ଫତେଗଡ ଥାନା ବଡ଼ସହରା ଗାଁର ଜଣେ ଯୁବକଙ୍କ ହାତକୁ ଗଛରେ ବାନ୍ଧି ଅତି ଅମାନୁଷିକ ଭାବେ କିଛି ଲୋକ ମାଡ଼ ମାରୁଥିବା ଭିଡିଓ ଭାଇରାଲ୍ ହୋଇଛି। ଆକ୍ରମଣର ଶିକାର ଯୁବକ ଜଣକ ହେଲେ ଅରୁଣ ମୂଳି। ତାଙ୍କ ମୁହଁ ଓ ମୁଣ୍ଡରେ ଗଭୀର ଆଘାତ ଲାଗିଥିବା ବେଳେ ସେ ଅର୍ଦ୍ଧଉଲଗ୍ନ ଅବସ୍ଥାରେ ରାସ୍ତା ପାର୍ଶ୍ଵରେ ପଡ଼ିରହିଥିବା ଦେଖିବାକୁ ମିଳିଛି। ତାଙ୍କ ହାତ ବାନ୍ଧି ଦିଆ ଯାଇଥିବା ବେଳେ ସେ ଆକ୍ରମଣକାରୀ ମାନଙ୍କୁ ପ୍ରତିରୋଧ କରିପାରୁ ନାହାନ୍ତି। ଜଣେ ମହିଳା ଓ ପୁରୁଷ ହାତରେ କାଠ ଫାଳିଆ ଧରି ତାଙ୍କୁ ମାଡ଼ ମାରୁଥିବା ଭିଡିଓରୁ ସ୍ପଷ୍ଟ ଭାବେ ଦେଖିବାକୁ ମିଳିଛି। କେଉଁ କାରଣ ପାଇଁ ଏହି ଘଟଣା ଘଟିଛି। ତାହା ବର୍ତ୍ତମାନ ସୁଦ୍ଧା ଜଣାପଡ଼ି ନାହିଁ। ଅରୁଣ ଜଣେ ଗାଡ଼ ଚାଳକ ହୋଇଥିବା ବେଳେ ସେ ଭୁବନେଶ୍ଵରରେ ରୁହନ୍ତି। ଏପଟେ ତାଙ୍କ ପରିବାରକୁ ଗାଁରେ ବାସନ୍ଦ କରାଯାଇ ନଳକୂପ ବ୍ୟବହାର କରିବାକୁ ବାରଣ କରାଯାଇଛି। ଆଜି ଅରୁଣ ଗାଁରେ ପହଞ୍ଚି ଜୋର ଜବରଦସ୍ତ ନଳକୂପ ବ୍ୟବହାର କରିଥିବାରୁ ଏମିତି ଘଟଣା ଘଟିଥିବା ଶୁଣିବାକୁ ମିଳିଛି। ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ଭାପୁର ସ୍ୱାସ୍ଥ୍ୟକେନ୍ଦ୍ର ପରେ ଭୁବନେଶ୍ଵରସ୍ଥିତ ଏମ୍ସ ହସ୍ପିଟାଲ୍ ପଠାଯାଇଛି ।
Naxatra News is now on Whatsapp
Join and get latest news update delivered to you via whatsapp
Join Now
