ଚଳଚିତ୍ର ଏବଂ ବ୍ୟକ୍ତିଗତ ଜୀବନ ପାଇଁ ସବୁବେଳେ ହେଡ୍ ଲାଇନରେ ରହିଆସିଛନ୍ତି ଆମିର ଖାନ୍ । ଲୋକମାନେ ବ୍ୟକ୍ତିଗତ ଜୀବନ ବିଷୟରେ ଆମିରଖାନଙ୍କୁ ଅନେକ ପ୍ରଶ୍ନ ପଚାରିଥାନ୍ତି । ଆମିର ଖାନ ଦୁଇ ଥର ମ୍ୟାରେଜ କରିଛନ୍ତି । ତାଙ୍କର ପ୍ରଥମ ସ୍ତ୍ରୀ ରିନା ଦତ୍ତା । ଆମିର ୧୯୮୬ରେ ବିବାହ କରିଥିଲେ । ଏହି ବିବାହ ୧୬ ବର୍ଷ ପର୍ଯ୍ୟନ୍ତ ଚାଲିଥିଲା । ତାଙ୍କର ୨ଟି ସନ୍ତାନ ଆୟାର ଏବଂ ଜୁନୈଦ ଅଛନ୍ତି
ରିନାଙ୍କ ପରେ ଆମିର କିରଣ ରାଓଙ୍କୁ ବିବାହ କରିଥିଲେ । କିରଣ ଏବଂ ଆମିରଙ୍କର ଜଣେ ପୁତ୍ର ଆଜାଦ ଅଛନ୍ତି । କିଛି ଦିନ ପୂର୍ବରୁ ଆମିର ଏବଂ କିରଣ ଅଲଗା ହୋଇଯାଇଛନ୍ତି । ତାଙ୍କ ଜୀବନରୁ ଦୁହେଁ ଯିବା ପରେ ଏବେ ସମସ୍ତେ ପ୍ରଶ୍ନ ପଚାରୁଛନ୍ତି ଯେ ସେ ତୃତୀୟ ଥର ବିବାହ କରିବେ କି ? ଆମିର ଏବେ ନିରବତା ଭାଙ୍ଗି ଉତ୍ତର ଦେଇଛନ୍ତି ।
କିରଣ ଏବଂ ଆମିର ୨୦୨୧ ମସିହାରେ ଅଲଗା ହେବାକୁ ନିଷ୍ପତ୍ତି ନେଇଥିଲେ। ସେମାନେ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଛାଡପତ୍ର ଘୋଷଣା କରିଥିଲେ। ବର୍ତ୍ତମାନ, ଆମିର ରିୟା ଚକ୍ରବର୍ତ୍ତୀଙ୍କ ପୋଡକାଷ୍ଟକୁ ଯାଇଥିଲେ ଯେଉଁଠାରେ ଅଭିନେତ୍ରୀ ତାଙ୍କୁ ପୁନର୍ବାର ବିବାହ ବିଷୟରେ ପଚାରିଥିଲେ।
ଯେତେବେଳେ ରିୟା ଆମିରଙ୍କୁ ତୃତୀୟ ଥର ବିବାହ ବିଷୟରେ ପଚାରିଲେ, ସେ କହିଥିଲେ – ମୋର ବୟସ ୫୯ ବର୍ଷ ହେଲାଣି। ମୁଁ ଭାବୁନାହିଁ ଯେ ମୁଁ ବର୍ତ୍ତମାନ ପୁନର୍ବାର ବିବାହ କରିବାକୁ ସମର୍ଥ ହେବି। ଏହା ଅସମ୍ଭବ ଲାଗୁଛି। ମୋ ଜୀବନରେ ବର୍ତ୍ତମାନ ଅନେକ ସମ୍ପର୍କ ଅଛି। ମୁଁ ମୋ ପରିବାର ସହିତ ମିଳିତ ହୋଇଛି। ମୋର ସନ୍ତାନ, ଭାଇ ଓ ଭଉଣୀମାନେ ଅଛନ୍ତି। ମୋର ନିକଟତର ଲୋକମାନଙ୍କ ସହିତ ମୁଁ ଖୁସି ଅଛି। ମୁଁ ଜଣେ ଭଲ ବ୍ୟକ୍ତି ହେବା ଦିଗରେ କାର୍ଯ୍ୟ କରୁଛି।
ଆମିର ଏହି ପୋଡକାଷ୍ଟରେ ତାଙ୍କ ଚଳଚ୍ଚିତ୍ର ଏବଂ ବ୍ୟକ୍ତିଗତ ଜୀବନ ବିଷୟରେ ଅନେକ ଖୁଲାସା କରିଛନ୍ତି। ଯାହା ବିଷୟରେ ତାଙ୍କ ପ୍ରଶଂସକମାନେ କ୍ୱଚିତ୍ ଜାଣିଥିବେ ।
Naxatra News is now on Whatsapp
Join and get latest news update delivered to you via whatsapp
Join Now
