ଜାତୀୟପ୍ରତିରକ୍ଷା

ଭାରତ ନିଜେ ନିର୍ମାଣ କରିବ ୪୦୦ କିଲୋମିଟର ରେଞ୍ଜ ବିଶିଷ୍ଟ ଏୟାର ମିସାଇଲ୍ ଡିଫେନ୍ସ ସିଷ୍ଟମ୍

ନୂଆଦିଲ୍ଲୀ : ଭାରତ ନିଜର ୪୦୦ କିଲୋମିଟର ରେଞ୍ଜ  ବିଶିଷ୍ଟ ଭୂପୃଷ୍ଠରୁ ବାୟୁ କ୍ଷେପଣାସ୍ତ୍ର ପ୍ରତିରକ୍ଷା ପ୍ରଣାଳୀ ବିକାଶିତ କରୁଛି । ତ୍ରୀସ୍ତରୀୟ ଦୂରଗାମୀ ଭୂପୃଷ୍ଠରୁ ବାୟୁ କ୍ଷେପଣାସ୍ତ୍ର ପ୍ରଣାଳୀର ବିକାଶ ପ୍ରସ୍ତାବ ପ୍ରତିରକ୍ଷା ମନ୍ତ୍ରଣାଳୟ ପାଖରେ ଅଛି ଏବଂ ଖୁବ ଶୀଘ୍ର ଏହାକୁ ଅନୁମୋଦନ କରାଯିବ ବୋଲି ଆଶା କରାଯାଉଛି । ଭାରତ ବର୍ତ୍ତମାନ ଋଷରୁ ପାଞ୍ଚଟି ଏସ୍ – ୪୦୦ ବାୟୁ ପ୍ରତିରକ୍ଷା ପ୍ରଣାଳୀ କିଣିଛି, ସେଥିମଧ୍ୟରୁ ତିନୋଟିକୁ ନିୟୋଜିତ କରାଯାଇଛି ।

ପ୍ରତିରକ୍ଷା ମନ୍ତ୍ରଣାଳୟର ଜଣେ ଅଧିକାରୀ କହିଛନ୍ତି ଯେ, ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (DRDO) ନିଜର ୪୦୦ କିଲୋମିଟର ରେଞ୍ଜ  ଦୂରଗାମୀ ବାୟୁ ପ୍ରତିରକ୍ଷା ପ୍ରଣାଳୀ ବିକାଶ କରୁଛି, ଯାହା ଋଷରୁ ନିଆଯାଇଥିବା ଏସ୍ – ୪୦୦ ସିଷ୍ଟମ ସହିତ ସମାନ । ଏହି ପ୍ରସ୍ତାବ ଆଗୁଆ ପର୍ଯ୍ୟାୟରେ ଅଛି ଏବଂ ଖୁବ ଶୀଘ୍ର ପ୍ରତିରକ୍ଷା ମନ୍ତ୍ରଣାଳୟ ଏହାକୁ ମଞ୍ଜିରୀ ଦେବେ । ଏହି ପ୍ରକଳ୍ପର ଆନୁମାନିକ ମୂଲ୍ୟ ୨.୫ ବିଲିୟନ ଡ଼ଲାର ଅଟେ, ଯାହା ଶତ୍ରୁକୁ ବାୟୁରେ ହିଁ ପରାସ୍ତ କରିବାର ଏକ ସ୍ୱଦେଶୀ କ୍ଷମତା ଭାରତକୁ ଦେବ । ଏହି କ୍ଷେପଣାସ୍ତ୍ର ପ୍ରଣାଳୀରେ ତିନି ସ୍ତରର ଭୂପୃଷ୍ଠରୁ ବାୟୁ କ୍ଷେପଣାସ୍ତ୍ର ରହିବ ଯାହା ବିଭିନ୍ନ ରେଞ୍ଜରେ ଟାର୍ଗେଟକୁ ମାରିବାରେ ସକ୍ଷମ ହେବ ।

ଭାରତ ପୂର୍ବରୁ ଇସ୍ରାଏଲ ସହିତ MR-SAM ମଧ୍ୟମ-ରେଞ୍ଜ୍ ବିଶିଷ୍ଟ ସରଫେସ-ଟୁ-ଏୟାର ମିସାଇଲ ସିଷ୍ଟମ ବିକଶିତ କରିବା ପାଇଁ କାର୍ଯ୍ୟ କରିସାରିଛି, ଯାହାକି ୭୦ କିଲୋମିଟରରୁ ଅଧିକ ଦୂରତା ପର୍ଯ୍ୟନ୍ତ ଲକ୍ଷ୍ୟ ଭେଦ କରିପାରିବ । ସୂତ୍ରରୁ ପ୍ରକାଶ ଯେ, ଭାରତୀୟ ପ୍ରଣାଳୀ ରୁଷରୁ ମିଳିଥିବା ଏସ୍ – ୪୦୦ ବାୟୁ ପ୍ରତିରକ୍ଷା ପ୍ରଣାଳୀର ବର୍ଗରେ ରହିବ ଏବଂ ଚୀନ୍-ପାକିସ୍ତାନ ସୀମାରେ ନିୟୋଜିତ ହେବ । ଭୂପୃଷ୍ଠରୁ ବାୟୁ କ୍ଷେପଣାସ୍ତ୍ର ପ୍ରଣାଳୀର ବିକାଶ ଏପରି ଏକ ସମୟରେ ଆସିଛି ଯେତେବେଳେ DRDO ଉଭୟ ସ୍ଥଳଭାଗ ଏବଂ ଯୁଦ୍ଧ ଜାହାଜ ଭିତ୍ତିକ ପ୍ରଣାଳୀ ପାଇଁ ବାୟୁ ପ୍ରତିରକ୍ଷା ଅସ୍ତ୍ର ବିକଶିତ କରିବାରେ ଉଲ୍ଲେଖନୀୟ ସଫଳତା ହାସଲ କରିଛି ।

ଭାରତୀୟ ବାୟୁସେନା LR-SAM ପ୍ରକଳ୍ପର ନେତୃତ୍ୱ ନେବ, ଯାହା ପ୍ରତିରକ୍ଷା ହାର୍ଡୱେରରେ ସ୍ୱଦେଶୀକରଣକୁ ପ୍ରୋତ୍ସାହିତ କରିବ । DRDO ର LRSAM ପ୍ରକଳ୍ପ ଆରମ୍ଭ ହେବା ପରେ ଭାରତୀୟ ନୌସେନା ଏହାର ସ୍ୱଦେଶୀ LR-SAM ସିଷ୍ଟମର ନାମ MR-SAM ଭାବରେ ନାମିତ କରିଛି । ସେନା ଏବଂ ବାୟୁସେନାରେ ପୂର୍ବରୁ MR-SAM ନାମକ ଏକ ସ୍ୱଦେଶୀ ବ୍ୟବସ୍ଥା ଥିଲା ।

ଭାରତ ଏବଂ ଋଷ ମଧ୍ୟରେ ପାଞ୍ଚଟି ସ୍କ୍ୱାଡ୍ରନ୍ ଏସ୍ – ୪୦୦ ମିସାଇଲ ସିଷ୍ଟମ ପାଇଁ ଚୂକ୍ତି ସ୍ୱାକ୍ଷର ହୋଇଛି ଯାହାର ମୂଲ୍ୟ ୩୫ ହଜାର କୋଟିରୁ ବି ଅଧିକ । ଋଷ ଏପର୍ଯ୍ୟନ୍ତ ଭାରତକୁ ତିନୋଟି ଏସ୍ – ୪୦୦ ମିସାଇଲ ସିଷ୍ଟମ ଯୋଗାଇ ଦେଇଥିବାବେଳେ ଦୁଇଟି ଏପର୍ଯ୍ୟନ୍ତ ଦେବା ବାକି ଅଛି । ଋଷରୁ ପ୍ରାପ୍ତ ଦୁଇଟି ଏସ୍ – ୪୦୦ r ସ୍କ୍ୱାଡ୍ରନ୍ ଦେଶର ଉତ୍ତର ଏବଂ ପୂର୍ବ ଅଞ୍ଚଳରେ ନିୟୋଜିତ ହୋଇଛନ୍ତି । ତୃତୀୟ ସ୍କ୍ୱାଡ୍ରନ୍ ପାକିସ୍ତାନ ସୀମାରେ ନିୟୋଜିତ ହେବାକୁ ଯାଉଛି ।

Related Articles

Leave a Reply

Your email address will not be published.

Back to top button