ପୁଣି ଡରାଇଲାଣି କରୋନା। ଯେଉଁଠି ବଢ଼ୁଛି, ସେଇଠି ପଦକ୍ଷେପ ନିଅ । ପ୍ରତେକ ଦିନର ଖବର ସ୍ୱାସ୍ଥ୍ୟ ବିଭାଗ ଦିଅ। ଆଗୁଆ ପଦକ୍ଷେପ ସ୍ୱରୂପ ଜିଲାପାଳଙ୍କୁ ସ୍ୱାସ୍ଥ୍ୟ ବିଭାଗର କଡା ନିର୍ଦ୍ଦେଶ । ଚତୁର୍ଥ ଲହରକୁ ଅନେକ କଳ୍ପନା ଜଳ୍ପନା ଲାଗି ରହିଛି। ଏହାରି ଭିତରେ ଜନ ସ୍ଵାସ୍ଥ୍ୟ ନିର୍ଦ୍ଦେଶକଙ୍କର ଏକ ବଡ଼ ବୟାନ ସାମ୍ନାକୁ ଆସିଛି। କରୋନା ଭାଇରସ କୁଆଡ଼େ ଯିବନି, କିନ୍ତୁ ତାର ରୋଗ କରିବା କ୍ଷମତା କମିଯିବ । କିନ୍ତୁ ସମ୍ଭାବ୍ୟ ଲହରରେ ସଂକ୍ରମଣ ବଢି ନ ପାରେ ବୋଲି କହି ହେବ ନାହିଁ। ଏବେ ରାଜ୍ୟର ଦୈନିକ ସଂକ୍ରମଣ ୧୫ ତଳେ ରହିଛି । ମାତ୍ର ୫ ରୁ ୬ଟି ଜିଲ୍ଲାରେ ନୂଆ ମାମଲା ଆସୁଛି । ଆକ୍ଟିଭ କେସ ସଂଖ୍ୟା ୧୦୦ ତଳେ। ତେଣୁ ଆତଙ୍କିତ ହେବାର ଆବଶ୍ୟକତା ନାହିଁ। ଯଦି ପଜେଟିଭିଟି ବଢେ ତେବେ ତା ପାଇଁ ସରକାର ପ୍ରସ୍ତୁତ ଥିବା କହିଛନ୍ତି ଜନ ସ୍ଵାସ୍ଥ୍ୟ ନିର୍ଦ୍ଦେଶକ।
ପୂର୍ବ ୩ ଲହରରୁ ରାଜ୍ୟ ସରକାରଙ୍କ ଅନେକ ଅଭିଜ୍ଞତା ରହିଛି । ଯଦି ଚତୁର୍ଥ ଲହର ଆସେ ତେବେ ଏହାର ମୁକାବିଲା ପାଇଁ ରାଜ୍ୟ ସରକାରଙ୍କୁ ବିଶେଷ ଅସୁବିଧା ହେବ ନାହିଁ । ବର୍ତ୍ତମାନ ସମୟରେ ଅଧିକ କଟକଣା ଲାଗୁ କରିବା ଠିକ୍ ହେବ ନାହିଁ ବୋଲି କହିଛନ୍ତି ସ୍ୱାସ୍ଥ୍ୟ ବିଶେଷଜ୍ଞ
ଗତକାଲି ତୁଳନାରେ ୨.୨% ପ୍ରତିଶତ ବଢିଛି ସଂକ୍ରମଣ। ଗତ ୨୪ ଘଂଟା ମଧ୍ୟରେ ଦେଶରେ ୨୪ ଘଣ୍ଟାରେ ୩ହଜାର ୩୭୭ ନୂଆ ପଜିଟିଭ୍ ଚିହ୍ନଟ ହୋଇଛନ୍ତି।
