ଇତିହାସ ରଚିଲେ ଭାରତୀୟ ପାରା ଆଥଲେଟ୍ ମହେନ୍ଦ୍ର ଗୁର୍ଜର। ସ୍ୱିଜରଲ୍ୟାଣ୍ଡରେ ନଟୱିଲ୍ ବିଶ୍ୱ ପାରା ଆଥଲେଟିକ୍ସ ଗ୍ରାଣ୍ଡ ପ୍ରି 2025 ରେ ଜାଭେଲିନ୍ ଥ୍ରୋ F42 ଶ୍ରେଣୀରେ ନୂତନ ବିଶ୍ୱ ରେକର୍ଡ ସୃଷ୍ଟି କରିଛନ୍ତି। ମହେନ୍ଦ୍ର ନିଜର ତୃତୀୟ ଚେଷ୍ଟାରେ ୬୧.୧୭ ମିଟର ଦୂରତାକୁ ଜାଭେଲିନ ଥ୍ରୋ କରିଥିଲେ। ସେ ୨୦୨୨ ମସିହାରେ ବ୍ରାଜିଲର ବର୍ଟୋ ଫ୍ଲୋରିଆନି ଏଡେନିଲସନଙ୍କ ୫୯.୧୯ ମିଟର ପୂର୍ବ ରେକର୍ଡକୁ ଭାଙ୍ଗିଦେଲେ। ଏହି ଅସାଧାରଣ କାର୍ଯ୍ୟଦକ୍ଷତା ପାଇଁ ତାଙ୍କୁ ସ୍ୱର୍ଣ୍ଣପଦକ ମିଳିଛି। କେବଳ ଏକ ଇଭେଣ୍ଟରେ ନୁହେଁ, ତାଙ୍କର ଏହା ଦ୍ୱିତୀୟ ସ୍ୱର୍ଣ୍ଣ ପଦକ ଥିଲା। ଏହାପୂର୍ବରୁ ମଧ୍ୟ ସେ T42 ଶ୍ରେଣୀର ଲଙ୍ଗ ଜମ୍ପ୍ ଇଭେଣ୍ଟରେ ମଧ୍ୟ ସୁନା ପଦକ ଜିତିଛନ୍ତି।ମହେନ୍ଦ୍ରଙ୍କ ଏହି ସଫଳତା କେବଳ ତାଙ୍କର ବ୍ୟକ୍ତିଗତ ଉପଲବ୍ଧି ନୁହେଁ, ଏହା ଭାରତର ପାରା ଖେଳାଳିମାନଙ୍କର ଆନ୍ତର୍ଜାତୀୟ ମଞ୍ଚରେ ଦୃଢ଼ ସ୍ଥାନ ପ୍ରତିଷ୍ଠା କରିଛି।ଭାରତ ପାରା ଆଥଲେଟିକ୍ସରେ ଏକ ନୂତନ ଅଧ୍ୟାୟ ଆରମ୍ଭ ହେଉଛି। ଏହି ବର୍ଷ ଭାରତୀୟ ପାରା ଖେଳାଳିମାନେ ବିଭିନ୍ନ ବିଶ୍ୱ ଏବଂ ଏସିଆନ୍ ରେକର୍ଡ ଭାଙ୍ଗି ଦେଶର ଗର୍ବ ବଢ଼ାଇଛନ୍ତି। ମହେନ୍ଦ୍ରଙ୍କ ଏହି ବିଶ୍ୱ ରେକର୍ଡ ଏହି ଯାତ୍ରାରେ ଏକ ମାଇଲଷ୍ଟୋନ୍ ଅଟେ। ଏଭଳି ସଫଳତା ପରେ ମହେନ୍ଦ୍ର କହିଛନ୍ତି, “ଏହି ମୁହୂର୍ତ୍ତ ମୋ ପାଇଁ ସ୍ୱପ୍ନ ପୂରଣ ଭଳି। ମୁଁ ଏହି ବିଶ୍ୱ ରେକର୍ଡ ମୋ ଦେଶ, ମୋ ପରିବାର ଓ ସମସ୍ତ ପ୍ରଶିକ୍ଷକଙ୍କୁ ସମର୍ପଣ କରୁଛି।”
।
ସମ୍ପାଦନା ଟୀପ୍ପଣୀ: ମହେନ୍ଦ୍ର ଗୁର୍ଜରଙ୍କ ଏହି ଅପୂର୍ବ ସଫଳତା ଦେଶର ପାରା ଆଥଲେଟିକ୍ ଇତିହାସରେ ଏକ ଅମିଟ ଛାପ ଛାଡ଼ିଛି। ଆଶା କରାଯାଉଛି ଯେ ସେ ଭବିଷ୍ୟତରେ ଓଲିମ୍ପିକ୍ସ ଓ ଅନ୍ୟାନ୍ୟ ବୃହତ ମଞ୍ଚରେ ମଧ୍ୟ ଏଭଳି ଅନେକ ରେକର୍ଡ ସ୍ଥାପିତ କରିବେ।
Naxatra News is now on Whatsapp
Join and get latest news update delivered to you via whatsapp
Join Now
