terrorist attack

  • ଆକ୍ରମଣରେ ସହୀଦ ଓଡିଆ ପୁଅ ଦେବାଶିଷ ବିଶ୍ୱାଳ

    SAHID ODIA JAWAN..PKG

    () ଆତଙ୍କାବାଦୀଙ୍କ ଗ୍ରେନେଡ୍ ମାଡ଼ରେ ସେନା ଟ୍ରକ୍ ଜଳିଯିବାରୁ ୫ ଯବାନ ଶହୀଦ ହୋଇଛନ୍ତି। ଶହୀଦ ଯବାନଙ୍କ ଭିତରେ ଅଛନ୍ତି ଓଡ଼ିଶାର ଦେବାଶିଷ ବିଶ୍ୱାଳ। ପୁରୀ ଜିଲ୍ଲା ସାକ୍ଷୀଗୋପାଳ ଥାନା ଅନ୍ତର୍ଗତ ଅଳଗୁମ ପଞ୍ଚାୟତ ଖଣ୍ଡାୟତସାହିର ଦେବାଶିଷଙ୍କ ବିୟୋଗ ଖବର ପାଇ ଗାଁ ପୁରା ସ୍ତବ୍ଧ। ଶୋକାକୁଳ ପରିବେଶ ଭିତରେ ଶହୀଦ ଦେବାଶିଷ ଅମର ରହେ ଓ ଭାରତ ମାତା କି ଜୟ ଧ୍ୱନିରେ କିନ୍ତୁ କମ୍ପିଥିଲା ଗାଁ ଦାଣ୍ଡ। ୪ ମାସର ଶିଶୁ କନ୍ୟାକୁ ଛାଡ଼ି ଆରପାରିକୁ ଚାଲିଯାଇଛନ୍ତି ଦେବାଶୀଷ।

    ଜମ୍ମୁ କଶ୍ମୀରର ପୁଞ୍ଚରେ ସେନା ଟ୍ରକ ଉପରେ ଗ୍ରେନେଡ୍ ମାଡ଼ କରି ଜାଳିଦେଲେ ଆତଙ୍କବାଦୀ। ଆଉ ଏଥିରେ ଶୀହଦ ହୋଇଥିବା ୫ ଯବାନଙ୍କ ଭିତରେ ଅଛନ୍ତି ଓଡ଼ିଶାର ଦେବାଶିଷ ବିଶ୍ୱାଳ। ପୁରୀ ଜିଲ୍ଲା ଅଳଗୁମ ପଞ୍ଚାୟତ ଖଣ୍ଡାୟତସାହିର ଦେବାଶିଷଙ୍କ ବିୟୋଗ ଖବର ପାଇ ପୁରା ଗାଁ ସ୍ତବ୍ଧ। ପରିବାର ଲୋକଙ୍କ ଆଖିରୁ ଲୁହ ଶୁଖୁନି। ବାହୁନି ବାହୁନି କାନ୍ଦୁଛନ୍ତି ପୁରା ପରିବାର। ଚେତା ଶୂନ୍ୟ ହୋଇପଡ଼ୁଛନ୍ତି ପରିବାରବର୍ଗ। ସମସ୍ତଙ୍କ ମୁହଁରେ ଦେବାଶିଷଙ୍କୁ ଅକାଳରେ ହରାଇବାର ବ୍ୟଥା ବାରି ହୋଇପଡ଼ୁଥିଲା। କିନ୍ତୁ ଦେଶ ପାଇଁ ବୀରଗତିକୁ ପ୍ରାପ୍ତ ହୋଇଥିବା ଦେବାଶୀଷ ଅମର ରହେ ଓ ଭାରତ ମାତା କି ଜୟ ଧ୍ୱନିରେ ପୁରା କମ୍ପମାନ ହେଉଥିଲା ପରିବେଶ।

    ୨୦୨୨ ଅକ୍ଷୟ ତୃତୀୟାରେ ବିଷ୍ଣୁପୁର ପଞ୍ଚାୟତ ବନ୍ଧୁ ଗାଁର ସୁଶ୍ରୀ ସଙ୍ଗୀତାଙ୍କୁ ବିବାହ କରିଥିଲେ ଦେବାଶୀଷ। ତାଙ୍କର ଏକ ୪ ମାସର ଶିଶୁ କନ୍ୟା ଅଛି। ଆଉ ଦିନକ ପରେ ବିବାହ ବାର୍ଷିକୀ ପାଳିଥାଆନ୍ତେ ଦେବାଶୀଷ ଓ ସଙ୍ଗୀତା। ଗଲା ଜାନୁଆରୀରେ ଗାଁକୁ ଆସିଥିଲେ ଝିଅର ଏକୋଇଶିଆ କରିବାକୁ। ଦେବାଶିଷ ପୁଣି କେବେ ଛୁଟିରେ ଆସିବେ ଗାଁକୁ, ତାକୁ ନେଇ ଅପେକ୍ଷାରତ ପରିବାରକୁ ଏମିତି ଦୁଃଖ ଖବର ମିଳିବ, ତାହା କିଏ ବା ଜାଣିଥିଲା। କିନ୍ତୁ ଦେଶ ପାଇଁ ଦେବାଶିଷଙ୍କ ଭଳି ବୀରଙ୍କ ବିୟୋଗ ଓ ତାଙ୍କ ବଳିଦାନ ବ୍ୟର୍ଥ ଯିବନି। ଶହୀଦ ଦେବାଶୀଷ ରାଷ୍ଟ୍ରୀୟ ରାଇଫଲ୍ସରେ ନିୟୋଜିତ ଥିଲେ।

    ଗାଁର ଗର୍ବ ଥିଲେ ଦେବାଶୀଷ। ଦେଶ ପାଇଁ ବଳିଦାନ ଦେଲେ। ଆତ୍ମୀୟସ୍ୱଜନ ଓ ବନ୍ଧୁବାନ୍ଧବଙ୍କ ସୁଅ ଛୁଟିଛି ଦେବାଶୀଷଙ୍କ ଘରକୁ। କଅଣ କହି ସାନ୍ତ୍ୱନା ଦେବେ, ତାକୁ ନେଇ ପାଉନାହାନ୍ତି ରାହା। ଏବେ କେବଳ ଅପେକ୍ଷା ଜନ୍ମମାଟିକୁ କେବେ ଫେରୁଛି ବୀରଙ୍କ ପାର୍ଥିବ ଶରୀର।

    ସନ୍ତୋଷ ପ୍ରଧାନଙ୍କ ରିପୋର୍ଟ

  • ଆତଙ୍କବାଦୀଙ୍କ ଗ୍ରେନେଡ୍ ରେ ଜଳିଗଲା ସେନା ଟ୍ରକ୍

    TERRORIST ATTACK VS ARMY

    () ଜମ୍ମୁ କଶ୍ମୀରର ପୁଞ୍ଚରେ ଗ୍ରେନେଡ୍ ମାଡ଼ରେ ସେନା ଗାଡି ଜାଳିଦେଲେ ଆତଙ୍କବାଦୀ। ଏଥିରେ ୫ ଯବାନ ଶହୀଦ ହୋଇଯାଇଛନ୍ତି। ଜଣେ ଗୁରୁତର ଅବସ୍ଥାରେ ଚିକିତ୍ସାଧୀନ ଅଛନ୍ତି। ପ୍ରାଥମିକ ସୂଚନାରୁ ବଜ୍ରାଘାତ ଲାଗି ଗାଡ଼ିରେ ନିଆଁ ଲାଗିଯାଇଥିବା ଅନୁମାନ କରାଯାଇଥିଲା। କିନ୍ତୁ ପରେ ଏହା ଆତଙ୍କବାଦୀଙ୍କ ଯୋଜନାବଦ୍ଧ ଆକ୍ରମଣ ବୋଲି ପୁଷ୍ଟି ହୋଇଛି। ଟ୍ରକ୍ ନିକଟରେ ଯବାନମାନଙ୍କ ଅର୍ଦ୍ଧଦଗ୍ଧ ଶରୀର ମିଳିଛି। ଘଟଣା ପରେ ସର୍ଚ୍ଚ ଅପେରସନକୁ ଜୋରଦାର କରାଯାଇଛି।

    ଗୁରୁବାର ଅପରାହ୍ନ ପ୍ରାୟ ୩ଟା୧୫ ବେଳର ଘଟଣା ଜମ୍ମୁ କଶ୍ମୀରର ପୁଞ୍ଚ ଜିଲ୍ଲାରେ ମେନ୍ଧର ଉପଖଣ୍ଡର ଭାଟା ଦୁରିଆନ ଅଞ୍ଚଳରେ ଆତଙ୍କବାଦୀଙ୍କ ଗ୍ରେନେଡ୍ ମାଡ଼ରେ ଜଳିଗଲା ସେନା ଟ୍ରକ୍ ଆଉ ଏଥିରେ ଥିବା ୫ଜଣ ଯବାନ ବି ଶହୀଦ ହୋଇଗଲେ। ଆଉ ଜଣେ ଯବାନ ଗୁରୁତର ହୋଇଛନ୍ତି। ଆହତ ଯବାନଙ୍କୁ ରାଜୌରିସ୍ଥିତ ସେନା ହସ୍ପିଟାଲରେ ଭର୍ତ୍ତି କରାଯାଇଥିଲା। ଟ୍ରକଟି ଭିମ୍ୱର ଗଲିରୁ ସଙ୍ଗଜୋତ ଅଭିମୁଖେ ଯାଉଥିଲା ବେଳେ ରାସ୍ତାରେ ଆକ୍ରମଣ ହୋଇଥିଲା। ସଙ୍ଗେ ସଙ୍ଗେ ଅଗ୍ନିନିର୍ବାପକ ଦଳ ଘଟଣାସ୍ଥଳରେ ପହଞ୍ଚିଥିଲେ। କିନ୍ତୁ ସମସ୍ତ ଉଦ୍ୟମ ସତ୍ତ୍ୱେ ୫ଜଣ ଯବାନ ଜଳିଯାଇଥିଲେ। ସେମାନଙ୍କ ଅର୍ଦ୍ଧଦଗ୍ଧ ଶରୀର ରାସ୍ତାରୁ ଠାବ ହୋଇଥିଲା। ଶହୀଦ ଯବାନମାନେ ରାଷ୍ଟ୍ରୀୟ ରାଇଫଲ୍ସର ହୋଇଥିବା ବେଳେ ଏମାନେ ଆତଙ୍କବାଦ ନିରୋଧ ଅଭିଯାନରେ ସାମିଲ୍ ଥିଲେ। ଘଟଣା ସମ୍ପର୍କରେ ସେନାମୁଖ୍ୟ ଜେନେରାଲ ମନୋଜ ପାଣ୍ଡେ ପ୍ରତିରକ୍ଷା ମନ୍ତ୍ରୀ ରାଜନାଥା ସିଂଙ୍କୁ ଅବଗତ କରାଇଛନ୍ତି। ଶହୀଦ ଯବାନ ହେଲେମନଦୀପ ସିଂ, ଦେବାଶିଷ ବିଶ୍ୱାଳ, କୁଲଓ୍ୱନ୍ତ ସିଂ, ହରକ୍ରିଷ୍ଣ ସିଂ ସେବକ ସିଂ

    ଏହି ଆକ୍ରମଣ ପାଇଁ ଜୈସ୍ମହମ୍ମଦ ସମର୍ଥିତ ଆତଙ୍କବାଦୀ ଗୋଷ୍ଠୀ ପିପୁଲ୍ସ ଆଣ୍ଟି ଫାସିଷ୍ଟ ପ୍ରଣ୍ଟ୍ ବା ପିଏଏଫଏଫ୍ ନିଜକୁ ଦାୟୀ କରିଛି ଜମ୍ମୁ କଶ୍ମୀର ଉପରାଜ୍ୟପାଳ ମନୋଜ ସିହ୍ନା ଏହି ଘଟଣା ପାଇଁ ଗଭୀର ଦୁଃଖ ପ୍ରକାଶ ସହ ଶହୀଦ ଯବାନଙ୍କ ପରିବାରକୁ ସମବେଦନା ଜଣାଇଛନ୍ତି। ଘଟଣା ପରେ ତୁରନ୍ତ ସେନା ସର୍ଚ୍ଚ ଅପରେସନ ଆରମ୍ଭ କରିଥିଲା। ଡ୍ରୋନ୍ ସର୍ଭେ ବି ହୋଇଛି। ଜମ୍ମୁ ରିଜିଅନର ରାଜୌରି, ପୁଞ୍ଚ୍ ମେନ୍ଧାର ଅଞ୍ଚଳରେ କର୍ଡନ କରିବା ସହ ଅନେକ ଗାଁରେ ସର୍ଚ୍ଚ ଅପରେସନ ଜାରି ରହିଛି ପାକିସ୍ତାନ ଅଧିକୃତ କଶ୍ମୀରରୁ ଆତଙ୍କବାଦୀ ଅପରେଟ କରିଥିବା ଆଶଙ୍କା କରାଯାଉଛି। କାରଣ ରାଜୌରି ଓ ପୁଞ୍ଚ ଅଞ୍ଚଳରେ ସମାନ ଧରଣର ଆକ୍ରମଣ ଅତୀତରେ ଭାରତୀୟ ସେନା ଓ ସାଧାରଣ ନାଗରିକଙ୍କ ଉପରେ ହୋଇସାରିଛି। ଗଲାବର୍ଷ ଜମ୍ମୁ କଶ୍ମୀରର ବୈଷ୍ଣୋଦେବୀ ପୀଠ ନିକଟରେ ସେନାର ଏକ ଗାଡ଼ିରେ ନିଆଁ ଲାଗି ୪ଯବାନ ପ୍ରାଣ ହରାଇଥିଲେ। ଏହି ଘଟଣାରେ ୨୨ ଜଣ ଯବାନ ଆହତ ହୋଇଥିଲେ। ଏହି ଘଟଣା ପାଇଁ ଜମ୍ମୁ କଶ୍ମୀର ଫ୍ରିଡମ୍ ଫାଇଟର ନାମକ ଆତଙ୍କବାଦୀ ସଂଗଠନ ନିକଜୁ ଦାୟୀ କରିଥିଲା ଆଇଇଡି ମାଧ୍ୟମରେ ସେନା ଗାଡ଼ିରେ ନିଆଁ ଲଗାଇଥିବା ମାନିଥିଲା।

    ଶହୀଦ ୫ଜଣ ଯବାନଙ୍କ ଭିତରେ ୪ଜଣ ପଞ୍ଜାବରୁ ହୋଇଥିଲା ବେଳେ ଜଣେ ଓଡ଼ିଶାରୁ ଯବାନଙ୍କ ବୀରଗତି ଖବର ପାଇବା ପରେ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି। ଶହୀଦ କୁଲଓ୍ୱନ୍ତ ସିଂଙ୍କ ବାପା ବି କାରଗିଲ ଯୁଦ୍ଧରେ ଶହୀଦ ହୋଇଥିଲେ କୁଲଓ୍ୱନ୍ତଙ୍କର ଛୋଟ ଝିଅ ଓ ତିନି ମାସର ପୁଅ ଅଛି। କୁଲଓ୍ୱନ୍ତ ଦୁଇ ବର୍ଷ ତଳେ ବିବାହ କରିଥିଲେ। ମାସେ ହେଲା ଗାଁରେ ଛୁଟି କଟାଇ କର୍ମକ୍ଷେତ୍ରକୁ ଫେରିଥିଲେ କୁଲଓ୍ୱନ୍ତ ଶହୀଦ ମନଦୀପ ସିଂଙ୍କ ପରିବାରରେ ମାଆ,ପତ୍ନୀ ଓ ଦୁଇ ପୁଅ ଝିଅ ଅଛନ୍ତି। ହରିକୃଷ୍ଣ ସିଂଙ୍କ ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଛି।

    ପ୍ରଦୀପ ନାୟକଙ୍କ ରିପୋର୍ଟ

  • ଜମ୍ମୁ ଘାଟିରେ ଘନଘନ ଆତଙ୍କୀ ଆକ୍ରମଣ

    ଶ୍ରୀନଗର: ରଜୌରୀ ଘାଟି ଆତଙ୍କବାଦୀ ଆକ୍ରମଣର ୨୪ ଘଣ୍ଟା ନ ପୂରୁଣୁ ରଜୌରୀରର ଡାଙ୍ଗିରିରେ  ଆଇଇଡି ବିସ୍ଫୋରଣ ହୋଇଛି। ରବିବାର ଦିନ ହୋଇଥିବା  ଗୁଳିମାଡରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ସୋମବାର ବିସ୍ପୋରଣରେ ଜଣେ ଶିଶୁର ମୃତ୍ୟୁ ହୋଇଥିବା ବେଳେ ୫ ଜଣ ଆହତ ହୋଇଛନ୍ତି।  ଆହତଙ୍କ ମଧ୍ୟରେ ୨ ମହିଳା ଓ ୩ ଶିଶୁ ରହିଛନ୍ତି।  ବିସ୍ପୋରଣ ପରେ ଅଞ୍ଚଳକୁ ଘେରାବନ୍ଦୀ କରାଯାଇଛି ଓ ଏହାର ତଦନ୍ତରେ ଏନଆଇଏ ନିୟୋଜିତ ହୋଇଛି।

    ସୋମବାର ଦିନ ରଜୋରୀର ଡାଙ୍ଗିରି ଅଞ୍ଚଳରେ ଏକ ଆଇଇଡି ବିସ୍ପୋରଣ ହୋଇଛି। ଏହି ବିସ୍ପୋରଣରେ ଜଣେ ଶିଶୁର ମୃତ୍ୟୁ ହୋଇଛି ଓ ୫ ଜଣ ଆହତ ହୋଇଛନ୍ତି। ଏହା ପୂର୍ବରୁ ରବିବାର ଦିନ ଆତଙ୍କବାଦୀ ଜଣେ ହିନ୍ଦୁ ଲୋକଙ୍କ  ଉପରେ ଆଖୁବୁଜା ଗୁଳିମାଡ କରିଥିଲେ। ଏଥିରେ ୪ ଜଣଙ୍କ ମୃତ୍ୟୁ ହୋଇଥିଲା ଓ ୯ ଜଣ ଆହତ ହୋଇଥିଲେ।  ଉଭୟ ଆକ୍ରମଣ ଘଟଣାରେ ଆହତମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ସେନା ପକ୍ଷରୁ ଅଞ୍ଚଳକୁ ଘେରାବନ୍ଦୀ କରାଯାଇଛି ଓ ତଦନ୍ତ ଦାୟିତ୍ବ ଏନଆଇଏ ଦିଆଯାଇଛି।

    ଗତକାଲିର ଆକ୍ରମଣ ପାଇଁ ଟିଆରଏଫ ନିଜକୁ ଦାୟୀ କରିଥିଲା। ଏହି ଗୁଳିମାଡ ପରେ ଲୋକେ ବିରୋଧ ପ୍ରଦର୍ଶନ ଚାଲିଥିଲା। ସେପଟେ ଦୁଇ ଦିନରେ ଦୁଇ ଦୁଇଟି ଆକମ୍ରଣ ପରେ ଅଞ୍ଚଳରେ ଆତଙ୍କ ଖେଳି ଯାଇଛି।

    ଜମ୍ମୁକାଶ୍ମୀର କେନ୍ଦ୍ର ଶାସିତ ଅଞ୍ଚଳର ଏଲଜି ମନୋଜ ସିହ୍ନା ଆତଙ୍କବାଦୀ ଆକ୍ରମଣକୁ ଦୃଢ ନିନ୍ଦା କରିବା ସହ ଘଟଣାରେ ପ୍ରାଣହରାଇଥିବା ଲୋକଙ୍କ ପରିବାର ପ୍ରତି ସମବେଦନା ଜଣାଇଛନ୍ତି। ମୃତକଙ୍କ ପରିବାରକୁ ୧୦ ଲକ୍ଷ ଟଙ୍କା ସହ  ଗୁରୁତରଙ୍କୁ ୧ ଲକ୍ଷ ଲେଖା ଟଙ୍କା  ସହାୟତା ରାଶି ଘୋଷଣା କରାଯାଇଛି। ସେହିପରି ପ୍ରତି ମୃତକ ପରିବାରରୁ ଜଣେ ଲେଖାଙ୍କୁ  ସରକାରୀ ଚାକିରି ଦିଆଯିବାକୁ ଘୋଷଣା କରାଯାଇଛି।

  • ୮ ଘଣ୍ଟାରେ ୨ ଆତଙ୍କୀ ଆକ୍ରମଣ

    ଶ୍ରୀନଗର: ଜମ୍ମୁ କାଶ୍ମୀରର ଅନନ୍ତନାଗ ସ୍ଥିତ ବିଜବେହରା ଥାନା ଅଞ୍ଚଳରେ ଶୁକ୍ରବାର ମଧ୍ୟାହ୍ନରେ ଆତଙ୍କବାଦୀଙ୍କ ଦ୍ୱାରା ପୁଲିସ ଓ ସିଆରପିଏଫ ଟିମ ଉପରେ ଆକ୍ରମଣ ହୋଇଛି। ଏହି ଆକ୍ରମଣରେ ଜଣେ ପୁଲିସ କର୍ମୀ ଆହତ ହୋଇଥିବା ସୂଚନା ରହିଛି। ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଆତଙ୍କୀଙ୍କୁ ଧରିବାକୁ ସ୍ଥାନୀୟ ଅଞ୍ଚଳକୁ ଘେରାବନ୍ଦୀ କରି ନେଇଛି ସେନା। ଗତ ୮ ଘଣ୍ଟା ଭିତରେ ଏହା ଦ୍ୱିତୀୟ ଆତଙ୍କୀ ଆକ୍ରମଣ ଥିବା ସୂଚନା ରହିଛି।
    ଶୁକ୍ରବର କାଶ୍ମୀର ପୁଲିସର ଟ୍ୱିଟର ହ୍ୟାଣ୍ଡେଲର ସୂଚନା ଅନୁଯାୟୀ ଅନନ୍ତନାଗର ବିଜବେହରା ଅଞ୍ଚଳରେ ଆତଙ୍କବାଦୀମାନେ ପୁଲିସ ଓ ସିଆରପିଏଫ ପୋଷ୍ଟ ଉପରେ ଫାୟାରିଂ କରିଦେଇଥିଲେ। ଏଥିରେ ଜଣେ ପୁଲିସ କର୍ମୀଙ୍କ ଦେହରେ ଗୁଳି ବାଜିଛି। ତାଙ୍କୁ ତୁରନ୍ତ ସ୍ଥାନୀୟ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ଅଞ୍ଚଳକୁ ସୁରକ୍ଷାବଳ ଘେରାବନ୍ଦୀ କରି ନେଇଛନ୍ତି।
    ସୂଚନା ଅନୁଆୟୀ, ବିଜବେହରା ଆକ୍ରମଣରେ ସେଠାକାର ଥାନଅଧିକାରୀ ଆହତ ହୋଇଛନ୍ତି, ଯିଏ କୁରକାଦଲ, ବିଜବେହରାରେ ନିଯୁକ୍ତ ଥିଲେ। ତାଙ୍କୁ ଏସଡିଏଚ ବିଜବେହରାକୁ ସ୍ଥାନାନ୍ତର କରାଯାଇଛି।
    ଘାଟିରେ ଆତଙ୍କବାଦୀ ଗତିବିଧି ଧୀରେ ଧୀରେ ବୃଦ୍ଧି ପାଇବାରେ ଲାଗିଛି। ଗୋଟିଏ ପଟେ ଟାର୍ଗେଟ କିଲିଙ୍ଗ ତ ଅନ୍ୟ ପଟେ ସୁରକ୍ଷା ବଳଙ୍କ ଉପରେ ଆକ୍ରମଣ ବଢିଚାଲିଛି। ଶୁକ୍ରବାର ଭୋର ସମୟରେ ବାନ୍ଦିପୋରାର ଅଜସ ତହସିଲର ସଦୁନାରା ଗାଁରେ ଆତଙ୍କବାଦୀ ଜଣେ ପ୍ରବାସୀ ଶ୍ରମିକଙ୍କୁ ଗୁଳିମାରି ହତ୍ୟା କରିଥିଲେ। ମୃତକ ଜଣକ ବାହାର ନିବାସୀ, ୧୦ ମାସ ଭିତରେ ବିହାରର ୭ ଜଣଙ୍କୁ କାଶ୍ମୀରରେ ହତ୍ୟା କରିଛନ୍ତି ଆତଙ୍କବାଦୀ। ସେପଟେ, ଟାର୍ଗେଟ କିଲିଂ ପାଇଁ ସରକାରୀ କର୍ମଚାରୀ ଓ ପ୍ରବାସୀ ଶ୍ରମିକଙ୍କ ମଧ୍ୟରେ ରହିଛି ଭୟର ବାତାବରଣ।

Back to top button