ସୁବର୍ଣ୍ଣପୁର: ୧୫ ବର୍ଷ ପରେ ଘରକୁ ଫେରିଛି ହଜିଲା ପୁଅ। ହଜିଲା ପୁଅକୁ ପାଇ ବେଶ ଖୁସି ପରିବାର ଓ ଗାଁ ଲୋକେ । ଆମେ କହୁଛୁ ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ନୂଆଁପାଲି ଗାଁର ଲଛମନ ବାଗଙ୍କ ପୁଅ ପୁର୍ଣ୍ଣଙ୍କ କଥା । ୨୦୦୮ ମସିହାରୁ ମାନସିକ ଭାରସାମ୍ୟ ହରାଇ ପୁର୍ଣ୍ଣ କୁଆଡେ ଚାଲି ଯାଇଥିବା ବେଳେ ବହୁ ଖୋଜା ଖୋଜି କଲା ପରେ ବି ଘରଲୋକ ତାଙ୍କୁ ପାଇ ନଥିଲେ । ପୁଅ କୋଉଠି ଅଛି କେମିତି ଅଛି କିଛି ଜାଣିପାରିନଥିଲେ ପରିବାର ବର୍ଗ। ପୁଅ ବିନା ଦୀର୍ଘ ୧୫ ବର୍ଷ ହେଲା ଦୁଃଖରେ ଭାଙ୍ଗିପଡିଥିବା ପୁଅକୁ ଫେରି ପାଇ ବେଶ ଖୁସି ଗାଁ ଓ ପରିବାର ଲୋକେ ।
ସେପଟେ ଗାଁରେ ମଧ୍ୟ ଦେଖାଦେଇଛି ଉତ୍ସବର ମାହୋଲ । ବଡଭଇଁରୋ ଗାଁର ସମାଜସେବୀ ମନୋଜଙ୍କ ପାଖରୁ ପୁର୍ଣ୍ଣର ଖବର ପାଇ ପୁର୍ଣ୍ଣଙ୍କ ବଡଭାଇ ପୁର୍ଣ୍ଣକୁ ଆଣିବା ପାଇଁ ତାମିଲନାଡୁରେ ପହଞ୍ଚିଥିଲେ । ପୁର୍ଣ୍ଣ ସେଠାରେ ଏକ ଏନଜିଓ ରେ କାମ କରୁଥିଲା ବେଳେ ସେଠାରୁ ସେ ତାଙ୍କ ଭାଇଙ୍କ ସହ ଘରକୁ ଫେରିଥିଲେ ।