ବିଦ୍ୟୁତ ଆଘାତରେ ମାଆ-ପୁଅଙ୍କ ମୃତ୍ୟୁ

ବାଲେଶ୍ଵର : ବାଲେଶ୍ଵର ଜିଲ୍ଲା ଖଇରା ଥାନା ଅନ୍ତର୍ଗତ କଂଟାପଡ଼ା ନାହୁଲ ଗ୍ରାମରେ ଘଟିଯାଇଛି ଏକ ଅଭାବନୀୟ ଘଟଣା । ବିଦ୍ୟୁତ ଆଘାତରେ ମାଆ-ପୁଅଙ୍କ ମୃତ୍ୟୁ ଘଟିଛି । ଆଜି ସକାଳେ ମାଆ-ପୁଅ ବଗିଚା କାମ କରୁଥିଲେ । ଏହି ସମୟରେ ଗଛରେ ପାଣି ଦେଉଥିବା ବେଳେ ଛିଡି ପଡିଥିବା ବିଦ୍ୟୁତ ତାର ସଂସ୍ପର୍ଶରେ ଆସି ସେମାନଙ୍କର ମୃତ୍ୟୁ ଘଟିଥିବା ସୂଚନା ମିଳିଛି । ଉଭୟଙ୍କୁ ଗୁରୁତର ଅବସ୍ଥାରେ ନିକଟସ୍ଥ ଡାକ୍ତରଖାନାରେ ଭର୍ତି କରାଯାଇଥିଲା । ହେଲେ ସେଠାରେ ଡାକ୍ତର ମା-ପୁଅଙ୍କୁ ମୃତ ଘୋଷଣା କରିଥିଲେ ।