ଅଦ୍ଭୁତ ମୃତ ଶିଶୁପୁତ୍ର ଜନ୍ମ

ବଲାଙ୍ଗିର : ପାଟଣଗଡ ବ୍ଲକ ଭରତବାହାଲ ପଞ୍ଚାୟତ ମୁଦଲସର ଗାଁରେ ଆଜି ସକାଳେ ଏକ ଅଦ୍ଭୁତ ମୃତ ଶିଶୁପୁତ୍ର ଜନ୍ମ ଗ୍ରହଣ କରିଛି । ଶିଶୁପୁତ୍ରର ୨ଟି ମୁଣ୍ଡ ସହ ୩ ଗୋଟି ଗୋଡଥିବା ଦେଖିବାକୁ ମିଲିଛି ।

ସୂଚନା ଅନୁସାରେ, ମୁଦଲସର ଗାଁର ଅମର ଦୀପଙ୍କ ଝିଅ ବନବାସୀ ଆଜିକୁ ୩ ବର୍ଷ ପୂର୍ବେ ସଦର ଥାନା ବେହେରାପାଲି ଗାଁର ବଶିଷ୍ଟ ବାଗଙ୍କୁ ପ୍ରେମ୍ ବିବାହ କରିଥିଲେ । ବନବାସୀଙ୍କ ଔରସରୁ ଜନ୍ମିତ ଏକ ଦୁଇ ବର୍ଷର ଶିଶୁ କନ୍ୟା ଥିବାବେଳେ ଆଜି ସକାଳ ୯ ଟା ସମୟରେ ବନବାସୀଙ୍କ ଅଚାନକ ପ୍ରସବ ଯନ୍ତ୍ରଣା ହୋଇଥିଲା । ପରିବାରବର୍ଗ ବନବାସୀକୁ ନିକଟସ୍ଥ ଘସିଏନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେବାକୁ ୧୦୮ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ । ଆମ୍ବୁଲାନ୍ସ ଆସିବା ପୂର୍ବରୁ ବନବାସୀ ଏକ ୨ଟି ମୁଣ୍ଡ ସହ ୩ ଗୋଟି ଗୋଡଥିବା ଏକ ୭ ମାସର ମୃତ ଶିଶୁ ପୁତ୍ରକୁ ଜନ୍ମ ଦେଇଥିଲେ । ପରିବାରବର୍ଗ ଶିଶୁ ପୁତ୍ରକୁ ଦେଖି ଆଶ୍ଚର୍ଯ୍ୟ ହୋଇ ଯାଇଥିବା ବେଳେ ଜନ୍ମିତ ଶିଶୁ ପୁତ୍ରର ମାଙ୍କୁ ଆମ୍ବୁଲାନ୍ସ ଯୋଗେ ଡାକ୍ତରଖାନାକୁ ନେଇଥିଲେ । ପ୍ରାଥମିକ ଚିକିତ୍ସା ପରେ ମୃତ ଶିଶୁ ପୁତ୍ରର ମା ସୁସ୍ଥଥିବା ଡାକ୍ତରଖାନା ସୂତ୍ରରୁ ଜଣାପଡିଛି । ତେବେ ଶିଶୁ ପୁତ୍ରଟି ଏପରି ହୋଇଥିବା ପଛରେ ଜନ୍ମଗତ କିମ୍ବା ଗର୍ଭାବସ୍ଥାରେ ମା ଖାଉଥିବା ଔଷଧର ପ୍ରଭାବରୁ ମଧ୍ୟ ଏପରି ହୋଇ ଥାଇପାରେ ବୋଲି ଅବସରପ୍ରାପ୍ତ ଏସଡିଏମଓ ଡ.ଭିମସେନ ମେହେର ପ୍ରକାଶ କରିଛନ୍ତି।