ଦକ୍ଷିଣ ଭାରତର ଲୋକପ୍ରିୟ ଅଭିନେତା ନାଗାର୍ଜୁନଙ୍କ ପୁଅ ନାଗା ଚୈତନ୍ୟ ପୂନର୍ବାର ବିବାହ କରିବାକୁ ଯାଉଛନ୍ତି । ସାମନ୍ଥା ରୂଥ ପ୍ରଭୂଙ୍କଠାରୁ ବିଧିବଦ୍ଧ ଭାବେ ଅଲଗା ହେବା ପରେ ନାଗା ଚୈତନ୍ୟ ଶୋଭିତା ଧୂଲିପାଲାଙ୍କ ପ୍ରେମରେ ପଡିଥିଲେ । ନିକଟରେ ଶୋଭିତାଙ୍କ ସହ ତାଙ୍କ ନିର୍ବନ୍ଧ ମଧ୍ୟ ହୋଇଛି । ଏହି ମଧ୍ୟରେ ନାଗା ଚୈତନ୍ୟ ଅକ୍ଟୋବର ୨୭ରେ ସାମନ୍ଥାଙ୍କ ସହ ଶେଷ ଫଟୋକୁ ମଧ୍ୟ ଡିଲିଟ କରିଛନ୍ତି ।ପୂର୍ବରୁ ସେ ଅନ୍ୟ ଫଟୋଗୁଡିକ କାଟି ଦେଇଥିଲେ ମଧ୍ୟ ଇନଷ୍ଟାଗ୍ରାମ ପେଜରେ ଫର୍ମୂଲା ୱାନ ରେସ ଟ୍ରାକରେ ଉଭୟଙ୍କ ଏକ ଆକର୍ଷଣୀୟ ଫଟୋ ରହିଥିଲା । ଯାହା ସେମାନେ ୨୦୧୮ରେ ଉଠାଇଥିଲେ ।
ଦୀର୍ଘଦିନ ଧରି ଭଲ ପାଇବା ପରେ ନାଗା ଚୈତନ୍ୟ ଓ ସାମନ୍ଥା ୨୦୧୭ରେ ବିବାହ କରିଥିଲେ । ଏହାର ୪ ବର୍ଷ ପରେ ଉଭୟଙ୍କ ଛାଡପତ୍ର ହୋଇଥିଲା । ୮ ଅଗଷ୍ଟ ୨୦୨୪ରେ ନାଗା ଚୈତନ୍ୟ ତାଙ୍କ ନୂଆ ପ୍ରେମିକା ତଥା ଅଭିନେତ୍ରୀ ଶୋଭିତାଙ୍କ ସହ ନିର୍ବନ୍ଧ ସମ୍ପନ୍ନ ହୋଇଛି । ଖୁବ ଶୀଘ୍ର ବିବାହ ତାରିଖ ଘୋଷଣା କରାଯିବ ବୋଲି ଉଭୟଙ୍କ ପକ୍ଷରୁ କୁହାଯାଇଛି ।
Naxatra News is now on Whatsapp
Join and get latest news update delivered to you via whatsapp
Join Now
