stabbing

  • ନିଶାଶକ୍ତ ଯୁବକଙ୍କର ଉନ୍ମତ୍ତ କାଣ୍ଡ

    ଯାଜପୁର: ନିଶାରେ ବାପା ପୁଅକୁ ମରଣାନ୍ତକ ଆକ୍ରମଣ । ଖରାପ ଭାଷାରେ ଗାଳିଗୁଲଜ କରୁଥିବା ମଦ୍ୟପ ଯୁବକକୁ ଅଟକାଇବାରୁ ଘଟିଛି ଏପରି କାଣ୍ଡ । ଘଟଣା ସ୍ଥଳରେ ପୁଅର ମୃତ୍ୟୁ ଘଟିଥିବାବେଳେ ବାପାକୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଏପରି ଘଟଣା ଘଟିଛି ଯାଜପୁର ରୋଡ ଥାନା ଅଧୀନ ବାଳୁଙ୍ଗା ବନ୍ଦୀ ଗ୍ରାମରେ । ମୃତ ଯୁବକ ଜଣକ ହେଲେ ମଦନ ମଳିକ । ବାପା ସୁକାନ୍ତ ମଳିକଙ୍କୁ କଟକ ସ୍ଥାନାନ୍ତର କରାଯାଇଥିବା ସୂଚନା । ଘଟଣା ସ୍ଥଳରେ ପୋଲିସର ଯାଞ୍ଚ ଆରମ୍ଭ ।

    ସୂଚନା ଅନୁଯାୟୀ ଗୁରୁବାର ରାତି ପ୍ରାୟ 9 ଟା ସମୟରେ ସୁକାନ୍ତ ମଳିକ ନିଜ ଦାଣ୍ଡରେ ବସିଥିଲେ । ଏତିକବେଳେ ଗଣେଷ ମଦ୍ୟପାନ କରି ଗାଁ ଦାଣ୍ଡରେ ଅସଭ୍ୟ ଭାଷାରେ ଗାଳିଗୁଲଜ କରିବା ଆରମ୍ଭ କରିଦେଇଥିଲେ । ଏହାକୁ ଦେଖି ସୁକାନ୍ତ ତାଙ୍କୁ ଏପରି କରିବାକୁ ବାରଣ କରିଥିଲେ ଓ ଅଟକାଇବାକୁ ଚେଷ୍ଟା କରୁଥଲେ । ଏଥିରେ ଗଣେଷ ଉତ୍ୟକ୍ତ ହୋଇ ସୁକାନ୍ତଙ୍କୁ ପ୍ରବଳ ମାଡ ମାରିଥିଲେ । ବାପାଙ୍କୁ ମାଡ ଖାଉଥିବାର ଦେଖି ପୁଅ ମଦନ ଦୌଡିଆସି ଏହାକୁ ଅଟକାଇବାକୁ ଚେଷ୍ଟାକରିଥିଲେ । ଏଥର ଗଣେଷ ଏକ ଛୁରୀ ବାହାର କରି ବାପା ଓ ପୁଅକୁ ଉଭୟଙ୍କୁ ଛୁରୀରେ ଆକ୍ରମଣ କରିଥିଲା  ।ଯେଉଁଥିରେ ସେମାନେ ଆହତ ହୋଇଥିଲେ ।  ପାଟିତୁଣ୍ଡ ଶୁଣି ଗ୍ରାମବାସୀ ଆସି ବାପା ଓ ପୁଅ ଉଭୟଙ୍କୁ ଦାନଗଦି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ସେମାନଙ୍କର ପ୍ରାଥମିକ ଚିକିତ୍ସା ପରେ ସେମାନଙ୍କୁ କଟକ ସ୍ଥାନାନ୍ତର କରାଯାଇଛି । ଘଟଣା ପରେ ପୋଲିସ ତଦନ୍ତ ଆରମ୍ଭ କରିଛି ।

  • ଗୋଷ୍ଠୀ କଳହରୁ ଛୁରାମାଡ

    ()କଲେଜ ଛାତ୍ରଙ୍କୁ ଛୁରିମାରି ହତ୍ୟା । କଲେଜରେ ଦୁଇ ଛାତ୍ରଗୋଷ୍ଠୀଙ୍କ କଳହରୁ ଜଣେ 18 ବର୍ଷୀୟ ବାଳକକୁ ଛୁରିମାରି ହତ୍ୟା କରାଯାଇଛି । ଘଟଣାଟି ଘଟିଛି ଦିଲ୍ଲୀର କଲକାଜୀ ଏରିଆରେ । ସୋମବାର ଅପରାହ୍ନ 2.30 ବେଳେ ପୋଲିସକୁ ସୂଚନା ମିଳିଥିଲା ଯେ 18 ବର୍ଷର  ମୋହନ ଗୋଷ୍ଠି କଳହରେ ଆହତ ହୋଇ ପୂର୍ଣ୍ଣିମା ମଲଟି ସ୍ପେସିଆଲିଷ୍ଟି ହସ୍ପିଟାଲରେ ଭର୍ତି ହୋଇଥିଲେ । ତାଙ୍କ ଛାତିରେ ଛୁରି ଦ୍ୱାରା ଆଘାତ କରାଯାଇଥିଲା । ପରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ପରେ ଏଫଆଇଆର ରେ ଧାରା 302 (ହତ୍ୟା)ରେ ମାମଲା ରୁଜୁ କରାଯାଇଥିଲା ।
    ମୋହନ ସରକାରୀ ବାଳକ ବିଦ୍ୟାଳୟର ଦ୍ୱାଦଶ ଶ୍ରେଣୀର ଛାତ୍ର ଥିଲେ । ପୋଲିସକୁ ପ୍ରାଥମିକ ତଦନ୍ତ ରୁ ଜଣାପଡିଛି କି ଘଟଣା ଦିନ ହଂସରାଜ ସେଠ୍ ପାର୍କରେ ଦୁଇ ଛାତ୍ର ଗୋଷ୍ଠୀ ମଧ୍ୟରେ କୌଣସି କାରଣରୁ ବଚସା ଓ ପରେ ଝଗଡା ହୋଇଥିଲା। ଯେଉଁଥିରେ ମୋହନଙ୍କ ଛାତିରେ ଛୁରାମାଡ କରାଯାଇଥିଲା । ଏବେ ଅପରାଧୀକୁ ଚିହ୍ନଟ କରିବା ପାଇଁ ପୋଲିସ ସିସିଟିଭି ଯାଞ୍ଚ କରି ଘଟଣାର ତଦନ୍ତ ଆରମ୍ଭ କରିଛି ।

  • ନିଶାଗ୍ରସ୍ତ ପୁଅର ତାଣ୍ଡବ: ଛୁରୀ ମାରି ହତ୍ୟାକଲା ୪ ପରିଜନଙ୍କୁ

    ନୂଆଦିଲ୍ଲୀ: ଦିଲ୍ଲୀର ଗୋଟିଏ ପରିବାରର ୪ ସଦସ୍ୟଙ୍କୁ ହତ୍ୟା। ହତ୍ୟାକାରୀ ପରିବାରର ପୁଅ। ବେରୋଜଗାର ଓ ନିଶାଡି ପୁଅର ଚାକୁ ମାଡରେ ମା, ବାପା, ଭଉଣୀ ଓ ଜେଜେମାଙ୍କ ମୃତ୍ୟୁ ହୋଇଛି। ମଙ୍ଗଳବାର ରାତି ପ୍ରାୟ ୧୧,୩୦ ଟାରେ ଏସମ୍ପର୍କରେ ସୂଚନା ମିଳିଥିଲା। ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ସବୁକୁ ଜବତ କରିବା ସହ ଅଭିଯୁକ୍ତକୁ ଗିରଫ କରିଛି।

    ଗତକାଲି ରାତି ପ୍ରାୟ ୧୧.୩୦ଟାରେ ପୁଲିସକୁ ସୂଚନା ମିଳିଥିଲା କି,ଦିଲ୍ଲୀର ଦକ୍ଷିଣ ପଶ୍ଚିମ ଜିଲ୍ଲାର ପାଲମ ଅଞ୍ଚଳର ଏକ ପରିବାରରୁ ଚିତ୍କାର ଶବ୍ଦ ଶୁଭୁଛି। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିଥିଲା ବେଳକୁ ଅଭିଯୁକ୍ତ ୪ ଜଣଙ୍କ ହତ୍ୟା କରିସାରିଥିଲା। ଜେଜେ ମା ଓ ଭଉଣୀକୁ ଅଲଗା ଅଲଗା କୋଠରୀରେ ଛୁରୀ ମାରି ହତ୍ୟା କରିଥିବା ବେଳେ ଗାଧୁଆ ଘରେ ବାପା ଓ ମାଙ୍କୁ ହତ୍ୟାକରିଥିଲା ଅଭିଯୁକ୍ତ କେଶବ । ସମସ୍ତଙ୍କ ବେକ କଟାଯିବା ସହ ଶରୀରର ବିଭିନ୍ନ ସ୍ଥାନରେ କ୍ଷତଚିହ୍ନ ରହିଥିଲା।

    ପ୍ରାରମ୍ଭିକ ସୂଚନାରୁ ପୁଲିସ ଜାଣିବାକୁ ପାଇଛି କି, ୨୫ ବର୍ଷୀୟ କେଶବ ବେରୋଜଗାର ଥିଲା ଓ ନିଶା ସେବନ କରୁଥିଲା। ତାର ନିଶା ଛଡାଇବାକୁ ପରିବାର ଲୋକେ ତାକୁ ରିହାବିଲିଟେସନ ସେଣ୍ଟରରେ ଛାଡିଥିଲେ। ତେବେ ଦୀପାବଳୀ ସମୟରେ ସେ ଘରକୁ ଫେରିଥିଲା ଓ ତା ପରେ ଆଉ ସେଣ୍ଟରକୁ ଯାଇନଥିଲା। ତେବେ ତାର ନିଶା ସେବନକୁ ନେଇ ପରିବାରରେ ଝଗଡା କରୁଥିଲା। ଏହି ପାରିବାରିକ କଳହକୁ ନେଇ ଗତକାଲି ରାତିରେ ସେ ବାପା, ମା, ଜେଜେ ମା ଓ ଭଉଣୀଙ୍କୁ ହତ୍ୟା କରିଥିବା  ପୁଲିସ ସନ୍ଦେହ କରୁଛି।

    ଘଟଣା ଘଟାଇବା ପରେ ସେ ସେଠାରୁ ଖସି ଯିବାକୁ ଚେଷ୍ଟା କରୁଥିବା ବେଳେ ତାକୁ ପରିବାରର ଅନ୍ୟ ସଦସ୍ୟମାନେ କାବୁକରି ନେଇଥିଲେ ଓ ପୁଲିସକୁ ହସ୍ତାନ୍ତର କରିଥିବା ପୁଲିସ କହୁଛି।

Back to top button