pakisthan

  • ଅଶାନ୍ତ ପାକିସ୍ତାନ

    () ସମ୍ପୂର୍ଣ୍ଣ ବନ୍ଦ ପାକିସ୍ତାନ ରାଜଧାନୀ ଇସଲାମାବାଦ। ଇସଲାମାବାଦରେ ଲକଡାଉନ ଘୋଷଣା କଲେ ସରିଫ୍ ସରକାର। ପିଟିଆଇର ବିକ୍ଷୋଭ ପରେ ସ୍ଥିତି ନିୟନ୍ତ୍ରଣ ପାଇଁ ଇସଲାମାବାଦରେ ଘୋଷଣା କରାଯାଇଛି ଲକଡାଉନ। ସ୍ଥିତି ଅଣାୟତ୍ତ ହୋଇପଡିଥିବା ବେଳେ ଇସଲାମାବାଦରେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଲକଡାଉନ ଘୋଷଣା କରାଯାଇଛି। ସେପଟେ ପାକିସ୍ତାନର ପଞ୍ଜାବ ପ୍ରଦେଶରେ ମଧ୍ୟ ଲକଡାଉନ ଘୋଷଣା କରାଯାଇଛି। ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଉପରେ ଗୁରୁବାର ହୋଇଥିବା ଗୁଳିମାଡ ଘଟଣାକୁ ନେଇ ଅଶାନ୍ତ ହୋଇଛି ପାକିସ୍ତାନ। ଇମ୍ରାନଙ୍କ ସମର୍ଥକମାନେ ବିଭିନ୍ନ ସ୍ଥାନରେ ବିକ୍ଷୋଭ ଜାରି ରଖିଛନ୍ତି।

    ପ୍ରଥମେ ଗୁଳିମାଡ, ଗୁଳିମାଡ ପରେ ବିକ୍ଷୋଭ। ବିକ୍ଷୋଭ ପରେ ଲକଡାଉନ୍। ଇମ୍ରାନଙ୍କ ଉପରେ ଗୁଳିମାଡ ପରେ ଇସଲାମାବାଦରେ ସ୍ଥିତି ଉତ୍ତେଜନାପୂର୍ଣ୍ଣ ରହିଛି। ଇମ୍ରାନଙ୍କ ସମର୍ଥକମାନେ ବିଭିନ୍ନ ସ୍ଥାନରେ ବିକ୍ଷୋଭ ଜାରି ରଖିଛନ୍ତି। ରାସ୍ତାରେ ଟାୟାର ଜାଳି ଲୋକେ ଜୋରଦାର ବିକ୍ଷୋଭ ପ୍ରଦର୍ଶନ କରୁଛନ୍ତି। ପାକିସ୍ତାନରେ ସ୍ଥିତି ଅଣାୟତ୍ତ ରହିଛି। ପରିସ୍ଥିତି ଅଶାନ୍ତ ହୋଇଥିବାରୁ ଇସଲାମାବାଦରେ ସମ୍ପୂର୍ଣ୍ଣ ତାଲାବନ୍ଦ୍ କରାଯାଇଛି। ଇମ୍ରାନଙ୍କୁ ଗୁଳିମାଡ ପରେ ଲକଡାଉନ ଘୋଷଣା। ପାକିସ୍ତାନର ରାଜଧାନୀ ଇସଲାମବାଦରେ ହାଇଆଲର୍ଟ ଘୋଷଣା କରାଯାଇଛି। ତେହେରିକ୍-ଇ-ଇନସାଫ୍ ର ମୁଖ୍ୟ ତଥା ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଆତ୍ମଘାତୀ ଆକ୍ରମଣ ପରେ ଇସଲାମାବାଦରେ ଘୋଷଣା କରାଯାଇଛି ଲକଡାଉନ୍। ଶେହବାଜ ସରକାରଙ୍କ ସୁପାରିଶ ଅନୁସାରେ, ଇସଲାମାବାଦକୁ ସମ୍ପୂର୍ଣ୍ଣ ସିଲ୍ କରାଯାଇଛି।

    ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ୍ ସରିଫ୍ ଙ୍କ ନିର୍ଦ୍ଦେଶକ୍ରମେ ସହରରେ ତାଲାବନ୍ଦୀ ଲାଗିଛି। ଇମ୍ରାନଙ୍କୁ ଗୁଳିମାଡ ପରେ ଆଇନଶୃଙ୍ଖଳା ପରିସ୍ଥିତି ପାଇଁ ଲକଡାଉନ ଘୋଷଣା କରାଯାଇଛି। ଇସଲାମାବାଦରେ ଲକଡାଉନ ସମୟରେ ଅତ୍ୟାବଶ୍ୟକ ସେବା ଉପରେ କୌଣସି ପ୍ରତିବନ୍ଧକ ରହିବ ନାହିଁ। ଜଳ ଯୋଗାଣ, ରାସନ ଯୋଗାଣ ଏବଂ ଚିକିତ୍ସା ସେବା ଇତ୍ୟାଦି ଜାରି ରହିବ ବୋଲି ପ୍ରଶାସନ କହିଛି। ଏହି ସମୟରେ ସରକାରୀ ଓ ବେସରକାରୀ ଅଫିସ, ସ୍କୁଲ ଓ କଲେଜ ଆଦି ବନ୍ଦ ରହିବ। ଛାତ୍ରଛାତ୍ରୀମାନଙ୍କ ପରୀକ୍ଷାକୁ ମଧ୍ୟ ସ୍ଥଗିତ ରଖାଯାଇଛି। ସେପଟେ ପାକିସ୍ତାନର ସ୍ଥିତି ଉପରେ କଡା ନଜର ରଖାଯାଇଛି ବୋଲି କହିଛି ଭାରତୀୟ ଦୂତାବାସ ପକ୍ଷରୁ କୁହାଯାଇଛି। ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚୀ କହିଛନ୍ତି, ପାକିସ୍ତାନର ସ୍ଥିତିକୁ ଲଗାତାର ଭାବେ ଅନୁଧ୍ୟାନ କରାଯାଉଛି। ଗୁଳିମାଡ ଘଟଣାର ତଦନ୍ତ ପାଇଁ ପାକିସ୍ତାନର ପଞ୍ଜାବ ପ୍ରଦେଶରେ ମଧ୍ୟ ଗୁରୁବାର ସନ୍ଧ୍ୟା ୬ଟାରୁ ଲକଡାଉନ ଲାଗୁ କରାଯାଇଛି। ପରବର୍ତ୍ତୀ ନିର୍ଦ୍ଦେଶ ନ ଆସିବା ଯାଏଁ ଏହା ଲାଗୁ ରହିବ ବୋଲି କୁହାଯାଇଛି। ପଞ୍ଜାବ ପ୍ରଦେଶର ସାମ୍ପ୍ରତିକ ପରିସ୍ଥିତି ବିଶ୍ଳେଷଣ କରିବା ପରେ ବସବାସ କରୁଥିବା ଜନସାଧାରଣଙ୍କ ନିମନ୍ତେ ଶାନ୍ତିପୂର୍ଣ୍ଣ ବାତାବରଣ ଫେରାଇ ଆଣିବା ନିମନ୍ତେ ଉପରୋକ୍ତ ନିଷ୍ପତ୍ତି ଗ୍ରହଣ କରାଯାଇଛି। ପଞ୍ଜାବ ପ୍ରଦେଶ ମୁଖ୍ୟମନ୍ତ୍ରୀ ତୁରନ୍ତ ରିପୋର୍ଟ ଦେବାକୁ ପୋଲିସ ମୁଖ୍ୟଙ୍କୁ ନିର୍ଦ୍ଦେଶ ଦେଇଛନ୍ତି।

    ସେପଟେ ରାଲି ଇସଲାମାବାଦ ଅଭିମୁଖେ ଯାଉଥିବା ବେଳେ ଗୁରୁବାର ପାକିସ୍ତାନର ପଞ୍ଜାବ ପ୍ରଦେଶର ଇମ୍ରାନଙ୍କ ଉପରେ ଗୁଳିମାଡ ହୋଇଥିଲା। ଯାହାକୁ ନେଇ ହିନ୍ଦୁସ୍ତାନରୁ ପାକିସ୍ତାନ ଯାଏଁ ଖେଳିଯାଇଛି ଚାଞ୍ଚଲ୍ୟ। ଏହି ଆକ୍ରମଣ ଆତଙ୍କବାଦୀ ହମଲା ନା ସରକାରୀ ପ୍ରାୟୋଜିତ, ସେକଥା ଜଣାପଡିନି। କିନ୍ତୁ ଆତତାୟୀ ଜଣକ ନିଜ ଦୋଷ ସ୍ୱୀକାର କରିଛି।

    ପ୍ରେମଲତା ବାରିକଙ୍କ ରିପୋର୍ଟ

  • ପୁଣି ବିଦେଶରେ ପାକିସ୍ତାନର କାଶ୍ମୀର ରାଗ

    ନୂଆଦିଲ୍ଲୀ: ପାକିସ୍ତାନରେ ସ୍ଥିତି ବେହାଲ। ଆର୍ଥିକ ବନ୍ୟା ଓ ଆର୍ଥିକ ଦୁରାବସ୍ଥା ଦେଇ ଦେଶ ଗତିକରୁଛି, କିନ୍ତୁ ସେଠାକାର ନେତାଙ୍କର କାଶ୍ମୀର ମାୟା ତୁଟୁନାହିଁ। ଭୋଟ ରାଜନୀତି କାରଣରୁ ପାକ ନେତାଙ୍କ ପାଇଁ ସବୁଠାରୁ ବଡ ମୁଦ୍ଦା କାଶ୍ମୀର। ତେଣ ପାକର ବିଦେଶ ମନ୍ତ୍ରୀ ବିଲାବଲ ଭୁଟୋ ଜରଦାରୀ ନ୍ୟୁୟର୍କ ଯାତ୍ରା କାଳରେ କାଶ୍ମୀର ପ୍ରସଙ୍ଗ ଉଠାଇବାକୁ ଭୁଲି ନାହାନ୍ତି। ସେ କାଶ୍ମୀର ପ୍ରସଙ୍ଗ ଉଠାଇବା ସହ ଭାରତ ପାକ ସମ୍ପର୍କରେ କୌଣସି ସୁଧାର ଦେଖା ଯାଉନଥିବା କହିଛନ୍ତି।

    ନ୍ୟୁୟର୍କରେ କାଉସିଲ ଅଫ ଫରେନ ରିଲେସନର ଏକ କାର୍ଯ୍ୟକ୍ରମରେ ସମ୍ବୋଧନ ଦେଉଥିବା ବେଳେ ପ୍ରଶ୍ନୋତ୍ତର କାଳରେ ଭୁଟ୍ଟୋ କହିଛନ୍ତି, ଭାରତ ସହ ସମ୍ପର୍କରେ ସୁଧାର ଆସିବାର କୌଣସି ସମ୍ଭାବନା ଦେଖା ଯାଉନାହିଁ। ସେ ଆହୁରି କହିଛନ୍ତି, ଭାରତର ଆଭିମୁଖ୍ୟରେ ପରିବର୍ତ୍ତନ ଘଟିଛି। ଆମ ପ୍ରଧାନମନ୍ତ୍ରୀ ବାରମ୍ବାର ଭାରତ ସହ ଶାନ୍ତି ଓ ସୌହାର୍ଦ୍ଦ୍ୟପୂର୍ଣ୍ଣ ସମ୍ପର୍କ ସ୍ଥାପନ ପାଇଁ ଚେଷ୍ଟା କରୁଥିବା ବେଳେ କିନ୍ତୁ ଭାରତ ପକ୍ଷରୁ କୌଣସି ପ୍ରତିଉତ୍ତର ମଳୁନାହିଁ।

    ଅନ୍ୟପଟେ ୨୦୧୯ ପରଠାରୁ ଆଉ ଭାରତ ସହ ସମ୍ପର୍କ ସ୍ଥାପନ ଅବିଶ୍ବସନୀୟ ଭାବେ କଷ୍ଟକର ଅନୁଭୂତ ହୋଉଛି ବୋଲି ଭିଟ୍ଟୋ କହିଛନ୍ତି। ଏଠାରେ ଉଲ୍ଲେଖ ଯୋଗ୍ୟ, ୨୦୧୯ ଅଗଷ୍ଟରେ କାଶ୍ମୀରରୁ ଧାରା ୩୭୦ ଉଚ୍ଛେଦ କରାଯାଇ ଏହାକୁ ଜମ୍ମୁ କାଶ୍ମୀର ଓ ଲଦ୍ଦାଖ ଦୁଇଟି କେନ୍ଦ୍ରଶାସିତ ପ୍ରଦେଶରେ ପରିଣତ କରାଯାଇଥିଲା, ଯାହାକୁ ପାକିସ୍ତାନ ଆଦୌ ହଜମ କରି ପାରୁ ନାହିଁ। ତେଣୁ ବିଭିନ୍ନ ସମୟରେ ବିଶ୍ବ ସମୁଦାୟ ନିକଟରେ ପାକ ନିଜ ଅଭାବ ଅସୁବିଧା ଭୁଲି କାଶ୍ମୀର ପ୍ରସଙ୍ଗ ଉଠାଇ ଆସୁଛି।

  • ପାକିସ୍ତାନ:  ବନ୍ୟାରେ ୧ ହଜାର ଲୋକଙ୍କ ପ୍ରାଣହାନୀ

    ଇସଲାମବାଦ: ପାକିସ୍ତାନରେ ବନ୍ୟା ସ୍ଥିତି ସଂକଟାପନ୍ନ ରହିଛି। ଏପର୍ଯ୍ୟନ୍ତ ବନ୍ୟାରେ ୧ ହଜାର ଲୋକଙ୍କ ପ୍ରାଣହାନୀ ଘଟିଛି। ବନ୍ୟାର ଭୟାବହତାକୁ ଦେଖି ସରକାର ରାଷ୍ଟ୍ରୀୟ ଜରୁରୀକାଳୀନ ପରିସ୍ଥିତି ଘୋଷଣା କରିଛନ୍ତି। ପ୍ରଭାବିତଙ୍କ ଥଇଥାନ ପାଇଁ ଚାନ୍ଦା ସଂଗ୍ରହ କରାଯାଉଛି। ବନ୍ୟା ସ୍ଥିତିକୁ ଦେଖି ପ୍ରଧାନମନ୍ତ୍ରୀ ଶାହବାଜ ସରିଫ ତାଙ୍କ ୟୁନାଇଟେଡ କିଙ୍ଗଡମ ଯାତ୍ରା ରଦ୍ଦ କରିଦେଇଛନ୍ତି।

    ପାକିସ୍ତାନରେ ବନ୍ୟା ସ୍ଥିତି ଗମ୍ଭୀର ହେବାରେ ଲାଗିଛି। ଏହାକୁ ନେଇ ଗୁରୁବାର ଗୁରୁବାର ସୂଚନା ଓ ପ୍ରସାରଣ ମନ୍ତ୍ରୀ ମରିୟମ ଔରଙ୍ଗଜେବ ଦେଶରେ ରାଷ୍ଟ୍ରୀୟ ଜରୁରୀକାଳୀନ ସ୍ଥିତି ଥିବା କହିଛନ୍ତୁ। ବେଲୁଚିସ୍ତାନ ଓ ସିନ୍ଧରେ ସବୁଠାରୁ ଅଧିକ କ୍ଷୟକ୍ଷତି ହୋଇଛି। ବନ୍ୟା ପ୍ରଭାବିତଙ୍କ ସହାୟତା ପାଇଁ ମନ୍ତ୍ରୀ ବିଦେଶରେ ବସବାସ କରୁଥିବା ପାକିସ୍ତାନୀଙ୍କୁ ସହାୟତାର ହାତ ବଢାଇବାକୁ ଅପିଲ କରିଛନ୍ତି। ପ୍ରଧାନମନ୍ତ୍ରୀ ମଧ୍ୟ ସ୍ଥିତିକୁ ଦେଖି ନିଜ ବ୍ରିଟେନ ଗସ୍ତକୁ ସ୍ଥଗିତ ରଖିଛନ୍ତି।

    ଚଳିତ ବର୍ଷ ପାକିସ୍ତାନ ୮ଟି ଲଘୁଚାପ ବର୍ଷାର ସମ୍ମୁଖୀନ ହୋଇଛି। ଏହି ଲଘୁଚାପ ବର୍ଷାରେ ଦେଶର ଅଧିକାଂଶ ପ୍ରାନ୍ତରେ ବନ୍ୟାସ୍ଥିତି ସୃଷ୍ଟି ହୋଇଛି। ଏହି ବନ୍ୟାରେ ୩୩ ମିଲିୟନ ଲୋକ ପ୍ରଭାବିତ ହୋଇଛନ୍ତି। ଏହି ବନ୍ୟା ଜୁନ ମଧ୍ୟ ଭାଗରୁ ହୋଇଛି। ଦେଶର ମୁଖ୍ୟତଃ ଦକ୍ଷିଣ ପ୍ରାନ୍ତରେ ଅଧିକ ପ୍ରଭାବ ଦେଖିବାକୁ ମିଳିଛି। ବନ୍ୟା ଆରମ୍ଭରୁ ବର୍ତ୍ତମାନ ମଧ୍ୟରେ ୯୩୭ ଲୋକଙ୍କ ପ୍ରାଣହାନୀ ଘଟିଥିବା ଜାତୀୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷଙ୍କ ପକ୍ଷରୁ ସୂଚନା ରହିଛି।

    ପ୍ରଭାବିତ ଲୋକଙ୍କୁ ଏନଡିଏମଏ, ପାକିସ୍ତାନ ଆର୍ମି, ପ୍ରାନ୍ତ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରୁଛନ୍ତି। ସିନ୍ଧ ପ୍ରାନ୍ତ ବନ୍ୟାରେ ସର୍ବାଧିକ ପ୍ରଭାବିତ ହୋଇଛି। ସେଠାରେ ୧ ମିଲିୟନ ଟେଣ୍ଟରେ ପ୍ରଭାବିତଙ୍କୁ ରଖା ଯାଇଥିବା ବେଳେ ବେଳୁଚିସ୍ତାନ ପାଇଁ ୧ ଲକ୍ଷ ଟେଣ୍ଟ ହୋଇଛି। ୧୮୪,୦୦୦ ପ୍ରଭାବିତଙ୍କୁ ସ୍ଥାନାନ୍ତର କରାଯାଇ ଟେଣ୍ଟରେ ଥଇଥାନ କରାଯାଇଥିବା ୟୁଏନର ଅଫିସର ଫର କୋଡିନେସନ ଅଫ ହୁମାନିଟେରିଆନ ଆଫାୟାର ସୂଚନା ଦେଇଛନ୍ତି।

    ଗତ ୨୪ ଘଣ୍ଟାରେ ୧୫୦ କିଲୋମିଟର ରାସ୍ତା ନଷ୍ଟ ହୋଇଯାଇଛି, ୮୨ହଜାର ଘର ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ଏଯାବତ୍ ଦେଶର ୩ହଜାର କିଲୋମିଟ ରାସ୍ତା, ୧୩୦ଟି ପୋଲ ଓ ୪ଲକ୍ଷ ୯୫ହଜାର ଘର ନଷ୍ଟ ହୋଇଥିବା ଜାତୀୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ ତରଫରୁ ସୂଚନା ରହିଛି।

  • ବିରୋଧ ପ୍ରଦର୍ଶନ ବେଳେ ଗୁଳିମାଡ, ଜଣେ ମୃତ

    ଇସଲାମବାଦ: ପାକିସ୍ତାନରେ ବିରୋଧ ପ୍ରଦର୍ଶନ କାଳରେ ସୁରକ୍ଷା ବଳ ପକ୍ଷରୁ ଗୁଳିମାଡ କରାଯାଇଛି, ଯେଉଁଥିରେ ଜଣେ ପ୍ରଦର୍ଶକାରୀଙ୍କ ମୃତ୍ୟୁ ହୋଇଯାଇଛି । ଅନେକ ଲୋକ ମଧ୍ୟ ଆହତ ହୋଇଛନ୍ତି । ଏପରି ଅଭାବନୀୟ ଘଟଣା ଦେଖିବାକୁ ମିଳିଛି ବେଲୁଚିସ୍ତାନର ହରନାଇ ଅଞ୍ଚଳରେ ।
    ହରନାଇସ୍ଥିତ ଏକ ମିଲିଟାରୀ ବେସ ବାହାରେ ସ୍ଥାନୀୟ ଲୋକ ବିରୋଧ ପ୍ରଦର୍ଶନ କରିଥିଲେ । ସେତିକି ବେଳେ ଅଚାନକ ସୁରକ୍ଷା ବଳ ପ୍ରଦର୍ଶନକାରୀଙ୍କ ଉପରେ ଗୁଳି ବର୍ଷା ଆରମ୍ଭ କରିଦେଇଥିଲେ । ଏହି ପୂରା ଘଟଣାକ୍ରମରେ ଜଣେ ସ୍ଥାନୀୟ ପ୍ରଦର୍ଶନକାରୀଙ୍କ ମୃତ୍ୟୁ ହୋଇଥିଲା ଓ ବହୁ ଲୋକ ଆତ ହୋଇଥିଲେ ।
    ସ୍ଥାନୀୟ ଲୋକଙ୍କ ଅନୁଯାୟୀ, ଗତ ରାତିରେ ପାକିସ୍ତାନର ମିଲିଟାରୀ ବେସ ଓ ପାକିସ୍ତାନୀ ସୁରକ୍ଷାବଳର ଏକ ଦଳ ଉପରେ ବଲୁଚିସ୍ଥାନୀ ଯୁବକମାନେ ଆକ୍ରମଣ କରିଥିଲେ । ଏହାପରେ ସୁରକ୍ଷାବଳ ଆକ୍ରମଣ କରିଥିବା ପଶ୍‌ତୁନ ଲୋକଙ୍କୁ ଟର୍ଗେଟ କରିଥିଲେ । ଏହାକୁ ବିରୋଧ କରି ଆଜି ସ୍ଥାନୀୟ ପଶ୍‌ତୁନ ଲୋକେ ମିଲିଟାରୀ ବେସ ନିକଟରେ ବିରୋଧ ପ୍ରଦର୍ଶନ କରିଥିଲେ । କିନ୍ତୁ ପାକିସ୍ତାନୀ ସୁରକ୍ଷାବଳ ସେମାନଙ୍କ ଉପରେ ଆଖିବୁଜା ଗୁଳିବର୍ଷା କରିଥିଲେ । ଏଥିରେ ଅୱାମୀ ନାସନାଲ ପାର୍ଟିର ଜଣେ କର୍ମକର୍ତ୍ତାଙ୍କ ମୃତ୍ୟୁ ହୋଇଥିଲା । ବହୁ ପ୍ରଦର୍ଶନକାରୀ ମଧ୍ୟ ଆହତ ହୋଇଛନ୍ତି ।

Back to top button