନାମ ଗୁନ ଜାଏଗା’, ‘କଭି କିସି କୋ ମୁକମଲ ଜହାଁ ନହିଁ ମିଲତା’, ‘ଦରୋ ଦିବାର ପେ ହସରତ ସେ ନଜର କରତେ ହେଁ’, ‘ଖୁସ ରହୋ ଅହଲେ ୱତନ ହମ ତୋ ସଫର କରତେ ହେଁ’, ଭଳି ଗୀତ ଗୁଡିକୁ ଗାଇବା ସମୟରେ ଭୁପିନ୍ଦର ସିଂ ସର୍ବଦା ମନେପଡିବେ। ‘ମେରୀ ଆୱାଜ ଭି ପେହେଚାନ ହେ’, କୁ ଭୁପିନ୍ଦର ସିଂ ମଧ୍ୟ ତାଙ୍କର ସ୍ୱର ଦେଇଥିଲେ। ଏହି ଗୀତରୁ  ଭୁପିନ୍ଦରଙ୍କୁ ପରିଚୟ ମିଳିଥିଲା।

    ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ

  • ସକାଳୁ ପିଲା ସ୍କୁଲ ଯାଇପାରିବେ ତ ଆମେ କାହିଁ ନୁହଁ: ସିଜେଆଇ

    ଯଦି ପିଲାମାନେ ସକାଳ ୭ଟାରେ ସ୍କୁଲ ଯାଇପାରୁଛନ୍ତି, ତେବେ ବିଚାରପତି ଏବଂ ଆଇନଜୀବୀମାନେ ସକାଳ ୯ଟାରୁ କାହିଁକି   କୋର୍ଟ ଆରମ୍ଭ କରିପାରିବେ ନାହିଁ? ସୁପ୍ରିମ କୋର୍ଟର ବିଚାରପତି ତଥା ଅଗଷ୍ଟରେ ଭାରତର ମୁଖ୍ୟ ବିଚାରପତି ପଦକୁ ଉନ୍ନିତ ହେବାକୁ ଥିବା ଜଷ୍ଟିସ ଉଦୟ ଉମେଶ ଲଲିତ ଶୁକ୍ରବାର ସକାଳ ୯.୩୦ ସମୟରେ କୋର୍ଟରେ ଶୁଣାଣି କାଳରେ କହିଛନ୍ତି। ଜଷ୍ଟିସ୍‌ ଲଲିତ କୋର୍ଟର ସାମାନ୍ୟ ସମୟର ଏକ ଘଣ୍ଟା ପୂର୍ବରୁ ମାମଲାର ଶୁଣାଣି କରିଥିଲେ।

    ସୁପ୍ରିମକୋର୍ଟଙ୍କ ବେଞ୍ଚ ସପ୍ତାହର ୫ ଦିନ ସକାଳ ସାଢେ ୧୦ରୁ  ଅପରାହ୍ନ ୪ଟା ପର୍ଯ୍ୟନ୍ତ ଶୁଣାଣି କରିଥାନ୍ତି। ଏହି ସମୟ ମଧ୍ୟରେ ୧ ଟାରୁ ୨ଟା ପର୍ଯ୍ୟନ୍ତ ମଧ୍ୟାହ୍ନ ଭୋଜନ ବିରତି ହୋଇଥାଏ। କିନ୍ତୁ ଜଷ୍ଟିସ ଲଲିତ, ଜଷ୍ଟିସ ଏସ ରବିନ୍ଦ୍ର ଭଟ୍ଟ ଏବଂ ଜଷ୍ଟିସ ସୁଧାଂଶୁ ଧୁଲିଆଙ୍କ ବେଞ୍ଚ ଶୁକ୍ରବାର ଦିନ ୯.୩୦ରେ ମାମଲାର ଶୁଣାଣି ଆରମ୍ଭ କରିଛନ୍ତି।

    ଏହି ମାମଲାରେ ହାଜର ହୋଇଥିବା ବରିଷ୍ଠ ଓକିଲ ତଥା ପୂର୍ବତନ ଆଟର୍ଣ୍ଣି ଜେନେରାଲ ମୁକୁଲ ରୋହତଗୀ ବେଞ୍ଚର ଶୀଘ୍ର ଶୁଣାଣି ଆରମ୍ଭ ହୋଇଥିବା ନେଇ ଖୁସି ବ୍ୟକ୍ତ କରିଛନ୍ତି। ସେ କହିଛନ୍ତି, ୯.୩୦ରୁ କୋର୍ଟ କାର୍ଯ୍ୟ ଆରମ୍ଭ କରିବା ପାଇଁ ଅଧିକ ଉପଯୁକ୍ତ ସମୟ ହୋଇଥାଏ। ଏହା ପରେ ଜଷ୍ଟିସ ଲଲିତ ଉତ୍ତର ଦେଇଥିଲେ ଯେ, ସେ ସର୍ବଦା ବିଶ୍ୱାସ କରିଥାନ୍ତି କି କୋର୍ଟ ଜଲଦି ବସିବା ଉଚିତ୍। ଆମେ ସମାଳ ୯ଟାରେ ବସିବା ଠିକ ହେବ ।  

    ସେ କହିଛନ୍ତି ଯେ, ଯଦି ଆମ ପିଲାମାନେ ସକାଳ ୭ଟାରେ ସ୍କୁଲ ଯାଇପାରୁଛନ୍ତି ତେବେ ଆମେ ୯ଟାରେ କଣ ପାଇଁ କୋର୍ଟ ଆସିପାରିବା ନାହିଁ? ଜଷ୍ଟିସ ଲଲିତ ପରାମର୍ଶ ଦେଇଛନ୍ତି ଯେ ଯେତେବେଳେ ଦୀର୍ଘ ଶୁଣାଣିର ଆବଶ୍ୟକତା ନଥିଲା, ସେତେବେଳେ ସୁପ୍ରିମକୋର୍ଟଙ୍କ ବେଞ୍ଚ ସକାଳ ୯ଟାରୁ ଆରମ୍ଭ ହୋଇ ସକାଳ ୧୧.୩୦ ରେ ଅଧ ଘଣ୍ଟା ବିରତି  ପରେ ପୁଣି ମଧ୍ୟାହ୍ନ ୧୨ଟାରୁ ଆରମ୍ଭ କରି ଅପରାହ୍ନ ୨ଟା ସୁଦ୍ଧା ଶେଷ କରବା। ଏହାପରେ ଆପଣଙ୍କୁ ସନ୍ଧ୍ୟାରେ ଅଧିକ କାମ କରିବା ପାଇଁ ସମୟ ମିଳିଯିବ। 

    ସୂଚନା ଅନୁଯାୟୀ, ଅଗଷ୍ଟରେ ଜଷ୍ଟିସ ଲଲିତ ଭାରତର ପ୍ରଧାନ ବିଚାରପତି ହେବାକୁ ଯାଉଛନ୍ତି। ଜଷ୍ଟିସ ଲଲିତ ଅଗଷ୍ଟ ୨୭ରେ CJI ଏନଭି ରମଣରୁ ଦାୟୀତ୍ୱ ଗ୍ରହଣ କରିବେ। ତେବେ ତାଙ୍କର କାର୍ଯ୍ୟକାଳ ଅଧିକ ଦିନ ଧରି ନୁହେଁ ଏବଂ ସେ ନଭେମ୍ୱର ୮ ପର୍ଯ୍ୟନ୍ତ ଏହି ପଦରେ ରହିବେ।

    ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ

Back to top button