ବଞ୍ଜାରୁଣି ମନ୍ଦିର ଚୋରି ମାମଲାରେ ୨ ଗିରଫ

ଜୟପୁର : ଜୟପୁର ସହରର ଗୋପବନ୍ଧୁ ନଗରରେ ଥିବା ବଞ୍ଜାରୁଣି ମନ୍ଦିର ଚୋରି ମାମଲାର ପର୍ଦ୍ଦାଫାସ କରିଛି ଟାଉନ ପୋଲିସ । ଏହି ମାମଲାରେ ୨ ଜଣ କୁ ଗିରଫ କରିବା ସହ ଅନ୍ୟ ଜଣେ ନାବାଳକକୁ ଜୁଭେଲାଇନଜଷ୍ଟିସ ବୋର୍ଡ ଙ୍କ ନିକଟରେ ହାଜର କରିଛି । ଗିରଫ ଅଭିଯୁକ୍ତ ମାନେ ହେଲେ ଓଡିଆ ମେଦ୍ରୀ ସାହିର ହରି ନାୟକ (୨୦) ଓ ବିଶାଳ ନାଗ (୧୯) । ପୋଲିସ ସୂଚନା ଅନୁଯାଇ ଜୟପୁର ସହରର ଗୋପବନ୍ଧୁ ନଗରରେ ଥିବା ବଞ୍ଜାରୁଣି ମନ୍ଦିରରେ ସୁନା ଓ ରୁପା ଗହଣା କିଛି ଟଙ୍କା ଚୋରି ହୋଇଥିବା ନେଇ ଟାଉନ ଥାନାରେ ଅଭିଯୋଗ ହୋଇଥିଲା । ଅଭିଯୋଗ ପାଇ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ତଦନ୍ତରେ ଜାଣି ୩ ଜଣକୁ କାବୁ କରିଥିଲା । ୩ ଜଣଙ୍କ ଠାରୁ କିଛି ସୁନା ଓ ରୁପା ଗହଣା କୁ ଜବତ କରିଛି । ୨ ଅଭିଯୁକ୍ତ କୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ଅନ୍ୟ ଜଣେ ନାବାଳକ ଥିବାରୁ ଜୁଭେଲାଇନ ଜଷ୍ଟିସ ବୋର୍ଡ ଙ୍କ ନିକଟରେ ହାଜର କରାଯାଇଥିବା ଟାଉନ ପୋଲିସ ତରଫରୁ ସୂଚନା ଦିଆଯାଇଛି ।