ଆସ୍କାରେ ନିର୍ବାଚନ ପରବର୍ତ୍ତୀ ହିଂସା

ଆସ୍କାରେ ନିର୍ବାଚନ ପରବର୍ତ୍ତୀ ହିଂସା। ଧରାକୋଟ ଥାନାର ସୁନ୍ଦିପଲ୍ଲୀ ଗାଁରେ ନିର୍ବାଚନ ପରବର୍ତ୍ତୀ ହିଂସା ଦେଖିବାକୁ ମିଳିଥିଲା। ଗାଁର ୩୫ ବର୍ଷୀୟ  ଯୁବକ ମିଟୁ ବିଶୋୟୀଙ୍କୁ ପିଟିପିଟି ହତ୍ୟା କରିଥିବା ଅଭିଯୋଗ ହୋଇଛି। ଏପରିକି ମିଟୁଙ୍କ ମୁଣ୍ଡ ଓ ଗୋଡ଼କୁ ହଣା ଯାଇଥିବା ଦାଗ ରହିଛି।

ମିଟୁଙ୍କ ମା କହିବା ଅନୁଯାୟୀ ଗତ 2024 ସାଧାରଣ ନିର୍ବାଚନରେ ମିଟୁ ଗାଁ ରେ କଂଗ୍ରେସ ଦଳ ପକ୍ଷରେ ଥିଲେ। ଗାଁ ରେ ପୂର୍ବରୁ କଂଗ୍ରେସ ଓ ବିଜେଡି ଦୁଇଟି ଗୋଷ୍ଠି ରହିଥିଲେ। ଗତ 4 ତାରିଖରେ ଫଳା ଫଳ ବାହାରିବା ପରେ ମିଟୁ ସହ ବିଜେଡି କର୍ମୀ କାଳୁ ନାୟକ ପାଟି ତୁଣ୍ଡ କରିଥିଲେ। ଗତକାଲି ରାତ୍ରରେ ମିଟୁ ଗ୍ରାମର ପୋଖରୀକୁ ଗାଧେଇବାକୁ ଯାଇଥିବା ବେଳେ କାଳୁ ମିଟୁ ଉପରକୁ ଆକ୍ରମଣ କରିଥିଲା ଓ ତାଙ୍କୁ ଏକ ଠେଙ୍ଗା ଓ କୌଣସି ଧାରୁଆ ଅସ୍ତ୍ର ରେ ପିଟି ପିଟି ରକ୍ତାକ୍ତ କରି ଦେଇଥିଲେ। ମିଟୁଙ୍କ ଘର ଲୋକ ଖବର ପାଇବା ପରେ ମିଟୁଙ୍କ ମା ଘଟଣା ସ୍ଥଳରେ ପହଞ୍ଚି ଥିଲେ । ସେ ଆକଟ କରିବାରୁ ତାଙ୍କୁ ମଧ୍ୟ ଆକ୍ରମଣ କରାଯାଇଥିଲା । ଶେଷରେ ଗାଁ ଲୋକଙ୍କ ହସ୍ତକ୍ଷେପ ପରେ ମିଟୁଙ୍କୁ ଛାଡି ପଳାଇଥିଲା ଦୁବୃତ୍ତ । ମିଟୁଙ୍କୁ ଗୁରୁତର ଅବସ୍ଥାରେ ଆସିକା ପରେ ବ୍ରହ୍ମପୁର ମେଡିକାଲ କୁ ନିଆ ଯାଇଥିଲା ।ସେଠାରେ ଚିକିତ୍ସା କରି ଆଜି ଘରକୁ ଆଣିବା ରାସ୍ତାରେ ତାଙ୍କର ମୃତ୍ୟୁ ହୋଇଛି।

ତେବେ ଘଟଣାସ୍ଥଳରେ ବଡ଼ଗଡ଼ ପୁଲିସ ଓ ଧରାକୋଟ ପୁଲିସ ପହଞ୍ଚି ଶବ ଜବତ କରି ତଦନ୍ତ ଜାରି ରଖିଛି।

Naxatra News is now on Whatsapp

Join and get latest news update delivered to you via whatsapp

Join Now