କୁଜଙ୍ଗ: ଜଗତସିଂହପୁର ଜିଲ୍ଲା କୁଜଙ୍ଗ ଠାରେ ଦୀର୍ଘ ଦିନ ଧରି ସୋଲାର ପାନୀୟଜଳ ପ୍ରକଳ୍ପ ଅଚଳ ହୋଇ ପଡି ରହିଥିଲା । ଏନେଇ ନକ୍ଷତ୍ର ନ୍ୟୁଜରେ ଖବର ବାହାରିବା ପରେ ପ୍ରଶାସନ ପକ୍ଷରୁ ପ୍ରକଳ୍ପଟିକୁ ପୁନଃ କାର୍ଯ୍ୟକ୍ଷମ କରାଯାଇଛି । ଏନେଇ ନକ୍ଷତ୍ର ନ୍ୟୁଜକୁ ଧନ୍ୟବାଦ ଦେଇଛନ୍ତି ସ୍ଥାନୀୟବାସୀ ।
ଅନ୍ୟପଟେ ବଜାର ମଧ୍ୟରେ ଥିବା ଅନ୍ୟ ଏକ ପାନୀୟଜଳ ପ୍ରକଳ୍ପକୁ କାର୍ଯ୍ୟକାରୀ କରିବା ସହ ଯାତ୍ରୀ ବିଶ୍ରାମାଗାର ପୁନଃ ନିର୍ମାଣ ପାଇଁ ଦାବି କରିଛନ୍ତି ସ୍ଥାନୀୟବାସୀ । 2005 ମସିହା ରୁ ନିର୍ମିତ ଏହି ପାନୀୟଜଳ ପ୍ରକଳ୍ପ କୁ ତୁରନ୍ତ କାର୍ଯ୍ୟକାରୀ କରିବା ନେଇ ଦାବି ହୋଇଛି । ତେବେ ପାନୀୟ ଜଳ ପ୍ରକଳ୍ପଟି ଅଚଳ ହୋଇପଡିଥିବା ଘଟଣାକୁ ବିଭାଗୀୟ ଯନ୍ତ୍ରୀ ସ୍ୱୀକାର କରିଥିବା ବେଳେ ତୁରନ୍ତ ମରାମତି କରିବାକୁ ପ୍ରତିଶୃତି ଦେଇଛନ୍ତି।
ରଶ୍ମିରଂଜନ ମହାପାତ୍ରଙ୍କ ରିପୋର୍ଟ
