ଧାମନଗର ଥାନା ବେଦପୁର ଗାଁରେ ଗୋଷ୍ଠୀ ସଂଘର୍ଷ

ଭଦ୍ରକ: ଭଦ୍ରକ ଧାମନଗର ଥାନା ବେଦପୁର ଗାଁରେ ଗୋଷ୍ଠୀ ସଂଘର୍ଷ। ଗତକାଲି ବିଳମ୍ବିତ ରାତିରେ ଗଣେଶ ପୂଜା ମଣ୍ଡପକୁ ନେଇ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରିସ୍ଥିତି ସୃଷ୍ଟି ହୋଇଛି। ପରିସ୍ଥିତି ନିୟନ୍ତ୍ରଣ ପାଇଁ ଦୁଇ ତାରିଖ ଯାଏଁ ୧୪୪ ଧାରା ଜାରି କରିଛି ପ୍ରଶାସନ। ଗତ କାଲି ଏହି ଗ୍ରାମର କ୍ଲବ ପାଖରେ ଅନ୍ୟ ଗୋଷ୍ଠିର କିଛି ଯୁବକ ଗଣେଶ ପୂଜା କରିବା ପାଇଁ ପୂଜା ମଣ୍ଡପ ନିର୍ମାଣ କରିବାକୁ ଆସିଥିଲେ। ଏହାକୁ ବିରୋଧ କରିଥିଲେ କ୍ଲବ ର ଯୁବକ ମାନେ। ଫଳରେ ଏହାକୁ ନେଇ ସେଠାରେ ଗଣ୍ଡଗୋଳ ହୋଇଥିଲା। ଏପରିକି ଦୁଇ ଦଳ ସମର୍ଥକ ଙ୍କ ମଧ୍ୟରେ ଗଣ୍ଡଗୋଳ ଓ ମାରପିଟ ହୋଇଥିଲା। ଖବର ପାଇ ପୋଲିସ ଏବଂ ତହସିଲଦାର ଘଟଣାସ୍ଥଳରେ  ପହଂଚିଥିବାବେଳେ ସେମାନଙ୍କ ଉପସ୍ଥିତି ରେ ମଧ୍ୟ ଗଣ୍ଡଗୋଳ ହୋଇଥିଲା। ତେଣୁ ତହସିଲଦାର ଭଦ୍ରକ ଉପଜିଲ୍ଲାପାଳ ଙ୍କୁ ଜଣାଇବା ପରେ ସେଠାରେ 144 ଧାରା ଜାରି କରାଯିବା ସହିତ ପୋଲିସ ମୁତୟନ କରାଯାଇଛି।

Naxatra News is now on Whatsapp

Join and get latest news update delivered to you via whatsapp

Join Now