ଭଦ୍ରକ ଜିଲ୍ଲା ତିହିଡି ବ୍ଳକ ନରେନ୍ଦ୍ରପୁର ଗ୍ରାମ ପଞ୍ଚାୟତ ଅନ୍ତର୍ଗତ ଛତ୍ରପଦା ଗ୍ରାମରେ ଘଟିଛି ଅଭାବନୀୟ ଘଟଣା। ସୂଚନା ଅନୁଯାୟୀ ଏହି ଗ୍ରାମର ଅବନି ନାୟକ ବିଭିନ୍ନ ସମୟରେ ନିକଟସ୍ଥ ଧାମରା ରେଳପଥରୁ କୋଇଲା ଚୋରୀକୁ ବିରୋଧ କରୁଥିଲେ । ଗତକାଲି ବିଳମ୍ବିତ ରାତିରେ ୧୦ରୁ ଉର୍ଦ୍ଧ୍ବ କୋଇଲା ବୋଝେଇ ପିକପ ଭ୍ୟାନ ତାଙ୍କ ଘରବାଟ ଦେଇ ଯାଉଥିଲା ,ଯାହାକୁ ସେ ବିରୋଧ କରିବା ସହ ପୋଲିସକୁ ଖବର ଦେଇଥିଲେ । ଏହାପରେ କୋଇଲା ମାଫିଆଙ୍କ ସହ ଅବନିଙ୍କର ଧସ୍ତାଧସ୍ତି ହୋଇଥିଲା । ଶେଷରେ ଛଅ ରୁ ସାତ ଜଣ କୋଇଲା ମାଫିଆ ମିଶି ତାଙ୍କୁ ମାଡ଼ ମାରିଥିଲେ ଓ ତାଙ୍କ ମାଡରେ ଅବନି ମୃତ୍ୟୁ ବରଣ ହୋଇଥିବା କଥା ଅବନୀଙ୍କ ସ୍ତ୍ରୀ କହିଛନ୍ତି। ଚୋରା କୋଇଲା ମାଫିଆ ମାନେ ମାରି ବାହରପଟୁ କବାଟ ବନ୍ଦ କରି ଚାଲିଯାଇଥିଲେ। ଖବର ପାଇ ପୀରହାଟ ପୋଲିସ ପହଞ୍ଚି ଅଧିକ ତଦନ୍ତ ଆରମ୍ଭ କରିଥିବା ସୂଚନା ମିଳିଛି।
Naxatra News is now on Whatsapp
Join and get latest news update delivered to you via whatsapp
Join Now