ପଶ୍ଚିମବଙ୍ଗରୁ ଆସି ଭୁବନେଶ୍ୱରରେ ହଜିଥିବା ପୁଅ ଧର୍ମଶାଳା ଅଞ୍ଚଳରୁ ଉଦ୍ଧାର

ଧର୍ମଶାଳା : ପଶ୍ଚିମବଙ୍ଗରୁ ଆସି ଭୁବନେଶ୍ୱରରେ ହଜିଯାଇଥିବା ପୁଅ ଯାଜପୁର ଜିଲ୍ଲା ଧର୍ମଶାଳା ଅଞ୍ଚଳରୁ ଉଦ୍ଧାର । ପୋଲିସ ସହାୟତାରେ ନିଖୋଜ ପୁଅକୁ ପରିବାର ଲୋକଙ୍କୁ କରାଗଲା ହସ୍ତାନ୍ତର । ସୂଚନା ମୁତାବକ, ଗତ ୧୫ଦିନ ତଳେ ପଶ୍ଚିମବଙ୍ଗ ମେଦିନାପୁର ଅଞ୍ଚଳର ମାନିକ ମହାତ ଓ ନମିତା ମହାତ ନିଜ ୧୯ବର୍ଷର ପୁଅ ସନ୍ଦୀପକୁ ସାଙ୍ଗରେ ଆଣି ଭୁବନେଶ୍ୱରସ୍ଥିତ ଏମ୍ସ୍ ହସ୍ପିଟାଲକୁ ଚିକିତ୍ସା ପାଇଁ ଆସିଥିଲେ । ଏହି ସମୟରେ ସେଠାରୁ ସନ୍ଦୀପ କୁଆଡେ ଚାଲିଯାଇଥିଲେ । ସେଠାରେ ଖୋଜାଖୋଜି କରିବା ପରେ ପୁଅକୁ ନପାଇବାରୁ ପରିବାର ଲୋକେ ଭୁବନେଶ୍ୱରସ୍ଥିତ ଖଣ୍ଡଗିରି ଥାନାରେ ଅଭିଯୋଗ କରିଥିଲେ । ତେବେ ନିଖୋଜ ସନ୍ଦୀପ ଯାଜପୁର ଜିଲ୍ଲା ଧର୍ମଶାଳା ଅଞ୍ଚଳରେ ବୁଲୁଥିବାର ଖବର ମିଳିଥିଲା ତେବେ । ସ୍ଥାନୀୟ ଲୋକେ ଲୋକଙ୍କ ସହାୟତ ରେ ସନ୍ଦିପକୁ ଆଜି ଚଢ଼େଇଧରା ଅଞ୍ଚଳରୁ ଉଦ୍ଧାର କରି ଥିଲେ । ଖବର ପାଇ ପରିବାର ଲୋକେ ଧର୍ମଶାଳା ଥାନାରେ ପହଞ୍ଚିଥିବା ବେଳେ ପୋଲିସ ନିଖୋଜ ପୁଅକୁ ପରିବାର ଲୋକଙ୍କୁ ହସ୍ତାନ୍ତର କରିଛି । ଏଥିସହ ସେମାନଙ୍କୁ ଖଣ୍ଡଗିରି ଥାନାକୁ ପଠାଇବାର ବ୍ୟବସ୍ଥା କରିଛି । ନିଖୋଜ ପୁଅକୁ ପରିବାର ଲୋକେ ପାଇ ବେଶ ଖୁସି ପ୍ରକଟ କରିଥିବା ବେଳେ ନିଖୋଜ ସନ୍ଦୀପ ମାନସିକ ବିକୃତ ଥିବା ଜଣାପଡ଼ିଛି ।