aadhar

  • ଆଧାରକାର୍ଡ ସହ ମୋବାଇଲ ନମ୍ବର ଲିଙ୍କ କେବଳ ଦୁଇ ମିନିଟରେ

    ନୂଆଦିଲ୍ଲୀ: ଆଧାରକାର୍ଡ ମୁଖ୍ୟତଃ ପରିଚୟ ପତ୍ରର ଏକ ଜରୁରୀ ଦସ୍ତାବିଜ । ସରକାର ଏହାକୁ ଅପଡେଟ କରିବା ପାଇଁ ମଧ୍ୟ ନୂଆ ନୂଆ ମାଧ୍ୟମ ଆପଣାଉଛନ୍ତି । କେତେବେଳେ ଆଧାର ସହ ମୋବାଇଲ ନମ୍ବର ଲିଙ୍କକୁ ନେଇ ତ ଆଉ କେତେବେଳେ ଏଥିରେ ପ୍ୟାନକାର୍ଡ ଲିଙ୍କ କଥା କହୁଛନ୍ତି । କେବଳ ଦୁଇ ମିନିଟରେ କିପରି  କରିପାରିବେ ଆଧାରକାର୍ଡ ସହ ମୋବାଇଲ ନମ୍ବର ଲିଙ୍କ ।

    କେମିତି କରିବେ ଆଧାର ସହ ମୋବାଇଲ ନମ୍ବର ଲିଙ୍କ

    ଆଧାରକାର୍ଡ ସହ ମୋବାଇଲ ନମ୍ବର ଲିଙ୍କ କରିବା ଏବେ ଗୁରୁତ୍ବପୁର୍ଣ୍ଣ ହୋଇଗଲାଣି। କାରଣ ଏହା ବ୍ୟାଙ୍କରେ କିମ୍ବା ଆଲଗା କ୍ଷେତ୍ରରେ କେ ୱାଇ ସି ପ୍ରକ୍ରିୟାରେ ଭେରିଫିକେସନ ପାଇଁ ସହଯୋଗ କରିଥାଏ । ତେବେ ଆଧାର ସହ ମୋବାଇଲ ନମ୍ବର ଲିଙ୍କ କରିବା ପାଇଁ ମୋବାଇଲରେ କିଛି ଷ୍ଟେପ ରହିଛି। ଆସନ୍ତୁ ଜାଣିବା ସେହି ସମ୍ପର୍କରେ।

    • ପ୍ରଥମେ ଆପଣଙ୍କୁ UIDAI ୱେବସାଇଟ (https://uidai.gov.in) ରେ ଲଗଇିନ କରିବାକୁ ପଡିବ ।
    • ଲଗଇିନ ହେବାପରେ ପେଜରେ ନିଜର ଭାଷା ଚୟନ କରିବାକୁ ପଡିବ ।
    • ପରବର୍ତ୍ତୀ ପେଜରେ ଆଧାର ସର୍ଭିସ ଅପସନରେ ଭେରିଫାଏ ଆଧାର ଅପସନରେ କ୍ଲିକ କରିବାକୁ ହେବ ।
    • ଅପସନ ଆସିଲେ ସେଠାରେ ନିଜ ଆଧାର ନମ୍ବର ଓ ସିକ୍ରେଟ କୋଡ ଦେଲା ପରେ ପ୍ରୋସେସ ଅପସନରେ କ୍ଲିକ କରିବାକୁ ପଡିବ ।
    • ଏବେ Go to dashboard ଅପସନରେ କ୍ଲିକ କଲାପରେ ମାଗିଥିବା ଡକ୍ୟୁମେଣ୍ଟ ଦେବାକୁ ପଡିଥାଏ
    • ପରେ  Locate enrollment center ଅପସନରେ କ୍ଲିକ କରିବାକୁ ହେବ ।
    • ଏବେ ଏଠାରେ ଦେଖାଯାଉଥିବା ସେଣ୍ଟରରେ ଯାଇ ଫର୍ମ ଭରି ଆଧାରକାର୍ଡ ସହ ମୋବାଇଲ ନମ୍ବର ଲିଙ୍କ କରିବାକୁ ହେବ  । ଏଠାରେ ଆପଣଙ୍କୁ ବାୟୋମ୍ୟାଟ୍ରିକ ପ୍ରକ୍ରିୟାରେ ଲିଙ୍କ କରିବାକୁ ପଡିଥାଏ ।

    ଲିଙ୍କ ହୋଇଥିବା ମୋବାଇଲ ନମ୍ବରକୁ କିପରି ବଦଳେଇ ପାରିବେ

    • ଏଥିପାଇଁ ଆପାଣଙ୍କୁ ପ୍ରଥମେ UIDAI ୱେବସାଇଟ (https://uidai.gov.in) ରେ ଲଗଇିନ କରିବାକୁ ହେବ ।
    • ଲଗଇିନ ହେବାପରେ ଉପରୋକ୍ତ ପେଜରେ ନିଜର ଭାଷା ଚୟନ କରିବେ ।
    • ପରବର୍ତ୍ତୀ ପେଜରେ ଆଧାର ସର୍ଭିସ ଅପସନରେ ଭେରିଫାଏ ଆଧାର ଅପସନରେ କ୍ଲିକ କରିବାକୁ ହେବ  ।
    • ସେଠାରେ ନିଜ ଆଧାର ନମ୍ବର ଓ ସିକ୍ରେଟ କୋଡ ଦେଲା ପରେ ପ୍ରୋସେସ ଅପସନରେ କ୍ଲିକ କରିବାକୁ ପଡିବ ।
    • ପରେ ଆପଣଙ୍କୁ Proceed and Verify Aadhaar ଅପସନରେ କ୍ଲିକ କରିବାକୁ ହେବ ।
    • ଏହାପରେ Go to dashboard ଅପସନରେ କ୍ଲିକ କରି Book an Appointment ଅପସନରେ କ୍ଲିକ କରିବେ ।
    • ସେହିଠାରେ ଆପଣଙ୍କୁ ଦରକାରୀ ତଥ୍ୟ ଦେଇସାରିବା ପରେ । ନିଜର ନିକଟତମ ସେଣ୍ଟରକୁ ବାଛିବାକୁ ପଡିଥାଏ ।
    • ମୋବାଇଲ ନମ୍ବର ଆଉ ସିକ୍ରେଟ କୋଡ ଦେଲା ପରେ Generate OTP ରେ କ୍ଲିକ କରିବାକୁ ପଡିବ ।
    • ପରେ “Select fields to be update”ରେ ନ୍ୟୁ ମୋବାଇଲ ନମ୍ବର ଅପସନରେ କ୍ଲିକ କରିବାକୁ ପଡିଥାଏ ।
    • ପରବର୍ତ୍ତୀ ପେଜରେ ନିକଟତର ଆଧାର କେନ୍ଦ୍ରକୁ କେଉଁଦିନ ଯିବେ ଆଉ କେତେ ଟାଇମ ରେ ଯିବେ ତାହାର ଡିଟେଲ୍ସ ଭରିବାକୁ ପଡିଥାଏ  ।
    • ପରେ Appointment Confirmation ଅପସନରେ କ୍ଲିକ କରି ଉପରୋକ୍ତ ତଥ୍ୟ ଠିକ ଥିଲେ Submit କରିବାକୁ ହେବ ।
    • ଏବେ ପରବର୍ତ୍ତୀ ପେଜରେ ନମ୍ବର ଅପଡେଟ ପାଇଁ ଆପଣଙ୍କୁ 50 ଟଙ୍କା ଦେବାକୁ ପଡିବ ।
    • ଶେଷରେ ନିର୍ଦ୍ଧାରିତ ଦିନରେ ଆଧାର କେନ୍ଦ୍ରକୁ ଯାଇ ନିଜର ମୋବାଇଲ ନମ୍ବର ଅପଡେଟ କରିପାରିବେ ଏବଂ ଏହାର ପି ଡି ଏଫ ମଧ୍ୟ ଡାଉନଲୋର୍ଡ କରିପାରିବେ ।
  • ମାଟିତଳୁ ହଜାର ହଜାର ଆଧାର କାର୍ଡ ଉଦ୍ଧାର

    ଗଜପତି: ଜନସାଧାରଣଙ୍କ ଅତ୍ୟାବଶ୍ୟକୀୟ ସୁବିଧା ପାଇଁ ସର୍ବସାଧାରଣଙ୍କୁ ଆଧାର କାର୍ଡ ବାଧ୍ୟତାମୂଳକ କରିଛନ୍ତି କେନ୍ଦ୍ର ସରକାର। ଏଥିପାଇଁ ପ୍ରସ୍ତୁତ ହେଉଥିବା ଆଧାର କାର୍ଡକୁ ଲୋକଙ୍କ ଘରେ ଘରେ ପହଞ୍ଚାଇବା ପାଇଁ ଡାକ ବିଭାଗର ସମ୍ପୂର୍ଣ୍ଣ ଦାୟିତ୍ୱ ରହିଛି। ହେଲେ ବିଭାଗୀୟ ସବପୋଷ୍ଟମାଷ୍ଟରଙ୍କ ଦାୟିତ୍ୱ ହୀନତା ଓ ଖାମଖିଆଲି ନିତି ଯୋଗୁଁ ଏବେ ମାଟି ତଳୁ ଉଦ୍ଧାର ହେଉଛି ହଜାର ହଜାର ଆଧାର କାର୍ଡ। ଗଜପତି ଜିଲ୍ଲାରୁ ଦେଖିବା ଏହି ରିପୋର୍ଟ ।

    ଗଜପତି ଜିଲ୍ଲା ମୋହନା ବ୍ଳକ ଜିରାଙ୍ଗ ପଞ୍ଚାୟତ ଡରାବ ଗାଁରେ ମାଟି ତଳୁ ଉଦ୍ଧାର ହୋଇଛି ହଜାର ହଜାର ଆଧାର କାର୍ଡ। ଖବର ପାଇ ମାଟି କାଦୁଅରେ ନିଜ ନିଜ ପରିଚୟ ପତ୍ର ଖୋଜୁଛନ୍ତି ଗ୍ରାମବାସୀ। ତେବେ କେତେକ ଆଧାର କାର୍ଡ ଟୁକୁରା ଟୁକୁରା ହୋଇପଡିଛି ତ କିଛି ସମ୍ପୁର୍ଣ୍ଣ ନଷ୍ଟ ହୋଇ ସାରିଛି । ଦୀର୍ଘ ବର୍ଷ ଧରି ଆଧାର କାର୍ଡ ପାଇଁ ଆବେଦନ କରିଥିବା ଗ୍ରାମବାସୀ ଅଧିକ ଖର୍ଚ୍ଚାନ୍ତ ହୋଇ ଅନଲାଇନ ରୁ ଆଧାର କାର୍ଡ ସଂଗ୍ରହ କରିବା ପାଇଁ ହଇରାଣ ହରକତ ହେଉଥିବା ବେଳେ ଏବେ ଏପରି ଘଟଣା ସ୍ଥାନୀୟ ଅଞ୍ଚଳରେ ଅସନ୍ତୋଷ ସୃଷ୍ଟି କରିଛି।

Back to top button