ଉତ୍ତରାଖଣ୍ଡରେ ସେପ୍ଟେମ୍ବର ୨୦୨୨ରେ ଘଟିଥିବା ବହୁ ଚର୍ଚ୍ଚିତ ୧୯ ବର୍ଷୀୟ ଅଂକିତା ଭଣ୍ଡାରୀଙ୍କ ହତ୍ୟା ଘଟଣାର ରାୟ ଆସିବ। ମେ ୩୦ରେ ଏହାର ରାୟ ଆସିବ। ଅଙ୍କିତା ଭଣ୍ଡାରୀ ହତ୍ୟାକାଣ୍ଡ ଉତ୍ତରାଖଣ୍ଡ ସମେତ ସାରା ଦେଶକୁ ଆନ୍ଦୋଳିତ କରିଥିଲା। ଅଂକିତା ଏକ ଗ୍ରାହକ ସେବାକାରିଣୀ ବା ରିସିପସନିଷ୍ଟ ଭାବରେ ବାନ୍ତାନତା ରିସୋର୍ଟରେ କାମ କରୁଥିଲେ। ଅଭିଯୋଗ ଅନୁଯାୟୀ, ତାଙ୍କୁ “ଭିଆଇପି ସେବା” ଦେବା ପାଇଁ ଚାପ ପକାଯାଇଥିଲା। ତିନି ଜଣ ଅଭିଯୁକ୍ତ – ରିସୋର୍ଟ ମାଲିକ ପୁଲକିତ ଆର୍ୟ, ଓ ତାଙ୍କ ସହଯୋଗୀ ଅଙ୍କିତ ଗୁପ୍ତା ଓ ସୌରଭ ଭାସ୍କର ତାଙ୍କୁ ଚିଲ୍ଲା କେନାଲରେ ଧକା ଦେଇ ହତ୍ୟା କରିଥିବା ଅଭିଯୋଗ ଥିଲା। ପରେ ତାଙ୍କ ମୃତଦେହ କେନାଲରୁ ଉଦ୍ଧାର କରାଯାଇଥିଲା। ମାର୍ଚ୍ଚ ୨୦୨୩ରେ ତିନି ଅଭିଯୁକ୍ତଙ୍କ ବିରୋଧରେ ମର୍ଡର (ଧାରା ୩୦୨), ସାକ୍ଷ୍ୟ ନଷ୍ଟ (ଧାରା ୨୦୧), ମହିଳାଙ୍କ ଉପରେ ଅତ୍ୟାଚାର (ଧାରା ୩୫୪A), ଓ ଅନୈତିକ ଯାନଚଳାଚଳ ନିଷେଧ ଆଇନ ଅନୁଯାୟୀ ଅଭିଯୋଗ ଫର୍ଦ୍ଦ ଦାଖଲ ହୋଇଥିଲା। ଡିସେମ୍ୱର ୨୦୨୩ରେ ଉତ୍ତରାଖଣ୍ଡ ହାଇକୋର୍ଟ ପୁଲକିତ ଆର୍ୟଙ୍କ ବେଲ ଆବେଦନକୁ ଖାରଜ କରିଥିଲେ। ଅଦାଳତ ତାଙ୍କ ଅପରାଧକୁ ଯୋଜନାବଦ୍ଧ ଓ ଭୟାବହ ଭାବରେ ବିବେଚନା କରିଥିଲେ। ମାର୍ଚ୍ଚ ୨୦୨୫ ଯାଏ ଏହି ନ୍ୟାୟିକ ପ୍ରକ୍ରିୟାରେ ଶହେ ସାକ୍ଷୀଙ୍କ ଭିତରୁ ୪୯ ଜଣଙ୍କ ସାକ୍ଷ୍ୟ ଗ୍ରହଣ ସରିଥିଲା। ପୌଡ଼ି ଜିଲ୍ଲାର ବନନ୍ତତ୍ରା ରିସୋର୍ଟରେ କାମ କରୁଥିବା ଅଙ୍କିତା ହତ୍ୟାକାଣ୍ଡର ଶୁଣାଣୀ ସମ୍ପୂର୍ଣ୍ଣ ହୋଇସାରିଛି। ଆଉ ମେ ୩୦ରେ ଏହାର ରାୟ ଆସିବ। ଅଙ୍କିତା ହତ୍ୟାକାଣ୍ଡର ଶୁଣାଣୀ କୋଟଦ୍ୱାରଙ୍କ ଏଡିଡେ କୋର୍ଟରେ ମାର୍ଚ୍ଚ ୨୮,୨୦୨୩ରୁ ଆରମ୍ଭ ହୋଇଥିଲା। ପ୍ରାୟ ୨ ବର୍ଷ ମାମଲା ଚାଲିଥିଲା। ୫ଶହ ପୃଷ୍ଠାର ଚାର୍ଜସିଟ୍ ଦାଖଲ ହୋଇଛି।
Naxatra News is now on Whatsapp
Join and get latest news update delivered to you via whatsapp
Join Now
