ଭୁବନେଶ୍ବର: ମେକ ଇନ ଓଡିଶା କନକ୍ଲେଭର ଚତୁର୍ଥ ଦିନରେ ଅନୁଷ୍ଠିତ ହୋଇଯାଇଛି ମହିଳା ଉଦ୍ୟୋଗୀ ଅଧିବେଶନ । ମହିଳାଙ୍କୁ ସ୍ୱାବଲମ୍ୱୀ କରିବା ପାଇଁ ଆଉ ଏକ ବଡ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଜିଲ୍ଲା, ବ୍ଲକ ଓ ପଂଚାୟତସ୍ତରରେ ପ୍ରସ୍ତୁତ ହେବ ଫେଡେରେସନ । ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ଶିଳ୍ପ ପାର୍କ ସ୍ଥାପନ କରିବା ନେଇ ମଧ୍ୟ ଘୋଷଣା କରାଯାଇଛି । ଏହାସହ ସ୍ୱାସ୍ଥ୍ୟ କ୍ଷେତ୍ରରେ ଆଗକୁ ହଜାରେ କୋଟି ଟଙ୍କା ନିବେଶ ପାଇଁ ବିଭିନ୍ନ କମ୍ପାନୀ ଆଗ୍ରହ ଦେଖାଇଛନ୍ତି।
ମହିଳା ହେବେ ସ୍ୱାବଲମ୍ୱୀ । ଜିଲ୍ଲା, ବ୍ଲକ ଓ ପଞ୍ଚାୟତସ୍ତରରେ ପ୍ରସ୍ତୁତ ହେବ ଫେଡେରେସନ । ମେକ ଇନ ଓଡ଼ିଶାରେ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା । ମେକ ଇନ ଓଡ଼ିଶା କନକ୍ଲେଭର ଚତୁର୍ଥ ଦିନରେ ମହିଳା ଉଦ୍ୟୋଗୀ ଅଧିବେଶନ ଅନୁଷ୍ଠିତ ହୋଇଯାଇଛି । ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ଶିଳ୍ପ ପାର୍କ ସ୍ଥାପନ କରିବାକୁ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ଏହାସହ ମହିଳା ଉଦ୍ୟୋଗୀଙ୍କ ପାଇଁ ସବୁ ଜିଲ୍ଲାରେ ମାଇକ୍ରୋ ଓ ସ୍ମଲ ଇଣ୍ଡଷ୍ଟ୍ରି ପାର୍କ କରାଯିବ। ଏହାସହ ପ୍ରତି ଜିଲ୍ଲା ମିଶନ ଶକ୍ତି ଫେଡରସନକୁ କୋଟିଏ ଟଙ୍କା ଓ ବ୍ଲକ ସ୍ତରୀୟ ଫେଡରେସନକୁ 50 ଲକ୍ଷ ଟଙ୍କା revolving fund ଦିଆଯିବ । ସେହିପରି ପଞ୍ଚାୟତ ସ୍ତରୀୟ ମିଶନ୍ତି ଶକ୍ତି ଫେଡରେସନ ଲାଗି ପଞ୍ଚାୟତ ମାର୍କେଟ କମ୍ପ୍ଲେକ୍ସରେ ଘର ଯୋଗାଇ ଦିଆଯିବ । ମହିଳା ଉଦ୍ୟୋଗୀଙ୍କ ଦ୍ୱାରା ଉତ୍ପାଦିତ ସାମଗ୍ରୀକୁ ବିଶ୍ବ ବଜାରରେ ପହଞ୍ଚାଇବାକୁ ଇ-କମର୍ସ ବ୍ୟବସ୍ଥା ଆରମ୍ଭ ହେଇଛି । ଏଥିଲାଗି ଫ୍ଲିପକାର୍ଟ ସହ ବୁଝାମଣାପତ୍ର ସ୍ବାକ୍ଷର କରିଛି ମିଶନ ଶକ୍ତି ବିଭାଗ ।
ସେହିପରି ବାୟୋଟେକ କ୍ଷେତ୍ରରେ 1100 କୋଟି ଟଙ୍କା ନିବେଶ କରିବା ପାଇଁ ବିଭିନ୍ନ କମ୍ପାନୀ ଆଗ୍ରହ ପ୍ରକାଶ କରିଥିବା କହିଛନ୍ତି ବିଜ୍ଞାନ ଓ ପ୍ରଯୁକ୍ତି ବିଦ୍ୟା ମନ୍ତ୍ରୀ ଅଶୋକ ପଣ୍ଡା । ଭାରତ ବାୟୋଟେକ କମ୍ପାନୀ ର ସହଯୋଗୀ ସ୍ପାଇଜେନ କମ୍ପାନୀ ବିଭିନ୍ନ ଷ୍ଟାଟ ଅଫ କମ୍ପାନୀକୁ ଆର୍ଥିକ ସହାୟତା ଯୋଗାଇବ । ସେହିପରି ଅର୍ବାନ ଇନଫ୍ରାଷ୍ଟ୍ରକଚର କ୍ଷେତ୍ରରେ ସମୁଦାୟ 58502.55 କୋଟି ନିବେଶ ପାଇଁ ଆଗ୍ରହ ଆସିଛି। ଏହାସହ ସ୍ୱାସ୍ଥ୍ୟ କ୍ଷେତ୍ରରେ ଆଗକୁ 1000 କୋଟି ଟଙ୍କା ନିବେଶ ପାଇଁ ବିଭିନ୍ନ କମ୍ପାନୀ ଆଗ୍ରହ ଦେଖାଇଛନ୍ତି। ସେହିଭଳି ଓଡ଼ିଶାରେ ୨ ଲକ୍ଷ କୋଟି ଟଙ୍କା ପୁଞ୍ଜିନିବେଶ କରିବ ୟୁକେ ଭିତ୍ତିକ SRAM ଗ୍ରୁପ୍ । ଏଥିଲାଗି ଆଜି ମେକ୍ ଇନ୍ ଓଡ଼ିଶା କନକ୍ଲେଭରେ ଆଗ୍ରହ ପ୍ରକାଶ କରିଛି SRAM ଗ୍ରୁପ । ସେମି କଣ୍ଡକ୍ଟର ଚିପ ଉତ୍ପାଦନ ଲାଗି ନିବେଶ କରିବ ଏହି ଅର୍ଥ । ପ୍ରଥମ ପର୍ଯ୍ୟାୟରେ ୩୦ ହଜାର କୋଟି ଟଙ୍କା ନିବେଶ କରିବ କମ୍ପାନୀ । ଭୁବନେଶ୍ବର ଉପକଣ୍ଠରେ ୪୦ ଏକର ଜମି ଉପରେ ସ୍ଥାପନ ହେବ ଏହି ସେମି କଣ୍ଡକ୍ଟର ୟୁନିଟ ।
୪ ଦିନ ଧରି ଚାଲିଥିବା ମେକ ଇନ ଓଡିଶା କନକ୍ଲେଭ ଉଦଯାପନ ହୋଇଛି । ପ୍ରଥମ ଓ ଦ୍ୱିତୀୟ ଅପେକ୍ଷା ତୃତୀୟ ପର୍ଯ୍ୟାୟ ମେକ ଇନ ଓଡ଼ିଶାରେ ଡବଲ କମ୍ପାନୀ ଭାଗ ନେଇଥିବା ବେଳେ ନିବେଶ କ୍ଷେତ୍ରରେ ଅଧିକ ଉତ୍ସାହ ଦେଖିବାକୁ ମିଳିଛି।
ନବ କିଶୋର ସାହୁଙ୍କ ରିପୋର୍ଟ
Naxatra News is now on Whatsapp
Join and get latest news update delivered to you via whatsapp
Join Now
