ଜାତୀୟପ୍ରତିରକ୍ଷା

ମଣିଷକୁ ନେଇ ଉଡିବ ଭାରତର ପ୍ରଥମ ଡ୍ରୋନ

ମଣିଷକୁ ବସେଇକି ଉଡିବ ଭାରତର ପ୍ରଥମ ଡ୍ରୋନ । ମଣିଷକୁ ନେବା ସହ ଉଡାଇବାରେ ସକ୍ଷମ ଭାରତର ପ୍ରଥମ ଡ୍ରୋନ୍ ପ୍ରସ୍ତୁତ ହୋଇଛି। ଏହା ଭାରତୀୟ ନୌସେନା ପାଇଁ ନିର୍ମିତ ହୋଇଛି। ପ୍ରଥମେ ଏହା ସାମଗ୍ରୀଗୁଡିକ ପରିବହନ କରିବ ଏବଂ ପରେ ମଣିଷକୁ ନେବାରେ ବ୍ୟବହାର କରାଯିବ ବୋଲି ଜଣାପଡିଛି। ଭାରତୀୟ ପ୍ରତିରକ୍ଷା ଷ୍ଟାର୍ଟଅପ ସାଗର ଡିଫେନ୍ସ ଦେଶର ପ୍ରଥମ ଡ୍ରୋନ ପ୍ରସ୍ତୁତ କରିଛି। ଏଥିରେ ଜଣେ କେବଳ ବସିପାରିବ। ଡ୍ରୋନ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ନେବ। ସେପଟେ ସାଗର ପ୍ରତିରକ୍ଷା ପ୍ରତିଷ୍ଠାତା ତଥା ସିଇଓ ନିକୁଞ୍ଜ ପର୍ଶର କହିଛନ୍ତି ଯେ ଡ୍ରୋନର ଉଡିବା କାର୍ଯ୍ୟଶୈଳୀକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଦେଖାଇଛୁ । ଏହା ହେଉଛ ଦେଶର ପ୍ରଥମ ଇଲେକ୍ଟ୍ରୋନିକ ମାନବ ପରିବହନ ପ୍ଲାଟଫର୍ମ। ବର୍ତ୍ତମାନ ଏହି ଡ୍ରୋନ ଭୂମିଠାରୁ ଦୁଇ ମିଟର ପର୍ଯ୍ୟନ୍ତ ଉଡିବାର ସକ୍ଷମ ହୋଇଛି। ଯଦି ଏହି ଡ୍ରୋନକୁ ଜଣେ ନିରିକ୍ଷେଇ ଦେଖିବ ଏହି ଫ୍ଲାଇଙ୍ଗ ଡ୍ରୋନ ଭିତରେ ଜଣେ ବ୍ୟକ୍ତି ବସିଥିବାର ଲାଗିବ। ଏହା ଭାରତୀୟ ନୌସେନା ପାଇଁ ପ୍ରସ୍ତୁତ କରିଛୁ ଯାହାଦ୍ୱାରା ସାମଗ୍ରୀ ପରିବହନ ସହଜରେ ହୋଇପାରିବ। ତେବେ ଏହି ଡ୍ରୋନର ନାଁ ହେଉଛି ବରୁଣା। ଏହା ସ୍ଥଳଭାଗରେ ପରୀକ୍ଷା କରାଯାଇଥିବା ବେଳେ ଆସନ୍ତା ୩ ମାସ ମଧ୍ୟରେ ସମୁଦ୍ରରେ ପରୀକ୍ଷା କରାଯିବ ବୋଲି ଜଣାପଡିଛି।

  • ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ

Related Articles

Leave a Reply

Your email address will not be published.

Back to top button