ଜାପାନ, ପାପୁଆ ନ୍ୟୁ ଗିନି ଏବଂ ଅଷ୍ଟ୍ରେଲିଆ ତିନି ଦେଶ ଗସ୍ତରେ ଯାଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଦ୍ୱିତୀୟ ପର୍ଯ୍ୟାୟ ପାଇଁ ପାପୁଆ ନ୍ୟୁ ଗିନି ଅଭିମୁଖେ ଯାତ୍ରା କରିଛନ୍ତି।
ଏହାପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ସକାଳେ ଜାପାନର ହିରୋସିମାଠାରେ ବ୍ରିଟେନର ପ୍ରତିପକ୍ଷ ଋଷି ସୁନାକଙ୍କ ସହ ଆଲୋଚନା କରି ତାଙ୍କର ଦ୍ୱିପାକ୍ଷିକ କାର୍ଯ୍ୟ ଆରମ୍ଭ କରିଥିଲେ। ଦୁଇ ନେତା ଇଣ୍ଡିଆ ୟୁକେ ଷ୍ଟ୍ରାଟେଜିକ୍ ପାର୍ଟନରସିପ୍ ସମୀକ୍ଷା କରି ଭାରତ-ୟୁକେ ମୁକ୍ତ ବାଣିଜ୍ୟ ଚୁକ୍ତିନାମା ର ଅଗ୍ରଗତି ଆକଳନ କରିଥିଲେ।
ବାଣିଜ୍ୟ ଏବଂ ପୁଞ୍ଜି ବିନିଯୋଗ, ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା, ଉଚ୍ଚଶିକ୍ଷା ଏବଂ ଲୋକମାନଙ୍କ ମଧ୍ୟରେ ସମ୍ପର୍କ ଭଳି ବିଭିନ୍ନ କ୍ଷେତ୍ରରେ ସହଯୋଗକୁ ଗଭୀର କରିବାକୁ ଉଭୟ ନେତା ସହମତ ହୋଇଥିଲେ । G7 ସମ୍ମିଳନୀରେ ସେ ବ୍ରାଜିଲ ରାଷ୍ଟ୍ରପତି ଲୁଲା ଡା ସିଲଭାଙ୍କ ସହ ଫଳପ୍ରଦ ଆଲୋଚନା ମଧ୍ୟ କରିଥିଲେ।
ନେତାମାନେ ଆଞ୍ଚଳିକ ବିକାଶ ଉପରେ ମତ ବିନିମୟ କରିଥିଲେ। ବହୁପକ୍ଷୀୟ ପ୍ଲାଟଫର୍ମରେ ନିରନ୍ତର ସହଯୋଗ ଏବଂ ବହୁପକ୍ଷୀୟ ଅନୁଷ୍ଠାନଗୁଡ଼ିକର ସଂସ୍କାର ପାଇଁ ଦୀର୍ଘ ଦିନର ଆବଶ୍ୟକତା ଉପରେ ସେମାନେ ଗୁରୁତ୍ୱାରୋପ କରିଥିଲେ। ଦୁଇ ନେତାଙ୍କ ମଧ୍ୟରେ ଏହା ପ୍ରଥମ ସାକ୍ଷାତ ହୋଇଥିଲା।