ଭୋପାଲ: ମଧ୍ୟପ୍ରଦେଶ ଓବିସି ସଂରକ୍ଷଣକୁ ନେଇ ଦାୟର ଯାଚିକା ଉପରେ ସର୍ବୋଚ୍ଚ ଅଦାଲତ କ୍ଷୁବ୍ଧ। ଏହି ମାମଲା ଦ୍ବାରା ଯାଚିକାକର୍ତ୍ତାଙ୍କୁ ଜରିମାନା କରିବାକୁ କହିବା ସହ ମାମଲାର ଶୁଣାଣି ନ କରିବାକୁ କହିଛନ୍ତି ସୁପ୍ରିମକୋର୍ଟ।
ରାଜ୍ୟରେ ଓବିସି ସଂରକ୍ଷଣ ୧୪ ପ୍ରତିଶତରୁ ୨୭ ପ୍ରତିଶତ ବୃଦ୍ଧି ଉପରେ ସ୍ଥଗିତା ଦେଶ ବିରୋଧରେ ଦାୟର ଯାଚିକାର ଶୁଣାଣି କରିବାକୁ ମନା କରିଦେଇଛନ୍ତି ସୁପ୍ରିମ କୋର୍ଟ । ଏହି ମାମଲାରେ ଯାଚିକାକର୍ତ୍ତା କିପରି ପ୍ରଭାବିତ ହୋଇଛନ୍ତି ତାହା ସ୍ପଷ୍ଟ କରିବାକୁ କହିବା ସହ କ୍ଷୋଭ ବ୍ୟକ୍ତ କରିଛନ୍ତି। ତୁରନ୍ତ ଯାଚିକା ଫେରାଇ ନିଅ ନହେଲେ ଜରିମାନା କରାଯିବ ବୋଲି କହିଛନ୍ତି ସୁପ୍ରିମକୋର୍ଟ।
ମଧ୍ୟପ୍ରଦେଶରେ ଚାକିରି ଓ ଅଧ୍ୟୟନ କ୍ଷେତ୍ରରେ ଓବିସି ସଂରକ୍ଷଣ କମଳନାଥ ସରକାରଓବିସି ଆରକ୍ଷଣକୁ ୨୭ ପ୍ରତିଶତକୁ ବୃଦ୍ଧି କରିବାକୁ ନିଷ୍ପତ୍ତି ନେଇଥିଲେ। ଯାହା ଉପରେ ମଧ୍ୟ ପ୍ରଦେଶ ହାଇକୋର୍ଟ ସ୍ଥଗିତାଦେଶ ଜାରି କରିଥିଲେ। ଏହି ସ୍ଥଗିତା ଦେଶ ପାଇଁ ଗତ ୪ ବର୍ଷରେ ସରକାରୀ ଚାକିରିରେ କୌଣସି ନୂତନ ଭର୍ତ୍ତି ହୋଇପାରୁ ନ ଥିବା ଦର୍ଶାଇ ଜୟା ଠାକୁର ନାମକ ଜଣେ ଯାଚିକାକର୍ତ୍ତା ହାଇକୋର୍ଟଙ୍କ ନିଷ୍ପତ୍ତି ବିରୋଧରେ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଥିଲେ।
