rape

  • ଦେଶରେ ଗତ ୩ ବର୍ଷରେ ବୃଦ୍ଧି ପାଇଛି ଦୁଷ୍କର୍ମ ମାମଲା

    ନୂଆଦିଲ୍ଲୀ: ଦେଶରେ ଗତ ତିନି ବର୍ଷରେ ଯୌତୁକ, ଦୁଷ୍କର୍ମ ଓ ଦୁଷ୍କର୍ମ ଉଦ୍ୟମ ପରି ଅଭିଯୋଗରେ ଅଭିବୃଦ୍ଧି ହୋଇଛି। ଜାତୀୟ ମହିଳା କମିଶନ ନିକଟରେ ଏହି ଅଭିଯୋଗ ହୋଇଥିବା କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ପକ୍ଷରୁ କୁହାଯାଇଛି।

    ଲୋକସଭାରେ ଏକ ପ୍ରଶ୍ନର ଉତ୍ତରରେ ଡବ୍ଲୁସିଡି ମନ୍ତ୍ରୀ ସ୍ମୃତି ଇରାନି କହିଛନ୍ତି କି, ବିଗତ ୩ ବର୍ଷରେ ଦେଶରେ ଯୌତୁକ, ଦୁଷ୍କର୍ମ ବା ଦୁଷ୍କର୍ମ ଉଦ୍ୟମକୁ ନେଇ ଅଧିକ ମାମଲା ମହିଳା କମିଶନଙ୍କ ନିକଟରେ ରୁଜୁ ହୋଇଛି।  ୨୦୨୨ରେ ୩୫୭ ଯୌତୁକ ଅଭିଯୋଗ ଗ୍ରହଣ କରାଯାଇଥିବା ବେଳେ ୨୦୨୧ରେ ୩୪୧ ଓ ୨୦୨୦ରେ ୩୩୦ ଯୌତୁକ ମାମଲା ଆସିଥିଲା ମହିଳା କମିଶନ ନିକଟକୁ।

    ସେହିପରି ୨୦୨୨ରେ ୧,୭୧୦ ଦୁଷ୍କର୍ମ ଓ ଦୁଷ୍କର୍ମ ଉଦ୍ୟମ ଅଭିଯୋଗ ଆସିଥିବା ବେଳେ ୨୦୨୧ରେ ୧,୬୮୧ ଓ ୨୦୨୦ରେ ୧,୨୩୬ ମାମଲା ରୁଜୁ ହୋଇଥିଲା। ଅନ୍ୟ ଏକ ପ୍ରଶ୍ନର ଉତ୍ତରରେ ମନ୍ତ୍ରୀ ଇରାନୀ କହିଛନ୍ତି କି, ଚଳିତ ବର୍ଷ ଜାନୁଆରୀ ସୁଦ୍ଧା ୨୮ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ୭୬୪ ଫାଷ୍ଟ ଟ୍ରାକ ସ୍ପେସାଲ କୋର୍ଟ ସହ ୪୧୧ ଇ-ପକ୍ସୋ କୋର୍ଟରେ ୧,୪୪,୦୦ ମାମଲାର ଶୁଣାଣି ଶେଷ ହୋଇଥିବା ବେଳେ ଆହୁରି ୧,୯୮,୦୦୦ ମାମଲା ଏହି ସବୁ କୋର୍ଟରେ ପଡିରହିଛି।

  • ପୁଲିସର ନ୍ୟାୟ: ପୀଡିତାର ମାଙ୍କୁ ଦୁଷ୍କର୍ମ

    () ଖାକିରେ କଳଙ୍କର ଦାଗ। ନ୍ୟାୟ ଦେବା ବଦଳରେ ଦୁଷ୍କର୍ମ କଲେ ପୁଲିସ ଅଧିକାରୀ। ଦୁଷ୍କର୍ମର ଶୀକାର ହୋଇଥିବା ଜଣେ ପୀଡ଼ିତାଙ୍କ ମାଆକୁ ଦୁଷ୍କର୍ମ କରିଛି ୟୁପିର କନୌଜ ଜିଲ୍ଲା ଅନ୍ତର୍ଗତ ହାଜି ସରିଫ୍ ଫାଣ୍ଡି ଅଧିକାରୀ ଅନୁପ କୁମାର ମୌର୍ଯ୍ୟ। ମହିଳାଙ୍କ ଅଭିଯୋଗ କ୍ରମେ ଥାନାରେ ମାମଲା ରୁଜୁ ହୋଇଛି। ଅନୁପକୁ ଗିରଫ କରିବା ସହ ତାକୁ ଚାକିରୀରୁ ନିଲମ୍ୱିତ କରାଯାଇଛି।

    ବଳାତ୍କାର ପୀଡ଼ିତାଙ୍କ ମାଆକୁ ବଳାତ୍କାର କଲେ ପୁଲିସ ଅଧିକାରୀ। ଖାକିରେ ଏଭଳି କଳଙ୍ଗର ଦାଗ ଲାଗିଛି। ଝିଅକୁ ବଳାତ୍କାର କରିଥିବା ଅଭିଯୁକ୍ତଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଲାଗି ମା ଥାନାକୁ ବାରମ୍ୱାର ଦୌଡୁଥିଲେ। ହେଲେ କିଏ ଜାଣିଥିଲା, ଯେଉଁ ଅଧିକାରୀଙ୍କ ପାଖକୁ ନ୍ୟାୟ ଲାଗି ମା ଆଶା ବାନ୍ଧି ଯାଉଥିଲା, ତା ଭିତରେ ଆଉ ଏକ ନରପିଶାଚ ଥିଲା। ଥାନାର ଇନଚାର୍ଜ ଅନୁପ କୁମାର ମୌର୍ଯ୍ୟ ପୀଡିତାଙ୍କ ମାଆ ପ୍ରତି ପାଶବିକ ଅତ୍ୟାଚାର କଲା। ୟୁପି କନୌଜର ହାଜି ସରିଫ ଫାଣ୍ଡିର ଇନ-ଚାର୍ଜ ଫାଇନାଲ ରିପୋର୍ଟ ହେବ କହି ପୀଡ଼ିତାଙ୍କ ମାଆକୁ ନିଜ ସରକାରୀ ବାସଭବନକୁ ଡାକିଥିଲେ। ହେଲେ ସେଠି ତାଙ୍କୁ ଦୁଷ୍କର୍ମ କଲା। ନିଜର ୧୭ ବର୍ଷୀୟା ନାବାଳିକା ଝିଅକୁ ନ୍ୟାୟ ଦେବାକୁ ଥାନାକୁ ଯାଇଥିବା ମହିଳା ବି ଶେଷରେ ଦୁଷ୍କର୍ମର ଶୀକାର ହେଲେ। ତାଙ୍କ ଝିଅକୁ କେହି ଅଜଣା ଅଭିଯୁକ୍ତ ଦୁଷ୍କର୍ମ କରିଥିବାର ଆରୋପ ଆଣି ନ୍ୟାୟ ଭିକ୍ଷା କରୁଥିଲେ ମା ଜଣକ। ମେଡିକାଲ ରିପୋର୍ଟରେ ବି ସ୍ପଷ୍ଟ ହୋଇସାରିଛି, ଅଭିଯୁକ୍ତ ପୁଲିସ ଅଧିକାରୀ ଅନୁପ ମହିଳାଙ୍କୁ ଦୁଷ୍କର୍ମ କରିଛି। ସେତେବେଳେ ସେ ନିଶାରେ ବି ଥିଲା। ଏହା ପରେ ଏସଆଇ ଅନୁପ ବିରୁଦ୍ଧରେ ମାମଲା ରୁଜୁ ହୋଇଛି। ଆଉ ଅନୁପକୁ ଗିରଫ କରାଯାଇଛି। କୋର୍ଟରେ ଜାମିନ ନାମଞ୍ଜୁର ପରେ ଅଭିଯୁକ୍ତ ପୁଲିସ ଅଧିକାରୀକୁ ଜେଲ ପଠାଇ ଦିଆଯାଇଛି। ଅନୁପକୁ ତତ୍କାଳ ନିଲମ୍ୱନ ବି କରାଯାଇଛି।

    ପୀଡିତାକୁ ନ୍ୟାୟ ଦେବ କଅଣ ପୁଲିସ। ପାଲଟା ପୀଡ଼ିତାଙ୍କ ମାଆକୁ ଦୁଷ୍କର୍ମ କଲା।  ଯାହାକୁ ନେଇ ସବୁଠି ହଇଚଇ। ଅଗଷ୍ଟ ୨୮ରେ ସକାଳ ୧୧ଟା ବେଳକୁ ଆଉଟପୋଷ୍ଟ ଇନ-ଚାର୍ଜ ଅନୁପ ଦୁଷ୍କର୍ମ ପୀଡିତାଙ୍କ ମାଆଙ୍କୁ ପୁଲିସ ଲାଇନରେ ଥିବା ପେଟ୍ରୋଲ ପମ୍ପ ପାଖକୁ ଡାକିଥିଲେ। ଆଉ ମହିଳା ଜଣକ ସେଠାରେ ପହଞ୍ଚିବା ପରେ ନିଜ ବାଇକରେ ଅଭିଯୁକ୍ତ ପୁଲିସ ଅଧିକାରୀ ଅନୁପ ତାଙ୍କ ରୁମ୍‌କୁ ନେଇଯାଇଥିଲେ। ଘରେ ପହଞ୍ଚିଲା ପରେ ପୁଲିସ ଅଧିକାରୀ ରୁମ୍ ବନ୍ଦ କରିଦେଇଥିଲେ ଆଉ ମହିଳାଙ୍କୁ ଦୁଷ୍କର୍ମ କରିଥିଲେ। ଘଟଣା ପଦାକୁ ଆସିବା ପରେ ଏହାର ତଦନ୍ତ ଲାଗି ଏସପି ଅନୁପମ ସିଂ ନିର୍ଦେଶ ଦେଇଥିଲେ। ଆଉ ଘଟଣାର ସତ୍ୟାସତ୍ୟ ଜଣାପଡ଼ିବା ପରେ ଅନୁପକୁ ଗିରଫ କରାଯାଇଛି।

    ପ୍ରଦୀପ ନାୟକଙ୍କ ରିପୋର୍ଟ

  • ବଳାତ୍କାରୀକୁ ଜାମିନ ଦେବାକୁ ମନା

    ଆହ୍ଲାବାଦ ହାଇକୋର୍ଟର ବଡ ଶୁଣାଣୀ। ଯୁବତୀଙ୍କୁ ନିଶା ସେବନ କରି ଅଚେତ ଅବସ୍ଥାରେ ବଳାତ୍କାର କରିଥିବା ୨ ଅଭିଯୁକ୍ତଙ୍କ ଜାମିନ ଖାରଜ କରିବା ସହ ସ୍ୱତନ୍ତ୍ର ଅଦାଲତ ଦ୍ୱାରା ଦିଆଯାଇଥିବା ନିର୍ଦ୍ଦେଶକୁ ସର୍ମଥନ କରିଛନ୍ତି। ଅଭିଯୁକ୍ତ ହେଲେ ଆୟାନ, ଓୌରିୟାର ଅୟୁବ ଖାନ୍ ଓରଫ ଗୁଡୁ। ସ୍ୱତନ୍ତ୍ର କୋର୍ଟ ଆଦେଶକୁ ଚ୍ୟାଲେଞ୍ଜ କରି ଦାଖଲ ହୋଇଥିବା ଆବେଦନ ଶୁଣାଣି କରିଥିଲେ ଜଷ୍ଟିସ ସଞ୍ଜୟ କୁମାର ସିଂ। ସୂଚନା ଅନୁଯାୟୀ, ଯୁବତୀ ଜଣଙ୍କ ରାସ୍ତାରେ କାହାକୁ ଅପେକ୍ଷା କରିଥିଲେ।

    ଗାଁର ଯୁବକମାନେ ଆସି ଏକ ଟ୍ରକ ଅଟକାଇ ଯୁବତୀଙ୍କୁ ଲିପ୍ଟ ଦେଇଥିଲେ। ସେହି ଟ୍ରକରେ ଯୁବକ ୨ ଜଣ ମଧ୍ୟ ଯାଇଥିଲେ। ପରେ ଯୁବତୀଙ୍କୁ ଥଣ୍ଡାରେ ନିଶା ମିଶାଇ ପିଆଇ ଥିଲେ। ଯୁବତୀ ଜଣଙ୍କ ଚେତାଶୂନ୍ୟ ହୋଇପଡିବା ପରେ ତାଙ୍କୁ ଏକ ନିର୍ଜନ ସ୍ଥାନକୁ ନେଇ ବଳତ୍କାର କରାଯାଇଥିଲା। ଯୁବତୀ ଜଣଙ୍କ ସ୍ଥାନୀୟ ଥାନାରେ ଏନେଇ ଏକ ଏଫେୟାର ରୁଜୁ କରିଥିଲେ। ଅଭିଯୁକ୍ତମାନେ କହିଛନ୍ତି ଯେ, ତାଙ୍କଠାରୁ ଟଙ୍କା ନେବା ପାଇଁ ତାଙ୍କ ଉପରେ ମିଥ୍ୟା ଅଭିଯୋଗ ଲଗାଯାଇଛି।

    ସରକାରୀ ଓକିଲ କହିଛନ୍ତି ଯେ, ବଳତ୍କାର କରାଯାଇଥିବା ସମୟରେ ଅଭିଯୁକ୍ତମାନେ ଭିଡିଓ କରିଥିଲେ। ସୋସିଆଲ ମିଡିଆରେ ଏହି ବିଡିଓ ଭାଇରାଲ ହେଉଛି। ସେପ୍ଟମ୍ୱର ୨୧ରୁ ଦୁଇଜଣ ଜେଲରେ ଅଛନ୍ତି। ଅପରାଧ ଓ ଦଣ୍ଡର ସମ୍ଭାବନାକୁ ଦୃଷ୍ଟିରେ ରଖି କୋର୍ଟ ଜାମିନ ଆବେଦନକୁ ପ୍ରତ୍ୟାଖ୍ୟାନ କରିଛନ୍ତି।

    • ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ
  • ଦିଲ୍ଲୀ ରେଳୱେ ଷ୍ଟେସନରେ ଜଣେ ମହିଳାଙ୍କୁ ଗଣଦୁଷ୍କର୍ମ ଅଭିଯୋଗ

    ଦିଲ୍ଲୀ ରେଳୱେ ଷ୍ଟେସନରେ ଜଣେ ମହିଳାଙ୍କୁ ଗଣଦୁଷ୍କର୍ମ ଅଭିଯୋଗ। ଏହି ଘଟଣାରେ ୪ ଅଭିଯୁକ୍ତ ରେଳ କର୍ମଚାରୀଙ୍କୁ ଗିରଫ କରାଯାଇଛି। ଏନେଇ ସୂଚନା ଦେଇଛନ୍ତି ରେଳୱେ ଡିସିପି ହରେନ୍ଦ୍ର ସିଂହ। ଜୁଲାଇ ୨୧ ବିଳମ୍ୱିତ ରାତିରେ ଦିଲ୍ଲୀ ରେଳ ଷ୍ଟେସନର ଇଲେକ୍ଟ୍ରିକ ମେଣ୍ଟେନାନ୍ସ ଷ୍ଟାଫ୍ କ୍ବାର୍ଟର ଭିତରେ ଅଭିଯୁକ୍ତମାନେ ମହିଳାଙ୍କୁ ଗଣଦୁଷ୍କର୍ମ କରିଥିଲେ। ଦିଲ୍ଲୀ ରେଳୱେ ଷ୍ଟେସନରେ ଲଜ୍ଜା। ଜଣେ ମହିଳାଙ୍କୁ ଗଣଦୁଷ୍କର୍ମ ଅଭିଯୋଗ। ପୀଡିତା ଜଣଙ୍କ ସ୍ବାମୀଙ୍କଠାରୁ ଅଲଗା ରହୁଥିବା ବେଳେ ପ୍ରାୟ ଦୁଇ ବର୍ଷ ପୂର୍ବରୁ ଜଣେ ଅଭଯୁକ୍ତଙ୍କ ସହ ପରିଚିତ ହୋଇଥିଲା।

    ଏବଂ ସେ ଜଣେ ରେଳ ବିଭାଗରେ କାର୍ଯ୍ୟରତ ଥିବା କହି ମହିଳା ଜଣଙ୍କୁ ରେଳ ବିଭାଗରେ ଚାକିରୀ କରାଇଦେବାର ପ୍ରତିଶ୍ରୁତି ମଧ୍ୟ ଦେଇଥିଲେ। ହେଲେ ଜୁଲାଇ ୨୧ ରାତିରେ ଅଭିଯୁକ୍ତ ଜଣଙ୍କ ଉକ୍ତ ମହିଳାଙ୍କୁ ଫୋନ କରି ଜନ୍ମଦିନ ଭୋଜି ସହ ନୂଆ ଘର କିଣିଥିବାରୁ ଭୋଜିକୁ ନିମନ୍ତ୍ରଣ କରିଥିବା ଜଣାପଡିଛି। ସେପଟେ ମହିଳା ଜଣଙ୍କ ଦିଲ୍ଲୀର କିର୍ତ୍ତୀ ନଗର ମେଟ୍ରୋ ଷ୍ଟେସନରେ ରାତି ପ୍ରାୟ ୧୦.୩୦ ମିନିଟ ସମୟରେ ପହଞ୍ଚିଥିଲେ। ଅଭିଯୁକ୍ତ ତାଙ୍କୁ ନୂଆଦିଲ୍ଲୀ ରେଳଷ୍ଟେସନର ୮,୯ ପ୍ଲାଟଫର୍ମକୁ ଆଣିଥିଲେ। ସେଠାରେ ଥିବା ଇଲେକ୍ଟ୍ରିକ ମେଣ୍ଟେନାନ୍ସ ଷ୍ଟାଫ୍ କ୍ବାର୍ଟରରେ ବସିବାକୁ କହିଥିଲେ। ଏହାପରେ ୩ ସାଙ୍ଗଙ୍କ ସହ ଅଭିଯୁକ୍ତ ଜଣଙ୍କ ମହିଳାଙ୍କୁ ଦୁଷ୍କର୍ମ କରିଥିଲେ। ପୋଲିସ ସେହି ଘଟଣାର ତଦନ୍ତ କରି ୪ ଅଭିଯୁକ୍ତଙ୍କୁ ଗିରଫ କରିଛି।

    • ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ
  • ଦୁଷ୍କର୍ମର ଶୀକାର ହୋଇମଧ୍ୟ ମୁହଁ ଖୋଲିନଥିଲେ…ମିଳିଲା ଅଭିଯୁକ୍ତକୁ ଜାମିନ

    ଦୁଷ୍କର୍ମର ଶୀକାର ହେଲେ। କିନ୍ତୁ ମୁହଁ ଖୋଲିନଥିଲେ। ଯାହା ଲାଗି ଅଭିଯୁକ୍ତକୁ ଜାମିନ ଦେବାକୁ ବାଧ୍ୟ ହୋଇଛନ୍ତି ଅଦାଲତ। ବଡ଼ କଥା ହେଲା ଏତେ ବଡ଼ ଅଘଟଣ ଯାହା ସହ ଘଟିଥିଲା, ସେ ଥିଲେ ଜଣେ କୋର୍ଟର କର୍ମଚାରୀ। ଦୁଷ୍କର୍ମ ଭଳି ଅପରାଧର ଶୀକାର ହୋଇଥିଲେ ବି। ଏ ନେଇ ଅଭିଯୋଗ କଲେ ଦୁଷ୍କର୍ମକାରୀ କି ପରିଣାମ ଭୋଗିବ ଓ ପୀଡିତାଙ୍କ ଲାଗି ଆଇନଗତ ସୁବିଧା କଅଣ ରହିଛି। ଏ ସବୁ ଜାଣି ବି ଦୀର୍ଘ ଦିନ ଚୁପ୍ ରହିଥିଲେ। ଯାହାକୁ ନେଇ ଅଭିଯୁକ୍ତକୁ ପଞ୍ଜାବ ଓ ହରିଆଣା ହାଇକୋର୍ଟ ଜାମିନ୍ ଦେଇଛନ୍ତି। ଜାମିନ୍ ଦେଲା ବେଳେ ଜଷ୍ଟିସ ଅନୁପ ଚିତକାରା ଟିପ୍ପଣୀ ଦେଇଛନ୍ତି କି, ପୀଡିତା ଜଣକ କୋର୍ଟର କର୍ମଚାରୀ। ଜଣେ ପରିପକ୍ୱ ମହିଳା। ଦୁଷ୍କର୍ମର ଶୀକାର ହୋଇ ବି ଦୀର୍ଘ ଦିନ ହେଲା ନୀରବ ଥିଲେ।

    ଆଉ ଯେଉଁଥିଲାଗି ଅଭିଯୁକ୍ତକୁ ଜାମିନ ମିଳିବାରେ ସହଜ ହେଲା। ଘଟଣା ଥିଲା ଏମିତି। ମହିଳା କର୍ମଚାରୀଙ୍କ ସହ ଅଭିଯୁକ୍ତ ଧୀରେ ଧୀରେ ବନ୍ଧୁତା ବଢାଇଥିଲା। ଦିନେ ନିଜ ଘରକୁ ବୁଲାଇ ନେଇଥିଲା। ଆଉ ମହିଳାଙ୍କ ସହ ଯୌନ ସମ୍ପର୍କ ରଖିବାକୁ ଚେଷ୍ଟା କରିଥିଲା। କିନ୍ତୁ ସମ୍ପର୍କ ରଖିବାକୁ ମନା କରିବାରୁ ଅଭିଯୁକ୍ତ ଜଣକ ମୋବାଇଲ ଫୋନରୁ ଆନନ୍ଦ କାରଜ ସାହିବ ମନ୍ତ୍ର ପ୍ଲେ କରିଥିଲା। ଶିଖ୍ ସମ୍ପ୍ରଦାୟ ଅନୁସାରେ ଆନନ୍ଦ କାରଜ୍ ଦୁଇଟି ଆତ୍ମାର ମିଳନ କୁହାଯାଏ। ଦୁହିଁଙ୍କ ଆଗରେ ଗୁଟକା ସାହିବଙ୍କୁ ଆଣି ଥୋଇଥିଲା ଓ ତାଙ୍କୁ ସାକ୍ଷୀ ରଖି ୪ ଥର ଫେରି ନେଇଥିଲା ଅଭିଯୁକ୍ତ। କହିବାକୁ ଗଲେ ଶିଖ୍ ସମ୍ପ୍ରଦାୟର ବିବାହ ପ୍ରଥା ଅନୁସାରେ ନିଜ ଘରେ ସବୁ ସମ୍ପନ୍ନ କରିଥିଲା ଅଭିଯୁକ୍ତ। ଏହା ପରେ ମହିଳାଙ୍କ ମଥାରେ ସିନ୍ଦୂର ପିନ୍ଧାଇଥିଲା। ଏହା ପରେ ମହିଳାଙ୍କ ସହ ଯୌନ ସମ୍ପର୍କ ରଖିଥିଲା। କିନ୍ତୁ ପରେ ଏଭଳି ବିବାହକୁ ଏଡାଇ ଯାଇଥିଲା ଅଭିଯୁକ୍ତ।

    ପୀଡିତା ପ୍ରତିବାଦ କରିବାରୁ ସେ ପାଲଟା ବ୍ଲାକମେଲିଂ କରିବାକୁ ଲାଗିଥିଲା। କାରଣ ଏହାରି ଭିତରେ ଅନେକ ଥର ମହିଳାଙ୍କ ସହ ସମ୍ପର୍କ ରଖିଥିଲେ ଅଭିଯୁକ୍ତ। ଆଉ ପ୍ରତିବାଦ କରିବାରୁ ମହିଳାଙ୍କ ନଗ୍ନ ଫଟୋ ଓ ଭିଡ଼ିଓ ତାଙ୍କ ବାପାଙ୍କୁ ଦେଖାଇଦେବେ ବୋଲି ଧମକ ଦେଇଥିଲା ଅଭିଯୁକ୍ତ। ମାମଲା କୋର୍ଟରେ ପହଞ୍ଚିବା ପରେ କୋର୍ଟ ବି ହୃଦବୋଧ କରିଥିଲେ କି, ପୀଡିତା ଅଶିକ୍ଷିତ ନୁହଁନ୍ତି। ଖୋଦ୍ କୋର୍ଟର କର୍ମଚାରୀ। ସେଥିଲାଗି ଆବେଦନକାରୀ ମହିଳା ହିଁ ପ୍ରଥମ ଅପରାଧୀ। ଯିଏ ଏଭଳି ଅତ୍ୟାଚାର ଓ ଶୋଷଣର ଶୀକାର ହୋଇ ବି ଦୀର୍ଘ ଦିନ ହେଲା ଚୁପ୍ ହୋଇ ବସିଥିଲେ। ଆଉ ଅଭିଯୁକ୍ତକୁ ଜାମିନରେ ଖଲାସ କରାଇବାରେ ମହିଳାଙ୍କ ଦୀର୍ଘ ଦିନର ନୀରବତାକୁ ବି ଦାୟୀ କରିଥିଲେ ଅଦାଲତ। ଅଭିଯୁକ୍ତକୁ ୧୦ହଜାର ଟଙ୍କା ବ୍ୟକ୍ତିଗତ ମୁଚାଲିକା, ୨୫ ହଜାର ଟଙ୍କା ଓ ଜଣେ ଜାମିନଦାର ବଳରେ ଜାମିନ ଦେଇଥିଲେ ଅଦାଲତ।

    • ପ୍ରଦୀପ ନାୟକଙ୍କ ରିପୋର୍ଟ
  • ଚଳନ୍ତା କାର୍ ରେ ଦୁଷ୍କର୍ମ

    ଦିନକୁ ଦିନ ଅପରାଧ ବଢିବାରେ ଲାଗିଛି। କେନ୍ଦ୍ର ବା ରାଜ୍ୟ ସରକାରଙ୍କ ମିଳିତ ଉଦ୍ୟମରେ ମଧ୍ୟ ଦୁଷ୍କର୍ମ ଉପରେ ବ୍ରେକ୍ ଲାଗି ପାରୁନାହିଁ । ପୁଣି ଏକ ଲଜ୍ଜାଜନକ ଦୁଷ୍କର୍ମ ଘଟଣା ସାମ୍ନାକୁ ଆସିଛି ଉତ୍ତରାଖଣ୍ଡ ହରିଦ୍ୱାରରୁ । ମାଆ ଓ ୬ ବର୍ଷର ଝିଅକୁ ଚଳାନ୍ତା କାରରେ ଗଣଦୁଷ୍କର୍ମ କରାଯାଇଥିବା ଘଟଣା। ଏହି ଘଟଣାକୁ ପ୍ରାୟ ୪୮ ଘଣ୍ଟା ବିତି ଯାଇଥିଲେ ମଧ୍ୟ ପୋଲିସର ହାତ ଖାଲି । କାର ଭିତରେ ୪ଜଣ ଦୁର୍ବୃତ୍ତ ମିଶି ଏହି ଗଣଦୁଷ୍କର୍ମ କରିଥିବା ଅଭିଯୋଗ ହୋଇଛି। ଘଟଣାରେ ସମ୍ପୃକ୍ତ ଥିବା ମୁଖ୍ୟ ଅଭିଯୁକ୍ତ ସୋନୁ ଓ ତାର ସାଙ୍ଗମାନେ ଫେରାର୍ ଥିବା ସୂଚନା ଦେଇଛି ପୋଲିସ।

    ପୋଲିସ କହିବା ଅନୁସାରେ, ଶୁକ୍ରବାର ବିଳମ୍ୱିତ ରାତିରେ ମହିଳା ଓ ତାଙ୍କର ୬ ବର୍ଷର ଝିଅ ମିଶି ନିଜ ଘରକୁ ଫେରୁଥିବା ସମୟରେ କଲିୟାର ଅଞ୍ଚଳରେ ଏକ କାର୍ ଲିଫ୍ଟ ଦେବାକୁ କହି ମା ଓ ଶିଶୁ କନ୍ୟାକୁ ବଳତ୍କାର କରିଥିଲେ। ଅଭିଯୁକ୍ତମାନେ ଉଭୟଙ୍କୁ ଗଙ୍ଗାକେନାଲ କୂଳରେ ଫିଙ୍ଗିଦେଇ ଚାଲିଯାଇଥିଲେ।ଏହାପରେ ମହିଳା ଜଣକ ଯେକୌଣସି ପ୍ରକାରରେ ଥାନାରେ ପହଞ୍ଚି ଥାନାରେ ଏତଲା ଦେଇଥିଲେ। ଶିଶୁ କନ୍ୟାର ଅବସ୍ଥା ଗୁରୁତ୍ବପୂର୍ଣ୍ଣ ଥିବାରୁ ସ୍ଥାନୀୟ ସିଭିଲ ହସ୍ପିଟାଲରେ ଭର୍ତ୍ତି କରାଯାଇଥିଲା। ହସ୍ପିଟାଲରେ ପହଞ୍ଚିବା ସମୟରେ ଶିଶୁଟିର ଅବସ୍ଥା ଅତ୍ୟନ୍ତ ଗମ୍ଭୀର ଥିଲା। ଡାକ୍ତର ଓ ସେଠାରେ ଥିବା ପୁଲିସ କର୍ମଚାରୀ ଶିଶୁଟିର ଅବସ୍ଥା ଦେଖି ଶିହରୀ ଉଠିଥିଲେ, ଅନେକଙ୍କ ଆଖିରେ ମଧ୍ୟ ଆସିଯାଇଥିଲା ଲୁହ। ତେବେ ୩ ଘଣ୍ଟାର ଅପରେସନ କରାଯାଇଥିଲା। ବର୍ତ୍ତମାନ ତାର ଅବସ୍ଥା ଭଲ ଥିବା ଡାକ୍ତର କହିଛନ୍ତି। ଏହି ମାମଲାରେ ପୋଲିସ ଶନିବାର ଦିନ ପୀଡିତା ମହିଳାଙ୍କ ବୟାନ ରେକର୍ଡ କରିଥିଲା। ଏନେଇ ପୋଲିସ ତଦନ୍ତ ଜାରି ରଖିଛି।

    ପୋଲିସ ଅଧିକ୍ଷକ ପ୍ରେମନ୍ଦ୍ର ଡୋଭାଲ କହିଛନ୍ତି ଯେ, ତଦନ୍ତରେ ପୋଲିସ ସକ୍ରୀୟ ଭାବେ ଜଡିତ ଅଛି। ଅନେକ ସନ୍ଦିଗ୍ଧଙ୍କୁ ପଚରାଉଚରା କରାଯାଉଛି। ଏହି ଘଟଣାରେ କିଛି ଗୁକୁତ୍ୱପୂର୍ଣ୍ଣ ସୂଚନା ମଧ୍ୟ ମିଳିଛି। ଅଭିଯୁକ୍ତ ସୋନୁକୁ ଧରିବାପାଇଁ ଅଞ୍ଚଳରେ ପୁରସ୍କାର ଘୋଷଣା କରାଯିବା ନେଇ ପ୍ରସ୍ତୁତି ଚାଲିଛି। ସୂଚନା ଦେବା ବ୍ୟକ୍ତିଙ୍କର ପରିଚୟ ଗୋପନୀୟ ରଖାଯିବ ବୋଲି ପୁଲିସ ଅଧିକ୍ଷକ କହିଛନ୍ତି।

    ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ

  • ପ୍ରସାରଣ ହେବନି ଗଣଦୁଷ୍କର୍ମ ପ୍ରୋତ୍ସାହିତ ବିଜ୍ଞାପନ

    ବିଜ୍ଞାପନ ପାଇଁ ନିନ୍ଦିତ ହେବା ପରେ ଏବେ ସର୍ବସାଧାରଣରେ କ୍ଷମା ମାଗିଛି ପର୍‌ଫ୍ୟୁମ ବ୍ରାଣ୍ଡ ଶଟ୍‌ । ପର୍‌ଫ୍ୟୁମ ବ୍ରାଣ୍ଡ ଶଟ୍‌’ ଯେଉଁ ବିଜ୍ଞାପନ ଦେଖାଉଥିଲା ତାହା ଗଣଦୁଷ୍କର୍ମକୁ ପ୍ରୋତ୍ସାହିତ କରୁଥିଲା ବୋଲି ମହିଳା କମିଶନ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁରଙ୍କୁ ଚିଠି ଲେଖିଥିଲେ। ଏହାପରେ ମନ୍ତ୍ରାଳୟ ମଧ୍ୟ ତୁରନ୍ତ କାର୍ଯ୍ୟାନୁଷ୍ଠାନ ନେଇ ସମସ୍ତ ଭିଡିଓକୁ ୟୁଟ୍ୟୁବ୍ ଓ ଟ୍ୱିଟରରୁ ହଟାଇ ନେବାକୁ ଜୁନ ୪ ତାରିଖରେ ନର୍ଦ୍ଦେଶ ଦେଇଥିଲେ।

    କେନ୍ଦ୍ରମନ୍ତ୍ରାଳୟର କାର୍ଯ୍ୟାନୁଷ୍ଠାନ ପରେ ଆଜି କ୍ଷମା ମାଗିଛି ପର୍‌ଫ୍ୟୁମ କମ୍ପାନୀ layer’r shot । ଏନେଇ କମ୍ପାନୀ ପକ୍ଷରୁ ଏକ ବିବୃତ୍ତି ଜାରି କରି କୁହାଯାଇଛି “ଆମ ବିଜ୍ଞାପନ ପାଇଁ ବିଭିନ୍ନ ବର୍ଗରେ କ୍ରୋଧ ସୃଷ୍ଟି ହୋଇଛି। ଏଣୁ ଆମେ ଏଥିପାଇଁ ଦାୟିତ୍ୱସମ୍ପନ୍ନ ଭାବେ କ୍ଷମାପ୍ରାର୍ଥନା କରୁଛୁ।” ବିଜ୍ଞାପନକୁ ବିରୋଧ କରି କେନ୍ଦ୍ର ସରକାରଙ୍କୁ ଚିଠି ଲେଖିଥିଲେ ଦିଲ୍ଲୀ ମହିଳା କମିଶନ ଅଧ୍ୟକ୍ଷା ସ୍ୱାତୀ ମାଲିୱାଲ। ‘ଶଟ୍’ ପର୍‌ଫ୍ୟୁମ୍‌ର ବିଜ୍ଞାପନ ଗଣଦୁଷ୍କର୍ମକୁ ପ୍ରୋତ୍ସାହିତ କରୁଛି ବୋଲି କମିଶନ ଅଭିଯୋଗ କରିଥିଲେ। ତେଣୁ କମ୍ପାନୀ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁରଙ୍କୁ ଚିଠି ଲେଖିଥିଲେ ସ୍ୱାତୀ।

Back to top button