ମୋବାଇଲ ଚାରଜିଙ୍ଗ ବେଳେ ବିଦ୍ୟୁତ ସଂସ୍ପର୍ଶରେ ଆସି ଚାଲିଗଲା ଯୁବକଙ୍କ ଜୀବନ । ପୁରୁଣାକଟକ ମେଡ଼ିକାଲରେ ମୃତ ଘୋଷଣା କଲେ ଡାକ୍ତର । ଏଭଳି ଅଭାବନୀୟ ଘଟଣା ଘଟିଛି କୃଷ୍ଣପାଲି ଗ୍ରାମରେ ।ମୃତକ ହେଲେ ସେହିଗ୍ରାମର ୨୫ ବର୍ଷୀୟ ଯୁବକ ବିପିନ ବିଶି । ସୂଚନା ଅନୁଯାୟୀ ବୌଦ୍ଧ ଜିଲ୍ଲା ପୁରୁଣାକଟକ ଥାନା ତିଲେଶ୍ୱର ପଞ୍ଚାୟତ କୃଷ୍ଣପାଲି ଗ୍ରାମର ବିପିନ ପ୍ରଧାନ ଏକ ଟ୍ୟାକ୍ସି ଗାଡି ଚଳାଇ ନିଜର ପରିବାର ଚଳାଇଥିଲେ । ସବୁଦିନ ଭଳି ଆଜି ମଧ୍ୟ ସକାଳୁ ଉଠି ମୋବାଇଲ ଚାରଜିଙ୍ଗ କରିବାକୁ ଇଲେକ୍ଟ୍ରିକ ବୋର୍ଡରେ ଚାର୍ଜର ପ୍ଲଗ ଲଗାଉଥିବା ବେଳେ ଅସବଧାନତା ବଶତଃ ବିଦ୍ୟୁତ ସଂସ୍ପର୍ଶରେ ଆସି ଝଟକା ଖାଇବା ସହ ଉକ୍ତ ବୋର୍ଡ ଟି ଖସି ତାଙ୍କ ଦେହରେ ପଡିଥିଲା । ଫଳରେ ସମ୍ପୂର୍ଣ୍ଣ ବିଦ୍ୟୁତ ତାଙ୍କ ଦେହସାରା ଲାଗିଯାଇ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା ।
ପରିବାର ଲୋକେ ତାଙ୍କୁ ଅଚେତ ଅବସ୍ଥାରେ ପୁରୁଣାକଟକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିବା ବେଳେ ସେଠାରେ ତାଙ୍କୁ ମୃତ ଘୋଷଣା କରିଛନ୍ତି ଡାକ୍ତର । ଖବର ପାଇ ପୁରୁଣାକଟକ ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ବୌଦ୍ଧ ପଠାଇବା ସହ ଘଟଣାର ଅଧିକ ତଦନ୍ତ ଚଳାଇଛି ।
Naxatra News is now on Whatsapp
Join and get latest news update delivered to you via whatsapp
Join Now
