ଜୁନିଅର ଏନଟିଆର, ଜାହ୍ବବୀ କପୁର ଏବଂ ସୈଫ ଅଲ୍ଲୀ ଖାନଙ୍କ ଆଗାମୀ ଚଳଚ୍ଚିତ୍ର ‘ଦେବରା’ର ଚମତ୍କାର ଟ୍ରେଲର ରିଲିଜ ହୋଇଯାଇଛି । ଏହି ଟ୍ରେଲରଟିକୁ ପ୍ରଶଂସକ ମାନେ ବହୁତ ଭଲ ରେସପନ୍ସ ଦେଇଛନ୍ତି । ଜୁନିଅର ଏନଟିଆରଙ୍କ ଏହି ଚଳଚ୍ଚିତ୍ର ଟି ଦୀର୍ଘ ସମୟ ଧରି ଆଲୋଚନାରେ ରହିଆସିଛି । ପ୍ରଶଂସକମାନେ ଏହାର ଟ୍ରେଲରକୁ ଦୀର୍ଘ ସମୟ ଧରି ଅପେକ୍ଷା କରିଥିଲେ, ଯାହା ଶେଷରେ ଆଜି ଅର୍ଥାତ୍ ୧୦ ସେପ୍ଟେମ୍ବରରେ ମୁକ୍ତିଲାଭ କରିଥିଲା ।ଦେବରାଙ୍କ ଟ୍ରେଲରରେ ଦର୍ଶାଯାଇଛି ଯେ, ଏହି ଚଳଚ୍ଚିତ୍ରଟି ଆକ୍ସନ୍ ସିକ୍ବେନ୍ସ କ୍ରମରେ ଏବଂ ବହୁ ରକ୍ତପାତ ସିନ୍ ରେ ପରିପୂର୍ଣ୍ଣ ହୋଇଛି ଫିଲ୍ମଟି । ଦେବରାର ଟ୍ରେଲର ରିଲିଜ ହେବା ପରେ ଦର୍ଶକଙ୍କ ମଧ୍ୟରେ ଫିଲ୍ମ ରିଲିଜ ପାଇଁ ଅପେକ୍ଷା ଆହୁରି ବୃଦ୍ଧି ପାଇଛି ।
‘ଦେବରା’ ବିଷୟରେ ଯଦି କୁହାଯାଏ, ତେବେ ଜୁନିଏର ଏନଟିଆରଙ୍କ ଚଳଚ୍ଚିତ୍ର ହେଉଛି ଏକ ମାସ ଆକ୍ସନ୍ ଡ୍ରାମା, ଯେଉଁଥିରେ ଜୁନିଏର ଏନଟିଆର ଏକ ଡବଲ୍ ରୋଲ ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ରରେ ସେ ପ୍ରଥମ ପିତାଙ୍କ ଭୂମିକାରେ ଅଭିନୟ କରିବେ, ଯିଏ ନିର୍ଭୟ ସହ ସାହସୀ ମଧ୍ୟ ଆଉ ସେ ସୈଫ୍ ଅଲ୍ଲୀ ଖାନଙ୍କ ସହ ଲଢୁଛନ୍ତି । ଯେତେବେଳେ କି ଦ୍ୱିତୀୟ ଅବତାରରେ ସେ ସାଧାରଣ ଏବଂ ଭୟଭୀତ ଥିବା ନଜର ଆସୁଛନ୍ତି ।
ଟ୍ରେଲରରୁ ଜଣାପଡୁଛି ଯେ, ଦେବରା ଚରିତ୍ରରେ ନଜର ଆସୁଥିବା ଜୁନିଅର ଏନଟିଆର ସମସ୍ତଙ୍କ ରକ୍ତ ପାଇଁ ତୃଷାର୍ତ୍ତ ସନ୍ଦର ଭୂମିକାରେ ନଜର ଆସୁଥିବା ସୈଫ ଅଲ୍ଲୀ ଖାନଙ୍କ ମଧ୍ୟରେ ଘମାଘୋଟ ଲଢେଇ ହେଉଛି ।ସୈଫ ଅଲ୍ଲୀ ଖାନଙ୍କୁ ‘ଦେବରା-ପୋର୍ଟ’ ରେ ଭୟଙ୍କର ଭିଲେନ ଭୂମିକାରେ ଦେଖିବାକୁ ମିଳିବ । ଏହି ଫିଲ୍ମରେ ସେ ଜୁନିଅର ଏନଟିଆର ସହିତ ପ୍ରତିଦ୍ୱନ୍ଦ୍ୱିତା କରୁଥିବା ଦେଖିବାକୁ ମିଳିବ । ଏହା ସହିତ ଜାହ୍ନବୀ କପୁର ଏହି ଫିଲ୍ମରେ ଜୁନିଅର ଏନଟିଆରଙ୍କ ସହ ରୋମାନ୍ସ କରୁଥିବା ଦେଖିବାକୁ ମିଳିବ । ଏହି ଚଳଚ୍ଚିତ୍ରର ନିର୍ଦ୍ଦେଶକ ହେଉଛନ୍ତି ଶିବା କୋରାତାଲା ଏବଂ ଯୁବାସୁଧା ଆର୍ଟସ ଏହି ଚଳଚ୍ଚିତ୍ର ନିର୍ମାଣ କରିଛନ୍ତି ।
ଏହି ଚଳଚ୍ଚିତ୍ରଟି ଚଳିତ ମାସ ୨୭ ତାରିଖରେ ରିଲିଜ ହେବାର ଥିଲା ହେଲେ ୌଣସି କାରଣ ବଶତଃ ରିଲିଜ ଡେଟ କୁ ଘୁଞ୍ଚାଇ ଦିଆଯାଇଛି ।
Naxatra News is now on Whatsapp
Join and get latest news update delivered to you via whatsapp
Join Now
