ପାଟଣା: ରେଳ ଷ୍ଟେସନରେ ହଠାତ ଚାଲିଲା ଅଶ୍ଳୀଳ ଭିଡିଓ ଲୋକ ହେଲେ ଲଜ୍ଜିତ । ଏପରି ନିନ୍ଦାଜନକ ଘଟଣା ଆସିଛି ବିହାରର ପାଟଣା ଷ୍ଟେସନରୁ । ରବିବାର ସକାଳେ ହଠାତ ରେଲୱେ ବିଜ୍ଞାପନ ସ୍କ୍ରିନରେ ଚାଲିଲା ବ୍ଲୁ ଫିଲ୍ମ । ଏହି ଭିଡିଓ ପ୍ରାୟ ତିନି ମିନିଟ ପାଇଁ ଚାଲିଥିବାବେଳେ । ଶହ ଶହ ଲୋକ ଲାଜରେ ମୁଣ୍ଡ ତଳକୁ ପୋତି ନେଲେ । ଘଟଣାରେ ପୋଲିସ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଛି ।
ରବିବାର ସକାଳ ପ୍ରାୟ 9.30 ସମୟରେ ବିହାର ରାଜଧାନୀ ପାଟଣା ଷ୍ଟେସନରେ ଦେଖିବାକୁ ମିଳିଥିଲା ଏପରି ଦୃଶ୍ୟ । 10ନମ୍ବର ପ୍ଲାଟଫର୍ମରେ ଏହି ଭିଡିଓକୁ ଅନେକ ମୋବାଇଲରେ ରେକର୍ଡ କରିବା ସହ କିଛି ଲୋକ ଏହାକୁ ବିରୋଧ କରି ରେଲୱେ ଅଧିକାରୀଙ୍କୁ ଅଭିଯୋଗ କରିଥିଲେ ।
ତେବେ ଘଟଣାରେ ବିଳମ୍ବ ହେବାରୁ ଆର ପି ଏଫ କର୍ମଚାରୀ ରେଲୱେ ବିଜ୍ଞାପନ ଦାଇତ୍ୱରେ ଥିବା ଦତ୍ତ କମ୍ୟୁନିକେସନକୁ ଯୋଗାଯୋଗ କରି ତୁରନ୍ତ ଏହାକୁ ବନ୍ଦ କରିବାକୁ ପରମର୍ଶ ଦେଇଥିଲା । ତେବେ ଏହି ଫୁଟେଜ ବନ୍ଦ ହେବାପରେ ମଧ୍ୟ ଏହାର ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଚି । ଏଥିପାଇଁ କେତେକ ମୁଖ୍ୟମନ୍ତ୍ରୀ ନୀତିଶ କୁମାର ଓ ରେଳ ମନ୍ତ୍ରାଳୟକୁ ମଧ୍ୟ ଦୋଷ ଦେଇଛନ୍ତି ।
ରେଳ କର୍ମଚାରୀ କାର୍ଯ୍ୟାନୁଷ୍ଠାନ ଗ୍ରହଣ କରିବା ଲାଗି ଦତ୍ତ କମ୍ୟୁନିକେସନ ନାରେ ଏକ ଏଫ ଆଇ ଆର ରୁଜୁକରି ଏହାକୁ ଜରିମାନା ମଧ୍ୟ କରିଛି । ଏବଂ ଏହି ଟେଲିଭିଜନ ବିଜ୍ଞାପନ ରୋକିବାକୁ କାର୍ଯ୍ୟନୁଷ୍ଠାନ ଗ୍ରହଣ କରିଛି ।
Naxatra News is now on Whatsapp
Join and get latest news update delivered to you via whatsapp
Join Now
