ମୁମ୍ବାଇ : ମଙ୍ଗଳବାର ସକାଳେ ବୁଲଢାଣା ଜିଲ୍ଲାର ନାଗପୁର-ପୁନେ ରାଜପଥରେ ଥିବା ସିଂଧଖେଡାରାଜା ତହସିଲର ପଲାସଖେଡ ଚକ୍କା ଗ୍ରାମ ନିକଟରେ ଏସଟି ବସ୍ ଏବଂ ଟ୍ରକ୍ ମଧ୍ୟରେ ଧକ୍କା ହେବା ଫଳରେ ଆଠ ଜଣଙ୍କର ମୃତ୍ୟୁ ଘଟିଛି । ଏହି ଘଟଣାରେ ଅନ୍ୟ ୧୩ ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି । ଆହତମାନଙ୍କୁ ସିଂଦଖେଦରାଜା ଗ୍ରାମୀଣ ଡାକ୍ତରଖାନାରେ ଭର୍ତୀ କରାଯାଇଛି ।
ପୋଲିସର ସୂଚନାନୁସାରେ, ଏସଟି ବସ୍ ସମ୍ଭାଜୀ ନଗରରୁ ୱାଶିମ୍ ଅଭିମୁଖେ ଯାଉଥିଲା । ସକାଳ ପ୍ରାୟ ୬ ଟା ବେଳେ ଏସଟି ବସ ନିୟନ୍ତ୍ରଣ ହରାଇ ଏକ ଟ୍ରକ୍ ସହିତ ମୁହାଁମୁହିଁ ଧକ୍କା ହୋଇଥିଲା । ଏହି ଘଟଣାରେ ଘଟଣାସ୍ଥଳରେ ୫ ଜଣଙ୍କର ମୃତ୍ୟୁ ହୋଇଥିବାବେଳେ ଡାକ୍ତରଖାନାରେ ଚିକିତ୍ସା ସମୟରେ ଆଉ ତିନି ଜଣଙ୍କର ମୃତ୍ୟୁ ଘଟିଛି ।
Naxatra News is now on Whatsapp
Join and get latest news update delivered to you via whatsapp
Join Now
