ବେଳେବେଳେ ବର୍ଷ ବର୍ଷ ଧରି ଅଟକି ରହିଥିବା ସମସ୍ୟାର ହଠାତ୍ ଓ ମନକୁ ମନ ସମାଧାନ ହୋଇଯାଇଥାଏ । ଯେମିତି ଘଟିଛି ଉମର ନାମକ ବାଳକ କ୍ଷେତ୍ରରେ। ଦୀର୍ଘ ୧୦ ବର୍ଷ ଧରି ଯେଉଁ ସମସ୍ୟାକୁ ନେଇ ବାଳକଟି ଛଟପଟ ହେଉଥିଲା, ଆଖି ପିଛୁଳାକେ ତାର ଅଜାଣତରେ ତାର ହୋଇଗଲା ସମାଧାନ। ୧୦ ବର୍ଷ ପରେ ବାହାରକୁ ଆସିଲା ଜଣେ ବାଳକଙ୍କ ନାକରେ ପସି ରହିଥିବା ଏକ କଏନ୍ । ଶୁଣିଲେ ଆଶ୍ଚର୍ଯ୍ୟ ଲାଗିଥିବ, କିନ୍ତୁ ଘଟଣାଟି ସତ । ବାଳକ ଜଣଙ୍କ ଛିଙ୍କି ଦେବା ପରେ ତାଙ୍କ ନାକ ପଟେ କଏନଟିଏ ବାହାରି ଅସିଥିବା ଦେଖିବାକୁ ମିଳିଛି । ବାଳକଙ୍କୁ ଏବେ ୧୪ ବର୍ଷ ବୟସ । ତାଙ୍କୁ ୪ବର୍ଷ ହୋଇଥିବା ବେଳେ ତାଙ୍କ ନାକରେ ଏକ କଏନ ପସିଯାଇଥିଲା ।
ବାଳକ ଜଣଙ୍କ ହେଉଛନ୍ତି ଦକ୍ଷିଣ ଲଣ୍ଡନର ବାସିନ୍ଦା । ତାଙ୍କ ନାଁ ହେଉଛି ଉମର୍ । ଉମର୍ଙ୍କ ନାକରେ ଏକ କଏନ ପସିଯାଇଥିବା କଥା ତାଙ୍କର ମନେ ବି ନଥିଲା । ମାତ୍ର ନାକରୁ କଏନ୍ ବାହାରିବା ପରେ ତାଙ୍କୁ ଖୁବ ଭଲ ଅନୁଭବ ହୋଇଥିବା ସେ କହିଛନ୍ତି । ନାକରେ ଅନେକ ଥର ତାଙ୍କ ଘା ହୋଇଥିଲା । ସେ ଏକଥା ତାଙ୍କ ପରିବାର ଲୋକଙ୍କୁ ମଧ୍ୟ ଜଣାଇଥିଲେ । ଏନେଇ ସେ ବହୁ ବାର ଡାକ୍ତରଙ୍କ ପାଖକୁ ଯାଇଛନ୍ତି ମଧ୍ୟ । ମାତ୍ର ତାଙ୍କ ନାକରେ କଏନ ପଶିଥିବା କଥା ଡାକ୍ତରମାନେ ବି ଜାଣିପାରୁ ନଥିଲେ ।
ରିପୋର୍ଟରୁ ଜଣା ପଡିଛି ଯେ ଉମେସଙ୍କ ନାକରେ ଅଚାନକ ଭୀଷଣ ଯନ୍ତ୍ରଣା ହୋଇଥିଲା । ତାଙ୍କୁ ଲାଗିଲା ଯେପରି ତାଙ୍କ ନାକରେ କିଛି ଫସିଯାଇଛି । ସେ ତାଙ୍କ ବାମ ନାକକୁ ବନ୍ଦ କରି ଡାହାଣ ନାକରେ ଜୋର୍ ଜୋର୍ ନିଶ୍ୱାସ ନେବାରେ ଲାଗିଲେ । ଏପରି କରିବାରୁ ତାଙ୍କୁ ଛିଙ୍କ ଆସିଥିଲା ଓ ସେ ଛିଙ୍କିବାରୁ ତାଙ୍କ ନାକରୁ କଏନଟି ବାହାରିଥିଲା ।
- ଅର୍ଚ୍ଚନା ଆଳୁକଙ୍କ ରିପୋର୍ଟ
Naxatra News is now on Whatsapp
Join and get latest news update delivered to you via whatsapp
Join Now
