NARENDRA MODI

  • ମୋଦି- ନେତାନ୍ୟାହୁଙ୍କ ଫଟୋ ବନ୍ଧୁତ୍ବର ପ୍ରତୀକ

    ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସତ୍ତାକୁ ଆସିବା ପରେ ଇସ୍ରାଏଲ ସହ ଭାରତର ସମ୍ପର୍କ ଆହୁରି ମଜବୁତ ହୋଇଛି। ଭାରତ ଓ ଇସ୍ରାଏଲ ମଧ୍ୟରେ ପୂର୍ବତନ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁଙ୍କ କାର୍ଯ୍ୟକାଳରେ ସମ୍ପର୍କ ସୁଦୃଢ ହୋଇଥିଲା। ମୁଖ୍ୟତଃ ୨୦୧୭ରେ ପ୍ରଧାନମନ୍ତ୍ରୀ ଐତିହାସିକ ଇସ୍ରାଏଲ ଗସ୍ତ କରି ଦୁଇ ଦେଶକୁ ନିକଟତର କରିଥିଲେ।

    ଏବେ ଇସ୍ରାଏଲ ଦୂତାବାସର ରାଜଦୂତ ନାଓର ଗିଲୋନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ନେତନ୍ୟାହୁଙ୍କର ସମୁଦ୍ର କୂଳରେ ଉଠାଯାଇଥିବା ଫଟୋ ଉପରେ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି କି, ଏହି ଫଟୋ ଦୁଇ ଦେଶର ବନ୍ଧୁତ୍ବର ପ୍ରତୀକ। ଏହି ଫଟୋ କହୁଛି କି, ଆମ ମଧ୍ୟରେ ବନ୍ଧୁତ୍ବ କିପରି ହୋଇଛି। ସେ ଆହୁରି କହିଛନ୍ତି, ୧୯୯୨ରେ ଇସ୍ରାଏଲ ସହ ରାଜନୈତିକ ସମ୍ବନ୍ଧ ସ୍ଥାପନ କରିଛି। ୧୯୯୨ରେ ବଡ ଧରଣର ଦୁଇ ଦେଶ ମଧ୍ୟରେ ପୂର୍ଣ୍ଣ ରାଜନୈତି ସମ୍ବନ୍ଧ ସ୍ଥାପନ କରିଛନ୍ତି।

  • ମୋଦିଙ୍କ ମନ୍‌ କି ବାତ୍‌

    ଆଜି ମୋଦିଙ୍କ ମନ କି ବାତ ର ୯୩ ତମ ସଂସ୍କରଣ। ମନ କି ବାତରେ ପଣ୍ଡିତ ଦୀନ ଦୟାଲ ଉପାଧ୍ୟାୟଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି। ପଣ୍ଡିତ ଦୀନ ଦୟାଲ ଉପାଧ୍ୟାୟ ଭାରତୀୟ ଦର୍ଶନ ନେଇ ଶିକ୍ଷା ଦେଇଥିଲେ। ସ୍ୱାଧୀନତା ପରେ ଉନ୍ନତ ମାର୍ଗକୁ ଆଣିବାକୁ ଉଲ୍ଲେଖନୀୟ ଭୂମିକା ଗ୍ରହଣ କରିଥିଲେ। ଚଣ୍ଡିଗଡ଼ ବିମାନବନ୍ଦର ସହିଦ ଭଗତ ସିଂହଙ୍କ ନାଁରେ ନାମିତ କରାଯିବା ନେଇ ମନ କି ବାତରେ କହିଛନ୍ତ ମୋଦି। ସେପ୍ଟମ୍ବର ୨୮ ତାରିଖକୁ ସର୍ଜିକାଲ ଷ୍ଟ୍ରାଇକ ଦିବସ ଭାବେ ପାଳନ କରାଯିବ।

  • ପୁଣି ପ୍ରସଂଶା ସାଉଁଟିଲେ ମୋଦି

    ନୂଆଦିଲ୍ଲୀ: ପୁଣି ପ୍ରସଂଶାର ପାତ୍ର ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ୟୁକ୍ରେନ ଯୁଦ୍ଧ ବନ୍ଦ ପାଇଁ ପ୍ରଧାନମନ୍ତ୍ରୀ ମୋଦିଙ୍କ ମନ୍ତବ୍ୟକୁ ନେଇ ବିଶ୍ୱନେତା ମାନେ ତାଙ୍କୁ ତାରିଫ କରିଛନ୍ତି। ତେବେ ଜାତିସଂଘରେ ମୋଦିଙ୍କ ମନ୍ତବ୍ୟକୁ ଆମେରିକା ଓ  ଫ୍ରାନ୍ସର ସମର୍ଥନ ଜଣାଇଛି। ଏସସିଓରେ ରୁଷିଆ ରାଷ୍ଟ୍ରପତି ପୁଟିନଙ୍କୁ ଯୁଦ୍ଧ ବନ୍ଦ ପାଇଁ କହିଥିଲେ ମୋଦି। ସେହିପରି ଆଜିର ଯୁଗ ଯୁଦ୍ଧ ପାଇଁ ନୁହେଁ ବୋଲି ରୋକଠୋକ କହିଥିଲେ ମୋଦି। ଖାଦ୍ୟ, ସାର, ଜାଳେଣି ନିରାପତ୍ତା ସମସ୍ୟା ସମାଧାନର ସମୟ ଆସିଛି କହିଥିଲେ। ଏହା ସହ ପରାକ୍ରମୀ ପୁଟିନଙ୍କୁ ପରାମର୍ଶ ପାଇଁ ମିଳିତ ଜାତିଂସଘରେ ମୋଦିଙ୍କୁ ପ୍ରଶଂସା କରାଯାଇଛି। ବିଶ୍ୱର ପ୍ରମୁଖ ଗଣମାଧ୍ୟମରେ ମଧ୍ୟ ମୋଦିଙ୍କ ସାହସିକ ମନ୍ତବ୍ୟକୁ ତାରିଫ କରାଯାଇଛି ।

  • ନାମିବିଆକୁ ମୋଦିଙ୍କ ଧନ୍ୟବାଦ

    ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟପ୍ରଦେଶର କୁନୋ ନାସନାଲ ପାର୍କରେ ଶନିବାର ଦିନ ଚିତା ବାଘଙ୍କୁ ଛାଡିବା ପରେ ଆଫ୍ରିକାନ ରାଷ୍ଟ୍ର ନାମିବିଆକୁ ସେମାନଙ୍କ ସାହାଯ୍ୟ ପାଇଁ ଧନ୍ୟବାଦ ଜଣାଇଛନ୍ତି । ଏହି ଅବସରରେ ମୋଦି ଦେଶବାସୀଙ୍କୁ ସମ୍ବୋଧିତ କରିବା ସହ ଶୁଭେଚ୍ଛା ଜଣାଇ କହିଛନ୍ତି କି, ବହୁ ଦଶକ ପରେ ଆମ ମାଟିକୁ ଚିତା ଫେରିଛନ୍ତି। ଏହି ଐତିହାସିକ ଦିବସ ପାଇଁ ମୁଁ ସମସ୍ତ ଦେଶବାସୀଙ୍କୁ ଶୁଭେଚ୍ଛା ଜଣାଉଛି ଓ ନାମିବିଆ ସରକାରର ସାହାଯ୍ୟ ପାଇଁ ଧନ୍ୟବାଦ ଜଣାଉଛି।

    ଚଳିବ ବର୍ଷ ପ୍ରାରମ୍ଭରେ ନାମିବିଆ ସରକାର ସହ ୮ଟି ଚିତା ବାଘ ଆଣିବାକୁ ହୋଇଥିବା ଏମଓୟୁ ଅନ୍ତର୍ଗତ ଏହା ସମ୍ଭବ ହୋଇଛି। ମୋଦି କହିଛନ୍ତି, ଦଶକ ପୂର୍ବରୁ ଜୈବ ବିବିଧତା ଭଙ୍ଗ ହୋଇଥିଲା। ଆଜି ଆମେ ଏହାର ପୁନରୁଦ୍ଧାର ପାଇଁ ଏକ ପଦକ୍ଷେପ ନେଇଛୁ। ଚିତାଙ୍କ ଆଗମନ ଫଳରେ ଜୈବ ସନ୍ତୁଳରେ ସୁଧାର ଆସିବ । ଭାରତର ପ୍ରକୃତି ପ୍ରତି ଥିବା ଭଲପାଇବାକୁ ସୁଦୃଢ କରାଯାଇପାରିବ ବୋଲି ମୋଦି କହିଛନ୍ତି।

    ସେ ଆହୁରି କହିଛନ୍ତି, ୧୯୫୨ ମସିହାରେ ଦେଶରେ ଚିତା ବଂଶ ବିଲୋପ ହୋଇଥିବା ଘୋଷଣା ହୋଇଥିଲା। କିନ୍ତୁ ଦଶକ ଦଶକ ପରେ ଏହି ପ୍ରଜାତିର ପୁନଃ ବଂଶବୃଦ୍ଧି ପାଇଁ ପଦକ୍ଷେପ ନିଆଯାଇଛି। ଦେଶ ଆଜାଦିକା ଅମୃତ ମହୋତ୍ସବ ପାଳନ କରୁଥିବା ବେଳେ ଦେଶର ମାଟିକୁ ଏହି ବୁଲୁପ୍ତ ପ୍ରଜାତିକୁ ସ୍ବମାଟିରେ ପୁନଃ ଉଦ୍‌ଜୀବତ କରାଯାଉଛି ନୂଆ ଶକ୍ତି ସହ। ଏହା ଦ୍ବାରା ଜଙ୍ଗଲର ଇକୋସିଷ୍ଟମ ସନ୍ତୁଳିତ ହେବ ବୋଲି ମୋଦି କହିଛନ୍ତି ।

  • ପ୍ରଧାନମନ୍ତ୍ରୀଙ୍କ ଜନ୍ମଦିନ

    ନୂଆଦିଲ୍ଲୀ: ବାଲସେବକରୁ ଦେଶର ପ୍ରଧାନ ସେବକ। ଦୃଢ ଇଚ୍ଛାଶକ୍ତି ସର୍ବୋଚ୍ଚ  ଅଧିକାରୀ। ରାଷ୍ଟ୍ର  ନିର୍ମାଣର ସାଜିଛନ୍ତି ସର୍ବୋଚ୍ଚ କର୍ତ୍ତା।  ଆଜି ପ୍ରଧାନମନ୍ତ୍ରୀ  ନରେନ୍ଦ୍ର ମୋଦିଙ୍କ ୭୨ତମ ଜନ୍ମଦିନ। ଗୁଜୁରାଟ ମେହସନା ଜିଲ୍ଲାର  ବଡନଗର ରେ ୧୯୫୦ସେପ୍ଟେମ୍ବର ୧୭ ତାରିଖରେ ଜନ୍ମ ଗ୍ରହଣ କରିଥିଲେ। ବାପା ଦାମୋଦର ଦାସ ମୋଦି ଏବଂ ମାତା ହୀରାବିନ୍ ମୋଦିଙ୍କ ୬ ସନ୍ତାନ ମଧ୍ୟରୁ ନରେନ୍ଦ୍ର ମୋଦିଥିଲେ ୩ୟ ସନ୍ତାନ। ସେତେବେଳେ ତାଙ୍କ ପରିବାର ଦାରିଦ୍ରର କଷାଘାତରେ ପେଶି ହେଉଥିଲା। ବାପା ଦାମୋଦର ଦାସ ମୋଦି ବଡନଗର ରେଲୱେ  ଷ୍ଟେସନରେ ଚା ବିକୁଥିଲେ। ଆଉ ବାପାଙ୍କୁ ସାହାର୍ଯ୍ୟ କରିବାକୁ  ନରେନ୍ଦ୍ର ମୋଦି ମଧ୍ୟ ଷ୍ଟେସନରେ ଚା ବିକିଲେ। ପରେ  ସେଠାରେ ମଧ୍ୟ ଏକ ଟି  ଷ୍ଟଲ ଖୋଲିଥିଲେ । ମାତ୍ର ୮ ବର୍ଷ ବୟସରେ ରାଷ୍ଟ୍ରୀୟ ସ୍ବୟଂ ସେବକ ସଂଘରେ ଯୋଗଦେଇଥିଲେ। ତେବେ ୧୯୭୦ରେ  ୨୦ ବର୍ଷ ହେଲା ବେଳକୁ ନରେନ୍ଦ୍ର ମୋଦି ହୋଇଥିଲେ ସଂଘର ପୂର୍ଣ୍ଣକାଳୀନ ପ୍ରଚାରକ। ଏବଂ ABVP ର ପ୍ରତିଷ୍ଠା କଲେ। ପରେ ୨୦୦୧ ଅକ୍ଟୋବର ୭ ରେ ଗୁଜୁରାଟର ପ୍ରଥମ ଥର ପାଇଁ ମୁଖ୍ୟମନ୍ତ୍ରୀ ହେଲେ। ସେବେଠାରୁ ୨୦୧୪ ଯାଏ ୪ ଥର ଗୁଜୁରାଟ ମୁଖ୍ୟମନ୍ତ୍ରୀ ହୋଇଥିଲେ ପ୍ରଧାନମନ୍ତ୍ରୀ। ୨୦୦୨ରେ ଦ୍ୱିତୀୟଥର ପାଇଁ ମୁଖ୍ୟମନ୍ତ୍ରୀ ହେବା ପରେ ଆର୍ଥୀକ ବିକାଶକୁ ପ୍ରାଧାନ୍ୟ ଦେଇଥିଲେ। ଆଜି ଜନ୍ମଦିନ ଅବସରରେ ଗ୍ରାଣ୍ଡ ସେଳିବ୍ରେସନ କରିବ ବିଜେପି। ବିବିଧତା ଭିତରେ ଏକତା ଉତ୍ସବ ପାଳନ କରିବ ଦଳ। ଆଜିଠୁ  ଗାନ୍ଧି ଜୟନ୍ତୀ ଯାଏ ଚାଲିବ ସେବା ଅଭିଯାନ।

  • ଏସସିଓରେ ପ୍ରଧାନମନ୍ତ୍ରୀ

    ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏସସିଓ ଶିଖର ସମ୍ମିଳନୀରେ ସାମିଲ ହୋଇଛନ୍ତି। ଇଜବେକିସ୍ତା, ଚୀନ, ଭାରତ, ଋଷ, ଇରାନ, ପାକିସ୍ତାନର ପ୍ରଧାନମନ୍ତ୍ରୀ ଏହି ସମ୍ମିଳନୀରେ ସାମିଲ ହୋଇଛନ୍ତି। ସମ୍ମିଳନୀ ପରେ ମୋଦି ତାଙ୍କ ନିଆରା ଅନ୍ଦାଜରେ ହିନ୍ଦୀରେ ନିଜ ସମ୍ବୋଧନ ଦେଇଥିଲେ।

    ଚଳିତ ବର୍ଷ ଭାରତର ଅର୍ଥବ୍ୟବସ୍ଥାକୁ ୭.୫% ବୃଦ୍ଧି  ଆଶା ରଖିଥିବା ସମ୍ମିଳନୀରେ ମୋଦି ନିଜ ସମ୍ବୋଧନରେ କହିଛନ୍ତି। ଦୁନିଆର ସବୁଠାରୁ ବଡ ଅର୍ଥବ୍ୟବସ୍ଥାରେ ଭାରତ ସାମିଲ ହେବାକୁ ନେଇ ସେ ଖୁସି ବ୍ୟକ୍ତ କରିଛନ୍ତି। ମୋଦି କହିଛନ୍ତି, ଆମେ ପ୍ରତି ସେକ୍ଟରରେ ନବେଶକୁ ସମର୍ଥନ କରୁଛୁ। ଆଗାମୀ ଦିନରେ ଭାରତକୁ ମାନ୍ୟୁଫେକ୍ଚରିଂ ହବ କରିବାକୁ ଲକ୍ଷ୍ୟ ରଖା ଯାଇଛି। ଏସସିଓ ସଦସ୍ୟମାନେ ପରସ୍ପର ମଧ୍ୟରେ ସୁସମ୍ପର୍କ ଓ ପରସ୍ପର ସହ ନିଜ ଅନୁଭୂତି ବାଣ୍ଟି ଅନ୍ୟର ବିକାଶର କାରଣ ହେବା ଉଚିତ।

    ମୋଦି ଆହୁରି କହିଛନ୍ତି ଆଜି ଭାରତରେ ୭୦ହଜାରରୁ ଅଧିକ ଷ୍ଟାର୍ଟ ଅପ ରହିଛି, ଯେଉଁଥିରୁ ୧୦୦ରୁ ଅଧିକ ୟୁନିକର୍ନ୍ନର ରହିଛି। ଏହି କ୍ଷେତ୍ରରେ ଆମର ଅନୁଭୂତି ଏସସିଓ ଦେଶଗୁଡିକ ପାଇଁ ଫଳପ୍ରଦ ହେବ। ତେଣୁ ନିଜ ଅନୁଭୂତି ଏସସିଓ ଦେଶଗୁଡିକ ସହ ବାଣ୍ଟିବାକୁ ଚାହୁଁଥିବା କହିଛନ୍ତି ମୋଦି । କରୋନା ମାହାମାରୀ ତଥା ଋଷ ୟୁକ୍ରେନ ଯୁଦ୍ଧ ବିଶ୍ବ ଗ୍ଲୋବାଲ ସପ୍ଲାଇ ଉପରେ ପ୍ରଭାବ ପକାଇଥିବା ପ୍ରସଙ୍ଗକୁ ମଧ୍ୟ ଉଠାଇଛନ୍ତି ଭାରତର ପ୍ରଧାନମନ୍ତ୍ରୀ।

    ଏହି ସମ୍ମିଳନୀରେ ଯୋଗଦେଇ ପାକିସ୍ତାନ ପ୍ରଧାନମନ୍ତ୍ରୀ ଶହବାଜ ସରାଫ ପୁରୁଣା ରାଗ ଆଳାପ କରିଛନ୍ତି। ଆତଙ୍କବାଦର ନିପାତ ବିଶ୍ବ ପାଇଁ ନିତାନ୍ତ ଆବଶ୍ୟକ ବୋଲି କହିଛନ୍ତି ସରାଫ।

    ଆଗାମୀ ବର୍ଷ ଏସସିଓ ଶିଖର ସମ୍ମିଳନୀ ଭାରତରେ ହେବାକୁ ଯାଉଛି। ଏହାକୁ ନେଇ ଚୀନ ରାଷ୍ଟ୍ରପତି ସି ଜିନପିଙ୍ଗ ଭାରତକୁ ଅଭିନନ୍ଦନ ଜଣାଇଛନ୍ତି। ଆଗାମୀ ବର୍ଷ ଆମେ ଭାରତରେ ମିଳିବା ବୋଲି ଜିନପିଙ୍ଗ କହିଛନ୍ତି।

  • ଜାତୀୟ ଶିକ୍ଷକ ପୁରସ୍କାର-୨୨

    ନୂଆଦିଲ୍ଲୀ: ଆଜି ଗୁରୁ ଦିବସ। ଏହି ଅବସରରେ ଜାତୀୟ ଶିକ୍ଷକ ପୁରସ୍କାର-୨୨ର ବିଜେତାଙ୍କୁ ଭେଟିବେ ପ୍ରଧାନ ମନ୍ତ୍ରୀ ମୋଦି। ଶିକ୍ଷକମାନଙ୍କୁ ଜାତୀୟ ପୁରସ୍କାର ପ୍ରଦାନ କରିବାର ଉର୍ଦ୍ଦେଶ୍ୟ ହେଉଛି ଦେଶର ଶେଷ୍ଠ ଶିକ୍ଷକମାନଙ୍କର ଅପୂର୍ବ ଅବଦାନକୁ ସମ୍ମାନ ଦେବା ବୋଲି କହିଛନ୍ତି ମୋଦି। ଅପରାହ୍ନ ୪.୩୦ରେ ନୂଆଦିଲ୍ଲୀର ୭ ଲୋକ କଲ୍ୟାଣ ମାର୍ଗରେ ଥିବା ସରକାରୀ ବାସଭବନରେ ବିଜେତାଙ୍କ ସହ କଥାବାର୍ତ୍ତା କରିବେ ପ୍ରଧାନମନ୍ତ୍ରୀ। ଅନ୍ୟପଟେ  ନୂଆଦିଲ୍ଲୀ ବିଜ୍ଞାନ ଭବନରେ ମନୋନୀତ ବିଜେତାଙ୍କୁ ଭେଟି ପୁରସ୍କାର ପ୍ରଦାନ କରିବେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ। ତେବେ ଜାତୀୟ ଶିକ୍ଷକ ପୁରସ୍କାର ପାଇଁ ମନୋନୀତ ହୋଇଛନ୍ତି ୪୬ ଶିକ୍ଷକ ।

  • ମୋଦିଙ୍କ ୯୨ତମ ମନ୍ କି ବାତ୍‌

    ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୯୨ତମ ମନ କି ବାତ୍‌ ରେଡିଓ କାର୍ଯ୍ୟକ୍ରମ। ଏହି କାର୍ଯ୍ୟକ୍ରମରେ ମୋଦି ଅମୃତ ମହୋତ୍ସବ ଅବସରରେ ହର ଘର ତ୍ରୀରଙ୍ଗା ଅଭିଯାନରେ କରାଯାଇଥିବା ସୃଜନଶୀଳ ପଦକ୍ଷେପକୁ ପ୍ରଶଂସା କରିଛନ୍ତି। ଆମ ଦେଶରେ ପ୍ରତି ନଗରୀ, ପ୍ରତି ଗାଁରେ ଅମୃତ ମହୋତ୍ସବର ଅମୃତ ପ୍ରବାହିତ ହେଉଛି। କେବଳ ଭାରତ ନୁହେଁ ଦେଶ ବିଦେଶରେ ମଧ୍ୟ ଉତ୍ସବ ପାଳନ କରାଯାଇଛି।  

    ଏଥର ଅଗଷ୍ଟ ମାସରେ ଆପଣମାନଙ୍କର ପତ୍ରାବଳି, ବାର୍ତ୍ତା, ଓ କାର୍ଡ ମୋ କାର୍ଯ୍ୟାଳୟକୁ ତ୍ରୀରଙ୍ଗାୟିତ କରିଛି। ଅମୃତ ମହୋତ୍ସବ ଓ ସ୍ୱାଧିନତା ଦିବସର ଏହି ସ୍ୱତନ୍ତ୍ର ଅବସରରେ ଆମେ ଦେଶର ସମ୍ମିଳିତ ସାମର୍ଥ୍ୟ ଦେଖିଛନ୍ତି। ସେଥିରୁ ହୃଦୟଙ୍ଗମତାର ଚେତନା ଥିଲା।  ଏହି ଉତ୍ସବ ୨୦୨୩ ସ୍ୱାଧିନତା ଦିବସ ପର୍ଯ୍ୟନ୍ତ ଚାଲୁ ରହିବ ବୋଲି କହିଛନ୍ତି ମୋଦି। ସେପଟେ ଜଳ ସଂରକ୍ଷଣର ଗୁରୁତ୍ୱ ବୁଝାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।

  • ୭୫ ବର୍ଷ ପୂର୍ତ୍ତି ଅବସରରେ ମୋଦିଙ୍କ ସମ୍ୱୋଧନ

    ଦିଲ୍ଲୀ: ସ୍ୱାଧୀନତାର ୭୫ ବର୍ଷ ପୂର୍ତ୍ତି ପାଳନ କରୁଛି ଭାରତ। ଲାଲକିଲ୍ଲାରୁ ପ୍ରଧାନମନ୍ତ୍ରୀ ଜାତୀୟ ପତାକା ଉତ୍ତୋଳନ କରିବା ସହ ଦେଶବାସୀଙ୍କୁ ସମ୍ୱୋଧନ କରିଛନ୍ତି। ଦେଶକୁ ପରିବାରବାଦ ରାଜନୀତି ସମେତ ଭ୍ରଷ୍ଟାଚାରରୁ ଦୂରେଇବାକୁ ଆହ୍ୱାନ ଦେଇଛନ୍ତି ପ୍ରଧାନମନ୍ତ୍ରୀ। ସ୍ୱାଧୀନତାର ଅମୃତ କାଳରେ ପାଞ୍ଚ ପ୍ରାଣ ଉପରେ ଗୁରୁତ୍ୱ ଦେବାକୁ ପରାମର୍ଶ ଦେଇଛନ୍ତି ମୋଦି।

    ସ୍ୱାଧୀନତାର ୭୫ ବର୍ଷ ପୂର୍ତ୍ତି ପାଳନ କରୁଛି ସାରା ଦେଶ। ଲାଲକିଲ୍ଲାରୁ ପ୍ରଧାନମନ୍ତ୍ରୀ ମୋଦି ଜାତୀୟ ପତାକା ଉତ୍ତୋଳନ କରିବା ସହ ସମ୍ମିଳିତ ପ୍ୟାରେଡରେ ଅଭିବାଦନ ଗ୍ରହଣ କରିଛନ୍ତି। ଅମୃତକାଳ ସବୁ ଦେଶବାସୀଙ୍କ କର୍ତ୍ତବ୍ୟକାଳ ପାଲଟୁ ବୋଲି କହିଛନ୍ତି ପ୍ରଧାନମନ୍ତ୍ରୀ। ଅମୃତକାଳର ପଞ୍ଚପ୍ରାଣକୁ ନେଇ ଆଗକୁ ବଢ଼ିବାକୁ ହେବ ବୋଲି କହିଛନ୍ତି ମୋଦି। ବଡ଼ ସଂକଳ୍ପ ନେଇ ଆଗକୁ ବଢ଼ିବା, ନିଜ ଭିତରେ ଥିବା ଗୁଲାମୀର କୌଣସି ଅଂଶ ଥିଲେ ତାକୁ ବଞ୍ଚିବାକୁ ଦେବାନି, ନିଜର ରାଜୁତି ଉପରେ ଗର୍ବ କରିବା, ଏକତା ଓ ଏକଜୁଟ ରହିବା ସହ ନାଗରିକ ନିଜର କର୍ତ୍ତବ୍ୟ ତୁଲାଇବା ଜରୁରୀ ବୋଲି କହିଛନ୍ତି ପ୍ରଧାନମନ୍ତ୍ରୀ।

    ଦେଶ ସମ୍ମୁଖରେ ଦୁଇଟି ବଡ଼ ଆହ୍ୱାନ ଛିଡ଼ା ହୋଇଛି। ଭ୍ରଷ୍ଟାଚାର ଓ ଭାଇ-ପୁତୁରା ପରିବାରବାଦ ରାଜନୀତି। ଏ ଦୁଇଟିରୁ ଦୂରେଇ ରହିବାକୁ ହେବ ବୋଲି କହିଛନ୍ତି ପ୍ରଧାନମନ୍ତ୍ରୀ। ଯେଉଁମାନେ ଦେଶକୁ ଲୁଟିଛନ୍ତି, ସେମାନେ ଦେଶକୁ ଫେରାଇବାକୁ ବି ପଡ଼ିବ। ପରିବାରବାଦ କଥା କହିଲେ, ଲୋକଙ୍କୁ ଲାଗୁଛି କି ସେ ରାଜନୀତିର କଥା କହୁଛନ୍ତି।

    ଅମୃତ କାଳ ପାଇଁ ଜୟ ଜବାନ, ଜୟ କିଷାନ ସହ ଜୟ ବିଜ୍ଞାନ ଓ ଜୟ ଅନୁସନ୍ଧାନର ଆବଶ୍ୟକତା ଅଛି। ଦେଶର ଯୁବଗୋଷ୍ଠୀକୁ ଅସୀମ ଅନ୍ତରୀକ୍ଷରୁ ସମୁଦ୍ରର ଗଭୀରତା ଯାଏ ଗବେଷଣା ପାଇଁ ଭରପୁର ସାହାଯ୍ୟ ଦେବାକୁ ସରକାର ପ୍ରୟାସ କରୁଛନ୍ତି। ମହିଳାଙ୍କ ମର୍ଯ୍ୟାଦାକୁ କୌଣସିମତେ କ୍ଷୁର୍ଣ୍ଣ ହେବାକୁ ଦେବାନି। ନାରୀଶକ୍ତିର ଗାରିମା ରକ୍ଷା ଦିଗରେ ବକ୍ତବ୍ୟ ଓ ଆଚରଣରେ ସଂଯତ ରହିବା ଜରୁରୀ। ଆତ୍ମନିର୍ଭର ଭାରତ ସରକାରୀ ଏଜେଣ୍ଡା ନୁହେଁ। ବରଂ ସମାଜର ଜନଆନ୍ଦୋଳନ। ଏହାକୁ ଆଗକୁ ନେବାକୁ ହେବ।

    ଅମୃତ କାଳର ପ୍ରଥମ କିରଣ ଆଙ୍କାକ୍ଷୀ ସମାଜର ଆଶାକୁ ପୂରଣ କରୁ। ଆମ ଦେଶ ଭିତରେ କେତେ ବଡ଼ ସାମର୍ଥ୍ୟ ଅଛି, ତ୍ରିରଙ୍ଗା ହିଁ ତାହାର ପ୍ରତୀକ ବୋଲି କହିଛନ୍ତି ପ୍ରଧାନମନ୍ତ୍ରୀ।

    • ପ୍ରଦୀପ ନାୟକଙ୍କ ରିପୋର୍ଟ
  • ବିଚାରାଧୀନ ବନ୍ଦୀଙ୍କୁ ମୁକ୍ତ କରିବାକୁ ତ୍ୱରିତ ପଦକ୍ଷେପ ନିଅ : ପ୍ରଧାନମନ୍ତ୍ରୀ

    ବିଚାରାଧୀନ ବନ୍ଦୀଙ୍କୁ ମୁକ୍ତ କରିବାକୁ ତ୍ୱରିତ ପଦକ୍ଷେପ ନିଅ। ସେମାନଙ୍କୁ ଆଇନଗତ ସହାୟତା ଯୋଗାଇଦିଅ। ଜିଲ୍ଲା ଲିଗାଲ୍ ସର୍ଭିସ ଅଥୋରିଟିଙ୍କୁ ଏଭଳି ବାଗରେ ଅପିଲ୍ କରିଛନ୍ତି ପ୍ରଧାନମନ୍ତ୍ରୀ ମୋଦି। ସର୍ବଭାରତୀୟ ଜିଲ୍ଲା ଲିଗାଲ୍ ସର୍ଭିସ ଅଥୋରିଟିର ପ୍ରଥମ ବୈଠକରେ ଏହାକୁ ନେଇ ଗୁରୁତ୍ୱାରୋପ କରିଛନ୍ତି ପ୍ରଧାନମନ୍ତ୍ରୀ। ଲୋକଙ୍କ ବିଶ୍ୱାସ ନ୍ୟାୟିକ ବ୍ୟବସ୍ଥା ଉପରେ ଅତୁଟ ରହିଛି। ଏଥିଲାଗି ଯେ, ନ୍ୟାୟାଳୟର ଦ୍ୱାର ତାଙ୍କ ଲାଗି ସବୁବେଳେ ଖୋଲା। କେହି ସେମାନଙ୍କ ଅସୁବିଧା ନ ଶୁଣିଲେ ବି ଅଦାଲତ ଅଛି ବୋଲି ଏ ବିଶ୍ୱାସ ମନରେ ରହିଛି। ଗଲା ୮ ବର୍ଷ ଭିତରେ ସରକାର ନ୍ୟାୟାଳୟର ଭିତ୍ତିଭୂମିକୁ ସୁଦୃଢ଼ କରିବାକୁ ନିରନ୍ତର ପ୍ରୟାସ ଜାରି ରଖିଛନ୍ତି। ଏଥିଲାଗି ୯ ହଜାର କୋଟି ଟଙ୍କା ବି ମଞ୍ଜୁରୀ ପାଇଛି। ଜିଲ୍ଲା କୋର୍ଟରେ ୧ କୋଟି, ସୁପ୍ରିମକୋର୍ଟ ଓ ବିଭିନ୍ନ ହାଇକୋର୍ଟରେ ୬୦ ଲକ୍ଷ ମାମଲା ଭର୍ଚ୍ଚୁଆଲରେ ଶୁଣାଣୀ ହୋଇଛି। ବିଶେଷ କରି କୋଭିଡ୍ ସମୟରେ ଭର୍ଚ୍ଚୁଆଲ ଶୁଣାଣୀରେ ଗୁରୁତ୍ୱ ବାରି ହୋଇପଡ଼ିଥିଲା। ସମ୍ୱିଧାନସମ୍ମତ ନିଜର ଅଧିକାର ଓ କର୍ତ୍ତବ୍ୟ ବାବଦରେ ଲୋକଙ୍କୁ ସଚେତନ କରିବା ଅଧିକ ଜରୁରୀ ବୋଲି ମତବ୍ୟକ୍ତ କରିଛନ୍ତି ପ୍ରଧାନମନ୍ତ୍ରୀ।

    ଲୋକଙ୍କ ବିକାଶ ପାଇଁ ପରବର୍ତ୍ତୀ ପୀଢିକୁ ଟେକ୍ନୋଲୋଜି ଉପରେ ଅଧିକ ଫୋକସ୍ କରିବାକୁ ହେବ ବୋଲି ପରାମର୍ଶ ଦେଇଛନ୍ତି ମୋଦି। ସେପଟେ ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ ଏନ.ଭି.ରମଣା କହିଛନ୍ତି କି, ଜିଲ୍ଲା ନ୍ୟାୟିକ ବ୍ୟବସ୍ଥା ଏବେକାର ସମୟ ପାଇଁ ଅତି ଅପରିହାର୍ଯ୍ୟ ହୋଇପଡ଼ିଛି। ବିଶେଷ କରି ତଳକୋର୍ଟକୁ ସୁଦୃଢ଼ କରିବା ଅଧିକ ଆବଶ୍ୟକ। କାରଣ ଜିଲ୍ଲା କୋର୍ଟ ହିଁ ଲୋକଙ୍କୁ ନ୍ୟାୟ ଦେବାର ପ୍ରଥମ କଣ୍ଟାକ୍ଟ ପଏଣ୍ଟ। ପ୍ରତି ପ୍ରଗତିଶୀଳ ନୀତି ଏକ ସୁଦୃଢ଼ ମୂଳଦୁଆ ଆବଶ୍ୟକ କରେ। ଆଉ ଏହି ସମାନ କଥା ଜୁଡିସିଆରୀରେ ବି ଦରକାର। ଲୋକମତରେ ଜିଲ୍ଲା କୋର୍ଟରୁ ହିଁ ନ୍ୟାୟାଳୟର ଦ୍ୱାରସ୍ଥ ହୋଇ କି ଅନୁଭୂତି ସାଉଁଟିଛନ୍ତି, ଏଇଠୁ ହିଁ ଲୋକେ ଅଭିଜ୍ଞତା ହାସଲ କରିନିଅନ୍ତି। ସେଥିଲାଗି ତ ତଳକୋର୍ଟର କାନ୍ଧରେ ବଡ଼ ଗୁରଭାର ରହିଛି। କାରଣ ତଳକୋର୍ଟ ହିଁ ଲୋକଙ୍କ ଅସୁବିଧା ଓ ସାମାଜିକ ପ୍ରସଙ୍ଗକୁ ଠିକ୍ ଭାବରେ ବୁଝିପାରିବାର ପ୍ରକୃଷ୍ଠ କ୍ଷେତ୍ର ଅଟେ। ଆଉ ଏଥିପାଇଁ ମଲଟିଫେସେଟ୍ ଟାସ୍କ ଓ ରୋଲ୍ ନିର୍ବାହ କରିବାକୁ ପଡ଼ିବ ଜିଲ୍ଲା କୋର୍ଟଗୁଡିକୁ ବୋଲି ପରାମର୍ଶ ଦେଇଛନ୍ତି ପ୍ରଧାନ ବିଚାରପତି।

    ଯଦି କୋର୍ଟ ସମ୍ମୁଖୀନ ହେଉଥିବା ସମସ୍ୟାକୁ ଲୁଚାଇବ, ଚାପରେ ରହିବ ଓ ଠିକଣା ଭାବରେ ଜଣାଇବନି, ତେବେ ସିଷ୍ଟମ ହଲିଯିବ। ଏପରିକି ପ୍ରଧାନ ବିଚାରପତି ଆଶଙ୍କା ବି କରିଛନ୍ତି କି, ଏଭଳି ମନୋଭାବ ରହିଲେ, ସାମାଜିକ ନ୍ୟାୟ ଦେବାରେ ଅଦାଲତ ନିଜର ସାମ୍ୱିଧାନିକ ଦାୟିତ୍ୱ ନିର୍ବାହ କରିପାରିବନି। ସେଥିଲାଗି ଡିବେଟ୍ ଓ ଡିସାଇଡ୍ ଥିଓରୀକୁ ଅନୁସରଣ କରିବାକୁ ଆହ୍ୱାନ ଦେଇଛନ୍ତି ପ୍ରଧାନ ବିଚାରପତି ଜଷ୍ଟିସ ରମଣା। ଚାକିରୀର ସର୍ତ୍ତ, ପାରିଶ୍ରମିକ ଓ ଭିତ୍ତିଭୂମିର ଆହ୍ୱାନ ଯେମିତି ଚାପର ଗୋଟିଏ ଗୋଟିଏ ଆଧାର ବୋଲି ଦର୍ଶାଇଛନ୍ତି ଜଷ୍ଟିସ ରମଣା। ବିଚାରାଧୀନ ବନ୍ଦୀଙ୍କ ବାବଦରେ ତ୍ୱରିତ ଶୁଣାଣୀ ଓ ବିଚାରକୁ ନେଇ ଗୁରୁତ୍ୱାରୋପ କରିଛନ୍ତି ପ୍ରଧାନ ବିଚାରପତି। ଓକିଲଙ୍କ ପ୍ରଭାବଶାଳୀ ଯୁକ୍ତି ଓ ତର୍କ ଯେତିକି ଜରୁରୀ। ସେଭଳି ଭାବରେ ଓକିଲ ବି ସମର୍ପିତ ହେବା ଦରକାର।

    କାରଣ ବିଚାରାଧୀନ ବନ୍ଦୀ ତଥା ସେମାନଙ୍କ ମହକିଲର ସ୍ଥିତି ଓ ଆବଶ୍ୟକତାକୁ ହୃଦୟଙ୍ଗମ କରିବା ଦରକାର ଓକିଲ। ସେଥିଲାଗି ଜେଲକୁ ଭିଜିଟ୍ କରି ମହକିଲଙ୍କ ବାସ୍ତବତାକୁ ବୁଝିବା ଦରକାର। ଏଡିଆର ଓ ଲୋକଅଦାଲତକୁ ସୁଦୃଢ କଲେ ଅଦାଲତରେ ଗଡ଼ୁଥିବା ମାମଲାର ବୋଝ ଓ ବ୍ୟାକଲଗ୍ ଦୂର ହୋଇପାରିବ ବୋଲି ମତପୋଷଣ କରିଛନ୍ତି ପ୍ରଧାନ ବିଚାରପତି। କାରଣ ଏହି ଦୁଇଟି ପ୍ଲାଟଫର୍ମରେ ଲକ୍ଷ ଲକ୍ଷ ଲୋକ ନିଜର ଅଭିଯୋଗର ସମାଧାନ ପାଇପାରୁଛନ୍ତି। ଦେଶର ଶକ୍ତି ହେଉଛନ୍ତି ଯୁବବର୍ଗ। ଯଦି ସେମାନଙ୍କୁ ଉପଯୁକ୍ତ ତାଲିମ ଦିଆଯାଏ, ତେବେ ସେମାନଙ୍କର ଦକ୍ଷତାକୁ ସାମାଜିକ ଓ ଅର୍ଥନୈତିକ ପ୍ରଗତିରେ ଲଗାଯାଇପାରିବ। ଜନସଂଖ୍ୟାର ୭୦ ପ୍ରତିଶତ ଲୋକଙ୍କୁ ମାଗଣା ଆଇନଗତ ସହାୟତା ଯୋଗାଇଦେବାର ଲକ୍ଷ୍ୟ ରହିଛି। ସେପଟେ କେନ୍ଦ୍ର ଆଇନମନ୍ତ୍ରୀ କିରଣ ରିଜ୍ଜୁ କହିଛନ୍ତି କି, ଫ୍ୟାମିଲି କୋର୍ଟରେ ଗଡ଼ୁଥିବା ମାମଲାକୁ ତ୍ୱରିତ ସମାଧାନ ଲାଗି ସୁନିଶ୍ଚିତ କରାଯାଉଛି। ଏବେ ୧୧ ଲକ୍ଷରୁ ବେଶୀ ମାମଲା ପେଣ୍ଡିଂ ଅଛି। ପରିବାରରେ ବଡ଼ଙ୍କ ଭିତରେ ବିବାଦରୁ କାହିଁକି ଛୋଟ ପିଲା ଭୋଗିବେ।

    ସେଥିଲାଗି ପରିବାର ଅଦାଲତରେ ଗଡ଼ୁଥିବା ମାମଲାର ତ୍ୱରିତ ବିଚାର ଲାଗି ଜିଲ୍ଲା ଜଜ୍ ଙ୍କୁ ଅପିଲ୍ କରିଛନ୍ତି ମନ୍ତ୍ରୀ ରିଜ୍ଜୁ। ଲୋକସଭାରେ ଫ୍ୟାମିଲି କୋର୍ଟ ଆମେଣ୍ଡମେଣ୍ଟ୍ ବିଲ୍ ୨୦୧୧ ପାରିତ ହୋଇସାରିଛି। ଆସନ୍ତା ସପ୍ତାହରେ ରାଜ୍ୟସଭାରେ ଉପସ୍ଥାପିତ ହେବ। ଟେଲି- ଲ ପ୍ରୋଗ୍ରାମ ପାଇଁ ପ୍ରତି ଜିଲ୍ଲାରେ ନାଲସା ୭ଶହ ଆଇନଜୀବିଙ୍କୁ ନିଯୁକ୍ତି ଦେବାକୁ ଯାଉଛି। ଏହି ଏମପ୍ୟାନେଲ୍ ଲୟର ରେଫେରାଲ ଲୟର ଭାବରେ ପରିଗଣିତ ହେବେ ଓ ସମସ୍ୟାକୁ ଏଡ଼ାଇବା ସହ ପ୍ରି-ଲିଟିଗେସନ ଷ୍ଟେଜ୍‌ରୁ ସମସ୍ୟା ତୁଟାଇବାକୁ ପ୍ରୟାସ କରିବେ। ନ୍ୟାୟବନ୍ଧୁ ଯୋଜନାରେ ୧୧୨ ଆକାଙ୍କ୍ଷୀ ଜିଲ୍ଲାରେ ଲୋକଙ୍କୁ ଆଇନଗତ ଶିକ୍ଷା, ସଚେତନ କରାଇବାକୁ ପ୍ରୟାସ ଜାରି ରହିଛି। ଅଗଷ୍ଟ ୧୫ ନଚେତ୍ ତା ଆଗରୁ ଅଧିକରୁ ଅଧିକ ବିଚାରାଧୀନ କଏଦୀଙ୍କୁ ମୁକ୍ତ କରିବାକୁ ଟାର୍ଗେଟ ରହିଛି। ଆଜାଦି କି ଅମୃତ ମହୋତ୍ସବ ପାଳନ କରୁଥିବାରୁ ଏହି ଟାର୍ଗେଟ ରହିଛି ବୋଲି କହିଛନ୍ତି କେନ୍ଦ୍ର ଆଇନ ମନ୍ତ୍ରୀ।

    • ପ୍ରଦୀପ ନାୟକଙ୍କ ରିପୋର୍ଟ
Back to top button