ଭାରତୀୟ ରାଷ୍ଟ୍ରୀୟ ରାଜାମାର୍ଗ ପ୍ରାଧିକରଣ ବା ଏନ.ଏଚ.ଏ.ଆଇ ୧୦୫ ଘଣ୍ଟାରେ ୭୫ କିଲୋମିଟର ଦୀର୍ଘ ସିମେଣ୍ଟ ସଡକ ନିର୍ମାଣ କରି ବିଶ୍ୱ ରେକର୍ଡ ସ୍ଥାପନା କରିଥିବା କେନ୍ଦ୍ରୀୟ ଭୂତଳ ପରିବହନ ମନ୍ତ୍ରୀ ନିତିନ ଗଡକରୀ ତାଙ୍କ ଟ୍ୱିଟ୍ରେ ଏହି ସୂଚନା ଦେଇଛନ୍ତି। ସେ ଉଲ୍ଲେଖ କରିଛନ୍ତି ଯେ NH-53 ରେ ୧୦୫ ଘଣ୍ଟା ଓ ୩୩ ମିନିଟ୍ରେ ୭୫ କିଲୋମିଟର ଦୀର୍ଘ ସିଙ୍ଗଲ ଲେନରେ ବିଟୁମିନ୍ ଓ କଂକ୍ରିଟ ବିଛେଇବାର ନୂଆ କିର୍ତ୍ତିମାନ ସ୍ଥାପନା ହୋଇଛି। ଜାତୀୟ ରାଜପଥ ପ୍ରାଧିକରଣ (NHAI) NH-53 ଅନ୍ତର୍ଗତ ଆନ୍ଧ୍ରପ୍ରଦେଶର ଅମରାବତୀ ଓ ମହାରାଷ୍ଟ୍ରର ଆକୋଲା ମଧ୍ୟରେ 75 କିଲୋମିଟର କ୍ରମାଗତ ବିଟୁମିନିୟସ୍ କଂକ୍ରିଟ୍ ରାସ୍ତା କେବଳ ପାଞ୍ଚଦିନ ମଧ୍ୟରେ ନିର୍ମାଣ କରି ଏକ ନୂତନ ଗିନିଜ୍ ୱାର୍ଲ୍ଡ ରେକର୍ଡ ସ୍ଥାପନ କରିଛି |
ଭାରତ ସ୍ୱାଧୀନତାର ୭୫ ବର୍ଷ ପାଳନ ଉପଲକ୍ଷେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଘୋଷିତ ଆଜାଦି କା ଅମୃତ ମହୋତ୍ସବ ଅଧିନରେ ଏନଏଚଏଆଇ ଏହି ବିଶ୍ୱରେକର୍ଡ ସ୍ଥାପନା କରିଛନ୍ତି, ଯାହାକୁ ଗିନିଜ ବୁକ୍ ଅଫ ୱାର୍ଲଡ ରେକର୍ଡ ପ୍ରମାଣିତ କରିଛନ୍ତି। ଏଥିଲାଗି ଗଡକରୀ ଏନଏଚଆଇଙ୍କ ପ୍ରକଳ୍ପର କୁଶଳ କାର୍ଯ୍ୟାନ୍ୱୟନ ଲାଗି ପ୍ରାଧିକରଣ ଓ ରାଜପଥ ଇନଫ୍ରାକନ ପ୍ରାଇଭେଟ ଲିମିଟେଡଙ୍କ ସମସ୍ତ ଇଞ୍ଜିନିୟର, ଠିକାଦାର, ପରାମର୍ଶଦାତା ଓ ଶ୍ରମିକଙ୍କୁ ଅଭିନନ୍ଦନ ଜଣାଇଛନ୍ତି।
![](https://naxatranews.com/wp-content/uploads/2022/06/FUq4ApJUsAAS4qD-1024x576.jpg)
୭୫ କିଲୋମିଟର ଦୀର୍ଘ ସିଙ୍ଗଲ ଲେନ ବିଟୁମେନ କଂକ୍ରିଟ୍ ରୋଡକୁ ଯଦି ୨ ଲେନ ପକ୍କା ସଡକ ହିସାବରେ ଧରାଯାଏ ତେବେ ଏହା ୩୭.୫ କିଲୋମିଟର ସଡକ ହେବ। ଏହାକୁ ନିର୍ମାଣ କରିବା ଲାଗି ୩ ଜୁନ ସକାଳ ୭ଟା ୨୭ ମିନିଟ୍ରେ କାମ ଆରମ୍ଭ ହୋଇଥିଲା,ଯାହା ୭ ଜୁନ ଅପରାହ୍ନ ୫ଟାରେ ଶେଷ ହୋଇଛି। ଗଡକରୀ କହିଛନ୍ତି ଯେ ଏହା ପୂର୍ବରୁ ଏହି ରେକର୍ଡ କତାର ର ଦୋହା ନାମରେ ଥିଲା। ୨୦୧୯ ମସିହାରେ କତାର ରଜଧାନୀ ଦୋହାରେ ୨୫.୨୭୫ ମିଟର ସଡକର ନିର୍ମାଣ ହୋଇଥିଲା। ଏହି କାମ ଶେଷ କରିବାକୁ ୧୦ ଦିନ ସମୟ ଲାଗିଥିଲା। ଏବେ ଭାରତ ଏହି ରେକର୍ଡ ଭାଂଗିଥିବାର ଜଣାପଡିଛି l ଏହି ଗୁରୁତ୍ୱପୁର୍ଣ ପୂର୍ବ କରିଡର କୋଲକାତା, ରାୟପୁର, ନାଗପୁର, ସୁରଟ ଭଳି ପ୍ରମୁଖ ସହରକୁ ଯୋଡ଼ିଥାଏ l
![](https://naxatranews.com/wp-content/uploads/2022/06/nhai-1642597886.jpg)
ଏହି ରେକର୍ଡ ପରେ କେବଳ NHAI ନୁହଁ ମନ୍ତ୍ରୀ ନିତିନ ଗଡ଼କରୀ ମଧ୍ୟ ଚର୍ଚ୍ଚାରେ ଯିଏକି ମୋଦୀ ସରକାରଙ୍କ ଜଣେ ବରିଷ୍ଠ ମନ୍ତ୍ରୀ ଓ ସର୍ବଦା ପାର୍ଟି ଲାଇନରେ ତଥା ସାଧାରଣ ଜନତାଙ୍କ ସହ ତାଙ୍କର ବ୍ୟାପକ କାର୍ଯ୍ୟ ପାଇଁ ପ୍ରଶଂସିତ ହୋଇଛନ୍ତି। ତାଙ୍କର ସଡ଼କ ଏବଂ ଜଳପଥ ଦ୍ୱାରା ପରିବହନ କ୍ଷେତ୍ରର ରୂପାନ୍ତର ଆଶ୍ଚର୍ଯ୍ୟଜନକ | ତାଙ୍କ କାର୍ଯ୍ୟର ସର୍ବୋତ୍ତମ ଦିଗ ହେଉଛି ସେ ବିଶ୍ୱ ରେ ବ୍ୟବହୃତ ବିଭିନ୍ନ ଅଭିନବ ଧାରଣା ଅଧ୍ୟୟନ କରି ଏହାକୁ ସମଗ୍ର ଦେଶରେ ପ୍ରୟୋଗ କରିବାକୁ ଚେଷ୍ଟା କରିବାରେ ବିଶ୍ୱାସ କରନ୍ତି | ଗତ 7 ବର୍ଷ ମଧ୍ୟରେ, ଜାତୀୟ ରାଜପଥର ଦୂରତା 50% ବୃଦ୍ଧି ପାଇ 91,287 କିଲୋମିଟରରୁ 1,37,625 କିଲୋମିଟର ତିଆରି କରି ସେ ପ୍ରସଂଶିତ ହୋଇଥିଲେ |
![](https://naxatranews.com/wp-content/uploads/2022/06/Gadkari-1-1024x569.jpg)
ଭାରତମାଲା ଯୋଜନା ଅଧୀନରେ ସମୁଦାୟ 65,000 କିଲୋମିଟରରୁ ଅଧିକ ଜାତୀୟ ରାଜପଥ ନିର୍ମାଣ କରାଯାଉଛି, ଯାହାକି ନୂତନ ତଥା ବିଦ୍ୟମାନ ଜାତୀୟ ରାଜପଥଗୁଡିକର ଏକ ବିସ୍ତୃତ ନେଟୱାର୍କକୁ ଦର୍ଶାଉଛି | ଭାରତମାଲା ପ୍ରକଳ୍ପ ହେଉଛି ଭାରତର ଦ୍ୱିତୀୟ ବୃହତ୍ତମ ରାଜପଥ ନିର୍ମାଣ ପ୍ରକଳ୍ପ, ବିଶେଷକରି ଆର୍ଥନୀତିକ କରିଡର, ସୀମାନ୍ତବର୍ତ୍ତୀ ଅଞ୍ଚଳ ତଥା ଦୂରଦୂରାନ୍ତରେ ସଂଯୋଗକୁ ସୁଦୃଢ କରିବାର ଲକ୍ଷ୍ୟ ରଖିଛି | ଆଜି ପର୍ଯ୍ୟନ୍ତ ପ୍ରାୟ 40,000 କିଲୋମିଟର ନୂତନ ସଡ଼କକୁ ଜାତୀୟ ରାଜପଥ ଭାବରେ ନାମିତ କରାଯାଇଛି |
- ଅଭିଷେକ ପୁରୋହିତଙ୍କ ରିପୋର୍ଟ