() ହାତୀ ଓ ମଣିଷ ଲଢେଇକୁ ନେଇ ସବୁବେଳେ ଚର୍ଚ୍ଚା । କେତେବେଳେ ହାତୀ ମରୁଛି ତ କେତେବେଳେ ମଣିଷଙ୍କୁ ହାତୀ ମାରୁଛି । ସରକାରଙ୍କ ଅନେକ ଯୋଜନା, ଖାଲି ସେତିକି ନୁହେଁ ନିଯୁକ୍ତି ହୋଉଛନ୍ତି ମାଳମାଳ ଗଜବନ୍ଧୁ, ହାତୀସ୍କ୍ବାଡ୍ । ହେଲେ ହାତୀ ମଣିଷ ସଂଘର୍ଷର ଅନ୍ତ ନାହିଁ । ସମ୍ବଲପୁରରେ ବିଦ୍ୟୁତ ଆଘାତରେ ଦନ୍ତା ଆଖିବୁଜିଛି ଅନ୍ୟପଟେ ଅନୁଗୁଳରେ ଦନ୍ତା ଆକ୍ରମଣରେ ୪ ଜୀବନ ଚାଲିଯାଇଛି । ପିପିଲି ଡେଲାଙ୍ଗରେ ହେକ୍ଟର ହେକ୍ଟର ଚାଷ ନଷ୍ଟ।
କୁହାଯାଏ ହାତୀ ମଣିଷର ସମ୍ପର୍କ ନିଆରା । ତାହାହେଲେ କାହିଁକି ମଣିଷ ହାତୀ ମଧ୍ୟରେ ହେଉଛି ଲଢେଇ । କେତେବେଳେ ହାତୀ ମରୁଛି ତ କେତେବେଳେ ମଣିଷଙ୍କୁ ହାତୀ ମାରୁଛି। ସରକାର ଯେତେ ଯୋଜନା କଲେ ମଧ୍ୟ ହାତୀ ମଣିଷ ସଂଘର୍ଷକୁ ରୋକାଯାଇପାରୁନି। ପୁଣି ସମ୍ବଲପୁରରେ ଶିକାରୀ ଜାଲରେ ପଡି ଦନ୍ତା ମୃତ । ସମ୍ବଲପୁର ବନ ଖଣ୍ଡ ଯୁଯୁମରା ରେଂଜ ଖଇରମାଲ ରଘୁଡେରା ଜଙ୍ଗଲରେ ଦନ୍ତା ହାତୀର ମୃତ୍ୟୁ ଅଭିଯୋଗ ହୋଇଛି । ବନ ବିଭାଗର ଅଧିକାରୀ ଘଟଣାର ଛାନଭିନ କରିବିଦ୍ୟୁତ ଆଘାତରେ ମୃତ୍ୟୁ ହୋଇଥିବା କହିଛନ୍ତି। ଏହାକୁ ନେଇ ଗ୍ରାମବାସୀ କ୍ଷୋଭ ଝାଡିବା ସହ ବନବିଭାଗର ଅବହେଳାକୁ ଦାୟୀ କରିଛନ୍ତି ।
ରାସ୍ତାଘାଟ ନିର୍ମାଣ, ବେଆଇନ ଖଣି ଖାଦାନ ଯୋଗୁଁ ଜଙ୍ଗଲ ଉଜୁଡିଚାଲିଛି। ପିଇବାକୁ ପାଣି ଓ ଖାଇବାକୁ ଖାଦ୍ୟ ନ ପାଇ ହାତୀ ଜନବସତି ମୁହାଁହେଉଛନ୍ତି । ଯେଉଁଥି ପାଇଁ ଜନବସତି ମୁହାଁ ହେଉଥିବା ହାତୀ ଆକ୍ରମଣରେ ଚାଲିଯାଉଛି ନିରିହ ଜୀବନ,ହନ୍ତସନ୍ତ ହେଉଛନ୍ତି ଚାଷୀ । ଫସଲଠାରୁ ଆରମ୍ଭ କରି ଧନଜୀବନ ନଷ୍ଟ କରୁଛନ୍ତି। ଏଥିପାଇଁ ଦାୟୀ କିଏ? ସବୁ ଯୋଜନାରେ ବିଫଳ ହୋଉଛିକି ଫରେଷ୍ଟ ଡିପାର୍ଟମେଣ୍ଟ ? ହାତୀ ଟ୍ରାକର ମାନେ କରୁଛନ୍ତି କଣ ? ଶନିବାର ଅନୁଗୁଳ ଜିଲ୍ଲାରେ ହାତୀ ୪ ଜଣଙ୍କ ଜୀବନ ନେଇଛି । ଅଙ୍ଗାରବନ୍ଧ , ଛେଳିଆପଡା , ବାରସିଂହା ଓ ସନ୍ତରୀ ଭଳି ଭିନ୍ନ ଭିନ୍ନ ଗାଁରେ ଗୋଟିଏ ହାତୀ ୪ ଜଣଙ୍କୁ ମାରି ଆତଙ୍କ ସୃଷ୍ଟି କରିଛି । ହେଲେ ସହାୟତା ଦେଇ ଚୁପ ବସିଛି ବନବିଭାଗ । ସେପଟେ ପିପିଲି ଡେଲାଙ୍ଗରେ ମଧ୍ୟ ବଣୁଆ ହାତୀଙ୍କ ଉପଦ୍ରବ। ଚାଷୀଙ୍କ ବହୁମାତ୍ରାରେ ଫସଲ ନଷ୍ଟ କରିଛନ୍ତି ବମୁଆ ହାତୀ। ଯାହାକୁ ନେଇ ଭୟଭୀତ ଅବସ୍ଥାରେ ପିପିଲିବାସୀ । ହେଲେ ବନ ବିଭାଗ ହାତୀ ଘଉଡ଼ାଇବା ପାଇଁ ବ୍ୟାପକ ପଦକ୍ଷେପ ନେଉଥିଲେ ମଧ୍ୟ ବିଫଳ ହେଉଥିବା ଦେଖା ଯାଇଛି..।
ହାତୀମୃତ୍ୟୁ ରେକିବା ପାଇଁ ଖର୍ଚ୍ଚ ହେଉଛି କୋଟି କୋଟି ଟଙ୍କା । ହେଲେ ହାତୀ ମଣିଷ ଲଢେଇର ଅନ୍ତ କେବେ ତାହା ବଡ ପ୍ରଶ୍ନ । ହାତୀମାନେ ଜନବସତି ମୁହାଁ ନହେବା ଲାଗି ମଧ୍ୟ ବ୍ୟାପକ ବନୀକରଣ, ଜଙ୍ଗଲରେ ପୋଖରୀ ଖନନ ଏବଂ ଟ୍ରେଞ୍ଚ ଖୋଳା, ଜଙ୍ଗଲରେ ହାତୀଖାଉଥିବା ଫଳଗଛ ରୋପଣ ଆଦି ବିଭିନ୍ନ ଯୋଜନାରେ କୋଟି କୋଟି ଟଙ୍କା ଖର୍ଚ୍ଚ ହେଉଛି ହେଲେ ଏହାର ଫଳ ଶୂନ।
