ବାହାଘରର ୧୫ ଦିନରେ ସ୍ୱାମୀଙ୍କୁ ମର୍ଡର

ୟୁପିର ଔରିୟାରୁ ଆସିଛି ଛାତିଥରା ଘଟଣା। ପ୍ରେମିକଙ୍କୁ ଟଙ୍କା ଦେଇ ସୁପାରୀ କିଲର ନିୟୋଜିତ କରିଥିଲା ପତ୍ନୀ। ଆଉ ସବୁଦିନ ଲାଗି ରାସ୍ତାରୁ ହଟାଇଦେଲା ସ୍ୱାମୀକୁ। ବିବାହର ମାତ୍ର ୧୫ଟା ଦିନ ଭିତରେ ଏଭଳି ବୀଭତ୍ସ ହତ୍ୟାକାଣ୍ଡର ମାଷ୍ଟରମାଇଣ୍ଡ୍ ପ୍ରଗତି ଓ ତାହାର ସହଯୋଗୀ ପ୍ରେମିକ ଅନୁରାଗକୁ ପୁଲିସ ଗିରଫ କରିଛି। ପ୍ରଗତି ସହ ଦିଲ୍ଲୀପର ବିବାହ ହୋଇଥିଲା। କିନ୍ତୁ ପ୍ରଗତିର ଏଥିରେ ସହମତି ନଥିଲା। ପରିବାର ଜବରଦସ୍ତି ବିବାହ କରାଇଦେଇଥିଲେ। ପ୍ରଗତି ମାତ୍ର ୫ଦିନ ଶ୍ୱଶୁର ଘରେ ରହିଥିଲା। ତା ପରେ ନିଜ ଘରକୁ ଚାଲିଯାଇଥିଲା। ପ୍ରଗତି କୌଣସିମତେ ନିଜ ପ୍ରେମିକ ସହ ଜୀବନ ବିତାଇବାକୁ ଚାହୁଁଥିଲା। ଏଥିଲାଗି ନିଜ ମୁହଁ ଦେଖାରୁ ଆସିଥିବା ଅର୍ଥ ଓ କିଛି ଗହଣା ବିକି ଲକ୍ଷେ ଟଙ୍କା ଆଗ ଯୋଗାଡ଼ କରିଥିଲା। ଏହି ଲକ୍ଷେ ଟଙ୍କା ପ୍ରେମିକ ଅନୁରାଗକୁ ଦେଇଥିଲା। ଅନୁରାଗ ଏହି ଟଙ୍କାକୁ ହତ୍ୟାକାରୀକୁ ଦେଇଥିଲା। ଦିଲ୍ଲୀପର ମୁଣ୍ଡକୁ ଗୁଳି କରି ମର୍ଡର କରିଥିଲା ସୁପାରୀ କିଲର। ଶେଷରେ ପୁଲିସ ଛାନଭିନ୍ କରି ସମସ୍ତ ଅଭିଯୁକ୍ତଙ୍କୁ ଗିରଫ କରିଛି। ଅଭିଯୁକ୍ତ ପତ୍ନୀ ପ୍ରଗତି ଯାଦବ, ତାଙ୍କର ପ୍ରେମିକ ଅନୁରାଗ ଯାଦବ ଓ ସୁପାରୀ କିଲର ରାମଜୀ ନଗରକୁ ଗିରଫ କରିଛି ପୁଲିସ। ସମ୍ପତ୍ତି ଉପରେ କବଜା କରି ପ୍ରେମୀ ସହ ରହିବାର ଯୋଜନା ଶେଷରେ ଫସର ଫାଟିଯାଇଛି। ଶବ ବ୍ୟବଛେଦରୁ ଦିଲ୍ଲୀପର ଶରୀରରେ ୯ଟି ଗଭୀର କ୍ଷତ ମିଳିଛି। ଧାରୁଆ ଅସ୍ତ୍ରରେ ହଣାଯାଇଥିଲା। ମୁଣ୍ଡ ପଛରେ ୩୧୫ ବୋର୍ ପିସ୍ତଲରେ ଗୁଳି ମରାଯାଇଛି।

Naxatra News is now on Whatsapp

Join and get latest news update delivered to you via whatsapp

Join Now