ଏକ ସପ୍ତାହ ପୂର୍ବରୁ ମହାରାଷ୍ଟ୍ରର ସିନ୍ଧୁଦର୍ଗ ଜିଲ୍ଲାରେ ଛତ୍ରପତି ଶିବାଜୀ ମହାରାଜଙ୍କ ପ୍ରତିମୂର୍ତ୍ତି ଭୁଶୁଡ଼ିବା ଘଟଣାରେ ଶୁକ୍ରବାର ଦିନ ଏହି ମୂର୍ତ୍ତିର ନକ୍ସା ନିର୍ମାତାଙ୍କୁ ଗିରଫ କରାଯାଇଛି।
କୋଲହାପୁର କ୍ରାଇମ ବ୍ରାଞ୍ଚ ଏବଂ ମାଲଭାନ ପୁଲିସର ମିଳିତ ଅପରେସନରେ କୋଲହାପୁରର ବାସିନ୍ଦା ଚେତନ ପାଟିଲଙ୍କୁ ସକାଳେ ଗିରଫ କରାଯାଇଥିଲା। ଏହାପରେ ତାଙ୍କୁ ମାଲଭାନ ପୁଲିସ ହେପାଜତକୁ ସ୍ଥାନାନ୍ତର କରାଯାଇଥିଲା।ଏହି ମାମଲାରେ ଏଫଆଇଆରରେ ନାମିତ ପାଟିଲ ଏହି ପ୍ରକଳ୍ପ ପାଇଁ ଗଠନମୂଳକ ପରାମର୍ଶଦାତା ଥିଲେ ବୋଲି ପୂର୍ବରୁ ମନା କରିଦେଇଥିଲେ। ପ୍ରତିମୂର୍ତ୍ତୀ ପାଇଁ ପ୍ଲାଟଫର୍ମରେ କାମ କରିବା ପାଇଁ ତାଙ୍କୁ କେବଳ ଦାୟିତ୍ବ ଦିଆଯାଇଥିବା ବେଳେ ଥାନେ ଭିତ୍ତିକ କମ୍ପାନି ଏହି ପ୍ରତିମୂର୍ତ୍ତି ସମ୍ବନ୍ଧୀୟ କାର୍ଯ୍ୟ ପରିଚାଳନା କରୁଥିବା ସେ କହିଥିଲେ।
ସିନ୍ଧୁଦର୍ଗର ମାଲଭାନରେ ରାଜକୋଟ ଦୁର୍ଗରେ ୧୭ ଶତାବ୍ଦୀର ମରାଠା ଯୋଦ୍ଧା ରାଜାଙ୍କ ୩୫ ଫୁଟର ପ୍ରତିମୂର୍ତ୍ତି ଅଗଷ୍ଟ ୧୬ ତାରିଖ, ସୋମବାର ପ୍ରାୟ ଦିନ ୧ଟା ସମୟରେ ଭୁଶୁଡି ପଡ଼ିଥିଲା। ଏହାକୁ ମାତ୍ର ୯ ମାସ ତଳେ ପ୍ରଧାନମନ୍ତ୍ରୀ ତାଙ୍କ ଜନ୍ମଦିନରେ ଉନ୍ମୋଚନ କରିଥିଲେ।
Naxatra News is now on Whatsapp
Join and get latest news update delivered to you via whatsapp
Join Now
