ନୟାଗଡ: ଅଧର୍ମ ଉପରେ ଧର୍ମର ବିଜୟ l ଅଧର୍ମକୁ ବିନାଶ କରିବା ପାଇଁ ଧରା ପୃଷ୍ଠରେ ଅବତରଣ କରିଛନ୍ତି ମା l ସବୁଠି ଚାଲିଛି ମାଙ୍କ ଆରାଧନା l ନୟାଗଡ ଜ଼ିଲ୍ଲାର ବିଭିନ୍ନ ଶକ୍ତି ପୀଠ ଓ ୧୨୩ ଟି ପୂଜାମଣ୍ଡପରେ ଚାଲିଛି ବିଜୟା ଦଶମୀ ଉତ୍ସବ l ନୟାଗଡ ପୁରୁଣା ସହରରେ ବିଜୟାଦଶମୀ ପରମ୍ପରା ରାଜାରାଜୁଡା ସମୟରୁ ବେଶ ଆଡମ୍ବରରେ ପାଳନ ହେଉଛି l ଆସନ୍ତୁ ଦେଖିବା ଆମର ଏ ରିପୋର୍ଟ l
ନୟାଗଡ ପୁରୁଣା ସହରର ଆରଧ୍ୟା ଦେବି ମା ଦକ୍ଷିଣ କାଳୀ l ସେଠାରେ ଚାଲିଛି ମାଆଙ୍କ ବିଜୟା ଦଶମୀ ପୂଜା l ରଙ୍ଗ ବେରଙ୍ଗ ଆଲୋକ ସାଙ୍ଗକୁ ପୂଜା ମଣ୍ଡପରେ ଚାଲିଛି ମାଆଙ୍କ ଆରାଧନା l ଲଗାଣ ବର୍ଷା ବାଧକ ସାଜିଥିବାବେଳେ ବର୍ଷାକୁ ଖାତିର ନକରି ଭକ୍ତ ମାଆଙ୍କୁ ଦର୍ଶନ କରିବାକୁ ଆସୁଛନ୍ତି l ଭକ୍ତ ମନରେ ଆବେଗ ଓ କେହି କେହି ଭକ୍ତ କହୁଛନ୍ତି ଏ ବର୍ଷା ନୁହେଁ ବରଂ ସ୍ୱୟଂ ଇନ୍ଦ୍ର ଦେବତା ଆସିଛନ୍ତି ମାଆଙ୍କ ଦର୍ଶନ କରିବାକୁ l ଦ୍ୱିତୀୟା ଓଷା ଠାରୁ ନବରାତ୍ରି ପୂଜା ଆରମ୍ଭ ହୋଇଥାଏ l ନୟାଗଡ ରାଜାଙ୍କ ଦେବି ମା ବାଉରୀ ଠାକୁରାଣୀ l ପୂଜାରେ କିଛି ବ୍ୟତିକ୍ରମ ହେଲେ ରାଜାଙ୍କୁ ସ୍ୱପ୍ନାଦେଶ ହେବା ନେଇ ପୂର୍ବରୁ ଵିଧି ରହିଛି l
ଏଠାରେ ବାଉରୀ ଠାକୁରାଣୀଙ୍କ ପ୍ରତିମା ଓ ମାଆ ଦକ୍ଷିଣ କାଳୀଙ୍କ ପ୍ରତିମା ଏକାଠି ହୁଅନ୍ତି l ପୁରୁଣା ସହର ବାସୀ ଏକ ପଟୁଆରରେ ଆସି ସହର ପରିକ୍ରମା କରିବେ l ନୟାଗଡ ଜ଼ିଲ୍ଲାରେ ୧୨୩ ପୂଜା ମଣ୍ଡପ ଥିବାବେଳେ ଆଇନଶୃଙ୍ଖଳା ଦୃଷ୍ଟିରୁ ୪ ପ୍ଲାଟୁନ ପୋଲିସ ଫୋର୍ସ ବିଭିନ୍ନ ଥାନାକୁ ଦିଆଯାଇଛି l ଭସାଣି ପାଇଁ ମଧ୍ୟ ସମାନ ବ୍ୟବସ୍ଥା ରହିଥିବା ଅତିରିକ୍ତ ଏସପି କହିଛନ୍ତି l
ଧରାପୃଷ୍ଠରେ ଅବତରଣ କରିଥିବା ଜଗତଜନନୀ ମା ଦୁର୍ଗା, ବିଜୟାଦଶମୀର ନୀତିକାନ୍ତି ପରେ ଧରାପୃଷ୍ଠରୁ ମେଲାଣି ନେବେ। ପୁଣି ଆର ବରଷକୁ ହେବ ମାଆଙ୍କ ସହ ଭକ୍ତର ମିଳନ। ଦେବବ୍ରତ ନାୟକଙ୍କ ରିପୋର୍ଟ
