ଭୁବନେଶ୍ୱର : ପ୍ରତିବର୍ଷ ଜୁନ୍ ମାସ୫ ତାରିଖ ‘ବିଶ୍ୱ ପରିବେଶ ଦିବସ’ ଅବସରରେ ବୃକ୍ଷରୋପଣ, ବିନା ମୂଲ୍ୟରେ ଚାରା ବଂଟନ, ବୃକ୍ଷ ତଥା ପରିବେଶ ସୁରକ୍ଷା ଆଦି କାର୍ଯ୍ୟ ପାଇଁ ପ୍ରେରଣା ଗ୍ରୀନ୍ମ୍ୟାନ୍ ସମ୍ମାନ ସ୍ୱରୂପ ଏକଲକ୍ଷ ଟଙ୍କାର ଅର୍ଥରାଶି, ଅଙ୍ଗବସ୍ତ୍ର ଓ ସମ୍ମାନ ଫଳକ ପ୍ରଦାନ କରାଯାଇଥାଏ । ଚଳିତବର୍ଷ କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ ଜାଙ୍ଗିରିଆ ଗ୍ରାମର ରମେଶ ଚନ୍ଦ୍ର ମିଶ୍ରଙ୍କୁ ବୃକ୍ଷରୋପଣ, ବିନା ମୂଲ୍ୟରେ ଚାରା ବଂଟନ ଓ ଜଙ୍ଗଲ ଓ ପରିବେଶ ସୁରକ୍ଷା କ୍ଷେତ୍ରରେ ଉଲ୍ଲେଖନୀୟ କୃତିତ୍ୱ ପାଇଁ ବିଶ୍ୱ ପରିବେଶ ଦିବସ ପାଳନ ଅବସରରେ ଜୁନ୍ ମାସ ୫ ତାରିଖ ସକାଳ ୧୦ ଘଟିକା ସମୟରେ ଭୁବନେଶ୍ୱରସ୍ଥିତ ଜୟଦେବ ଭବନରେ ପ୍ରେରଣା ଗ୍ରୀନ୍ମ୍ୟାନ୍ ସମ୍ମାନ ସ୍ୱରୂପ ଏକଲକ୍ଷ ଟଙ୍କାର ଅର୍ଥରାଶି, ଅଙ୍ଗବସ୍ତ୍ର ଓ ସମ୍ମାନ ଫଳକ ପ୍ରଦାନ କରାଯିବ ବୋଲି ପ୍ରେରଣା ଗ୍ରୀନ ଆର୍ମିର କମାଣ୍ଡାଂଟ ଇନ୍ ଚିଫ ଡଃ ଦିଲ୍ଲୀପ ଶ୍ରୀଚନ୍ଦନ ଏକ ପ୍ରେସ୍ ବିବୃତିରେ ଜଣାଇଛନ୍ତି । ପ୍ରକାଶଥାଉକି, ପୂର୍ବବର୍ଷ ମାନଙ୍କରେ ଏହି ସମ୍ମାନ ବିଶେଷ ବୃକ୍ଷପ୍ରେମୀ ଓ ପରିବେଶପ୍ରେମୀ ଇଂ ବିଶ୍ୱମୋହନ ପଟ୍ଟନାୟକ, ବିଶିଷ୍ଟ ପରିବେଶବିତ୍ ସମ୍ଭବ ଅନୁଷ୍ଠାନର ପ୍ରତିଷ୍ଠାତା ସ୍ୱର୍ଗତ ପ୍ରଫେସର ରାଧାମୋହନ, ବିଶ୍ୱ ସ୍ୱାସ୍ଥ୍ୟ ସଂଗଠନର ପୂର୍ବତନ ପରାମର୍ଶଦାତା, ବିଶିଷ୍ଟ ପରିବେଶବିତ୍ ଓ ସ୍ତମ୍ଭକାର ଡ. ଭଗବାନ ପ୍ରକାଶ ଆଦିଙ୍କୁ ପ୍ରଦାନ କରାଯାଇଥିଲା । ଏହିଦିନ ଶ୍ରୀ ମିଶ୍ରଙ୍କ ସମେତ ବୃକ୍ଷରୋପଣ ଓ ପରିବେଶ ସୁରକ୍ଷା କ୍ଷେତ୍ରରେ ଉଲ୍ଲେଖନୀୟ କୃତିତ୍ୱ ପାଇଁ କିଛି ଅନୁଷ୍ଠାନ, ବ୍ୟକ୍ତିବିଶେଷ ଆଦିଙ୍କୁ ବୃକ୍ଷବନ୍ଧୁ, ଗ୍ରୀନ୍ ଆର୍ମି କ୍ୟାପ୍ଟେନ, କମାଣ୍ଡାଂଟ ଆଦି ସମ୍ମାନ ମଧ୍ୟ ପ୍ରଦାନ କରାଯିବ ବୋଲି ଡଃ ଶ୍ରୀଚନ୍ଦନ ଜଣାଇଛନ୍ତି ।
![](https://naxatranews.com/wp-content/uploads/2024/08/Whatsapp-Logo.png)
Naxatra News is now on Whatsapp
Join and get latest news update delivered to you via whatsapp
Join Now