price

  • ଶସ୍ତାହେଲା ଏଲପିଜି ସିଲିଣ୍ଡର

    ନୂଆଦିଲ୍ଲୀ: ଏଲପିଜି ସିଲିଣ୍ଡର ଶସ୍ତା ହେଲା । ଆଇଟିଆର ଉପରେ ଫାଇନ । ଆଜି ଅଗଷ୍ଟ ୧ । ବଦଳୁଛି ଅନେକ ନିୟମ । ଅର୍ଥ ନେଣଦେଣର ନିୟମ ସାଙ୍ଗକୁ ଇନକମ ଟ୍ୟାକ୍ସ ରିଟର୍ଣ୍ଣ  ପୈଠ କରିବାର ନିୟମରେ ମଧ୍ୟ ପରିବର୍ତ୍ତନ ହୋଇଛି । ରନ୍ଧନ ଗ୍ୟାସର ଦରରେ ପରିବର୍ତ୍ତନ ସହ ଆଜିଠୁ ବ୍ୟାଙ୍କ ଅଫ ବରୋଦାର ଚେକ ସମ୍ପର୍କିତ ନିୟମରେ ମଧ୍ୟ ପରିବର୍ତ୍ତନ ହୋଇଛି। କମର୍ସିଆଲ ଗ୍ୟାସ ସିଲିଣ୍ଡର ମୂଲ୍ୟ ଆଜି ୩୬ ଟଙ୍କା ହ୍ରାସ ହୋଇଛି । ଏହି ହ୍ରାସ ପରେ ୧୯ କିଲୋଗ୍ରାମ ବ୍ୟବସାୟିକ ଏଲପିଜି ସିଲିଣ୍ଡରର ମୂଲ୍ୟ ସିଲିଣ୍ଡର ପିଛା ୧୯୭୬ ଟଙ୍କା ରହିଛି ଯାହା ୨୦୧୨, ୫୦ ପଇସା ଥିଲା । ସେହିପରି ବ୍ୟାଙ୍କ ଅଫ ବରୋଦାର ଚେକ ସମ୍ପର୍କିତ ନିୟମରେ ପରିବର୍ତ୍ତନ ହୋଇଛି । ଆରବିଆଇ ଗାଇଡଲାଇନକୁ ପାଳନ କିରବାକୁ ଯାଇ ବ୍ୟାଙ୍କ ଅଫ ବରୋଦା ଏପରି ପରିବର୍ତ୍ତନ ଲାଗୁ କରିଛି । ନୁଆ  ନିୟମ ଅନୁସାରେ ଅଗଷ୍ଠ ପହିଲାରୁ ୫ ଲକ୍ଷ ଟଙ୍କାରୁ ଅଧିକମୁଲ୍ୟର ଚେକ ପେମେଣ୍ଟ ପାଇଁ ପଜିଟିଭି ପେ ସିଷ୍ଟମ ଲାଗୁ କରାଯାଇଛି । ଏହା ଅନୁସାରେ ଚେକ ଜରିଆରେ ଅର୍ଥ ନେଣ ଦେଣ କରୁଥିବା ଗ୍ରାହକ ପ୍ରଥମେ ଚେକ୍ ସମ୍ପର୍କିତ ସମସ୍ତ ତଥ୍ୟକୁ ଏମଏମଏସ , ନେଟ , ବ୍ୟାଙ୍କିଙ୍ଗ କିମ୍ବା ମୋବାଇଲ ଆପ ମାଧ୍ୟମରେ ବ୍ୟାଙ୍କକୁ ଜଣାଇବେ । ଏହା ପରେ ଚେକ୍ କ୍ଲିଅର ହୋଇପାରିବ । ଖାଲି ସେତିକି ନୁହେଁ ଠକେଇ ରୋକିବା ପାଇଁ ପଜିଟିଭ ପେ ସିଷ୍ଟମ ଲାଗୁ କରିଛନ୍ତି ରିଜର୍ଭ ବ୍ୟାଙ୍କ । ଯଦିଓ ଏହାକୁ ୨୦୨୦ ରୁ ଲାଗୁ କରାଯାଇଛି । ହେଲେ ଆଜିଠାରୁ  ବ୍ୟାଙ୍କ ଅଫ ବରୋଦା ଏହାକୁ କଡାକଡି ଭାବେ ଲାଗୁ କରିଛି । ପଜିଟିଭ  ପେ ସିଷ୍ଟମ ଅନୁସାରେ ଯଦି ଆପଣ ଚେକ ଜରିଆରେ ଟ୍ରାଞ୍ଜାକସନ କରିବାକୁ ଚାହୁଁଛନ୍ତି ତାହେଲେ ଏହାର ସବିଶେଷ ତଥ୍ୟ ପ୍ରଥମେ ଏମଏମଏସ , ନେଟ , ବ୍ୟାଙ୍କିଙ୍ଗ ଜରିଆରେ ସମ୍ପୃକ୍ତ ବ୍ୟକ୍ତିଙ୍କୁ ଜଣାଇବା ପରେ ଟ୍ରାଞ୍ଜାକସନ କରିପାରିବେ ।

    •  ସ୍ମରଜିତ ଆର୍ଯ୍ୟଙ୍କ ରିପୋର୍ଟ
  • ପୁଣି ବଢିଛି ଘରୋଇ ଏଲପିଜି ସିଲିଣ୍ଡର ଦର

    ଭୁବନେଶ୍ୱର: ଖାଉଟିଙ୍କୁ ମହଙ୍ଗା ମାଡ଼ । ପୁଣି ବଢିଛି ଘରୋଇ ଏଲପିଜି ଗ୍ୟାସ ସିଲିଣ୍ଡରର ଦର। ୧୪.୦୨କେଜି ଏଲପିଜି ସିଲିଣ୍ଡର ଦର ୫୦ ଟଙ୍କା ବୃଦ୍ଧି ପାଇଛି। ଗ୍ୟାସ ସିଲିଣ୍ଡରର ଦର ୧ହଜାରେ ୨୯ ଥିବା ବେଳେ ବର୍ତ୍ତମାନ ୧ହଜାର ୭୯କୁ ବୃଦ୍ଧି ହୋଇଛି। ଏଥିସହ ଦିଲ୍ଲୀରେ ଆଜିଠୁ ଏଲପିଜି ସିଲିଣ୍ଡରର ଦର ୧ହଜାରେ ୦୫୩ ଟଙ୍କାରେ ପହଞ୍ଚିଛି। ୫ କେଜି ଏଲପିଜି ସିଲିଣ୍ଡରର ଦର ୧୮ ଟଙ୍କା ବଢିଛି। ସେପେଟ ୧୯ କେଜି କମର୍ସିଆଲ ଗ୍ୟାସ ସିଲିଣ୍ଡିରର ଦର ୮ଟଙ୍କା ୫୦ ପଇସା କମିଛି। ଏହ ପୁର୍ବରୁ ମେ ୧୯ ତାରିଖରେ ମଧ୍ୟ ଏଲପିଜି ସିଲିଣ୍ଡରର ମୂଲ୍ୟ ୪ ଟଙ୍କା ବୃଦ୍ଧି ପାଇଥିଲା । ଗତ ଜୁନ ୧୭ ତାରିଖରେ ଘରୋଇ ଗ୍ୟାସ ସିଲିଣ୍ଡରର ମୂଲ୍ୟ ୫୦ ଟଙ୍କା ବଢ଼ିଥିଲା ।

    ଏହି ମୂଲ୍ୟ ବୃଦ୍ଧି ପରେ ୧୪ କେଜି ଘରୋଇ ଗ୍ୟାସ ସିଲିଣ୍ଡର ମୂଲ୍ୟ ୯୯୯ଟଙ୍କା ରହିଥିଲା । ଜୁନ ମାସ ପୁର୍ବରୁ ଗତ ମେ ୭ ତାରିଖରେ ମଧ୍ୟ ଘରୋଇ ଗ୍ୟାସ ଦର ୫୦ ଟଙ୍କା ବଢ଼ିଥିଲା । ତେବେ ବାରମ୍ବାର ଗ୍ୟାସ ଦର ବୃଦ୍ଧି ପାଇବା ପରେ କଟକ ଜିଲ୍ଲା ଅନ୍ତର୍ଗତ ବାଙ୍କିରେ ଖାଉଟିଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଇଛି । ଗରିବ ଓ ଖଟିକିଆଙ୍କ ଉପରେ ଏହା ବୋଝ ଉପରେ ନଳିତା ବିଡା ବୋଲି କହିଛନ୍ତି ଖାଉଟି ।

    କେବଳ କଟକ ଜିଲ୍ଲା ନୁହେଁ ମୟୁରଭଂଜ ଓ ଟିଟିଲାଗଡରେ ମଧ୍ୟ ଦେଖିବାକୁ ମିଳିଛି ସମାନ ଦୃଶ୍ୟ । ଗ୍ୟାସ ଦର ବୃଦ୍ଧି ଯୋଗୁଁ ପରିବାରର ବଜେଟ ସମ୍ପୁର୍ଣ୍ଣ ବିଗାଡି ଦେଇଥିବା ବେଳେ ପୁଣି ଥରେ କାଠ ଚୁଲି ମୂହାଁ ଗରିବ ଶ୍ରେଣୀର ଲୋକେ । ବାରମ୍ବାର ଗ୍ୟାସ ସିଲିଣ୍ଡର ବୃଦ୍ଧିର ପ୍ରଭାବ ହାଣ୍ଡିଶାଳ ଉପରେ ପଡୁଥିବା ବେଳେ ଗରିବଙ୍କ ପାଇଁ ସରକାରଙ୍କ ଏହା ଉପହାସ ମନେ ହେଉଛି ।

  • ଶ୍ରୀଲଙ୍କାର ପିଛା ଛାଡୁନି ଆର୍ଥିକ ସଙ୍କଟ

    ଶ୍ରୀଲଙ୍କା ଏବେ ଆର୍ଥିକ ସଙ୍କଟ ଦେଇ ଗତି କରୁଛି । ଦିନକୁ ଦିନ ଶ୍ରୀଲଙ୍କାର ସ୍ଥିତି ବିଗିଡିବାରେ ଲାଗିଛି । ପେଟ୍ରୋଲ୍ ଓ ଡିଜେଲ ଦରଦାମ ବୃଦ୍ଧି ନେଇ ଚିନ୍ତାରେ ଜନସାଧାରଣ। ଖାଉଟିଙ୍କ ଉପରେ ଏବେ ମହଙ୍ଗା ମାଡ ହୋଇଛି। ଶ୍ରୀଲଙ୍କାର ଆର୍ଥିକ ସଙ୍କଟ ମଧ୍ୟରେ ସିଲୋନ ପେଟ୍ରୋଲିୟମ କର୍ପୋରେଶନ ଗ୍ୟାସର ଇନ୍ଧନ ଗ୍ୟାସ ଦର ବୃଦ୍ଧି କରିବା ନେଇ ନିଷ୍ପତ୍ତି ନେଇଛି ।ଦେଶରେ ଇନ୍ଧନ ଅଭାବ ମଧ୍ୟରେ ୪ ଦିନ ଧରି ପେଟ୍ରୋଲ ପମ୍ପ ଆଗରେ ଲମ୍ୱା ଧାଡିରେ ଠିଆ ହୋଇ ରହିଛନ୍ତି ଯାତ୍ରୀମାନେ । ଏନେଇ କଲୋମ୍ୱରେ ସ୍କୁଲ ବନ୍ଦ ଥିବା ବେଳେ ସରକାରୀ କର୍ମଚାରୀଙ୍କୁ ଘରେ ରହି କାମ କରିବାକୁ କୁହାଯାଇଛି।ବର୍ତ୍ତମାନ ଦେଶ ପ୍ରତିଦିନ ନୂଆ ନୂଆ ସମସ୍ୟାର ସାମ୍ନା କରୁଛି। ବୈଦେଶିକ ମୁଦ୍ରାର ତୀବ୍ର ଅଭାବ ହେତୁ ଶ୍ରୀଲଙ୍କା ନାଗରିକଙ୍କ ପାଇଁ ଜିନିଷ ଆମଦାନୀ କରିବାରେ ଅସର୍ମଥ ହେଉଛି । ଏହି କାରଣରୁ ଇନ୍ଧନ ସଙ୍କଟ ଆହୁରି ଗଭୀର ହୋଇଛି ଏବଂ ପେଟ୍ରୋଲ ଡିଜେଲ ମୂଲ୍ୟ ବୃଦ୍ଧି ହେବାରେ ଲାଗିଛି।

    ଏକ ମିଡିଆ ରିପୋର୍ଟ ଅନୁଯାୟୀ, ପେଟ୍ରୋଲ ଲିଟର ପିଛା ୫୦ ଟଙ୍କାକୁ ବୃଦ୍ଧି ହୋଇଛି ଏବଂ ଡିଜେଲ ଲିଟର ପିଛା ୬୦ ଟଙ୍କାକୁ ବୃଦ୍ଧି ହୋଇଛି। ଗତ ୨ ମାସରେ ତୃତୀୟ ଥର ପାଇଁ ଶ୍ରୀଲଙ୍କାରେ ଇନ୍ଧନ ଦାମ୍ ବୃଦ୍ଧି ପାଇଛି । ଦେଶରେ ବର୍ତ୍ତମାନ ପେଟ୍ରୋଲ ଦାମ୍ ଲିଟର ପିଛା ୪୭୦ ଟଙ୍କା ଓ ଡିଜେଲ ଲିଟର ପିଛା ୪୬୦ ଟଙ୍କାରେ ପହଞ୍ଚିଛି । ଅନ୍ୟପଟେ ଶ୍ରୀଲଙ୍କା ଏବେ ଋଷରୁ ତେଲ କିଣିବାକୁ ଯୋଜନା କରୁଛି । ଶ୍ରୀଲଙ୍କାର ଜଣେ ବରିଷ୍ଠ ମନ୍ତ୍ରୀ ରବିବାରେ କହିଛନ୍ତିଯେ, ଦେଶ ଏବେ ଋଷରୁ ତେଲ କିଣିବା ନେଇ ବିକଳ୍ପ ଖୋଜୁଛି।

    ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ

  • ୧୫ ଟଙ୍କାରେ ପେଟ୍ରୋଲ୍।

    ୧୫ ଟଙ୍କାରେ ପେଟ୍ରୋଲ୍। ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ବି ଏହା ସତ। ଆଜିକା ଦିନରେ ପେଟ୍ରୋଲ ପ୍ରାଇଜ୍ ଆକାଶଛୁଆଁ ରହିଥିବା ବେଳେ କିଏ ମାତ୍ର ୧୫ଟା ଟଙ୍କାରେ ପେଟ୍ରୋଲ ଦେଲା। କେଉଁ ଦେଶ ଏମିତି କମ୍ ଦରରେ ଦେଉଛି। ତାକୁ ନେଇ ଚକିତ ସମସ୍ତେ। ପେଟ୍ରୋଲ ଲିଟର ପିଛା ୧୫ ଟଙ୍କାରେ ମିଳୁଥିବା ଜାଣି ଲୋକେ ବି ପେଟ୍ରୋଲ ପମ୍ପରେ ଭିଡ଼ ଲଗାଇଲେ। ଆଉ ପୁରା ତେଲ ଟାଙ୍କି ଭର୍ତ୍ତି କରି ଖୁସି ମନରେ ଫେରିଛନ୍ତି। ତେବେ ଲୋକେ ସିନା ୧୫ଟା ଟଙ୍କାରେ ପେଟ୍ରୋଲ କିଣି ଖୁସି ମନରେ ଫେରିଗଲେ। କିନ୍ତୁ କମ୍ପାନୀକୁ ଲାଗିଥିଲା ଜବରଦସ୍ତ ଝଟକା। ତେବେ କମ୍ପାନୀ ନିଜେ ଏହି ଦରରେ ତେଲ ଦେଇ ପୁଣି ହରଡ଼ଘଣାରେ ପଡ଼ିଲା କେମିତି। କିନ୍ତୁ ଏହାର କାରଣ ଜାଣିଲେ ହୋସ୍ ଉଡ଼ିଯିବ। ପେଟ୍ରୋଲ ପମ୍ପର ମ୍ୟାନେଜରଙ୍କ ଗୋଟିଏ ତୃଟି ଲାଗି ଲୋକଙ୍କର ଭାଗ୍ୟ ଖୋଲିଗଲା।

    କିନ୍ତୁ କମ୍ପାନୀ ବିପୁଳ କ୍ଷତି ସହିବାକୁ ବାଧ୍ୟ ହେଲା। ମ୍ୟାନେଜରଙ୍କ ଭୁଲ୍ ଲାଗି କମ୍ପାନୀ କ୍ଷତି ସହିଲାଣି ଜାଣିଲା ବେଳକୁ ସେତେବେଳକୁ ୨ଶହରୁ ଅଧିକ ଲୋକ ଏହାର ଫାଏଦା ନେଇସାରିଥିଲେ। ଲୋକଙ୍କୁ ପେଟ୍ରୋଲ ପକାଇବାକୁ ଅଫର ଦେବାକୁ ଯାଇ ନିଜେ ବିପଦରେ ଫସିଯାଇଥିଲେ ମ୍ୟାନେଜର୍। ଆଉ ତା ସହ କମ୍ପାନୀର ବି ବଡ଼ କ୍ଷତି କରିସାରିଥିଲେ। ପେଟ୍ରୋଲ ଲିଟର ପିଛା ୧୩୫ ଟଙ୍କା ବିକିବା ବଦଳରେ ଲୋକଙ୍କୁ ୧୫ ଟଙ୍କାରେ ବିକାଯାଇଥିଲା।

    କମ୍ପାନୀ ପକ୍ଷରୁ ଅଫର ଥିଲା କି, ଟାଙ୍କିରେ ଫୁଲ୍ ୫୦ ଲିଟର  ତେଲ ପକାଇଲେ ୬ ହଜାର ୭୫୦ ଟଙ୍କା ଦେବାକୁ ପଡିବ। କିନ୍ତୁ ମ୍ୟାନେଜର ଭୁଲରେ ଏହାକୁ ୭୫୦ ଟଙ୍କା ଗ୍ରାହକଙ୍କୁ ଦେବାକୁ ପଡ଼ିବ ବୋଲି କହିଥିଲେ। ଆମେରିକାର ନର୍ଥ କାଲିଫର୍ଣ୍ଣିଆରେ ଏଭଳି ଘଟଣା ଘଟିଛି। ରେଞ୍ଚୋ କୋଡଓ୍ୱାର ସେଲ୍ ଗ୍ୟାସ୍ ଷ୍ଟେସନର ମ୍ୟାନେଜର ଜନ୍ ରଜେସିନାଙ୍କ ଏହି ବଡ଼ ତୃଟି ପାଇଁ କମ୍ପାନୀ ତ ବିପୁଳ କ୍ଷତି ସହିଲା। ତା ସହ ମ୍ୟାନେଜର ବି ଚାକିରୀରୁ ବିଦା ହେଲେ। ପେଟ୍ରୋଲ ପ୍ରତି ଗ୍ୟାଲୋନ୍ ୫୦୧ ଟଙ୍କାରେ ବିକ୍ରି ହେଉଥିଲା ବେଳେ ଏଭଳି ବଡ଼ ତୃଟି କରିଦେଲେ ମ୍ୟାନେଜର୍। ଆମେରିକାର ଅଧିକାଂଶ ପେଟ୍ରୋଲ ପମ୍ପରେ ସେଲଫ ସର୍ଭିସ୍ ବ୍ୟବସ୍ଥା ଅଛି, ଯେଉଁଠି ଲୋକେ ନିଜେ ପେଟ୍ରୋଲ ଭରନ୍ତି। ମ୍ୟାନେଜରଙ୍କ ଏହି ଭୁଲ୍ ଲାଗି କମ୍ପାନୀ ସାଢେ ୧୨ ଲକ୍ଷ ଟଙ୍କାର ରାଜସ୍ୱ ହରାଇଛି।

    ପ୍ରଦୀପ ନାୟକ, ନକ୍ଷତ୍ର ନ୍ୟୁଜ୍

Back to top button