ମାନସିକ ଅନଗ୍ରସର ଅଜଣା ବ୍ୟକ୍ତିଙ୍କ ପ୍ରତି ବଦାନ୍ୟତା ଦେଖାଇଲେ ଡାକ୍ତର

କନ୍ଧମାଳ : ଆଜିକାଲି ବ୍ୟସ୍ତବହୁଳ ଜୀବନରେ ସମସ୍ତେ ନିଜ ନିଜର ସ୍ୱାର୍ଥ ପଛରେ ଦୌଡୁଥିବା ବେଳେ, ଚକାପାଦ ଅଂଚଳର ଡା.ସନ୍ଦୀପ ଶତପଥୀ, ଜଣେ ଡାକ୍ତର ଦେବଦୂତ ସାଜି ରାସ୍ତାରେ ଏକାକି ଅସହାୟ ଅବସ୍ଥାରେ ପଡିଥିବା ଜଣେ ଅଜଣା ବ୍ୟକ୍ତିଙ୍କୁ ବାଟରେ ଗଲା ବେଳେ ଦେଖି ତାଙ୍କୁ ଅନ୍ୟମାନଙ୍କ ସହାୟତାରେ ଉଦ୍ଧାର କରି ଆଣି ତାଙ୍କୁ ସଫାସୁତର କରି ପୋଷାକ ବଦଳାଇବାସହ ତାର ଚିକିତ୍ସା କରିଥିଲେ ।ଖାଦ୍ୟ ଖାଇବାକୁ ଦେଇଥିଲେ, ଫଳରେ ସେ ଟିକେ ସୁସ୍ଥ ଅନୁଭବ କରିବା ସହ ଖୁସି ବ୍ୟକ୍ତ କରିଥିବା ତାଙ୍କ ମୁହଁରୁ ସ୍ପଷ୍ଟ ବାରି ହୋଇପଡୁଥିଲା । ଡାକ୍ତର ଶ୍ରୀ ଶତପଥୀଙ୍କ ନିସ୍ୱାର୍ଥପର ସେବା ମନୋବୃତି ଅନ୍ୟ ମାନଙ୍କପାଇଁ ପ୍ରେରଣା ସାଜିବ ନିଶ୍ଚୟ । ଡାକ୍ତର ଶତପଥୀଙ୍କୁ ଲାଲବାହାଦୁର ବେହେରା, ଦେବାଶିଷ ମିଶ୍ର ପ୍ରମୁଖ ଏଥିରେ ସମ୍ପୂର୍ଣ ସହଯୋଗ କରିଥିଲେ ।

ଡାକ୍ତର ଶତପଥୀ ନିଷ୍ଠା ଓ ଆନ୍ତରିକତାର ସହ ଅଂଚଳର ଲୋକଙ୍କୁ ସେବା ଯୋଗାଇ ଆସୁଛନ୍ତି । ତାଙ୍କର ଏଭଳି କାର୍ଯ୍ୟ ଦେଖି ଅଂଚଳ ବାସୀ ଡାକ୍ତର ହେବ ତ ଏମିତି ବୋଲି କହୁଥିବା ଶୁଣିବାକୁ ମିଳୁଛି ।