ଲଘୁଶସ୍ୟ ଉପାଦେୟତା ଓ ବିଶ୍ୱ ପରିବେଶ ଦିବସ ସଚେତନତା ରଥ ଶୁଭାରମ୍ଭ

ଝାରସୁଗୁଡ଼ା : ଆଗାମୀ ବିଶ୍ୱ ପରିବେଶ ଦିବସ ଉପଲକ୍ଷେ ଜନସାଧାରଣଙ୍କ ମଧ୍ୟରେ ଲଘୁଶସ୍ୟର ଉପାଦେୟତା ଓ ବିଶ୍ୱ ପରିବେଶ ଦିବସ ସମ୍ବନ୍ଧରେ ସଚେତନତା ସୃଷ୍ଟି କରିବା ପାଇଁ ସଚେତନତା ରଥର ଶୁଭାରମ୍ଭ ହୋଇଛି ।

କୃଷି ଓ କୃଷକ ସଶକ୍ତି କରଣ ବିଭାଗ ଅନ୍ତର୍ଭୁକ୍ତ ଓଡିଶା ମିଲେଟ ମିଶନ ଆନୁକୂଲ୍ୟରେ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଆୟୋଜିତ ସଚେତନତା ରଥକୁ ଅତିରିକ୍ତ ଜ଼ିଲ୍ଲାପାଳ(ସାଧାରଣ) ପ୍ରବୀର କୁମାର ନାୟକ ଓ ଅତିରିକ୍ତ ଜ଼ିଲ୍ଲାପାଳ(ରାଜସ୍ୱ) ଲଙ୍କେଶ୍ୱର ଅମାତ ପତାକା ଦେଖାଇ ଶୁଭାରମ୍ଭ କରିବା ସହ ଜନସାଧାରଣଙ୍କ ମଧ୍ୟରେ ମିଲେଟର ଉପାଦେୟତା ସମ୍ପର୍କରେ ବ୍ୟାପକ ପ୍ରଚାର ପ୍ରସାର ପାଇଁ ମିଲେଟ ମିଶନର କାର୍ଯ୍ୟକର୍ତାମାନଙ୍କୁ ପରାମର୍ଶ ଦେଇଥିଲେ । ଜିଲ୍ଲା ମୁଖ୍ୟ କୃଷି ଅଧିକାରୀ ବଳଦେବ ମହାପାତ୍ର, ଓଡିଶା ମିଲେଟ ମିଶନ ଜ଼ିଲ୍ଲା କାର୍ଯ୍ୟକ୍ରମ ସଂଯୋଜକ ଟିକେଶ୍ୱର ବେହେରା, ସ୍ୱେଚ୍ଛାସେବୀ ଅନୁଷ୍ଠାନ ଆଜକା, ସେୱା ଓ ସେବକର କର୍ମକର୍ତାଙ୍କ ସମେତ ସହିତ ଅନ୍ୟାନ୍ୟ କର୍ମଚାରୀ ଓ ଅଧିକାରୀ ଉପସ୍ଥିତ ଥିଲେ କ୍ଷ ସେବକ ଅନୁଷ୍ଠାନ ମାଧ୍ୟମରେ ପରିଚାଳନା କରାଯାଉଥିବା ସଚେତନତା ରଥ ଜ଼ିଲ୍ଲାର ସମସ୍ତ ବ୍ଲକ ପରିଭ୍ରମଣ କରି କୃଷକ ଓ ସାଧାରଣ ଲୋକଙ୍କ ମଧ୍ୟରେ ଲଘୁଶସ୍ୟର ଉପାଦେୟତା ସମ୍ପର୍କରେ ସଚେତନତା ସୃଷ୍ଟି କରିବ ।

ଉଲ୍ଲେଖଯୋଗ୍ୟ, ଲଘୁଶସ୍ୟର ଗୁରୁତ୍ୱକୁ ଉପଲବ୍ଧି କରି ମିଳିତ ଜାତିସଙ୍ଘ ଦ୍ୱାରା ୨୦୨୩କୁ ଲଘୁଶସ୍ୟ ବର୍ଷ ଭାବରେ ଘୋଷଣା କରାଯାଇଛି । ଆଗାମୀ ଦିନରେ ଜନ ସମୁଦାୟ ଲଘୁଶସ୍ୟକୁ ନିଜ ଖାଦ୍ୟ ଥାଳିକୁ ଆଣିବା ସକାଶେ ଓ ଜଳବାୟୁ ପରିବର୍ତନରେ ମିଲେଟର ଭୂମିକା ଉପରେ ଜନ ଜାଗରଣ ସୃଷ୍ଟି କରିବା ସକାଶେ ସଚେତନତା କାର୍ଯ୍ୟକ୍ରମ ଉଦ୍ଦିଷ୍ଟ ।