ପ୍ରବଳ ଥଣ୍ଡା ଓ ଶୀତ ଲହରରେ ଥରୁଛି ଉତ୍ତର ଭାରତ । ହିମାଚଳ ପ୍ରଦେଶ, ରାଜସ୍ଥାନ, ପଞ୍ଜାବ, ହରିୟାଣା, ଉତ୍ତରପ୍ରଦେଶ, ଜମ୍ମୁ-କାଶ୍ମୀର ଓ ଉତ୍ତରାଖଣ୍ଡରେ ତୁଷାର ପାତ ସହ ପ୍ରବଳ ଶୀତଲହର ଜାରି । ବୁଧବାର ପର୍ଯ୍ୟନ୍ତ ଏସବୁ ରାଜ୍ୟରେ ତାପମାତ୍ରା ସ୍ୱାଭାବିକ ଠାରୁ ଆହୁରି ୫ ଡିଗ୍ରୀ ସେଲ୍ସିୟସ ହ୍ରାସ ପାଇବ ଏବଂ ଅଧିକ ଥଣ୍ଡା ଅନୁଭୂତ ହେବ ବୋଲି ଭାରତୀୟ ପାଣିପାଗ ବିଭାଗ ସତର୍କ ସୂଚନା ଜାରି କରିଛି ।
କେତେକ ସ୍ଥାନରେ ଜାନୁଆରୀ ୫ ତାରିଖ ପର୍ଯ୍ୟନ୍ତ ଘନ କୁହୁଡି ମଧ୍ୟ ଲାଗି ରହିବ ବୋଲି କୁହାଯାଇଛି । କାଶ୍ମୀରରେ ପ୍ରବଳ ବରଫପାତ ଯୋଗୁ ଶ୍ରୀନଗର-ଲେହ ଜାତୀୟ ରାଜପଥ ବନ୍ଦ ରହିଛି । କାଶ୍ମୀର ବିଶ୍ୱବିଦ୍ୟାଳୟର ସମସ୍ତ ପରୀକ୍ଷାକୁ ବାତିଲ କରାଯାଇଛି । ଗାନ୍ଦରବଲ, ସୋନମାର୍ଗ, ପେହେଲଗାମ, ଗୁଣ୍ଡ, ବାରାମୂଲା ସମେତ ଅନେକ ସ୍ଥାନରେ ତାପମାତ୍ରା -୧୦ ଡିଗ୍ରୀରୁ -୨୨ ଡିଗ୍ରୀ ପର୍ଯ୍ୟନ୍ତ ଖସିଆସିଛି। ରାସ୍ତାଘାଟରେ ୧ ଫୁଟ ଉଚ୍ଚର ବରଫ ଜମା ହୋଇଥିବାରୁ ବିଭିନ୍ନ ସ୍ଥାନରେ ୧୮୦୦ରୁ ଅଧିକ ଗାଡି ଅଟକି ରହିଥିବା ଦେଖିବାକୁ ମିଳିଛି।
Naxatra News is now on Whatsapp
Join and get latest news update delivered to you via whatsapp
Join Now
