କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କ ପତ୍ନୀ ଝିଙ୍ଗିଆ ଓରାମଙ୍କ ପରଲୋକ

କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କ ପତ୍ନୀ ଝିଙ୍ଗିଆ ଓରାମଙ୍କ ପରଲୋକ । ଶନିବାର ରାତି ୧୦.୫୦ ମିନିଟରେ ତାଙ୍କର ଦେହାନ୍ତ ଘଟିଛି। ଝିଙ୍ଗିଆ ଓରାମଙ୍କ ୫୮ ବର୍ଷରେ ଦେହାନ୍ତ ହୋଇଛି । ଆପୋଲୋ ହସ୍ପିଟାଲରେ ଗତ ସାତ ଦିନ ଧରି ଡେଙ୍ଗୁ ରୋଗରେ ଚିକିତ୍ସା ହେଉଥିଲେ ଝିଙ୍ଗିଆ ଓରାମ। ଭୁବନେଶ୍ୱର ଲୁମ୍ବିନି ବିହାର ସ୍ଥିତ ଜୁଏଲ ଓରାମଙ୍କ ବାସଭବନରେ ଝିଙ୍ଗିଆଙ୍କ ଶେଷ ଦର୍ଶନ ଲାଗି ରାତି ଅଧରେ ପହଞ୍ଚିଥିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଏଥିସହ ବାଚସ୍ପତି, ଉପ ବାଚସ୍ପତି , ସ୍ୱାସ୍ଥ୍ୟମନ୍ତ୍ରୀ , ଅବକାରୀ ମନ୍ତ୍ରୀ , କ୍ରୀଡା ମନ୍ତ୍ରୀ , ଗ୍ରାମୀଣ ଉନ୍ନୟନ ମନ୍ତ୍ରୀ ସମେତ ବହୁ ବିଧାୟକ ଏବଂ ପୂର୍ବତନ ସଭାପତି ସହ ଅନେକ କର୍ମୀ ଉପସ୍ଥିତ ରହିଥିଲେ । ରାତି ୩ଟା ୧୦ ମିନିଟ ସମୟରେ ଲୁମ୍ବିନି ବିହାରରୁ ନିଜ ଜନ୍ମ ଭୂମି ସୁନ୍ଦରଗଡ଼ ଜିଲ୍ଲାର କେନ୍ଦୁଡିହିକୁ ମରଶରୀର ଯାଇଛି। ସେଠାରେ ତାଙ୍କର ଶେଷକୃତ୍ୟ ସମ୍ପନ୍ନ ହେବ ବୋଲି ସୂଚନା ଦେଇଛନ୍ତି ଜୁଏଲ ଓରାମ । ଭାରତୀୟ ଜନତା ପାର୍ଟିର ସହ ବହୁ କର୍ମୀ ଏବ ନେତାଙ୍କ ପାଇଁ ସେ ଏକ ସ୍ନେହୀ ଥିଲେ , ମେଳାପୀ ଥିଲେ ।

Naxatra News is now on Whatsapp

Join and get latest news update delivered to you via whatsapp

Join Now