AFGANISTAN

  • ଆଫଗାନିସ୍ତାନରେ ପୁଣି ଆତ୍ମଘାତି ବିସ୍ଫୋରଣ

    କାବୁଲ: ଆଫଗାନିସ୍ତାନ ରାଜଧାନୀ କାବୁଲର ଆତ୍ମଘାତି ବିସ୍ଫୋରଣ। କାବୁଲର ଏକ ଶିକ୍ଷା କେନ୍ଦ୍ରରରେ ବଡ ଧରଣର ବିସ୍ଫୋରଣ ଘଟିଛି। ଏହି ଆତ୍ମଘାତୀ ବିସ୍ଫୋରଣରେ ୧୯ ଜଣଙ୍କ ମୃତ୍ୟୁ ହୋଇଥିବା ବେଳେ ୨୭ ଜଣ ଗୁରତର ଥିବା କାବୁଲ ପୋଲିସ ସୂଚନା ଦେଇଛି।

    ଆତଙ୍କବାଦୀଙ୍କ ଟାର୍ଗେଟରେ ତାଲିବାନ ସରକାର। ପୁଣି ଆଫଗାନିସ୍ତାନ କାବୁଲରେ ଆତ୍ମଘାତି ବିସ୍ଫୋରଣ। ଏଥର କାବୁଲରେ ଥିବା ଏକ ଶିକ୍ଷାନୁଷ୍ଠାନ ଉପରେ ଆତ୍ମଘାତୀ ବିସ୍ଫୋରଣ ହୋଇଛି। ଶୁକ୍ରବାର ସକାଳ ସାଢେ ୭ଟା ସମୟରେ ଏହି ବିସ୍ଫୋରଣ ପଶ୍ଚିମ କାବୁଲର ଦଶାତୀ ବାରଚି ଅଞ୍ଚଳରେ ଥିବା ପିଡି ୧୩ର କାଜ୍‌ ଶିକ୍ଷାକେନ୍ଦ୍ରରେ ଘଟିଛି। ଏଥିରେ ୧୯ଜଣଙ୍କ ମୃତ୍ୟୁ ହୋଇଥିବା ବେଳେ ୨୭ ଜଣ ଗୁରୁତର ଆହାତ ହୋଇ ଆମ୍ୱୁଲାନ୍ସ ଯୋଗେ ହସ୍ପିଟାଲରେ ଭର୍ତ୍ତି ହୋଇଛନ୍ତି। କାବୁଲ ନିକଟରେ ଥିବା ଶିୟା ବହୁଳ ଅଞ୍ଚଳକୁ ଟାର୍ଗେଟ କରି ଏହି ଆତ୍ମଘାତୀ ବିସ୍ଫୋରଣ କରାଯାଇଛି। ଏହି ଅଞ୍ଚଳରେ ହେଉଛି ଏକ ଶିୟା-ମୁସଲିମ ପ୍ରାଧାନ୍ୟ ଅଞ୍ଚଳ। ଏଠାରେ ବହୁଳଅଞ୍ଚଳର ହଜାର ସମ୍ପ୍ରଦାୟ ବାସକରିଥାନ୍ତି। କାବୁଲ ପୋଲିସ ସୂଚନା ଅନୁଯାୟୀ, ଏହି ଶିକ୍ଷାଅନୁଷ୍ଠାରେ ଛାତ୍ରଛାତ୍ରୀମାନେ ବିଶ୍ୱବିଦ୍ୱଳୟରେ ହେବାକୁ ଥିବା ଏଣ୍ଟ୍ରେସ ପରୀକ୍ଷା ପାଇଁ କୋଚିଂ ନେଉଥିଲେ। ଏହି ସମୟରେ ଆତ୍ମଘାତି ଆକ୍ରମଣ ହୋଇଥିଲା। ଯେଉଁଥିରେ ଆକ୍ରମଣକାରୀ ନିଜେ ନିଜକୁ ଏହି ବିସ୍ଫୋରଣରେ ଉଡାଇ ଦେଇଥିଲା।

    Foreign troops with NATO-led Resolute Support Mission investigate at the site of a suicide attack in Kabul, Afghanistan September 5, 2019. REUTERS/Omar Sobhani

    ସେପଟେ ଏହି ଘଟଣା ସୂଚନା ପାଇବା ପରେ ତାଲିବାନ ସରକାର ତରଫରୁ ସେଠାରେ ବ୍ୟାପକ ବ୍ୟବସ୍ତା କରାଯିବା ସହ ଅନେକ ସୁରକ୍ଷା କର୍ମୀଙ୍କୁ ନିୟୋଜିତ କରାଯାଇଛି। ହେଲେ ଏହି ଆତ୍ମଘାତି ବିସ୍ଫୋରଣ କିଏ କରିଛି ତାନେଇ ଏପର୍ଯ୍ୟନ୍ତ କୌଣସି ତଥ୍ୟ ମିଳିପାରି ନଥିବା ସୂଚନା ଦେଇଛନ୍ତି ଜଣେ ତାଲିବାନୀ ଅଧିକାରୀ।  

    • ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ
  • ମସଜିଦରେ ବିସ୍ଫୋରଣ, 20 ମୃତ

    କାବୁଲ: ଆଫଗାନିସ୍ତାନର ହେରାନ୍ତ ପ୍ରଦେଶର ଏକ ମସଜିଦରେ ବିସ୍ଫୋରଣ। ଶୁକ୍ରବାର ଦିନ ଗୁଜରଗାହ ମସଜିଦରେ ଏହି ବିସ୍ଫୋରଣ ଘଟିଛି। ଏହି ଘଟଣାରେ 20ଜଣଙ୍କ ମୃତ୍ୟୁ ହୋଇଥିବା ବେଳେ ପ୍ରାୟ 200ରୁ ଅଧିକ ଲୋକ ଆହାତ ହୋଇଛନ୍ତି।

    ଏକ ରିପୋର୍ଟ ଅନୁଯାୟୀ, ଏହି ବିସ୍ଫୋରଣ ମସଜିଦରେ ଜୁମା ନମାଜ ପଢାସରିବା ପରେ ହୋଇଥିଲା। ତେବେ ମସଜିଦରେ ହୋଇଥିବା ଏହି ବର୍ବରତା ଆକ୍ରମଣରେ ଦେଶର ସବୁଠାରୁ ଶକ୍ତିଶାଳୀ ତଥା ସାହାସୀ ଧାର୍ମିକ ଗୁରୁ ମୌଲବୀ ମୁଜୀବ ଏବଂ ରହମାନ ଅଂସାରୀଙ୍କୁ ହତ୍ୟା କରାଯାଇଛି। ଏହି ଜଘନ୍ୟ ହତ୍ୟାକାଣ୍ଡ ଘଟାଇଥିବା ଅପରାଧିଙ୍କୁ କେବେବି ରକ୍ଷା ମିଳିବ ନାହିଁ ବୋଲି ତାଲିୱାନର ଜଣେ ମୁଖ୍ୟପାତ୍ର କହିଛନ୍ତି।

    • ଶୁଭଲକ୍ଷ୍ମୀ ସାହିଙ୍କ ରିପୋର୍ଟ
  • ଆଫଗାନିସ୍ତାନରେ ଥମୁନି ବିସ୍ଫୋରଣ

    କାବୁଲ: ଆଫଗାନିସ୍ତାନର ରାଜଧାନୀ କାବୁଲସ୍ଥିତ ଏକ ମସ୍‌ଜିଦ ନିକଟରେ ବୋମା ବିସ୍ଫୋରଣ ହୋଇ ୮ ଜଣଙ୍କ ମୃତ୍ୟୁ ହୋଇଥିବା ବେଳେ ୧୮ ଜଣ ଆହତ ହୋଇଛନ୍ତି। ମସ୍‌ଜିଦ ନିକଟରେ ଠିଆହୋଇଥିବା ଏକ କାରରେ ବିସ୍ଫୋରଣ ହୋଇଥିଲା। ଏହି ବିସ୍ଫୋରଣ ପାଇଁ ଆଇଏସ ନିଜକୁ ଦାୟୀ କରିଛି। ଆଫଗାନିସ୍ତାନରେ ଏହି ଆତଙ୍କବାଦୀ ସଂଗଠନ ସକ୍ରିୟ ରହିଆସୁଛି। ସେହି ପରି ବିସ୍ଫୋରଣ ଘଟଣା ଘଟି ଚାଲିଛି।

    କାବୁଲ ପୁଲିସ ଅନୁଯାୟୀ ତାଲିବାନ ଦ୍ବାରା ନିଯୁକ୍ତ ପ୍ରବକ୍ତା ଖାଲିଦ ଜାଦରାନଙ୍କ ଅନୁଯାୟୀ, କାବୁଲର ଶିୟା ବହୁଳ ସରେ କରିଜ କ୍ଷେତ୍ରରେ ଏହି ବିସ୍ଫୋରଣ ହୋଇଥିଲା। ବିସ୍ଫୋରଣ ପରେ ପ୍ରାରମ୍ଭିକ ରିପୋର୍ଟରେ ୨ ଜଣଙ୍କ ମୃତ୍ୟୁ ନେଇ ସୂଚନା ମିଳିଥିଲା, କିନ୍ତୁ ଗୁରୁତର ଆହତଙ୍କ ମଧ୍ୟରୁ ଆଉ ୬ ଜଣଙ୍କର ମୃତ୍ୟୁ ହୋଇଥିଲା।

    ସାର୍ବଜନୀନ ସ୍ଥାନରେ ହୋଇଥିବା ବିସ୍ଫୋରଣକୁ ନେଇ ଦେଶର ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି। ଜୁଲାଇ ୩୦ରେ କାବୁଲର ଏକ କ୍ରିକେଟ ମ୍ୟାଚ ସମୟରେ ଏକ ବିସ୍ଫୋରଣ ହୋଇଥିଲା। ତେବେ ଏହା ଏକ ଆତ୍ମଘାତୀ ବିସ୍ଫୋରଣ ଥିଲା। ଏହାକୁ ନେଇ ଷ୍ଟାଡିୟମ ଭିତରେ ଧାଁ ଦୌଡ ଆରମ୍ଭ ହୋଇଯାଇଥିଲା। ଦୁଇ ପକ୍ଷର ଖେଳାଳିଙ୍କୁ ତୁରନ୍ତ ବଙ୍କର ଭିତର ଦେଇ ସୁରକ୍ଷିତ ସ୍ଥାନକୁ ନିଆଯାଇଥିଲା। ଏହି ବିସ୍ଫୋରଣରେ କିଛି ଲୋକଙ୍କର ମୃତ୍ୟୁ ହେବା ସହ କିଛି ଲୋକ ଆହତ ହୋଇଥିଲେ।

    ସେହିପରି ଜୁନ ୧୨ ତାରିଖରେ ମଧ୍ୟ  କୁନାରରେ ଏକ ବିସ୍ଫୋରଣ ହୋଇଥିଲା। ଏଥିରେ ଜଣେ ତାଲିବାନୀ ସଦସ୍ୟଙ୍କ ମୃତ୍ୟୁ ହୋଇଯାଇଥିଲା। ବହୁ ଲୋକ ମଧ୍ୟ ଆହତ ହୋଇଥିଲେ। କୁନାରର କେନ୍ଦ୍ର ଅସଦାବାଦ ସହରରେ ତାଲିବାନୀ ସୁରକ୍ଷା ବଳଙ୍କ ବାହନ ଯାଉଥିବା ବେଳେ ଲ୍ୟାଣ୍ଡ ମାଇନ ସଂସ୍ପର୍ଶରେ ଆସି ଏହି ବିସ୍ଫୋରଣ ହୋଇଥିଲା। ଏହା ପୂର୍ବରୁ ସ୍ପିନ ବୋଲ୍ଡକ ଜିଲ୍ଲାରେ ହୋଇଥିବା ଏକ ବିସ୍ଫୋରଣରେ ୫ ଜଣ ତାଲିବାନୀଙ୍କ ସହ ଏକ ନାଗରିକଙ୍କ ମୃତ୍ୟୁ ହୋଇଥିଲା। ଏହା ଏକ ଆଇଇଡି ବିସ୍ଫୋରଣ ଥିଲା।

    ୨୦୧୪ରୁ କାବୁଲର ପଶ୍ଚିମ ପ୍ରାନ୍ତର ସର ଏ କରିଜରେ ଶୁକ୍ରବାର ହୋଇଥିବା ବିସ୍ଫୋରଣରେ ୮ ଜଣଙ୍କ ମୃତ୍ୟୁ ହୋଇଛି, ଯେଉଁଥିରେ ୧୮ ଜଣ ଆହତ ହୋଇଛନ୍ତି। ମୁଖ୍ୟତଃ ରାସ୍ତାଚଲା ଲୋକଙ୍କୁ ଲକ୍ଷ୍ୟ କରି ରାସ୍ତାକଡରେ ଏକ ଠେଲା ଗାଡିରେ ରଖା ଯାଇଥିଲା। ଏହି ବିସ୍ଫୋରଣ ଆଇଏସ ଦ୍ବାରା ହୋଇଥିବା ବେଳେ ବହୁଲୋକ ଆହତ ହୋଇଥିଲେ। ୨୦୧୪ରୁ ଆଫଗାନିସ୍ତାନର ସୁରକ୍ଷା ପ୍ରତି ଆଇଏସ ଏକ ଗମ୍ଭୀର ଚ୍ୟାଲେଞ୍ଜ ହୋଇ ଠିଆହୋଇଛି।

Back to top button